ជនជាតិខ្មែរ និងចិន ជាមេខ្លោងជួញដូរគ្រឿងញៀនដ៏ធំនៅកម្ពុជាត្រូវបានចាប់ខ្លួន
ជាមួយនឹងវត្ថុតាងថ្នាំញៀនទម្ងន់៥៥គីឡូក្រាម
ឯកឧត្តមឧត្តមសេនីយ៏ឯក ម៉ក់ ជីតូ អគ្គស្នងការរងនគរបាលជាតិ
ទទួលផែនគ្រឿងញៀន បានបើកប្រតិបត្តិទ្រង់ទ្រាយធំ ដឹកនាំកម្លាំងនគរបាល
នៃមន្ទីរប្រឆាំងគ្រឿង ក្រសួងមហាផ្ទៃ ចុះបង្ក្រាបមេខ្លោងជួញដូរគ្រឿងញៀនដ៏ធំនៅកម្ពុជា
ចំនួន៣នាក់ ក្នុងនោះបុរសជនជាតិចិន២នាក់ ដោយដកហូតគ្រឿងជិត៥៥ទម្ងន់គីឡូក្រាម
។
ប្រតិបត្តិការបង្ក្រាបមេខ្លោងជួញដូរគ្រឿងញៀននេះ ដឹកនាំសម្របសម្រួលតាមផ្លូវច្បាប់ពីសំណាក់តំណាងអយ្យការ
បានធ្វើឡើង តាំងពីល្ងាចថ្ងៃទី១៧ ខែមិថុនា នៅក្នុងទឹកដីខណ្ឌឫស្សីកែវ
ដោយឃាត់ខ្លួនជនសង្ស័យចំនួន៣នាក់ ហើយក្រោយពីបញ្ចប់ការសួរនាំរួចមក ឯកឧត្តមឧត្តមសេនីយ៏ឯក
ម៉ក់ ជីតូ បានដឹកនាំកម្លាំងនគរបាល បន្តស្រាវជ្រាវ ដើម្បីតាមចាប់មេខ្លោង
ដែលកំពុងរត់គេចខ្លួន នៅខេត្តស្ទឹងត្រែង។
បន្ទាប់មកនៅព្រឹកថ្ងៃទី១៩ ខែមិថុនា ឆ្នាំ២០១៥
កម្លាំងនគរបាល នៃមន្ទីរប្រឆាំងគ្រឿងញៀន បានបង្ហាញមុខជនសង្ស័យទាំង៣នាក់
ក្នុងនោះមាន ស្រី២នាក់ ព្រមទាំងថ្នាំញៀនទម្ងន់៥៥គីឡូក្រាម ។ នេះជាការបង្ក្រាបការជួញដូរគ្រឿងញៀនដ៏ធំបំផុត
នៅប្រទេសកម្ពុជា ដែលកម្លាំងសមត្ថកិច្ច បានដកហូតគ្រឿងញៀនដ៏ច្រើនបែបនេះ។
ក្នុងចំណោមជនល្មើសគ្រឿងញៀននេះ មានមេខ្លោងលំដាប់ទី២
និងបក្ខពួកទាំងអស់ ៣នាក់ ត្រូវបានត្រូវបានសមត្ថកិច្ចធ្វើសន្និសីទកាសែត
នៅអគ្គស្នងការដ្ឋាននគរបាលជាតិ នៅថ្ងៃទី២០ ខែមិថុនា ឆ្នាំ២០១៥ ដោយឯកឧត្តមឧត្តមសេនីយ៍ឯក
ម៉ក់ ជីតូ អគ្គស្នងការរងនគរបាលជាតិទទួលបន្ទុកផែនគ្រឿងញៀន។
ឯកឧត្តមឧត្តមសេនីយ៍ឯក ម៉ក់ ជីតូ បានថ្លែងនៅក្នុងសន្និសីទកាសែតថា
ថ្នាំញៀនដ៏ធំសម្បើមនេះ ត្រូវបានក្រុមមេខ្លោងនាំចេញពីតំបន់ត្រីកោណមាស
ប្រទេសឡាវ ដោយនាំចូលមកខេត្តស្ទឹងត្រែងប្រទេសកម្ពុជា និងបន្តនាំមករាជធានីភ្នំពេញ
រួចកែច្នៃបញ្ជូនចែកចាយនៅទីក្រុងភ្នំពេញ រួមនឹងបន្តយកទៅលក់នៅកោះតៃវ៉ាន់។
ឯកឧត្តម ម៉ក់ ជីតូ
បានបញ្ជាក់ថា ពាក់ព័ន្ធនឹងថ្នាំញៀនដ៏ធំសម្បើមជិត៥៥គីឡូក្រាមនេះ គឺមានមេខ្លោងជាជនជាតិខ្មែ។
បើតាមការឲ្យដឹងរបស់លោក មាស វិរិទ្ធ អគ្គលេខាធិការនៃអាជ្ញាធរជាតិប្រឆាំងគ្រឿងញៀន
