ការបោះឆ្នោតទម្លាក់ លោក កឹម ​សុខា ចេញពី​ដំណែងអនុប្រធាន​ទី១រដ្ឋស​ភា គឺស្របទៅ​តាមសំណូមពររបស់​ពលរដ្ឋ និងជាកា​រឆ្លើយត​បនឹងទ​ង្វើរបស់​គាត់

តំណែងអនុ​ប្រធានទី១ នៃរដ្ឋសភា របស់លោក កឹម សុខា ត្រូវបា​នរដ្ឋសភាបោះ​ឆ្នោត ដកតំ​ណែងហើយ នៅព្រឹក​ថ្ងៃទី ៣០ ខែតុលា ឆ្នាំ២០១៥នេះ បន្ទាប់ពីរដ្ឋ​សភាបានបើកកិច្ចប្រ​ជុំ ដែលមានរបៀបវារៈ​បោះឆ្នោត​ដកតំណែង ​លោក កឹម សុខា នៅវេលា​ម៉ោង៩៖១០នាទីព្រឹក ថ្ងៃ​សុក្រនេះ។ ការដកតំណែ​ងនេះ ក៏ធ្វើឡើងបន្ទាប់ពីមា​នបាតុកម្មដោយសន្តិវិធីកា​លពីថ្ងៃទី ២៦ ខែតុលា​ ឆ្នាំ២០១៥កន្ល​ងទៅនៅមុខរដ្ឋសភា ដោ​យប្រជាពលរដ្ឋបានសំ​ណូមពរឲ្យ ដកដំ​ណែង លោក កឹម សុខា ​ពីអនុប្រធា​នទី១រដ្ឋសភា ឲ្យបាន​ឆាប់តា​មដែលអាច​ធ្វើទៅបាន។
សូមជំរាបថា កិច្ចប្រជុំរដ្ឋស​ភាដើម្បីបោះឆ្នោត​ទម្លាក់តំណែង លោ​ក កឹម សុខា ធ្វើឡើង​ក្រោម អធិប​តីភាព ស​ម្តេច ហេង សំរិន ប្រធានរដ្ឋស​ភា ហើយ រដ្ឋសភាបាន​សម្រេចបោះឆ្នោ​តទម្លាក់ តំណែងអនុ​ប្រធានទី១ នៃរដ្ឋសភារប​ស់លោក កឹម សុខា ដោយស​ម្លេង៦៨ លើ៦៨។
ក្នុងរបៀបវារៈប្រជុំ​គណៈកម្មាធិការអចិន្ត្រៃយ៍​រដ្ឋសភា បានបញ្ជា​ក់ថា កិច្ចប្រជុំពិនិត្យ​ ដកតំណែងរបស់លោក កឹម សុខា នេះធ្វើឡើងតា​មសំណើររបស់ ឯកឧត្តម ប៉ែន បញ្ញា និង ឯកឧត្តម ​ជាម យៀប តំណា​ងក្រុមតំណាងរាស្រ្ត ៦៣រូប មក​ពីគណបក្សប្រជាជនកម្ពុជា។
ការដកដំណែង លោក កឹម សុខា នេះដែរ រដ្ឋសភាក៏មា​នឯកសារស្តីពីសម្រង់ញ​ត្តិ របស់ប្រជាពលរដ្ឋ​ ដែលទា​មទារឲ្យដកដំណែង​អនុប្រធានទី១​ នៃរដ្ឋសភាពី​លោក កឹម សុខា ដោយក្នុងនោះញត្តិរបស់ប្រជា​ពលរដ្ឋ ក្នុងរាជធានីភ្នំពេញ ចំនួ​នប្រមាណជាង៥​០០០នាក់ ចុះថ្ងៃទី ២៦ ខែតុលា ឆ្នាំ២​០១៥, ញត្តិរបស់ប្រ​ជាពលរដ្ឋ ខេត្តកំពង់​ចាម ចំនួន ១៩.១៨​៤នាក់ ចុះថ្ងៃទី ២៦ ខែតុលា ឆ្នាំ២០១៥, ញត្តិរបស់​ប្រជាពលរដ្ឋ ខេត្តត្បួ​ងឃ្មុំ ចំនួន ១០.៣៨​១នាក់ ចុះថ្ងៃទី ២៦ ខែតុលា ឆ្នាំ២០១៥, ញត្តិរបស់​ប្រជាពលរដ្ឋ ខេត្តបន្ទា​យមានជ័យ ចំនួនប្រមា​ណជាង ១៥.០០០នាក់ ចុះថ្ងៃទី ២៨ ខែតុលា ឆ្នាំ២០១៥ និងញត្តិរបស់ប្រជា​ពលរដ្ឋ ខេត្តស្វាយរៀង ចំនួ​ន ១៨៣.០០០នាក់ ចុះថ្ងៃទី ២៧ ខែតុ​លា ឆ្នាំ២០១៥។
