Friday, August 28, 2015
ឯកឧត្តម ប៉ាល់ ចន្ទតារា បាននាំយកកញ្ចប់ឃីត សាខាកាកបាទក្រហមកម្ពុជា ខេត្តតាកែវទៅជូនដល់ស្ត្រីទើបឆ្លងទន្លេ៤នាក់
ឯកឧត្តម ប៉ាល់ ចន្ទតារា ទីប្រឹក្សារាជរដ្ឋាភិបាល និងប្រធានក្រុមការងារថ្នាក់ជាតិ ចុះជួយឃុំកំណប់ ស្រុកគីរីវង់ ខេត្តតាកែវ និងឯកឧត្តម ចៅ សេរី អនុប្រធាន ដោយមានការចូលរួម ពីយុវជនកាកបាទក្រហមស្រុក យុវជនកាយរិទ្ធិស្រុក និងមន្រ្តីក្រុមប្រឹក្សាឃុំកំណប់ បានពាំនាំកញ្ចប់ឃីត ដែលជាអំណោយរបស់សាខាកាកបាទក្រហមកម្ពុជា ខេត្តតាកែវ តាមរយៈការអំពាវនាវរបស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមការងារថ្នាក់ជាតិចុះមូលដ្ឋាន ខេត្តតាកែវ ដើម្បីសួរសុខទុកដល់ស្រ្តីបួននាក់ ដែលទើបនឹងឆ្លងទន្លេរួច។
ក្នុងឱកាសនោះដែរ ឯកឧត្តម ប៉ាល់ ចន្ទតារា ក៏បានគួចចំនងដៃដល់ចៅៗ ទើបនឹងកើតក្នុងម្នាក់ 100.000 រៀល ដោយភ្ជាប់នូវសំបុត្រកំណើតផងដែរ។
នេះជាលើកទីពីរហើយ ដែលក្រុមការងារថ្នាក់ជាតិ ដឹកនាំប្រតិភូសួរសុខទុកស្រ្តីឆ្លងទន្លេ នៅឃុំកំណប់ ដែលម្នាក់ៗ ក្រៅពីកញ្ចប់ឃីតសុទ្ឋតែបានថវិកាជាចំណងដៃ 100.000 រៀល និងសំបុត្រកំណើតដូចគ្នាៗ។
បន្ទាប់ពីបានសួរសុខទុក្ខ ស្រ្តីឆ្លងទន្លេហើយ ឯកឧត្តម ប៉ាល់ ចន្ទតារា បានទៅពិនិត្យការដ្ឋានសាងសង់ សាលាធម្មសភា ដែលកំពុងសាងសង់បាន ៤០ភាគរយ ដែលឯកឧត្តម និងគ្រួសារទើបនឹងសាងសង់បាល័ង្ល និងជាវព្រះពុទ្ឋរូប មកតម្កល់រួចនាពេលថ្មីៗនេះ៕
បណ្ឌិត សុខ ទូច ស្នើឲ្យ ឯកឧត្តម អ៊ុំ សំអាន ផ្តល់ផែនទី ដែលរកបានពីអាមេរិកដើម្បីធ្វើការផ្ទៀងផ្ទាត់
យោងតាមលិខិតរបស់លោកបណ្ឌិត សុខ ទូច ប្រធានក្រុមស្រាវជ្រាវផែនទី នៃរាជបណ្ឌិត្យសភាកម្ពុជា ចុះថ្ងៃទី ២៧ ខែសីហា ឆ្នាំ២០១៥ ផ្ញើជូនឯកឧត្តម អ៊ុំ សំអាន តំណាងរាស្រ្តមណ្ឌលសៀមរាប របស់គណបក្សសង្គ្រោះជាតិ បានបញ្ជាក់ថា បន្ទាប់ពីបានទទួលដំណឹងថា ឯកឧត្តម អ៊ុំ សំអាន ទទួលបានផែនទីព្រំដែនប្រទេសកម្ពុជាជាមួយប្រទេសវៀតណាម ពីបណ្ណាល័យសភា សហរដ្ឋអាមេរិក ដូច្នេះក្រុមស្រាវជ្រាវនៃរាជបណ្ឌិត្យសភាកម្ពុជាស្នើសុំផែនទីដែលឯកឧត្តម អ៊ុំ សំអាន មានយកមកធ្វើការផ្ទៀងផ្ទាត់ជាមួយផែនទីដែលរាជបណ្ឌិត្យសភាទទួលបានពីប្រភពនានា។
នៅក្នុងលិខិតរបស់ លោកបណ្ឌិត សុខ ទូច បានឲ្យដឹងថា តាមរយៈគណនីហ្វេសប៊ុក របស់ ឯកឧត្តម អ៊ុំ សំអាន បង្ហាញថា ឯកឧត្តមបានទៅរកផែនទី នៅបណ្ណាល័យសភា សហរដ្ឋអាមេរិក នៅWashington DC ហើយបានរកឃើញ និងទទួលផែនទីបោន របស់កម្ពុជាចំនួន ២៦ផ្ទាំង ទាំងផែនទីDigital និងផែនទីក្រដាស ហើយឯកឧត្តម អ៊ុំ សំអាន បានអះអាងថា ផែនទីទាំងនោះ គឺជាផែនទីដែលសម្តេចព្រះបរមកោដ្ឋ នរោត្តម សីហនុ បានយកទៅសុំឲ្យសហរដ្ឋអាមេរិកទទួលស្គាល់ខ្សែព្រំដែនកម្ពុជា នៅថ្ងៃទី ០២ ខែមេសា ឆ្នាំ១៩៦៤។
ការស្នើសុំឲ្យ ឯកឧត្តម អ៊ុំ សំអាន យកផែនទីដែលរកបានពីបណ្ណាល័យសភា សហរដ្ឋអាមេរិក មកផ្ទៀងផ្ទាត់នេះ ដើម្បីឯកភាពជាតិ និងអាយុជីវិតជាតិ និងដើម្បីដោះស្រាយ និងការពារព្រំដែនប្រទេសកម្ពុជាជាមួយប្រទេសជិតខាង។
គួរបញ្ជាក់ថា បច្ចុប្បន្ននេះ ផែនទីដែលក្រុមស្រាវជ្រាវផែនទី នៃរាជបណ្ឌិត្យសភាកម្ពុជាទទួលបានពីប្រភពនានាមានដូចជា៖ ១. ផែនទីផ្លូវការ ដែលប្រើប្រាស់ដោយរាជរដ្ឋាភិបាល ចំនួន ២៦ផ្ទាំង, ២. ផែនទីពីគណបក្សសង្គ្រោះជាតិ ចំនួន២៤ផ្ទាំង ៣. ផែនទីពីបណ្ណាល័យព្រឹទ្ធសភាសហរដ្ឋអាមេរិក ចំនួន ២៦ផ្ទាំង, ៤. ផែនទីពីអង្គការសហប្រជាជាតិ ចំនួន ១៨ផ្ទាំង, ៥. ផែនទីពីបណ្ណាល័យវិទ្យាស្ថានភូមិសាស្ត្រជាតិ(បារាំង) ចំនួន ២៦ផ្ទាំង៕
Subscribe to:
Posts (Atom)