សម្តេចតេជោ ហ៊ុន សែន៖ «ចងចាំមិនភ្លេចនូវអនុស្សាវរីយ៍ដ៏សែនកំសត់ នៅវិហារសួគ៌ ពេលបុណ្យកាន់បិណ្ឌ ភ្ជុំបិណ្ឌម្តងៗ»

(ភ្នំពេញ)៖ ត្បិតតែរំលងហួសជិត ៣ទស្សវត្សហើយក៏ដោយ សម្តេចនាយករដ្ឋមន្រ្តី ហ៊ុន សែន នៅតែចងចាំមិនភ្លេចនូវអនុស្សាវរីយ៍ដ៏សែនកំសត់ នៅឃុំវិហារសួគ៌ ស្រុកខ្សាច់កណ្តាល ខេត្តកណ្តាល  នៅពេលមានពិធីបុណ្យកាន់បិណ្ឌ ភ្ជុំបិណ្ឌម្តងៗ។ អត្ថបទខ្លីមួយ ដែលមាន ចំណងជើងថា «នៅសល់ការចងចាំ ដែលមានន័យ» ដែលបង្ហោះនៅលើ Facebook នៅថ្ងៃទី០៥ ខែតុលា ឆ្នាំ២០១៥នេះ សម្តេចនាយករដ្ឋមន្រ្តី ហ៊ុន សែន បានរំលឹក ឡើងវិញនូវរឿងរ៉ាវ ដិតដាម ជាប់ ជា មួយឃុំវិហារសួគ៌ នាអតីតកាល ដែលមាន ការខ្វះ ខាតខ្លាំង នូវការរៀបចំ ហេដ្ឋារចនាសម្ព័ន្ធ  គ្រប់ បែប យ៉ាង ក្រោយពេល ឃុំមួយ នេះត្រូវ បំផ្លិច បំផ្លាញដោយខ្មែរក្រហម។

ខាងក្រោមនេះ  ជាសាររបស់សម្តេចតេជោ ហ៊ុន សែន៖

នៅពេលឃើញរូបថតមួយសន្លឹកនេះ គាប់ជួនពេលភ្ជុំបិណ្ឌ ធ្វើឲ្យខ្ញុំព្រះករុណា ខ្ញុំនឹក ឃើញ ដល់រឿងរ៉ាវ ដែលបានកើតឡើងកាលពី ២៦ឆ្នាំមុន គឺខែកញ្ញា ឆ្នាំ១៩៨៩។ ពេលនេះ អ្វីៗបានផ្លាស់ប្តូរអស់ហើយ ដោយសារ តែវត្តមានស្ពានព្រែកតាមាក់ ផ្លូវជាតិលេខ៨ និង ហេដ្ឋា រចនាសម្ព័ន្ធផ្សេងទៀតទាំង អាណាចក្រ ទាំងពុទ្ធចក្រ។ ខែសីហា ១៩៨៩ បន្ទាប់ពី វិល ត្រឡប់ ពីការចរចា នៃសន្និសីទ ប៉ារីស លើកទី១ តែមិនបានសម្រេច។ ខ្ញុំព្រះករុណា ខ្ញុំបាន ធ្វើដំណើរសួរសុខទុក្ខ កងកម្លាំងប្រដាប់អាវុធ និងប្រជាជនស្ទើរពេញ១ខែ។

ក្នុងដំណើរ ចុះសុខទុក្ខប្រជាជន ក៏មានការ ធ្វើដំណើរទៅកាន់ ស្រុកខ្សាច់ កណ្តាល ខេត្តកណ្តាល ផងដែរ។ ដើម្បីធ្វើដំណើរបានទៅកាន់វត្តវិហារសួគ៌ យើងត្រូវ ដំណើរ ដោយ កាណូតពីភ្នំពេញ ទៅកាន់ ព្រែកតាមាក់ ហើយសម្រាកពេលយប់នៅលើកាណូតនោះ ១យប់ ព្រោះគ្មានផ្ទះសំណាក់នោះទេ។ ការសម្រាកនេះដោយសារមានការប្រជុំនៅទីនោះ ដែលត្រូវ ប្រជុំថែមមួយព្រឹកទៀត។ ស្អែកឡើង បន្ទាប់ ពីការប្រជុំនិងបាយថ្ងៃត្រង់ ប្រហែលម៉ោង ១រសៀល យើងត្រូវ ចេញ ដំណើរ ដើម្បី កុំឲ្យ  ភ្លៀងទាន់។

នៅពេលនោះត្រើយខាងកើតទន្លេមេគង្គតំបន់មួយចំនួន ទោះមានរថយន្ត ក៏មិនមាន ផ្លូវធ្វើ ដំណើរដែរ។ យើង ធ្វើដំណើរដោយម៉ូតូ ហើយជាទម្លាប់ខ្ញុំព្រះករុណាខ្ញុំ ជិះម៉ូតូដោយខ្លួនឯង។ យើងត្រូវធ្វើ ដំណើរ ទៅកាន់ស្រុកស្រីសន្ធរ ខេត្តកំពង់ចាមសិន ទើបមាន ផ្លូវធ្វើ ដំណើរទៅកាន់ឃុំសន្លុងដែលនៅទីនោះ យើងសម្រាកនៅផ្ទះប្រជាជនដោយចងអង្រឹង។ ភ្លៀង រលឹមខាងក្រៅផ្ទះ យើងសំណេះ សំណាល ជាមួយ ប្រជាជននៅក្នុងផ្ទះ ដែលពេល នោះហើយ យើងប្រមូលបាននូវសំណូមពររបស់ ប្រជាជន លើការកសាងផ្លូវ ស្ពាន សាលារៀន វត្តអារាម ។ល។ ជាពិសេសវិហារសួគ៌ដែល ប៉ុលពត វាយកំទេច ចោល និងស្ពានព្រះគន្លង។ ដោយធនធានមានកម្រិត យើងខិតខំកសាងស្ពានព្រះគន្លងជាមុន ដើម្បីតភ្ជាប់ ចរាចររវាងខាងវិហារសួគ៌ប៉ុន្មានឃុំ និងមួយភាគ នៃខេត្តព្រៃវែង ជាមួយ ព្រែក តាមាក់ មកទន្លេមេគង្គ (ពេលសម្ពោធស្ពានព្រះគន្លងមុន ចូលឆ្នាំថ្មីថ្ងៃទី១០មេសា១៩៩០ ខ្ញុំព្រះករុណាខ្ញុំ បាននិពន្ធចម្រៀងមួយបទ មានចំណងជើងថា «ចំណង ដៃមាសស្ពាន ព្រះគន្លង»)។