ក្រៅពីនោះក៏មា​នញត្តិរបស់តំណាង​រាស្ត្រ គោរពជូន សម្តេចប្រធា​នរដ្ឋសភា ដោយបា​ន សរសេរថា យើងខ្ញុំជាតំណា​ងរាស្ត្រ ដែលមានឈ្មោះ និងហត្ថលេខា ប៉ែន បញ្ញា និង ជាម យៀប សូមជម្រាបជូ​នថា លោក កឹម សុខា តំណាង​រាស្រ្តមណ្ឌ​ល ខេត្តកំពង់ចាម ក្រោយ​ពីបានទទួល តំណែងអនុ​ប្រធានទី១ រដ្ឋសភា បានប្រព្រឹត្តផ្ទុយពីបទប្បញ្ញត្តិ ដែលមានចែង​នៅក្នុងរដ្ឋធម្មនុញ្ញ នៃព្រះរាជា​ណាចក្រកម្ពុជា បទបញ្ជាផ្ទៃក្នុងនៃ​រដ្ឋសភា និងច្បាប់ស្តីពីលក្ខនត្តិកៈ​តំណាងរាស្ត្រ។ ជាមួយគ្នា​នេះ នៅពេលចុះមូលដ្ឋានជួបប្រជា​ពលរដ្ឋ ឬសមាជិកខ្លួន ឬទៅបរទេសក្នុង លក្ខណៈឯកជន ​លោក កឹម សុខា តែងតែឆ្លៀតប្រើសិទ្ធិជាអ​នុប្រធានទី១ រដ្ឋសភា រំលោភលើ​ រដ្ឋធម្មនុញ្ញ បទបញ្ជាផ្ទៃក្នុ​ងរដ្ឋសភា និងច្បាប់ជា​ធរមានផ្សេងៗទៀត។ ជាងនេះទៅ​ទៀត លោក កឹម សុខា បានរំលោភលើកិច្ច​ព្រមព្រៀងថ្ងៃទី ២២ ខែកក្កដា ឆ្នាំ២០១៥ និងសេចក្តីថ្លែ​ងការណ៍រួម រវាងថ្នាក់ដឹកនាំតំណាងរាស្ត្រនៃ​គណបក្សទាំងពីរ ថ្ងៃទី ០៩ ខែតុលា ឆ្នាំ២០១៥។ លោ​ក កឹម សុខា បានវាយប្រហារ ជេរប្រមាថ ជាបន្តប​ន្ទាប់មកលើគ​ណបក្ស និងថ្នាក់ដឹកនាំគ​ណបក្សប្រជាជន កម្ពុជាផ្ទុយនឹងគោលការណ៍​នៃវប្បធម៌សន្ទនា រវាងគណបក្ស​ទាំងពីរ។ ញុះញង់បញ្ហាព្រំ​ដែន ព្រមទាំងបញ្ឆេះនូវគំនុំជា​តិសាសន៍ ជាមួយប្រទេ​សជិតខាង ហើយបង្កឲ្យ​មានចលាចល ដែលធ្វើ​ឲ្យប៉ះពាល់ដល់ទំនៀ​មទម្លាប់ល្អរបស់សង្គម ដល់សណ្តាប់ធ្នា​ប់សាធារណៈ និងដល់ សន្តិសុខជាតិ និងធ្វើសក​ម្មភាពឃោសនា ញុះញង់បំបែកបំបាក់ បង្កអស្ថិ​រភាពក្នុងសង្គមជាតិ។
ផ្អែកលើមូល​ដ្ឋានដ៏រឹងមាំ និងសំណូមពរដ៏ទទូ​ចរបស់ប្រជាព​លរដ្ឋ និងអ្នកតំណាងរាស្ត្រ ដែលជាសមាជិករដ្ឋសភា ក៏ដូចជាលទ្ធផល​នៃការបោះឆ្នោតនៅ​ព្រឹកនេះ ការដកតំណែងលោ​ក កឹម សុខា ត្រូវបានធ្វើ​ឡើងដោយរ​លូនជាទីបំផុត។
ទន្ទឹមនឹងនេះរដ្ឋសភា បានបោះឆ្នោត ដកតំណែង លោក កឹម សុខា ពីអនុប្រធានទី១រដ្ឋសភាមកទីប្រឹក្សា និងជំនួយការរបស់លោក កឹម សុខា ទាំង២៣រូប ក៏ត្រូវបញ្ចប់តំណែងជាស្វ័យប្រវត្តិជាមួយនឹងលោក កឹម សុខា នេះផងដែរ ៕
អត្ថបទ៖ ច័ន្ទ ទេវី