បានថ្លែងប្រាប់នៅក្នុងសន្និសីទកាសែតថា ថ្នាំញៀនគ្រាប់ត្រឹមតែ ៦គីឡូក្រាមប៉ុណ្ណោះ
អាចធ្វើឲ្យប៉ះពាល់មនុស្សដល់ទៅ ១៧៦០០នាក់ ។ ចុះទម្រាំថ្នាំញៀនរហូតដល់
៥៥គីឡូក្រាម តើប៉ះពាល់ដល់ប្រជាពលរដ្ឋចំនួនប៉ុន្មាន? លោកបានបញ្ជាក់ថា
ថ្នាំញៀនទាំងនេះ ពិតជាធ្វើឲ្យប៉ះពាល់យ៉ាងធ្ងន់ធ្ងរដល់ប្រជាពលរដ្ឋរាប់ម៉ឺននាក់
ប្រសិនបើមិនបង្រ្កាបឲ្យទាន់ពេលវេលានោះទេ។
ឯកឧត្តមឧត្តមសេនីយ៍ ម៉ក់ ជីតូ បានបញ្ជាក់ថា នេះជាលើកទី៣ហើយ
ដែលសមត្ថកិច្ចកម្ពុជា បង្រ្កាបបានគ្រឿងញៀនលក្ខណៈធំៗបែបនេះ ហើយវា មានតម្លៃរហូតដល់ប្រហែល៣លានដុល្លារ។
បន្ទាប់ពីបិទបញ្ចប់សន្និសីទកាសែត ជនសង្ស័យ ពាក់ព័ន្ធករណីចាប់គ្រឿងញៀនដ៏ធំ ជាមេក្លោងទី២
និងបក្ខពួក ត្រូវបានបញ្ជូនទៅកាន់តុលាការដើម្បីចាត់ការតាមផ្លូវច្បាប់។
ដោយឡែកមេក្លោងធំ ត្រូវបានកម្លាំងសមត្ថកិច្ចប្រកាសថា
កំពុងតាមប្រមាញ់នឹងចាប់ឲ្យបានក្នុងពេលឆាប់ៗនេះ។
លោកឧត្តមសេនីយ៍ឯក ខៀវ សាម៉ន ប្រធានមន្ទីរប្រយុទ្ធប្រឆាំងគ្រឿងញៀន
នៃអគ្គស្នងការដ្ឋាននគរបាលជាតិ បានឱ្យដឹងថា នៅល្ងាចថ្ងៃទី២១ ខែមិថុនា
ឆ្នាំ២០១៥នេះ មេខ្លោងជួញដូរគ្រឿងញៀនជិត៥៥គីឡូក្រាម ត្រូវបានបញ្ជូនមកដល់អគ្គស្នងការដ្ឋាននគរបាលជាតិហើយ
ដោយត្រូវបានឃុំខ្លួននៅទីនោះ រង់ចាំបញ្ជូនទៅទៅកាន់តុលាការ។
ជនសង្ស័យម្នាក់នេះ មានឈ្មោះ លីវ ស៊ឺ ដែលចាប់បាននៅខេត្តស្ទឹងត្រែង
បន្ទាប់ពីសមត្ថកិច្ច បើកការបង្រ្កាបគ្រឿងញៀនធំមួយ ដោយឃាត់ខ្លួនបានមុខសញ្ញាចែកចាយបន្ត៣នាក់
រហូតដល់ឈានទៅដល់ការចាប់ខ្លួនរូបគេតែម្តង បន្ទាប់ពីរត់គេចខ្លួនទៅដល់ខេត្តស្ទឹងត្រែង។
សូមជំរាបថា កាលពីថ្ងៃទី១៧ ខែមិថុនា កន្លងទៅ សមត្ថកិច្ចចម្រុះ
បានបើកប្រតិបត្តិការបង្រ្កាបយ៉ាងសំងាត់មួយ នៅក្នុងទឹកដីខណ្ឌឫស្សីកែវ
រាជធានីភ្នំពេញ ដោយឃាត់បាន ជនសង្ស័យ៣នាក់ ក្នុងនោះមាន២នាក់ ជាជនជាតិចិន។
ជនសង្ស័យជួញដូរគ្រឿងទាំង៣នាក់ មានជនជាតិចិន២នាក់ ត្រូវចោទប្រកាន់ ពីបទផលិតកែច្នៃ
និងរក្សាទុកជួញដូរ ប្រើប្រាស់ដោយខុសច្បាប់ (សារធាតុញៀន) និងស្ត្រីខ្មែរម្នាក់ឈ្មោះ
ដានី ចោទប្រកាន់ពីបទចូលរួមប្រតិបត្តិបទឧក្រិដ្ឋ (គ្រឿងញៀន) ហើយត្រូវបានតុលាការ
បញ្ចូនទៅពន្ធនាគារព្រៃសរ៕