ដោយឃើញនូវការលំបាកនេះ ហើយទើបខ្ញុំព្រះករុណាខ្ញុំ ចិញ្ចឹមចិត្តកសាងស្ពានព្រែកតាមាក់ និងផ្លូវ ជាតិលេខ៨ ឲ្យខានតែបាន ដែលវាបានរួមចំណែកដល់ការកាត់បន្ថយភាពក្រីក្រ និងការ លំបាក របស់ប្រជាជន និងជួយជំរុញ កំណើនសេដ្ឋកិច្ច តាមរយៈនយោបាយ កសាងហេដ្ឋារចនាសម្ព័ន្ធ។

សូមអគុណអ្នករួមដំណើរ អរព្រះគុណនិងអរគុណចំពោះព្រះសង្ឃ ប្រជាពលរដ្ឋ ដែលផ្ដល់ នូវការគាំទ្រ ទើបមានសមិទ្ធផលដូចថ្ងៃនេះ ទៅបុណ្យភ្ជុំបិណ្ឌ ក៏ស្រួលជាងពេលមុន និង សុវត្ថិភាព ជាងពេលមុន ដោយប្រទេសមានសន្តិភាព តែកុំភ្លេចគោរពច្បាប់ចរាចរណ៍ ដើម្បី សុវត្ថិភាពទាំងអស់គ្នា៕

វគ្គបណ្តុះ​ប​ណ្តាលជំ​នាញ​ចិញ្ចឹម​ជ្រូករយៈ​ពេលបី​ថ្ងៃនៅឃុំ​កុ​មារាជា ​

កាលពី​ព្រឹកថ្ងៃសុក្រ ទី០២ ខែតុលា ឆ្នាំ២០១៥ នៅក្នុងទីស្នាក់ការ​សម្ព័ន្ធយុវជន​កម្ពុជាភូមិ​ក្រាំងពង្រ ឃុំកុមាររា​ជា ស្រុកបាទី ខេត្តតាកែវ មានបើក​វគ្គបណ្តុះបណ្តាល​ជំនាញចិញ្ចឹម​ជ្រូកជូន​ប្រជាសហគមន៍ចិញ្ចឹមជ្រូកចំ​នួន៤៦ នាក់។ វគ្គ​បណ្តុះ​បណ្តាល​នេះ​មាន​រយៈ​ពេល​៣​ថ្ងៃ គឺចាប់ផ្តើម​ពី​ថ្ងៃ​ទី​០២ ដល់ថ្ងៃទី០៤ ខែតុលា ឆ្នាំ២០១៥ ។

 វគ្គបណ្តុះបណ្តាលនេះ​កើតឡើងក្រោម​គំនិតផ្តួច​ផ្តើម និងឧបត្ថម្ភគាំ​ទ្ររបស់ឯក​ឧត្តមបណ្ឌិតសភាចារ្យ សុខ អាន ឧបនាយករ​ដ្ឋមន្ត្រី រដ្ឋមន្ត្រីទទួលបន្ទុក​ទីស្តីការគណៈរដ្ឋ​មន្រ្តី និងជាអ្នក​តំណាងរាស្រ្តមណ្ឌល​តាកែវ ​សហការជា​មួយមន្ទីក​សិកម្ម រុក្ខាប្រម៉ាញ់ និង​នេសាទខេត្ត​តាកែវ ​និងការិយាល័យផ​លិតកម្ម និងបសុព្យា​បាល។

​នៅក្នុងវគ្គប​ណ្តុះបណ្តាលនេះ​មាន​បង្រៀនបច្ចេកទេស​លម្អិតអំពី ពូជជ្រូក និងការជ្រើស​រើសពូជជ្រូក ការសាងសង់ទ្រុងសត្វ ការផ្តល់​ជំណី និងទឹក ការបង្កាត់ពូជ ការថែទាំមេជ្រូក និងកូន ​ ការធ្វើអនាម័យ រួមជាមួយការប​ង្រៀនពីវិធីបង្ការ និងព្យាបាលជំងឺដែល​តែងតែកើតមានលើជ្រូក​នៅក្នុង​មូលដ្ឋាន។ ​

ក្រោយពី​បញ្ចប់វគ្គបណ្តុះ​បណ្តាលអស់រយៈ​ពេល៣ថ្ងៃរួចមក ថ្លែងក្នុងពីធីបិទ​វគ្គ និងចែក​វិញ្ញាបនប័ត្រជូន​សិក្ខាកាម​ ឯកឧត្តម ស្វាយ សុវណ្ណរិទ្ធ តំណាងឯក​ឧត្តម ស្វាយ ស៊ីថា ប្រធានក្រុម​ការងារចុះជួយឃុំកុមារា​ជា បានចែករំលែក​បទពិសោធន៍ និងផ្តាំផ្ញើជូន​សិក្ខាកាមទាំងអ​ស់ថាវគ្គបណ្តុះ​បណ្តាលជំនាញបែបនេះគឺ​មានសំខាន់ណា​ស់សម្រាប់ជីវភាពប្រ​ចាំថ្ងៃរបស់ប្រជាសហ​គមន៍ ជាងនេះទៅទៀតឯកឧត្តម បានបន្តរថា ប្រជាកសិករ​ដែលនៅមូលដ្ឋានទាំ​ងអស់​គួរស្វែងរកចំ​ណូលគ្រួសារ​ក្នុងភាពជាសហគ្រិនតាមរយៈ​ការចិញ្ចឹមសត្វ ដាំបន្លែបង្កា ជាជាងការដែ​លខិតខំរកមធ្យោបាយ​ទៅធ្វើការឲ្យគេនៅក្រៅ​ប្រទេស ទាំងស្រប​ច្បាប់ក្តី ទាំងខុសច្បា​ប់ក្តីព្រោះតាមរយៈ​បទពិសោធន៍​កន្លងមក ការធ្វើចំណាកស្រុកបែប​នេះប្រឈមនឹងគ្រោះថ្នាក់ជា​ច្រើន  ហើយឃ្លាតឆ្ងាយ​គ្រួសារ កូនចៅមិនមាន​អនាគតល្អព្រោះគ្មាន​អ្នកអបរំ និងមើលថែបាន​ដិតដល់ នឹងអាចឈា​នដល់ការក្លាយជា​ជនរងគ្រោះ​ដោយសារគ្រឿងញៀននៅថ្ងៃខាងមុខជាក់ជាមិនខាន។