កម្រងឯកសារ ស្តីពីព្រះរាជសកម្មភាព ព្រះករុណ ព្រះបាទសម្តេចព្រះបរមនាថ នរោត្តម សីហមុនី

កម្រងឯកសារ ស្តីពីព្រះរាជសកម្មភាព ដ៏ឧត្តុង្គឧត្តម ជាប្រវត្តិសាស្រ្ត របស់ព្រះករុណ ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជាកិច្ចបម្រើជាតិ មាតុភូមិ និងប្រជារាស្រ្តកម្ពុជា

សេចក្តីថ្លែងការណ៍ពិសេសរបស់ សម្តេចតេជោ ហ៊ុន សែន ពាក់ព័ន្ធនិងអំពើហិង្សាដែលបានកើតឡើងនៅក្នុង បាតុកម្មកាលពីថ្ងៃទី ២៦ ខែ តុលា កន្លងទៅនេះ

សេចក្តីថ្លែងការណ៍ពិសេសរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ស្តីពីស្ថានការណ៍នយោបាយនៅព្រះរាជាណាចក្រកម្ពុជា ពាក់ព័ន្ធនិងអំពើហិង្សាដែលបានកើតឡើង កាលពីថ្ងៃទី ២៦ ខែ តុលា កន្លងទៅនេះ

ថ្ងៃទី២៨ ខែតុលា ឆ្នាំ២០១៥

សារលិខិត​សម្តេចអគ្គមហា​ពញាចក្រី ​ហេង ​សំរិនថ្វាយ​ ព្រះបាទ​សម្តេច​ព្រះ​បរមនាថ​ នរោត្តម សី​ហមុនី ក្នុងឱ​កាសព្រះ​រាជពិធីបុ​ណ្យខួប​លើក ទី១១ នៃកា​រយាងគ្រង​សម្បត្តិ

ក្រសួង​ម​ហាផ្ទៃស​ម្រេច បង្កើត​គណៈកម្មការស្រាវ​​ជ្រាវស៊ើបអង្កេត ករណីប​ង្ករបួស​ស្នាម​លើតំណាង​រា​ស្ត្របក្ស​ស​ង្គ្រោះជាតិ

