AKP ខេត្តព្រះសីហនុ ថ្ងៃទី២៤ ខែកក្កដា ឆ្នាំ២០១៤ កាលថ្ងៃទី២៣ ខែកក្កដា ឆ្នាំ២០១៤ នៅស្នងការដ្ឋាន នគរបាលខេត្តព្រះសីហនុមានរៀបចំពិធីប្រកាសផ្ទេរភារកិច្ច តែងតាំងមុខតំណែង និងបំពាក់ ឋានន្តរសក្តិ ជូនមន្រ្តីនគរបាលជាតិចំនួន៥៣ រូប ក្រោមអធិបតីភាពឯកឧត្តម នាយឧត្តមសេនីយ យុង ឈុន្នី អគ្គស្នងការ រងនគរបាលជាតិ និងឯកឧត្តម ឈិត សុខុន អភិបាលខេត្តព្រះសីហនុ ។
ឯកឧត្តមនាយឧត្តមសេនីយ យុង ឈុន្នី បានពាំនាំការផ្តាំផ្ញើសាកសួរ សុខទុក្ខពីសំណាក់ឯកឧត្តម ឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហា ផ្ទៃ និងឯកឧត្តមនាយឧត្តមសេនីយ៍អគ្គស្នងការនគរបាល ជាតិ និងបានកោត សរសើរចំពោះលទ្ធផល ដែលស្នងការនគរបាលខេត្តសម្រេចបានក្នុងដើម ឆ្នាំ ២០១៤ ដែលបានធ្វើឲ្យបទល្មើសមានការថយចុះ និងបង្ក្រាបបាន៨០% ដោយមានការសហការឯកភាពគ្នាបានល្អ និងមានការចូលរួមពីគ្រប់អង្គភាព មន្ទីរពាក់ពន្ធនានា និងពីប្រជាពលរដ្ឋទើបសម្រេចបាននូវលទ្ធផលដូចនេះ។
ឯកឧត្តមនាយឧត្តមសេនីយ៍បានផ្តាំផ្ញើដល់មន្ត្រីនគរបាល ដែលទើប ទទួលបានតួនាទីថ្មី ត្រូវខិតខំអនុវត្តន៍គោលនយោបាយភូមិ ឃុំមានសុវត្ថិភាព និងធ្វើវេទិកាសាធារណៈឲ្យបានញឹកញាប់ ដើម្បីបម្រើសេវាជូន ប្រជាពលរដ្ឋ ចៀសវាងយកកម្រៃសេវាលើស ជាហេតុធ្វើឲ្យប៉ះពាល់ដល់ផលប្រយោជន៍ប្រ ជាពលរដ្ឋ។ កងកម្លាំងនគរបាលត្រូវគោរពតាមគោលនយោបាយរបស់រាជ រដ្ឋាភិបាល ត្រូវផ្លាស់ប្តូរឥរិយាបទការងារ កាយវិការ សីលធម៌ក្នុងការងារ សុភាពរាបសារតែម៉ឺងម៉ាត់ ហើយត្រូវអនុវត្តន៍តាមបទបញ្ជា និងយកច្បាប់ជា គោល។
ឯកឧត្តមនាយឧត្តមសេនីយ៍មានប្រសាសន៍បន្តទៀតថា កងកម្លាំងនគរ បាលគ្រប់លំដាប់ថ្នាក់ ត្រូវយកចិត្ត ទុកដាក់ក្នុងការបង្កើនសមត្ថភាព ចំណេះ ដឹងថ្មីៗបន្ថែមទៀត ទាំងជំនាញបច្ចេកទេស និងចំណេះដឹងផ្នែក ភាសា ព្រោះខេត្តព្រះសីហនុ ជាតំបន់ទេសចរណ៍មួយសំខាន់ ដែលមានសក្តានុពលផ្នែក កសិកម្ម ឧស្សាហកម្ម ពាណិជ្ជកម្ម និងទេសចរណ៍ ដែលមានភ្ញៀវទេសចរ ជាតិ និងអន្តរជាតិមកលេងកម្សាន្តកាន់តែច្រើនឡើង ជារៀងរាល់ឆ្នាំ។ ត្រូវមាន សាមគ្គីភាពជាមួយមន្រ្តីក្រោមឱវាទ ប្រកបដោយគុណធម៌ សីលធម៌ល្អ ចូលរួម យ៉ាងសកម្មប្រកបដោយឆន្ទៈមោះមុត ក្នុងការថែរក្សាសន្តិសុខ សណ្តាប់ ធ្នាប់សាធារណៈ និងការទប់ស្កាត់ បង្ក្រាបបទល្មើសទាំងឡាយ ក្នុងដែនសមត្ថ កិច្ចរបស់ខ្លួនក្នុងមូលដ្ឋាន។ ត្រូវធ្វើកិច្ចសហប្រតិបត្តិការជាមួយ អង្គភាព មន្ទីរ ពាក់ពន្ធ ដើម្បីនាំមកនូវភាពជោគជ័យ នៃការកែទម្រង់ ពិសេសការសហការជាមួយមន្រ្តីកងរាជ អាវុធហត្ថ កងយោធពលខេមរភូមិន្ទ និងសាលាដំបូងខេត្ត ដើម្បីធ្វើឲ្យការអនុវត្តការងារទទួលបានប្រសិទ្ធភាព តម្លាភាព និងមានការជឿ ជាក់ពីសំណាក់ប្រជាពលរដ្ឋក្នុងមូលដ្ឋាន ពិសេសសម្រាប់ភ្ញៀវទេសចរផង ដែរ។
ពិធីនេះបានប្រកាសតែងតាំងស្នងការរងនគរបាល០១ រូប និងផ្ទេរភារ កិច្ចស្នងការរង០៣ រូប តែងតាំងមុខ តំណែង និងបំពាក់ឋានន្តរសក្តិជូនមន្ត្រី នគរបាលជាតិ នៃស្នងការដ្ឋាននគរបាលខេត្តព្រះសីហនុចំនួន៤៩ រូប៕
ដោយ ងូ សុមុនី