បន្ទាប់ពីមានកា​រផ្តាំផ្ញើបែប​នេះរួចមក ឯកឧត្ត​មស្វាយ សុវណ្ណរិទ្ធ ប្រគល់វិញ្ញាបន​ប័ត្រជូនសិក្ខាកាមទាំង៤៦នាក់​ដោយក្តីរីករា​យ។

ជនរងគ្រោះដោយសារគ្រោះថ្នាក់ចរាចរណ៍មួយគ្រួសារ នៅខេត្តព្រះវិហារ ទទួលបានអំណោយពីកាកបាទក្រហមកម្ពុជា

យោងតាម ​Page សម្តេច​គតិព្រឹទ្ធបណ្ឌិត ​ប៊ុន រ៉ានី ​ហ៊ុនសែន ​ប្រធានកាក​បាទក្រហម​កម្ពុជាបាន​ឲ្យដឹងថា ​កាលពីព្រឹក​ថ្ងៃទី០៤​ ខែតុលា ​ឆ្នាំ២០១៥​ សាខាកាក​បាទក្រហមកម្ពុជា ​ខេត្តព្រះវិហារ​ បានផ្តល់អំណោយ​មនុស្សធម៌ ជូ​នគ្រួសារលោក ​ឃឹម ផិត​ អាយុ ២៤ ​ឆ្នាំ ដែលរងគ្រោះដោយ​រថយន្តបុក​បាក់ជើងម្ខាង​ និងកូនប្រុស​របួសក្បាល ​កាលពីល្ងាច​ថ្ងៃទី០៣​ ខែតុលា ​ឆ្នាំ ២០១៥​ និងកំពុង​សម្រាកព្យាបាល​នៅមន្ទីរពេទ្យ​បង្អែក ​៦មករា ​ខេត្តព្រះវិហារ។​


អំណោយ​សប្បុរសធម៌​ដែលត្រូវ​ប្រគល់ជូន​តំណាងគ្រួសារ ​ដែលទទួលរង​គ្រោះដោយគ្រោះថ្នាក់​ចរាចរណ៍​នាពេលនោះរួម​មាន៖ អង្ករ​១២គីឡូក្រាម ​មី១កេស ​ត្រីខ១យួរ​ ទឹកស៊ីអ៊ីវ១​យួរ និង​ថវិកា១០០.​០០០រៀល ​(ដប់ម៉ឺនរៀល)​៕

សម្តេច​តេជោ​ ហ៊ុន សែន ​ជួបសំណេះ​សំណាល​ ពិភាក្សាការងា​រជាមួយស​មាជិកសភា​ជប៉ុន​

សម្តេចអគ្គមហា​សេនាបតីតេជោ ​ហ៊ុន សែន ​នាយករដ្ឋ​មន្ត្រីនៃព្រះរាជា​ណាចក្រកម្ពុជា បាន​ថ្លែងអំណរគុណ​ដល់ប្រទេស​ជប៉ុន ​ដែលសន្យា​ជួយដល់​ការកែទម្រង់​ការបោះឆ្នោតនៅកម្ពុជា​ រួមទាំងជំនួយ​ផ្សេងៗ​ទៀតជាច្រើន​ដែលជប៉ុន​បាននិង​កំពុងជួយ​ដល់កម្ពុជា ​។

សម្តេចតេជោ​នាយករដ្ឋមន្ត្រី ​ហ៊ុនសែន ​ បានបង្ហាញ​សេចក្តីអំណរ​គុណដល់​រដ្ឋាភិបាល​និងប្រជាជន​ជប៉ុនជា​ថ្មីម្តងទៀតនេះ ​ក្នុងខណៈដែ​លសម្តេច ​បានអនុញ្ញាតឱ្យ​ ឯកឧត្តម​ កាហ្ស៊ុយុគី ​ណាកាណេ ​(Kazuyoki​ Nakane) សមា​ជិកសភា ​និងជាអនុរដ្ឋមន្ត្រី​ការបរទេស​ជប៉ុន ចូល​ជួបសំដែង​ការគួរសម ​នៅវិមាន​សន្តិភាព​ នារសៀល​ថ្ងៃទី២ ​ខែតុលា ឆ្នាំ​២០១៥។

ឯកឧត្តម ​អ៊ាង សុផល្លែត ​ជំនួយការ​សម្តេចតេ​ជោនាយក​រដ្ឋមន្ត្រី ​បានឱ្យដឹងថា៖​ នៅក្នុងជំនួបនេះ ​ ឯកឧត្តម​ កាហ្ស៊ុយុគី ​ណាកាណេ ​បានជំរាបជូន​សម្តេចតេជោថា ជា​រៀងដរាបមក ​ឯកឧត្តម​ បានប្រឹង​ប្រែង ដើម្បី​ពង្រឹង ​និងពង្រីក​ទំនាក់ទំនង​រវាងប្រទេស​ទាំងពីរ​ កម្ពុជា និង​ជប៉ុន ។ ​នោះសោតគឺ​ឯកឧត្តមបាន​ជួបជាមួយ​នឹងថ្នាក់​ដឹកនាំកម្ពុជា​ជាប្រចាំ ដើ​ម្បីជាការស្វែង​យល់ពីទំនាក់​ទំនង ​ការងារផ្សេងៗ។​   លើសពីនេះ​ទៀត ឯក​ឧត្តម ​បានថ្លែងអំណ​រគុណ​យ៉ាងជ្រាល​ជ្រៅចំពោះ ស​ម្តេចតេជោ ​នាយករដ្ឋមន្ត្រី​ ដែលតែង​តែគាំទ្រ​ចំពោះនាវាយុវជន ​ជប៉ុន​-អាស៊ាន ​ក៏ដូចជាគាំទ្រ​ទៅលើគម្រោង​ផ្សេងៗ ​ដែលជប៉ុន​បានជួយនៅ​ក្នុងព្រះរាជា​ណាចក្រ​កម្ពុជា ​ដូចជាគម្រោងប្រព័ន្ធ​លូទឹកនៅ​ទីក្រុងភ្នំពេញ ​គម្រោងចំណងមិត្ត​ភាពកម្ពុជា-​ជប៉ុនទីក្រុង​ភ្នំពេញ និ​ងទីក្រុងគីតា ​ប្រទេសជប៉ុន​ ក៏ដូចជាគម្រោង​ផ្សេងៗទៀត រួមមាន​គម្រោងអភិវឌ្ឍន៍​ធនធាន​មនុស្ស ដែ​លជប៉ុន បាន​និងកំពុង​ជួយដល់កម្ពុជា ​ដើម្បីធ្វើការបណ្តុះ​បណ្តាលលើវិស័យ​វិស្វកម្ម ​វិស័យឧស្សាហកម្ម ​ធ្វើយ៉ាង​ណាឧបត្តម្ភ​ចូលរួមចំណែក ​ទៅដល់គោល​នយោបាយ ​ឧស្សាហកម្ម ​កម្ពុជា។