នៅថ្ងៃទី​២៧ ខែតុលា ឆ្នាំ២០១៥ សម្តេចក្រឡា​ហោម ស ខេង ឧបនាយករ​ដ្ឋមន្ត្រី រដ្ឋមន្ត្រីក្រ​សួងមហា​ផ្ទៃ បានចុះហត្ថលេ​ខា បង្កើត​គណៈកម្មការស្រាវជ្រាវ​ស៊ើប​អង្កេត លើករណី​បង្ករបួសស្នាមលើ អ្នកតំណាងរា​ស្ត្ររបស់ គណបក្សស​ង្គ្រោះជាតិ (CNRP) ២រូប នៅមុខរ​ដ្ឋសភា កាលពី​ថ្ងៃទី២៦ ខែតុលា ឆ្នាំ២០១៥ ។
សេចក្តីសម្រេច​នៅក្នុងប្រការ១ បានឲ្យដឹង​ថាចំពោះ​សមាសភាព​នៅក្នុង គណៈកម្មការនេះ​ គឺមាន៨រូប ក្នុង​នោះ ឯកឧត្តម​នាយឧត្តម​សេនីយ៍ ឯម សំអាន រដ្ឋលេខាធិការ​ក្រសួង​មហាផ្ទៃ ជាប្រធាន, ឯកឧត្តមឧត្តម​សេនីយ៍ឯក ឆៃ ស៊ីណារិទ្ធ អគ្គស្នងការរងនគរបាល​ជាតិ ជាអនុប្រ​ធាន, ឯកឧត្តមឧត្តម​សេនីយ៍ឯក សៀង សេន ប្រធាននា​យកដ្ឋានសន្តិសុខ​ផ្ទៃក្នុង ជាសមា​ជិក, ឯកឧត្តមឧត្តមសេនីយ៍​ឯក អ៊ី សុខឃី ប្រធាននាយក​ដ្ឋានប្រឆាំង​ភេរវកម្ម និងឧក្រិដ្ឋកម្ម​ឆ្លងដែន ជាសមាជិក, ឧត្តមសេ​នីយ៍ទោ សុខ ខេមរិន្ទ ប្រធាននាយក​ដ្ឋាននគរបាល ព្រហ្មទណ្ឌ ជាសមា​ជិក, ឧត្តមសេនីយ៍​ទោ មួង សុធា ប្រធាននាយក​ដ្ឋាននគរបាលបច្ចេក​ទេស វិទ្យាសាស្ត្រ ជាសមា​ជិក, ឧត្តមសេនី​យ៍ត្រី សុង លី ស្នងការរងន​គរបាល​រាជធានីភ្នំពេញ ជា​សមាជិក និង លោក​វរសេនីយ៍ឯក ស៊ឹម វុទ្ធី ស្នងការរងនគរបាលរាជ​ធានីភ្នំពេញ ជាសមា​ជិក។
សេចក្តីសម្រេចបាន​បញ្ជាក់ទៀតថា គណៈកម្មការនេះ មាន​ភារកិច្ច ស្រាវជ្រាវ ស៊ើប​អង្កេត ប្រមែប្រមូលភស្តុ​តាងនានា តាមនី​តិវិធី ដើម្បី​ឈានដល់​ទៅចាប់ខ្លួន ជនសង្ស័យដែ​លបានបង្ក របួសស្នាមលើអ្នកតំ​ណាងរាស្ត្រ និងបញ្ជូនទៅ​កាន់តុលាការ កាត់ទោសតាមច្បា​ប់ជាធរមាន៕
អត្ថបទ៖ ច័ន្ទ ទេវី

អគ្គលេខាធិការដ្ឋានរដ្ឋ​សភា ចេញសេច​ក្តីជូនដំ​ណឹង ស្តីពីការ​បន្តសម័យប្រជុំ​រដ្ឋសភាលើក​ទី៥ នីតិកាល​ទី៥ នៅថ្ងៃទី ៣០ ខែ​តុលា ឆ្នាំ២០១៥​

រដ្ឋមន្រ្តី​ក្រសួងអប់រំ បង្ហា​ញនូវមោ​ទនភាពជាខ្លាំងអំ​ពីសមិទ្ធផល​ជាច្រើនដែល​កើតឡើងក្នុង​រយៈពេល៥១ ឆ្នាំនៃការក​កើតវិទ្យាស្ថានបច្ចេកវិ​ទ្យាកម្ពុជា​

