AKP ភ្នំពេញ ថ្ងៃទី២៨ ខែកក្កដា ឆ្នាំ២០១៤
ឯកឧត្ដម Jean-Claude Poimboeuf ឯកអគ្គរដ្ឋទូតថ្មី នៃ សាធារណរដ្ឋ បារាំងប្រចាំ កម្ពុជាបានថ្លែងថា ប្រទេស បារាំង មាន ក្តីរីករាយ យ៉ាងខ្លាំង ចំពោះ ការវិវត្ត ផ្នែកនយោបាយនៅ ក្នុងព្រះរាជាណាចក្រកម្ពុជានាពេលថ្មីៗនេះ ហើយបារាំងសូមស្វាគមន៍ និងសង្ឃឹមថា គណ បក្សនយោបាយទាំងពីរនឹងសហការគ្នាដោះស្រាយរាល់បញ្ហាទាំងឡាយ ដែលកម្ពុជាកំពុងតែ ប្រឈមនោះ។
ឯកឧត្តម អ៊ាង សុផល្លែត ជំនួយការសម្ដេចតេជោនាយករដ្ឋមន្ត្រីបានឲ្យដឹងថា នៅក្នុង ជំនួបសម្តែង ការគួរសមលើកដំបូង ជាមួយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជា ណាចក្រកម្ពុជា នៅវិមានសន្តិភាព កាលពីថ្ងៃទី២៨ ខែកក្កដា ឆ្នាំ ២០១៤ ឯកឧត្ដម Jean-Claude Poimboeuf បានថ្លែងថា បារាំងតែងតែស្ថិតនៅក្នុង និងដើរ ទន្ទឹមនៅជាមួយកម្ពុជាជានិច្ច នេះហើយជា បេសកកម្មការទូតរបស់ឯកឧត្ដមមកកាន់ព្រះរាជា ណាចក្រកម្ពុជា។
សម្ដេចតេជោនាយករដ្ឋមន្ត្រីបានសម្ដែងនូវការអបអរសាទរ ចំពោះឯកឧត្ដមឯកអគ្គរដ្ឋ ទូតថ្មី នៃប្រទេស បារាំងប្រចាំកម្ពុជា និងថ្លែងអំណរគុណចំពោះប្រទេសបារាំង ដែលតែងតែ ផ្ដល់នូវកិច្ចសហ ប្រតិបត្តិការ ល្អក្នុងការជួយដល់ព្រះជាណាចក្រកម្ពុជា។ សម្ដេចតេជោមាន ប្រសាសន៍ថា ពីមុនកម្ពុជាបាន ទទួលកង ទ័ពមួកខៀវមកកាន់ព្រះរាជាណាចក្រកម្ពុជា ប៉ុន្តែឥឡូវនេះកម្ពុជាបានបញ្ជូនកងទ័ពមួកខៀវ ទៅក្រៅ ប្រទេស ក្នុងប្រតិបត្តិការរក្សាសន្តិភាព ដោយសម្ដេចបានស្នើសុំឲ្យបារាំងយកចិត្តទុកដាក់ ក្នុងការជួយមើល ថែទាំគ្នាទៅវិញទៅមក នៅក្នុងបេសកកម្មប្រតិបត្តិការរក្សាសន្តិភាព នៅប្រទេសក្រៅបន្ថែម ទៅលើក្រប ខ័ណ្ឌ អង្គការ សហប្រជាជាតិ។ សម្ដេចក៏បានសម្ដែងនូវការរីរាយចំពោះការរីកចម្រើនលើកិច្ចសហប្រតិបត្តិ ការនានារវាងប្រទេសទាំងពីរ ហើយបានបញ្ជាក់ថា តួនាទីបារាំងគួរតែនឹកទៅដល់ជំនួបកំ ពូលនៅ ឆ្នាំ ១៩៨៧ នៅទីក្រុងប៉ារីស ដែលពេលនោះបារាំងបានលើកទឹកចិត្ត និងយកចិត្តទុក ដាក់សម្របសម្រួល និងឈានដល់ការចុះហត្ថលេខា ហើយបន្ទាប់មកបារាំងក៏បានចូលរួមចំ ណែកក្នុងការជួយអភិវឌ្ឍន៍ ព្រះរាជាណាចក្រកម្ពុជាផងដែរ។
ឯកឧត្ដមឯកអគ្គរដ្ឋទូតបារាំងថ្លែងថា បារាំងនៅតែបន្តសហការជួយដល់កម្ពុជា ក្នុងកិច្ច ប្រតិបត្តិការ រក្សាសន្តិភាព ហើយបារាំងក៏ចង់ជួយកម្ពុជាធ្វើយ៉ាងណាឲ្យក្លាយជាប្រទេសគំរូ មួយសម្រាប់ប្រទេស ដទៃទៀត និងបានថ្លែងអំណរគុណជូនចំពោះសម្ដេចតេជោនាយករដ្ឋ មន្ត្រី ដែលបានមានប្រសាសន៍ ជាវិជ្ជមានចំពោះប្រទេសបារាំងក្នុងការជួយដល់ប្រទេសកម្ពុជា នោះ៕
ដោយ ជឹម ណារី