ឯកឧត្តម​ ក៏បានជ​ម្រាបជូន​សម្តេចតេជោ​ផងដែរថា ​នឹងមានការបើក​ការិយាល័យ​វប្បធម៌ និង​វិចិត្រសិល្បៈមួយ​ នៅកម្ពុជា ​ដោយបាននឹង​កំពុងប្រឹងប្រែង ​ក្នុងការ​សហការ ​ជាមួយក្រសួង​អប់រំ យុវជន ​និងកីឡា ​និងក្រសួង​វប្បធម៌ ​និងវិចិត្រ​សិល្បៈ ​សំដៅធ្វើយ៉ាង​ណាជម្រុញ ​ទំនាក់ទំនងរវាង​ប្រទេសទាំងពីរ​ និងបាន​ជំរាបជូនថា ​ជប៉ុននឹង​បន្តជួយ​ដល់ការកែ​ទម្រង់ការ​បោះឆ្នោត ​ដោយធ្វើយ៉ាងណា ​ឲ្យការបោះឆ្នោត​នោះ​មានដំណើរបា​នល្អ យុត្តិធម៌ និង​អាចទទួល ​យកបានដោយ​ប្រជាជនទូទៅ។​

ជាការ​ឆ្លើយតប​ សម្តេចតេជោ​នាយករដ្ឋមន្ត្រី ​បានថ្លែង​អំណរគុណ​ចំពោះកិច្ចខិត​ខំប្រឹង​ប្រែង ​ក្នុងការពង្រឹង​ទំនាក់ទំនង​រវាងប្រទេស​ទាំងពីរ​ ហើយសម្តេច​បានឯកភាព​ចំពោះការលើក​ឡើង របស់​ឯកឧត្តម ​ណាកាណេ ដែ​លលើកឡើង​ពីការបើក​ការិយាល័យ​វប្បធម៌ ​និងវិចិត្រសិល្បៈ ​និងគាំទ្រទៅ​សកម្មភាពនាវា​យុវជនជប៉ុន​-អាស៊ាន ​ដែលជាការចូល​រួមចំណែក​លើក​ស្ទួយ ទំនាក់​ទំនងរវាង​ប្រទេសទាំងពី​រ។ចំពោះជំនួយដ​ល់ការ​កែទម្រង់​ការបោះឆ្នោតនោះ​សម្តេចក៏បាន​ថ្លែងអំណរ​គុណចំពោះជប៉ុន ​ដោយសម្តេចមាន​ប្រសាសន៍ថា សម្តេច​បានជំនឿ​លើបច្ចេក​វិទ្យាថ្មី ​សម្ភារៈថ្មី ​ដែលជប៉ុន ​នឹងជួយ​ដល់កម្ពុជា៕​

ឯកឧត្តមឧបនាយករដ្ឋមន្ត្រី សុខ អាន និង លោកជំទាវរួមជាមួយមន្រ្តីរាជការ នៃទីស្តីការគណរដ្ឋមន្ត្រីចូលរួមកាន់បិណ្ឌវេនទី៤ នៅវត្តសារាវ័ន្តតេជោ

ថ្នាក់ដឹកនាំ​និងមន្ត្រីរាជការ​ទីស្តីការ​គណរដ្ឋមន្ត្រី ​ បានអញ្ជើញ​ទៅចូលរួម​ក្នុងពិធី​បុណ្យ​កាន់​បិ​ណ្ឌ​​វេន​ ទី៤ជា​​មួយ​ពុទ្ធ​​បរិស័ទ​ចំណុះជើង​វត្តសារាវ័ន្ត​តេជោ ​ក្នុងរាជធានី​ភ្នំពេញ​ កាលពីថ្ងៃ​ទី​០១​​ ខែតុលា ​ឆ្នាំ២០១៥​ ដើម្បីប្រតិបត្តិ​នូវទំនៀម​ទំលាប់ប្រពៃណី ​ព្រះពុទ្ធ​សាសនាផង​​ និង​ជា​ការឧទ្ទិស​កុសលជូនដល់បុព្វការីជនផង។

គិតចាប់ពីថ្ងៃបុណ្យកាន់បិណ្ឌវេនទី១ ជាបន្តបន្ទាប់មក ពុទ្ធប​រិស័ទដែលគោរពប្រតិបត្តិជំនឿ​ព្រះ​​ពុទ្ធ​​សាសនា បាននាំគ្នាអញ្ជើញទៅចូលរួមធ្វើបុណ្យដាក់បិណ្ឌ នៅតាមទី​អា​រាម​ដែល​គេ​និយម​ពេញ​ចិត្ត ដើម្បី​នាំយកនូវ ចង្ហាន់ និងទេយ្យទាន ទេយ្យវត្ថុ ផ្សេងៗទៅប្រគេនព្រះសង្ឃ ដែលកំពុងគង់ចាំ​ព្រះវស្សាអស់ត្រីមាសនៅតាមទីវត្តអារាមនីមួយៗ។