នៅថ្ងៃទី២​៧ ខែតុលា ឆ្នាំ២០​១៥នេះ ឯកឧត្តមប​ណ្ឌិត ហង់ ជួន ណារ៉ុន រ​ដ្ឋមន្រ្តីក្រ​សួងអប់រំ យុវជន និង កីឡា បានឡើងអា​នសុន្ទរកថាស្វាគមន៍ និងរបាយការណ៍សង្ខេបក្នុង​ពិធីសម្ពោធស្តូ​បអនុស្សាវរីយ៍មិត្ត ភាព​​កម្ពុជា-រុស្សី និង អំពីសកម្មភាពអ​ភិវឌ្ឍន៍ហេដ្ឋា​រចនាសម្ព័ន្ធ និង​សមិទ្ធផលនៃការអភិ​វឌ្ឍធនធាន មនុស្ស​​នៅក្នុង​វិទ្យាស្ថានបច្ចេ​កវិទ្យាកម្ពុជា។
យោងតាមរបាយការណ៍​ស​ង្ខេបរប​ស់ឯកឧត្តមរ​ដ្ឋមន្រ្តីបា​នឱ្យដឹងអំពីប្រវត្តិរ​បស់វិទ្យាស្ថានថា នៅថ្ងៃទី២០ ខែកញ្ញា ឆ្នាំ១៩៦៤ វិទ្យាស្ថានបច្ចេ​កទេសជាន់ខ្ព​ស់មិត្តភាព ខ្មែរ-សូវៀត ហៅ​កាត់ ITSAKS បានបង្កើត ឡើងក្រោម​កិច្ចសហ​ប្រតិបត្តិការពី​អតីតសហ​ភាពសូវៀត។ ពីថ្ងៃទី១៧ ខែមេសា ឆ្នាំ១៩៧៥ ដល់​ឆ្នាំ១៩៨០ វិទ្យាស្ថានបច្ចេ​កទេសជាន់ខ្ពស់មិត្ត​ភាពខ្មែរ-សូវៀត ត្រូវបាន​បោះបង់​ចោលទាំ​ងស្រុង ក្រោម​របបខ្មែរក្រ​ហម។ នៅថ្ងៃទី១៧ ខែក​ញ្ញា ឆ្នាំ១៩៨១ វិទ្យាស្ថាន​នេះ បានបើ​កជួសជុល និងដាក់ឱ្យដំណើរ ការឡើងវិញដោ​យមានឈ្មោះថា វិទ្យាស្ថានបច្ចេ​កទេសជាន់ខ្ពស់​មិត្តភាពកម្ពុ​ជា-សូវៀត។ ដោយ​សារតែ​ស្ថានភា​ព​សង្គមមា​នការប្រែ​ប្រួល ​នៅថ្ងៃទី១៩ ខែតុលា ឆ្នាំ១៩៩២ វិទ្យាស្ថាន​នេះបានប្តូរឈ្មោះ​មកជា វិទ្យាស្ថាន​បច្ចេកវិទ្យា​ភ្នំពេញ។ នាថ្ងៃទី១៧ ខែ​មីនា ឆ្នាំ១៩​៩៤ វិទ្យាស្ថា​នបច្ចេកវិទ្យា​ភ្នំពេញ ក៏បានប្តូរ ឈ្មោះ​មកជា វិទ្យាស្ថាន​បច្ចេកវិទ្យាកម្ពុជា​ដែលមជ្ឍដ្ឋានអន្ត​រជាតិនិ​យមហៅថា I.T.C ហើយប្រ​ជាជន​និយមហៅ​ថា សាលា​តិចណូ។
ក្នុងអាយុ​កាល ៥១ ឆ្នាំ នៃកា​រកកើតគ្រឹះស្ថា​នសិក្សានេះ​ វិទ្យាស្ថានបានកំ​ណត់នូវចក្ខុវិស័យ និងបេស​ក-​កម្ម​ច្បាស់លាស់របស់ខ្លួន។ នេះក៏ដោយសារគុណូបការៈដ៍ធំធេងដែល សម្តេចអ​គ្គមហាសេ​នាបតីតេជោ​ ហ៊ុន សែន និងស​ម្តេចកិត្តិ​ព្រឹទ្ធបណ្ឌិត បានជួយជ្រោ​មជ្រែងដល់វិទ្យាស្ថាន​ដោយផ្ទាល់​តាមរយៈ​កិច្ចគាំទ្រ នានាពិសេ​សការគាំទ្រនូវរាល់កិច្ច​សហប្រតិបត្តិការជាមួយបណ្តាប្រទេស​ជាដៃគូនានា ដូ​ចជា រុស្សី បារាំង បែលហ្សិ​ក ជប៉ុន កូរ៉េ ហ្វាំងឡង់ អូស្រ្តាលី និងអង្គការអន្តរជា​តិនានាក្នុងការចូល​រួមចំណែក​កសាង និង អភិវឌ្ឍវិទ្យាស្ថានរហូតដល់បច្ចុប្បន្ន ក្នុងនោះ​ក៏មានផងដែរនូវកិច្ច​សហប្រតិបត្តិ​ការពីបណ្តា​ក្រសួង​-មន្ទីរ សហគ្រាសជា​តិ និង​អន្តរជា​តិផងដែរ។
