នៅក្នុងព្រះរាជដំណើរយាង មកកាន់មាតុប្រទេសវិញនេះ មានមន្រ្តីជាន់ខ្ពស់កំពូលៗ បានអញ្ជើញចូលរួម ទទួលដំណើរយាងនិវត្តន៍មាន៖ សម្តេច សាយ ឈុំ, សម្តេច ហេង សំរិន និង សម្តេច ហ៊ុន សែន ព្រមទាំងមន្រ្តីជាន់ខ្ពស់ សំខាន់ៗជាច្រើនរូបទៀត។
គួរបញ្ជាក់ផងដែរថា កាលពីម៉ោងប្រមាណ១០ព្រឹកថ្ងៃចន្ទ ទី១៩ ខែតុលា ព្រះមហាក្សត្រខ្មែរ ព្រះករុណាព្រះបាទសម្តេច ព្រះបរមនាថ នរោត្តម សីហមុនី បានយាងចាកចេញបំពេញទស្សនកិច្ច នៅប្រទេសវៀតណាម រយៈពេល៤ថ្ងៃ ចាប់ពីថ្ងៃ១៩ រហូតដល់ថ្ងៃទី២២ ខែតុលា ឆ្នាំ២០១៥។
យោងតាមព្រះរាជសារ របស់ព្រះមហាក្សត្រខ្មែរ ដែលចេញផ្សាយនៅថ្ងៃ១៨ ខែតុលានេះ បានឲ្យដឹងថា ព្រះរាជដំណើរទស្សនកិច្ចនេះ ធ្វើឡើងតបតាមការអញ្ជើញ របស់រដ្ឋាភិបាលវៀតណាម។ ព្រះរាជដំណើរទស្សនកិច្ច ៤ថ្ងៃនេះ អង្គព្រះមហាក្សត្រខ្មែរ នឹងយាងទៅទស្សនកិច្ចនៅទីក្រុង Hue និងទីក្រុង Dalat៕