ដោយឡែកនៅថ្ងៃវេនទី៤ នៃពិធីបុណ្យកាន់បិណ្ឌនេះដែរ ​ឯកឧត្តមបណ្ឌិតសភាចារ្យ សុខ អាន និងលោក​ជំទាវ ក៏បាន​អញ្ជើញទៅចូលរួមធ្វើបុណ្យទានតាម​ប្រពៃណី ជាមួយ​ពុទ្ធ​បរិស័ទ​យ៉ាង​​​ច្រើនកុះករនៅ​វត្តសារាវ័ន្ត​តេជោ ដើម្បីជួយលើកតំកើង និងទ្រទ្រង់ទំនៀម ទំលាប់​ប្រពៃ​ណី​ ព្រះពុទ្ធ​សាសនា ឲ្យបានកាន់តែរុងរឿងរីកចំរើនផង ​និង​ក៏ជាការធ្វើបុណ្យ ​ឧទ្ទិសកុសល​ជូន​​ដល់ញាត្តិការ​ បុព្វការរីជន ​ដែល​បាន​រំលត់ក្ខន្ធ័ទៅកាន់​លោកខាងមុខ​ ឲ្យទទួលបាន នូវ​មគ្គ​ផល​ដែលកើតចេញ​ពីសទ្ធាជ្រះថ្លានេះ ​ឲ្យបាន​ដល់ពួក​គាត់​​ដើម្បីបានទៅ​សោយសុខ​ ក្នុង សុគតិ​ភពផង​។

ក្នុងនាម​ជាពុទ្ធ​បរិស័ទខ្មែរ​ ដែលជាអ្នក​គោរពប្រតិបត្តិ​ទំនៀមទំលាប់​ប្រពៃណី ​ព្រះពុទ្ធ​សាសនា​ ឯកឧត្តម​ឧបនាយក​រដ្ឋ​មន្ត្រី សុខ ​អាន និងលោកជំទាវ តែងបានចូល​រួមចំណែក​លើកស្ទួយ​ នូវ​វិស័យ​ព្រះពុទ្ធ​សាសនា​ ក្នុងការខិតខំ​ជួយ​កសាង​សមិទ្ធផល​នានា ដើម្បីបំរើ​ឲ្យវិស័យ​ពុទ្ធចក្រ ​ពីព្រោះថា​វត្តអារាម​ គឺជាទី​បណ្តុះបណ្តាល​ធនធាន​មនុស្ស​ ជា​ថ្នាល​បណ្តុះ​ប្រាជ្ញា​ស្មារតី​ និង​រក្សា​កេរ្តិ៍តំណែល​វប្ប​ធម៌ អក្សរសាស្ត្រជាតិ ​និងជាទី​បង្កើតឡើង​នូវវប្បធម៌​សន្តិភាព។

ក្នុងពិធីបុណ្យកាន់បិណ្ឌវេនទី៤ ត្រូវនឹងថ្ងៃទី០១ ខែតុលា ឆ្នាំ២០១៥  ឯកឧត្តមបណ្ឌិតសភាចារ្យ សុខ​ ​អាន និង​លោកជំទាវ បាននាំមកនូវ​ទេយ្យទាន មានគ្រឿងឧបភោគ បរិភោគជាច្រើន ដូចជា ទឹក​ក្រូច១០កេស, ទឹកបរិសុទ្ធ១០កេស​, ទឹកដោះគោខាប់០១កេស, កាកាវ០១កេស, មៀនកំប៉ុង ​០១កេស, ស្ករស១០​គីឡូក្រាម,​ តែ០៥គីឡូក្រាម, ​ត្រីខ០២កេស,​ មី០២កេសធំ,​ នំ០១កេស, ​អង្ករ ​២០០គីឡូក្រាម, ​ប្រគេនបច្ច័យ​សម្រាប់កសាងវត្ត​ ២.០០០.០០០រៀល​, ប្រគេនទេយ្យទាន និងបច្ច័យចៅអធិការ ២០០ ០០០ រៀល, ប្រគេនទេយ្យទាន និងបច្ច័យ​ព្រះសង្ឃ ចំនួន១០អង្គទៀត ក្នុងមួយអង្គបច្ច័យ ១០០ ០០០រៀល, ជូន សីលវ័ន្ត សីលវត្តី ចំនួន៣០នាក់ ក្នុងម្នាក់ៗ ក្រណាត់ស ១ដុំ និង ថវិកា ១០ ០០០រៀល, ឧបត្ថមសិស្ស-និស្សិត ស្នាក់នៅក្នុងវត្តចំនួន ៣០ នាក់ ម្នាក់ៗ ថវិកា១០០ ០០០រៀល និងប្រគេនបច្ច័យ​ព្រះសង្ឃ​ចំនួន៣៣០អង្គ ក្នុងមួយអង្គៗ ១០ ០០០រៀល៕

អត្ថបទ៖ តារា

បណ្តាក្រុមហ៊ុនរុស្ស៊ីមានការចាប់អារម្មណ៍ ចង់វិនិយោគលើសេវាកម្មវិស័យទេសចរណ៍ នៅខេត្តព្រះសីហនុ

ខេត្តព្រះសីហនុ ​ដែលត្រូវបាន​កំណត់ថា ​ជាប៉ូលសេដ្ឋកិច្ច​ដ៏សំខាន់មួ​យរបស់កម្ពុជា​កំពុងទាក់ ទាញចំ​ណាប់​អារម្មណ៍​ក្រុមហ៊ុនធំៗរ​បស់រុស្ស៊ីឲ្យ​មកវិនិយោគ ​លើសេវាកម្ម​បំរើវិស័យ​ទេសចរណ៍ នៅក្នុង​ខេត្តតំបន់ឆ្នេរ​ ដ៏ស្រស់​ស្អាតមួយនេះ។​

បន្ទាប់ពី​ជំនួបពិភាក្សា​ការងាររវាង​ ឯកឧត្តម​បណ្ឌិតសភាចារ្យ​ សុខ អាន ​ ឧបនាយក​រដ្ឋមន្ត្រីរដ្ឋ​មន្ត្រី​ទទួល​បន្ទុកទី​ស្តី​ការគណៈ​រដ្ឋមន្ត្រី​ ជាមួយ ឯកឧត្តម​ Dmitry​ Tsvetkov ឯកអគ្គ​រដ្ឋ​ទូតសហ​ព័ន្ធរុស្ស៊ីប្រចាំ​កម្ពុជា​ បានបញ្ចប់​ទៅ ​នៅ​វិមាន​មិត្តភាព​ នារសៀល​ថ្ងៃទី០១​ ខែ​តុលា ឆ្នាំ២០១៥នេះ​ លោក​ ឯក ថា អនុ​ប្រធាននាយក​ដ្ឋានព័ត៌មាន​ នៃអង្គភាព​ព័ត៌មាន និង​ប្រតិកម្មរហ័ស​ នៃទីស្តីកា​រគណៈ​រដ្ឋមន្ត្រី បាន​ឲ្យដឹងថា​ ឯកអគ្គរដ្ឋ​ទូតរុស្ស៊ី​ បានលើក​ឡើងថា បណ្តា​​ក្រុមហ៊ុនវិនិ​យោគរបស់រុស្ស៊ី​ មានការចាប់​អារម្មណ៍​ចង់មក​វិនិយោគ ​លើសេវាកម្មគាំទ្រឲ្យ​វិស័យ​​ទេសចរណ៍​នៅក្នុង​ខេត្តព្រះសីហនុ ​ក្នុងការសាងសង់​សណ្ឋាគារ និង​ភោជនីយដ្ឋាន​ដោយ​មាន​សុទិដ្ឋិនិយមថា ទៅ​អនាគត​​​​ក្រុង​កំពង់​សោម នឹង​ក្លាយ​ទៅជាប៉ូល​សេដ្ឋកិច្ច​ ដ៏សំ​ខាន់​របស់​កម្ពុជា។