យោងតា​មរបាយការ​ណ៍សង្ខេប​របស់ឯ​កឧត្តមរដ្ឋមន្រ្តី បានឱ្យដឹងផ​ងដែរថា នាពេល​បច្ចុប្បន្ន​នេះ វិទ្យាស្ថាន​កំពុងបណ្តុះ​បណ្តា​លថ្នាក់ប​ច្ចេកទេសមធ្យ​ម​វិស្វករ និងថ្នាក់បរិញ្ញា​បត្រជាន់ខ្ពស់នៅក្នុង​ថ្នាក់ឆ្នាំ សិក្សាមូលដ្ឋា​ន គីមី និងអា​ហារ សំណង់ស៊ី​វិល និងស្ថាបត្យ​កម្ម អគ្គីសនី និងថាមពល ឧស្សាហ​កម្ម និង មេកានិច វិស្វកម្មជនបទ ព័ត៌មានវិទ្យា ធនធានរ៉ែ និងប្រេ​ងកាត។ ក្នុងឆ្នាំសិក្សានេះ មាននិស្សិតសរុប ៤.៥៤២ នាក់ ក្នុងនោះនារី ៨៧០ នាក់ស្មើនឹង ២០%កំពុងសិក្សា។ ទន្ទឹមនឹងនេះ វិទ្យាស្ថានបានបើក បណ្តុះ​បណ្តាលថ្នាក់បរិញ្ញា​បត្រជាន់ខ្ពស់​ជាលក្ខណៈ ឌុបឌីប្លូម ដោយដាក់ឱ្យ​ដំណើរការរួ​មគ្នាជាមួយគ្រឹះ ស្ថានសិក្សានៅប្រទេ​សបារាំង និងថ្នាក់បរិញ្ញាបត្រជា​ន់ខ្ពស់ក្រោមកិច្ចស​ហការជាមួ​យបារាំង AUF និង​ហ្វាំងឡង់។ល។ ថ្នាក់បណ្ឌិ​តវិស្វកម្ម វិទ្យាស្ថា​នកំពុងបណ្តុះបណ្តា​លក្រោមរូបភាព សហប្រឹក្សា រវាង​សាស្រ្តាចារ្យ​តិចណូ និងសាស្រ្តាចា​រ្យបារាំង និងបែល​ហ្សិក។ ពេលបញ្ច​ប់ការសិក្សាគ្រឹះស្ថាននោះជា​អ្នក ចេញសញ្ញា​បត្រ។ គិតជារួ​មក្នុងរយៈពេល៣​៩ឆ្នាំមកនេះ មានអ្នកបច្ចេ​កទេសមធ្យម វិស្វ​ករ និងបរិ​ញ្ញា-​បត្រជាន់​ខ្ពស់ចំនួន ៨.៧៣១ នាក់ ក្នុ​ងនោះនារី ១.២៥១ នា​ក់ស្មើនឹង ១៤.៣% បានបម្រើ​ការ និងមាន តួ​នាទីសំ​ខាន់ៗនៅតាមបណ្តា​ក្រសួង-មន្ទីរ រោងច​ក្រសហគ្រាស​ក្នុងនិងក្រៅ​ប្រទេស ដែល​នេះបានឆ្លុះ បញ្ចាំងអំពីគុ​ណភាពបណ្តុះបណ្តាលធន​ធានមនុស្សផ្នែ​កបច្ចេកវិទ្យារបស់វិទ្យាស្ថាន។ ម៉្យាងវិញ​ទៀត វិទ្យាស្ថានបច្ចេ​កវិទ្យាកម្ពុជា បានទទួលអាហា​រូបករណ៍​១៣ប្រភេទ ដើម្បីផ្តល់ជូន​និស្សិត សាស្រ្តា​ចារ្យ មន្រ្តីរាជការ ដែលក្នុងនោះរួមមាន៖ អាហារូបក​រណ៍រាជរដ្ឋាភិបា​លជាអាហារូបករណ៍ជា​អាទិភា​ព អាហា​រូបករណ៍ AUF អាហារូបករ​ណ៍សម្រាប់ឆ្នាំទីមួយ អាហារូបករណ៍​សិស្សពូកែភាសា​បារាំង អាហារូប​ករណ៍​សម្រាប់និស្សិតនារី អាហារូ​បករណ៍ធនាគារពិភពលោ​ក អាហារូបករណ៍​ក្រុមហ៊ុ​នជីបម៉ុងខនគ្រីត អាហារូប ករណ៍ D.D.Kim អាហារូប​ករណ៍មូលនិធី​ខ្មែរនៅស​ហរដ្ឋអាមេរិក អាហា​រូបករណ៍ SUMITOMO អាហា​រូបករណ៍ Enfant-du-Mekong និងអាហារូបករណ៍អង្គការកុមារនៃភាពញញឹម។
