នៅក្នុងពិធីចែករង្វាន់ដល់សិស្សពូកែ និងសិស្សក្រីក្រ ដំណាច់ឆ្នាំសិក្សា២០១៣-២០១៤ នៅសាលាបឋមសិក្សាសម្តេច ជា ស៊ីម ស្ថិតក្នុងសង្កាត់លេខ២ ក្រុង ព្រះសីហនុ កាលពីថ្ងៃទី២៣ ខែកក្កដា ឆ្នាំ២០១៤ ឯកឧត្តម ហេង សំអាន អភិបាលរងខេត្ត ព្រះសីហនុ បានថ្លែងអំណរគុណចំពោះលោក គ្រូ អ្នកគ្រូ និងអាណាព្យាបាល ដែលបានខិតខំបង្រៀន និងអប់រំកូន ចៅឲ្យ ព្យាយាមរៀនសូត្រ និងមានសាមគ្គីភាពគ្នាល្អជាមួយគ្នានោះ។
ឯកឧត្តម ហេង សំអាន មានប្រសាសន៍ថា រាជរដ្ឋាភិបាលកម្ពុជាបាន ដាក់វិស័យអប់រំជាវិស័យអាទិភាពមួយ ក្នុងចំណោមវិស័យអាទិភាពផ្សេង ទៀត ព្រោះវិស័យអប់រំគឺជាវិស័យបណ្តុះបណ្តាលធនធានមនុស្សមានឲ្យ សមត្ថភាព សុខភាព ចំណេះដឹង និងសីលធម៌រស់នៅប្រកបដោយភាពថ្លៃថ្នូរ សម្រាប់ចូលរួមក្នុងការអភិវឌ្ឍ ប្រទេសជាតិ។ ឯកឧត្តមបញ្ជាក់ថា រាជរដ្ឋាភិ បាលបានដាក់ចេញនូវវិធានការមួយចំនួន ដើម្បីធ្វើកំណែ ទម្រង់វិស័យអប់រំ ដោយឈរលើមូលដ្ឋាននៃយុទ្ធសាស្រ្តចតុកោណ និងផែនការយុទ្ធសាស្រ្ត វិស័យ អប់រំ២០១៤-២០១៨ ការពង្រឹងការគ្រប់គ្រងហិរញ្ញវត្ថុ ទ្រព្យសម្បត្តិរដ្ឋ ការគ្រប់គ្រងបុគ្គលិក ពង្រឹង ការប្រឡងគ្រប់ប្រភេទ ការបង្កើនធនាគារខួរ ក្បាលវិស័យអប់រំ ការបង្កើនគុណភាព និងប្រសិទ្ធភាព នៃសេវាអប់រំនៅគ្រប់ កម្រិតសិក្សា ការអភិវឌ្ឍសម្រាប់យុវជននូវជំនាញបច្ចេកទេស និងកែទម្រង់ ការអប់រំកាយ និងកីឡា ដោយផ្តោតលើគោលនយោបាយគន្លឹះសំខាន់ៗរួម មាន១-ធានាលទ្ធភាពទទួលបានសេវាអប់រំប្រកបដោយសមធម៌ ២-លើក កម្ពស់គុណភាព និងភាពឆ្លើយតប ៣-ធានាភាពគុណភាព នៃភាពជាអ្នកដឹក នាំ និងគ្រប់គ្រងរបស់មន្ត្រីអប់រំគ្រប់លំដាប់ថ្នាក់។
ឯកឧត្តមក៏បានផ្តាំផ្ញើដល់សិស្សានុសិស្ស ឲ្យខិតខំព្យាយាមរៀនសូត្រ ឲ្យក្លាយជាកូនល្អ មិត្តល្អ សិស្សល្អនា ពេលបច្ចុប្បន្ន និងទៅអនាគត ព្រោះ ក្មួយៗជាធនធានមនុស្សប្រកបដោយសក្តានុពល ដើម្បីចូលរួម អភិវឌ្ឍន៍ប្រទេសមានការរីកចម្រើនយ៉ាងឆាប់រហ័ស។
លោកស្រី ឆេង ផាត នាយិកាសាលាបឋមសិក្សាសម្តេច ជា ស៊ីម បាន ឲ្យដឹងថា ក្នុងឆ្នាំសិក្សា ២០១៣-២០១៤ សាលាមានសិស្សសរុបចំនួន ១.១៣០ នាក់ ស្រី៥៤៩ នាក់ លោកគ្រូអ្នកគ្រូចំនួនសរុប៤៤ នាក់ស្រី២៦ នាក់ ហើយ លទ្ធផលសិស្សជាប់មធ្យមភាគ៩៧.៦៣% សិស្សធ្លាក់មធ្យមភាគ១.៣៥% សិស្សបោះបង់ការសិក្សា១.០២% សិស្សឆ្លងភូមិសិក្សា១០០% សិស្សបញ្ចប់ ការសិក្សា១០០%។ រង្វាន់ដែលបានចែកជូនសិស្សពូកែនាពេលនោះគឺជាអំណោយរបស់ឯក ឧត្តម លូ កឹមឈុន ប្រតិភូរាជ រដ្ឋាភិបាលទទួលបន្ទុកប្រធានអគ្គនាយកកំពង់ផែស្វយ័តក្រុងព្រះសីហនុ និងជាប្រធាន គណៈ កម្មការ ទ្រទ្រង់សាលាបឋម សិក្សាសម្តេច ជា ស៊ីម សម្រាប់សិស្សមានចំណាត់ថ្នាក់លេខ១ ដល់លេខ៣ ចំនួន១៣០ នាក់ក្នុងម្នាក់ទទួលបានសម្ភារសិក្សា០១ កញ្ចប់ និងលិខិតសរសើរមួយសន្លឹក។ ដោយឡែកសិស្សក្រីក្រ២៥ នាក់ទទួលបាននូវខោអាវ សិស្សមួយសម្រាប់ សម្ភារសិក្ខា០១ កញ្ចប់ និងថវិកា ៥.០០០ រៀល៕
ដោយ ងូ សុមុនី