សូមបញ្ជាក់ថា​ ខេត្តព្រះសីហនុ​ គឺជាតំបន់​ទេសចរណ៍​ឆ្នេរដ៏ស្រស់ស្អាត​ ប្រកបដោយ​ភាព ទាក់ទាញ​ រីឯសេវាក​ម្មបម្រើវិស័យ​​​ទេសចរណ៍ ​ក៏មានការ​រីកចម្រើន​ ទន្ទឹមនឹង​កំណើន ភ្ញៀវទេសច​រកាន់តែច្រើន​ ផ្នែកសេវាកម្ម​គាំទ្រភ្ញៀវទេសចរ​ ក៏មាន​តម្រូវ​​កា​រ​​បន្ថែម​ទៀតដែរ។ ចំណុចនេះ​ ឯកឧត្តមឧប​នាយករដ្ឋមន្ត្រី​ សុខ​ អាន បានគាំទ្រនូវ​បំណង​ចង់វិនិយោគ​លើវិស័យ​ទេសចរណ៍​ និង​បាន​ស្វាគមន៍គ្រប់វិនិ​យោគទុន​ទាំងអស់​ ដែលមាន​បំណងចង់​មកវិនិយោគ​នៅ​កម្ពុជា​ ដោយរាជរដ្ឋាភិបាល​សូមគាំទ្រ​លើក​ទឹក​ចិត្ត និងខិត​ខំជួយសម្រួល​លើផ្នែកច្បាប់​ផ្សេងៗ។ ឯកឧត្តម​ បានឲ្យដឹងដែរថា ​ខេត្តព្រះសីហនុ​ មានលក្ខណៈពិសេស​ ដោយ​មាន​​​ព្រលាន​យន្តហោះ ជាស្រេច​ នៅក្រោយ​ពេលភ្ញៀវ​ទេសចរមក​លំហែកំសាន្ត​ រួចគេអាចធ្វើ​ដំណើរតាម​ផ្លូវអាកាសបន្ត​​​ទៅ​​​ទស្សនា​​​ខេត្ត​សៀ​មរាប ​ដែល​ជាទីក្រុងវប្បធម៌​យ៉ាងល្បីល្បាញ​ ខាងសម្បត្តិ​បេតិកភណ្ឌ វ​ប្បធម៌របស់កម្ពុជា។ ​ចំណែក​អ្នក​ទេស​ចរ​ ដែល​បាន​ទស្សនា​​ខេត្ត​សៀមរាប រួចហើយ ក៏គេអាច​ជិះយន្តហោះ ​មកកំសាន្ត​ នៅតំបន់ឆ្នេរនា​ខេត្តព្រះសី​ហនុ​ផង​ដែរ។
ចំណុចមួយទៀត​ ឯកអគ្គ​រដ្ឋទូតសហពន្ធ័​រុស្ស៊ីបានប្រាប់ថា​ រុស្ស៊ីមាន​បំណងចង់​បង្កើត កម្មវិធី​ទូរទស្សន៍​ តាមរយៈធ្វើកិច្ច​សហការ​ជាមួយទូរទស្សន៍​ របស់​កម្ពុជា​ គឺភាគីរុស្ស៊ី​ នឹងផ្តល់ជូន នូវ​ខ្សែភាព​យន្តឯកសារ​ និង​កម្មវិធីផ្សេងៗ​មិន​គិត​ថ្លៃ​ ចំពោះ​ស្ថានីយ​ទូរទស្សន៍ណា​ដែល សហការជាមួយ។

ឯកឧត្តម​ Dmitry​ Tsvetkov ​ក៏បានបង្ហាញ ​ពីចំណាប់អា​រម្មណ៍ចង់ចូល​ជាសមាជិក នៃ​គណៈកម្មាធិការ​ សម្របសម្រួល​អន្តរ​ជាតិ​ សម្រាប់ការ​ងារអភិរក្ស ​ប្រាសាទព្រះវិហារ​ (ICC Preah Vihear)​ ផងដែរ។​ គួរបញ្ចាក់ថា​ ICC Preah Vihear​ ត្រូវ​បានបង្កើតឡើង​ នាខែធ្នូ ឆ្នាំ២០១៤​  ដែលមានចិន​ និងឥណ្ឌា​ ធ្វើជា​សហប្រធាន​ ដោយទទួល​បានការឯកភាព​ និងគាំ​ទ្រ​ពី​គណៈកម្មាធិកា​របេតិកភណ្ឌ​ពិភពលោក។​ នៅពេលខាង​មុខនេះ​  គណៈកម្មាធិការ​ សម្រប​សម្រួល​អន្តរជាតិ​ សម្រាប់​ការ​ងារអភិរក្ស​ប្រាសាទព្រះវិហា​ (ICC Preah Vihear) នឹង​មានរៀបចំ កិច្ច​ប្រជុំរបស់​ខ្លួនមួយ​ ហើយរុស្ស៊ីក៏មាន​បំណង​សុំចូលជាសមាជិក​ របស់គណៈកម្មាធិកា​រនេះ នៅ​ពេលនោះ​តែម្តង​។


រាល់ចំណុច​លើកឡើង​ខាងលើ​ ឯកឧត្តមឧប​នាយករដ្ឋមន្ត្រី សុខ​​ អាន បានគាំទ្រ​ ហើយបាន ជំរាបជូនថា​ កម្ពុជា​នឹងខិត​ខំជួយ​សម្រប​​​សម្រួល​លើ​បញ្ហាទាំងអស់​នោះជូន​៕

បទវិភា​គ ដោយ៖ សួន​ ចំរើន, តើជាការ​ពិតដែរឬទេ ដែលគ​ណបក្សប្រ​ឆាំងប្រកា​សពីភាពខ្លាំង ចំពេល​សកម្មជន កំពុង​ជាប់ឃុំ?