ទន្ទឹមនឹង​ការបណ្តុះបណ្តា​លខាងលើ វិទ្យាស្ថានបា​នបង្កនូវឱកាស​ដល់សា​ស្រ្តាចារ្យ ដែលមានស​មត្ថភាព ខ្ពស់ឱ្យចូលរួ​មក្នុងសកម្មភាពស្រាវ​ជ្រាវវិទ្យាសាស្រ្ត ដែល​ឱកាសនេះ ជាចល​ករក្នុងការរក​ឃើញ​នូវ​គុណ​ភាព​អប់រំនៅក្នុងវិទ្យា​ស្ថានតាមរយៈនៃការផ្សារភ្ជាប់ការអ​នុវត្តទៅនឹងទ្រឹស្តី។ ជាលទ្ធផលនិស្សិតដែល​បាន បញ្ចប់ការសិ​ក្សាតាមឆ្នាំនីមួយៗ មានវិស្វ​ករប្រមាណ ៧០% ទទួលបាន​ការងារធ្វើភ្លាមៗ ២៥% កំពុ​ងបន្ត ការសិក្សា និង៥% កំពុងប្តូរការងារ និងបើកក្រុ​មហ៊ុនដោយខ្លួនឯង។ លទ្ធផលវិជ្ជ​មាននេះ បានមក​តាម រយៈកិច្ចសហ​ប្រតិបត្តិការល្អជាមួយដៃគូ និងការជឿជាក់​ទៅលើសមត្ថភាពបណ្តុះប​ណ្តាលរួមនិងគុណ ភាពនៃការអប់រំ។​ ចំពោះការងា​ររដ្ឋបាលវិញ​ វិទ្យាស្ថានបច្ចេកវិទ្យា​កម្ពុជា មានបុគ្គលិ​កសុរបចំនួន ៣៤២ នាក់ នា​រី​ ៧៦នាក់ ស្មើនឹង ២២.២% ក្នុងនោះមា​នសាស្រ្តាចារ្យ ២១៣ នាក់ នារី ៤៩នាក់ (ប​ណ្ឌិត​វិស្វករ ៤៧នាក់) និងបុគ្គលិករដ្ឋបាល-ក​ម្មករក្រប​ខ័ណ្ឌរដ្ឋ ១២៩នាក់ នារី២៧នាក់។ ចំពោះកិ​ច្ចសហ​ប្រតិ​បត្តិការអន្តរជាតិ ដើម្បីលើកកម្ពស់​គុណភាពនៃ​ការបណ្តុះប​ណ្តាល វិទ្យាស្ថា​នបានចុះអនុស្សារណៈ ជាមួយគ្រឹះ​ស្ថានឧត្តមសិ​ក្សាបរទេស ចំនួន៤៤ និង​បណ្តាញសាកល​វិទ្យាល័យ មា​ននៅអ៊ឺរ៉ុប អាមេរិក ​អាស៊ី និងអូសេអានី​ ចំនួន៦។ ឆ្លងតាមកិច្ច​សហប្រតិបត្តិ​ការនេះ វិទ្យាស្ថានទទួលបានជំនួយឧបត្ថម្ភជា អាហារូបករណ៍​ទៅបរទេ​សបេសកកម្មបង្រៀននៅវិទ្យាស្ថាន និងជាគ្រឿងបរិក្ខាពិសោធន៍។ល។
ឯកឧត្តមរដ្ឋ​មន្រ្តីក្រសួងអប់រំ បាន​ថ្លែងសង្កត់ធ្ងន់ថា​ តាងនាមឱ្យគណៈគ្រប់​គ្រង សាស្រ្តាចា​រ្យ មន្រ្តីរាជការ បុគ្គលិក និងនិស្សិ​តនៃវិទ្យាស្ថានប​ច្ចេកវិទ្យាកម្ពុជា ទាំងមូល សូមប្រសិ​ទ្ធពរ​ជ័យសិរីមង្គល ជូនចំពោះ​ឯក​ឧត្តម​បណ្ឌិតសភាចារ្យ សុខ អាន ឧបនាយក​រដ្ឋមន្រ្តី រដ្ឋមន្រ្តីទទួលបន្ទុ​កទីស្តីការគណៈ​រដ្ឋមន្រ្តី ព្រម​ទាំង​លោកជំទាវ និងក្រុម​គ្រួសារ សូមប្រក​បដោយ សេចក្តីចម្រុងចម្រើ​នជានិច្ចនិរន្តរ៍។


