យោងតាមសេចក្តីជូនដំណឹង របស់បេឡាជាតិរបបសន្តិសុខសង្គម (ប.ស.ស) ចេញថ្ងៃទី ២៩ ខែកក្កដា ឆ្នាំ២០១៥ បានជម្រាបជូនដំណឹងដល់ លោក លោកស្រី និយោជក ម្ចាស់ សហគ្រាស គ្រឹះស្ថាន អំពីការបំពេញកាតព្វកិច្ចបង់ភាគទានហានិភ័យដល់បេឡាជាតិរបបសន្តិសុខសង្គម (ប.ស.ស) ដោយ ប.ស.ស សង្កេតឃើញថា មាននិយោជក ម្ចាស់ សហគ្រាស គ្រឹះស្ថានមួយចំនួន មិនបានបង់វិភាគទាន ឬមានការយឺតយូរ ក្នុងការបង់វិភាគទានមក ប.ស.ស។
បេឡាជាតិរបបសន្តិសុខសង្គម ក៏បានអំពាវនាវដល់និយោជក ម្ចាស់សហគ្រាស គ្រឹះស្ថាននានា សូមមេត្តាអនុវត្តតាមកាតព្វកិច្ចច្បាប់ ក្នុងការបង់វិភាគទានហានិភ័យការងារមក ប.ស.ស ឲ្យបានមុនថ្ងៃទី១៥ ខែកក្កដា ឆ្នាំ២០១៥ ជាកំហិត។ ក្នុងករណីខកខានមិនបានបំពេញកាតព្វកិច្ច ក្នុងការបង់ភាគទានដូចបានកំណត់ខាងលើនេះ បេឡាជាតិរបបសន្តិសុខសង្គម នឹងចាត់វិធានការតាមច្បាប់ជាធរមាន។
បេឡាជាតិរបបសន្តិសុខសង្គម សង្ឃឹមយ៉ាងមុតមាំថា លោក លោកស្រី និយោជក ម្ចាស់ សហគ្រាស គ្រឹះស្ថាន នឹងយកចិត្តទុកដាក់អនុវត្តតាមខ្លឹមសារខាងលើ នៃសេចក្តីជូនដំណឹងនេះ ក្នុងស្មារតីទទួលខុសត្រូវខ្ពស់៕