ក្រុម​អ្នក​វិភាគ​យល់​ថា​ វាជារឿង​ផ្ទុយ​ពីការ​ពិត​ ចំពោះ​ការ​ប្រកាស​ពីភាព​ខ្លាំង​ថ្មីទៀត​ របស់​មេ ដឹក​នាំ​គណបក្ស​ប្រឆាំង​ ស្រប​ពេល​ដែល​​សកម្មជន​របស់​ខ្លួន​​ ១៥​ នាក់​កំពុង​ជាប់​ពន្ធនាគារ​ ហើយ​​ដែល​ប្រធាន​បទ​លើ​សមរភូមិ​​​ចរចា​ ហាក់​ដូច​ជា​អស់​ប្រសិទ្ធភាព​​ ឬ​អស់​សន្លឹក​បៀរ​លេង​ ទៅហើយ​​​។
អនុប្រធាន​បក្ស​ប្រឆាំង​ លោក កឹម ​សុខា​ បាន​អួតកាល​ពី​ថ្ងៃ​ទី​២៧ ខែកញ្ញា​ នៅខេត្ត​ត្បូង​ឃ្មុំ​ថា ខ្លួន​​នឹង​ឡើង​កាន់​អំណាច​នៅ​អាណត្តិ​ក្រោយ​​ នៅពេល​ដែល​ប្រជាប្រិយភាព​របស់​គណបក្ស​ប្រឆាំង​មួយ​នេះ​កំពុង​ដាំក្បាល​ធ្លាក់​ចុះ​ជាលំដាប់​ ដោយ​សារ​តែ​ការ​បែក​បាក់​ផ្ទៃក្នុង​នូវ​រឿង​អាស្រូវ​ជាច្រើន​ ដូច​ជា​អំពើ​ពុករលួយ​ ទំនាស់​ផល​ប្រយោជន៍​ បក្ខពួក​និយម​ និង​គ្រួសារ​និយម​ ជាដើម​។
ក្នុង​នោះក្រុម​អ្នក​វិភាគ និង​​ប្រជាពលរដ្ឋ​​បាន​មើលឃើញ​​​ថា​ ក្រុម​អ្នក​គាំ​ទ្រ​បក្ស​ប្រឆាំងមួយ​ចំនួន​ បាន​​ខ្វែង​គំនិត​គ្នា​ឈប់​គាំទ្រ​ លែង​រវីរវល់​នឹង​កិច្ច​ការ​ដែល​មេ​ដឹក​នាំ​ជំរុញ​ឲ្យ​ធ្វើទាំង​នៅ​ថ្នាក់​ជាតិ​ និង​នៅ​មូល​ដ្ឋាន​។​ មន្ត្រី​ជាន់​ខ្ពស់របស់​បក្ស​​មួយចំនួន​បាន​គេច​វេស​ទៅ​បរទេស​បាត់​មុខ​ លែង​មាន​សកម្មភាព​​ លែងហ៊ានចូលស្រុក ដូចជា​ លោក អ៊ុំ សំអាន លោក រៀល​ ខេមរិន្ត្រ អ្នក​ស្រី​ មួរ​ សុខហួរ​ ។ល។​​ ដោយ​ក្រុម​អ្នក​គាំទ្រ​​ទាំង​នោះ​យល់​ថា​ មក​ដល់​ពេល​នេះ​ ពួក​គេ​គ្មាន​បាន​ទទួល​​ផល​អ្វី​បន្តិច​ពី​ការ​ខិត​ខំប្រឹង​ប្រែង​​ ហើយ​​បែរ​​ជា​ត្រូវ​ទទួល​ការ​ស្តីបន្ទោស​ និង​ទម្លាក់​កំហុស​មក​លើ​ពួកគេ​ទាំង​ស្រុង​ទៅ​វិញ​​​​។​ ក្រុម​អ្នក​គាំទ្រ​​ខ្លះ​ទៀត​ បាន​ដើរ​ចេញពី​គណបក្ស​សង្គ្រោះ​ជាតិ​​ ទៅ​​បង្កើត​គណបក្ស​​ថ្មី​ៗ​ជាច្រើន​​។
 កន្លង​មកផ្ទៃក្នុង​​គណបក្សនេះ ​ធា្លប់​មានភាពរកាំរកូសគ្នាជាច្រើន រវាង​លោក​ប្រធាន​​​​ទាំង​​២​​​រហូត​​​​ដល់​​ថ្នាក់​​មូលដ្ឋាន តែគេនៅមិនទាន់ដឹងថា តើពួកគេអាចទ្រាំឱប​ភ្នំភ្លើង​នេះ​បាន​យូរ​​ប៉ុណ្ណា​នោះ​ទេ។ ចំណុច​ដែល​ក្រុម​អ្នក​វិភាគ​ និង​ប្រជាពលរដ្ឋ​ នៅតែ​សង្ស័យ​​ គឺថា​គណបក្ស​សង្គ្រោះជាតិ​ បាន​រក្សា​ទុក​គណបក្ស​ដើម​រៀងៗខ្លួន ​​​​បើទោះជា​គណបក្ស​សិទ្ធិមនុស្ស​ និង​គណបក្ស​សម​រង្ស៊ី​ ​​បានរួម​គ្នា​​ជិត​៣​​ឆ្នាំ​ហើយ​ក៏ពិតមែន​​ ប៉ុន្តែ​គ្មាន​នរណា​ម្នាក់​​ហ៊ាន​ធានា​ថា​ គណបក្ស​សង្គ្រោះជាតិ​​អាច​​មាន​ជីវិតរស់​​ដល់ពេល​ណានោះទេ ព្រោះ​ទាំង​លោក​ សម រង្ស៊ី និង​លោក​ កឹម សុខា នៅមិន​ទាន់​ហ៊ាន​​រំលាយ​​គណបក្ស​ដែល​ខ្លួន​បង្កើត​ចោល​ទេ គឺ​ទុក​ផ្លូវ​ដើរ​​ទៅរក​បក្សដើម​ ធ្វើប្រធាន​រៀងៗ​ខ្លួន​វិញ​ គ្រាន់​តែ​ទុក​មនុស្ស​ទុកចិត្ត​ម្នាក់​ឲ្យ​នៅ​ចាំ​យាម​ខ្ទម​ចាស់របស់​ខ្លួន​ប៉ុណ្ណោះ នេះម្យ៉ាង និងម្យ៉ាងទៀត លោក សម រង្ស៊ី លោក​ កឹម សុខា និងមនុស្សមួយចំនួនទៀត ក៏បាននិងកំពុងប្រជែងគ្នាយ៉ាងស៊ីសាច់ហុតឈាមគ្នា ដើម្បីឥទ្ធិពល ឈានទៅដឹកនាំគណបក្សផ្តាច់មុខ​​។
