AKP ខេត្តព្រះវិហារ ថ្ងៃទី២៣ ខែកក្កដា ឆ្នាំ២០១៤
កាលពីថ្ងៃទី២២ ខែកក្កដា ឆ្នាំ២០១៤ នៅឯសាល ប្រជុំសាលាខេត្តព្រះ វិហារ ឯកឧត្តម អ៊ុំ ម៉ារ៉ា អភិបាលខេត្តព្រះ វិហារបានអញ្ជើញជាអធិបតីនៅក្នុងពិធីប្រកាស ដំឡើងឋានន្តរសក្តិ តែងតាំងផ្ទេរ និងប្រគល់ភារកិច្ចដល់មន្ត្រីរាជការ សាលាខេត្ត ព្រះវិហារចំនួន០៨ រូប។
យោងតាមប្រកាសលេខ២៦៦១ ប្រ.ក ចុះថ្ងៃទី១៦ កក្កដា ឆ្នាំ២០១៤ របស់ ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃបានប្រកាសតែង តាំងមុខតំណែងមន្រ្តីរាជការសាលាខេត្តចំនួន០៨ រូប ដើម្បីបំពេញក្នុងរចនា សម្ព័ន្ធសាលាខេត្តព្រះវិហារ។
លោក សុខ ហៃ អតីតអភិបាលស្រុកជាំក្សាន្តត្រូវបានផ្ទេរមកកាន់មុខដំ ណែងជានាយករដ្ឋបាលសាលាខេត្តជំនួសលោក ខូយ ឃុនហ៊រ ដែលចូលនិវត្តន៍ លោក យ៉ុង គឹមហឿង ជានាយករងរដ្ឋបាល លោកស្រី នួន វរល័ក្ខ ជានាយក ទីចាត់ការរដ្ឋបាល លោក ប៉ិច ប៉ោ នាយករងទីចាត់ការគ្រប់គ្រងធនធានមនុស្ស លោក គុជ សុវណ្ណារី ជានាយកទីចាត់ការផែនការ និងវិនិយោគ លោកស្រី ញ៉េប ស៊ីមុត្ថាវី ជាប្រធានការិយាល័យគ្រប់គ្រងបុគ្គលិក លោក គង់ សុធារ៉ា ជាអនុប្រ ធានការិយាល័យកសាងសមត្ថភាព និងលោកស្រី ថោ សុវិច្ឆិកា ជាអនុប្រធាន ការិយាល័យផែនការ។
ឯកឧត្តម អ៊ុំ ម៉ារ៉ា បានមានប្រសាសន៍សំណេះសំណាល និងធ្វើការផ្តាំផ្ញើ ទៅដល់អស់លោក លោកស្រី ដែលទើបទទួលបានមុខដំណែងថ្មីត្រូវខិតខំបំ ពេញភារកិច្ចឲ្យបានល្អប្រសើរទៅតាមតួនាទីដែលបានកំណត់ឲ្យ។ ឯកឧត្តមក៏ បានបន្តថា មន្រ្តីរាជការគ្រប់ឋានានុក្រម ការផ្លាស់ប្តូរតួនាទីភារកិច្ចគឺជារឿង ធម្មតា ដើម្បីផ្លាស់ប្តូរបទពិសោធន៍ការងារឲ្យកាន់តែប្រសើរឡើងនោះ។
លោក សុខ ហៃ បានឡើងធ្វើការប្តេជ្ញាចិត្តថា លោកនឹងខិតខំបំពេញភារ កិច្ចឲ្យបានល្អប្រសើរ បន្តសហការជាមួយមន្ទីរពាក់ព័ន្ធជុំវិញខេត្ត ដើម្បីអនុវត្តន៍ នូវរាល់ការងារដែលថ្នាក់លើប្រគល់ឲ្យបានសម្រេចជានិច្ច៕
ដោយ ទិត ស៊្រ