AKP ខេត្តសៀមរាប ថ្ងៃទី២៦ ខែកក្កដា ឆ្នាំ២០១៤
កូនឈើគ្រប់ប្រភេទចំនួន២ ៨៤០ ដើមរួមមានកូនឈើគ្រញូង បេង ឈើ ទាល គគីរ ក្ងោកត្រូវបានដាំនៅភូមិសំរោង ឃុំពពេល ស្រុកសូទ្រនិគម ខេត្ត សៀមរាប កាលពីថ្ងៃទី២៦ ខែកក្កដា ឆ្នាំ២០១៤ ក្រោមអធិបតីភាពលោកជំទាវ ឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធ សភា និងអធិការកិច្ច។
លោកជំទាវឧបនាយករដ្ឋមន្ត្រី ម៉ែន សំអន មានប្រសាសន៍ថា ការដាំឈើឡើងវិញនៅតំបន់ដីរិចរិលនាពេលនេះ គឺដើម្បីបង្កើននូវធនធានព្រៃឈើ សំដៅប្រែក្លាយតំបន់នេះឲ្យមានសោភ័ណភាពយ៉ាងស្រស់ត្រកាល ប្រកបទៅដោយគម្របពណ៌បៃតង ដើម្បីជាការទាក់ទាញដល់ភ្ញៀវទេសចរជាតិ អន្តរជាតិចូល មកទស្សនាកម្សាន្ត ដែលជាការរួមចំណែកលើកកម្ពស់ជីវភាពរស់នៅរបស់ប្រជា ពលរដ្ឋនៅក្នុងតំបន់នេះ។ លោកជំទាវ ម៉ែន សំអន បានបញ្ជាក់ថា ការប្រារព្ធបុណ្យរុក្ខទិវា ដែលជាប្រពៃណីវប្បធម៌ដ៏ឧត្តុង្គឧត្តមរបស់ប្រជាជាតិខ្មែរនាសម័យសង្គមរាស្ត្រនិយម ត្រូវបានរាជរដ្ឋាភិបាលកម្ពុជាប្រារព្ធធ្វើជារៀងរាល់ឆ្នាំ។
លោកជំទាវក៏ណែនាំ និងផ្តាំផ្ញើដល់អាជ្ញាធរមូលដ្ឋាន ព្រះសង្ឃ កងកម្លាំង ប្រដាប់អាវុធ មន្ត្រីរាជការ សិស្សានុសិស្ស និងប្រជាពលរដ្ឋទាំងអស់ ត្រូវបង្កើននូវស្មារតីយកចិត្តទុកដាក់ធ្វើការដាំដុះកូនឈើឡើងវិញ នៅតាមទីវត្តអារាម និង តាមមូលដ្ឋាន អង្គភាព សាលារៀន និងលំនៅដ្ឋាន ព្រមទាំងបង្កើនការដាំដុះដំ ណាំរួមផ្សំ ការចិញ្ចឹមសត្វ និងវារីវប្បកម្ម ដើម្បីធ្វើការអភិវឌ្ឍភូមិឃុំ ស្រុក និងធ្វើឲ្យបរិស្ថានកាន់តែល្អប្រសើរឡើង។
ឯកឧត្តម ឃឹម ប៊ុនសុង អភិបាលខេត្តសៀមរាបបានលើកឡើងថា ខេត្ត សៀមរាបមានផ្ទៃដីព្រៃឈើសរុប៤៧៦ ៨២៤ហិកតា ស្មើនឹង៣១,៦៨% នៃផ្ទៃដីខេត្ត ហើយស្ថានីយផ្សព្វផ្សាយ និងស្តារព្រៃឈើមានចំនួន០៣កន្លែងមានផ្ទៃដីសរុប១ ០៦០ហិកតា និងចម្ការពូជឈើប្រណិត គ្រញូង ធ្លង់ មានចំនួន០៣កន្លែង មានផ្ទៃដីសរុប២៧៤៦ ហិកតា និងសួនឈើអនុស្សាវរីយ៍មានចំនួន០៤ កន្លែង មានផ្ទៃដីសរុប៧៨ហិកតា ដែលបានដាំកូនឈើប្រភេទផ្សេងៗដូចជាគ្រ ញូង បេង ឈើទាល និងគគីរ សរុបចំនួន៤១ ៩០០ដើម សួនឈើអាពាហ៍ ពិពាហ៍ចំនួន០១កន្លែងមានផ្ទៃដីចំនួន៣,៥ហិកតា ព្រមទាំងមានថ្នាលបណ្តុះកូន ឈើ២០កន្លែង ដែលមានសមត្ថភាពផលិតកូនឈើប្រចាំឆ្នាំប្រមាណ២លានដើម ចែកចេញជាឈើរយៈពេលវែងមធ្យម និងឈើហូបផ្លែ។ នៅទូទាំងខេត្តមានសហគមន៍ព្រៃឈើសរុប៥៤កន្លែង ស្មើនឹង១៩ ០១៦ហិតា ព្រមទាំងចម្ការរុក្ខទិវាជាតិ និងចម្ការឈើសហស្សវត្សចំនួន៥៣ហិកតា៕
ដោយ ជ័យ ភូមិពល