ការ​បន្ត​ភូត​កុហក់​របស់​​​​​លោក​ កឹម សុខា​ ពេល​នេះ​ គឺ​វា​ហាក់​ដូច​ជាមិន​ឆ្លុះ​បញ្ចាំង​ការ​ពិត​​ទាល់​តែសោះ​​ ព្រោះ​ថា​លោក​បាន​ស្រែក​អំពាវ​នាវ​ឲ្យ​គណបក្ស​ដែល​ទើប​បង្កើត​ថ្មី​ មក​ចូលរួម​ជាមួយ​គណបក្ស​​លោក​​វិញ​ នៅពេល​ដែល​មេដឹកនាំគណ​បក្ស​ថ្មី​​ទាំង​នោះ​ បាន​រិះ​គន់​គណបក្ស​សង្គ្រោះជាតិ​ ថា​​ជា​បក្សផច់​​ការ​ លក់​ឧត្តម​គតិ​ប្រជាពលរដ្ឋ​ ដើម្បី​បុណ្យសក្តិ និង​លាភសក្ការៈ។​​
បើ​តាម​អ្នក​វិភាគ​ ការ​ប្រកាស​របស់​លោក កឹម សុខា​ ពេល​នេះ​ គឺ​ដើម្បី​ពង្រឹង​ជំហរ​សកម្មជន​របស់​ខ្លួន​ នៅមូល​ដ្ឋាន​ឡើង​វិញ​ នៅពេល​ដែល​យុទ្ធវិធីវាយ​ប្រហារ​​គណបក្ស​កាន់​អំណាច​​របស់​ខ្លួន​លើ​បញ្ហា​​ព្រំដែន ​ត្រូវ​បាន​គណបក្ស​កាន់​អំណាច​វាយ​សំពង​​លែងឲ្យ​​ហើប​មាត់​រួច​ តាម​រយះ​ការ​ខ្ចី​ និង​ផ្ទៀង​ផ្ទាត់​​ផែន​ទី ពី​អង្គការ​សហប្រជាជាតិ​ និង​ពី​ប្រទេស​មហា​អំណាច​​​។​
ក្រុមអ្នក​​​វិភាគ​ បាន​វាយ​តម្លៃ​ថា​ នៅ​អាណត្តិ​ក្រោយ​​ គណបក្ស​សង្គ្រោះជាតិ​ ច្បាស់​ជា​​នឹង​ក្លាយ​​​​ជា​​គណបក្ស​​តូច​តាច​មួយ​ដូច​ដើម​​​។​ ហើយ​​សូម្បី​តែ​ លោក ម៉ម សូណង់​ដូ​ ប្រធាន​គណបក្ស​ សំបុកឃ្មុំ​ ក៏​ធ្លាប់​បាន​​វាយ​តម្លៃ​ដែរ​ថា​ ​គណបក្ស​សង្គ្រោះជាតិ​ នឹង​មិន​អាច​ឈ្នះ​ឆ្នោត​បាន​​ទេ​​ លោក​ថែម​​ទាំង​ហ៊ាន​​​ភ្នាល់ដាក់​ជី​វិត​​ថែម​ទៀត​។​
 ​ជារួម​​​នៅពេល​​​ដល់ដំណាក់កាលចុង​ក្រោយ​នោះ​ មេបក្ស​​ប្រឆាំង​ទាំង​ពីរ​ នឹង​ចែក​ផ្លូវ​គ្នា​​ដើរ​​សារ​ជាថ្មី​ ហើយ​ក៏​​ជាពេលវេលា​ដែល​លោក សម រង្ស៊ី និង​លោក​ កឹម សុខា ត្រូវ​ចោទ​គ្នា​ទៅវិញ​ទៅមក​ដែរ​។ លោកសម​ រង្ស៊ី នឹងចោទថា កឹម សុខា លក់ខ្លួន​ឲ្យគណបក្ស​ប្រជាជន​កម្ពុជា​ ចំណែក​​លោក កឹម សុខា ក៏នឹងចោទ​វិញដែរ​ថា គណបក្សប្រជាជនច្បាស់​ជា​​​ទិញ​​ខ្លួន​លោក សម រង្ស៊ី បាន​ហើយ​។​ ធ្វើ​បែប​នេះ​ ទើប​ពួក​គេ​អាច​បិទបាំង​នូវ​ភាព​អាម៉ាស់​ និង​ភាព​បរាជ័យ​​របស់​ពួក​គេ​នូវ​ការ​សន្យា​ រាប់​រយ​ រាប់​ពាន់​សន្យា​ចំពោះ​មុខ​ប្រជា​ពលរដ្ឋ​​បាន​​៕

វីដេអូ​បទ​យក​ការណ៍ ស្តីពី​ឱកាស​ការងារ​សមរម្យ និង​ការ​អភិវឌ្ឍ​ជំនាញ​កសិកម្មនៅក្នុង​ក្រុម​ហ៊ុន ឥន្ទ្រី​បៃតង

សកម្មភាព សម្តេចតេជោ ហ៊ុន សែន អញ្ជើញដឹកនាំគណប្រតិភូជាន់ខ្ពស់ចូលរួមកិច្ចប្រជុំកំពូលរបស់អង្គការសហប្រជាជាតិ ស្តីពីរបៀបវារៈនៃការអភិវឌ្ឍក្រោយឆ្នាំ២០១៥ ពីថ្ងៃទី២៥ ដល់ថ្ងៃទី២៧ ខែកញ្ញា ឆ្នាំ២០១៥ នៅទីក្រុងញូវយ៉ក សហរដ្ឋអាម៉េរិក