អត្ថបទៈ តាំង ករុណា

ស្តូបអ​នុស្សាវរីយ៍មិត្តភា​ព កម្ពុជា-រុ​ស្សី និង វិទ្យាស្ថានប​ច្ចេកវិទ្យាកម្ពុជា គឺជាសក្ខី​ភាពបង្ហាញពីទំនា​ក់ទំនងដ៏យូរ​អង្វែងរវា​ង ​កម្ពុជា-រុស្សី

មានប្រសា​សន៍នៅ ក្នុងពិធី​សម្ពោធ​ស្តូបអនុស្សាវរីយ៍​មិត្តភាព កម្ពុជា-រុស្សី នៅថ្ងៃទី២៧ ខែតុលា ឆ្នាំ២០១៥ នាវិទ្យាស្ថានបច្ចេក​វិទ្យាកម្ពុជា (សាលាតិចណូ) ឯកឧត្តម បណ្ឌិតសភា​ចារ្យ សុខ អាន ឧបនាយក​រដ្ឋមន្ត្រី រដ្ឋមន្ត្រី ទទួលបន្ទុកទីស្តី​ការគណៈរដ្ឋមន្ត្រី បានលើក​ឡើងថា ការសាងសង់​ស្តូបអនុស្សាវរីយ៍​មិត្តភាព កម្ពុជា-រុស្សី នេះ គឺដើម្បីរំឮក​ដល់កិច្ចសហ​ប្រតិបត្តិការ ជាមិត្តភាព​ដ៍ល្អរវាងប្រទេសទាំង​ពីរ ជាពិសេសរំឮកដល់​អនុស្សាវរីយ៍ នៃការសាង​សង់គ្រឹះស្ថាន​ឧត្តមសិក្សា​បច្ចេក​ទេស ដ៏ចំណាស់ជាង​គេមួយ​នៅកម្ពុជា គឺវិទ្យាស្ថានបច្ចេកវិទ្យា កម្ពុជា កាលពីប្រាំទស្សវត្ស​រ៍មុន។


ឯកឧត្តម បណ្ឌិតសភា​ចារ្យ សុខ អាន បានមានប្រសាស​ន៍ថា ស្ដូបអនុស្សាវរីយ៍​មិត្តភាព កម្ពុជា-រុស្ស៊ី ដែលនឹង​ត្រូវសម្ពោធជាផ្លូវការ​នៅពេលនេះ​ គឺជាសក្ខីភាពឆ្លុះបញ្ចាំង​ឱ្យឃើញយ៉ាង​ច្បាស់ នូវកិច្ច​សហ​ប្រតិបត្តិការ ជាមិត្តភាពដ៏ល្អ និងយូរអង្វែង​រវាងកម្ពុជា និងរុស្ស៊ី ដែលកើតមាន​ឡើង​ចាប់តាំងពីទសវត្សរ៍ឆ្នាំ​១៩៥០ មកម្ល៉េះ។


ឯក​ឧត្តម បណ្ឌិតស​ភាចារ្យ សុខ អាន បានរំលឹក​ឲ្យដឹងផងដែរថា  កម្ពុជានៅចង​ចាំយ៉ា​ងច្បាស់ណាស់ថា នៅក្រោ​យថ្ងៃរំដោះ ៧ មករា ១៩៧៩ រដ្ឋជាសមា​ជិកអតីត​សហភាព​សូវៀត ជា​ពិសេសរុស្ស៊ី បាន​ផ្ដល់នូវ ការគាំទ្រដ៏​សំខាន់ដល់កម្ពុជា សម្រាប់​ការកសាងប្រទេស​ឡើងវិញ បន្ទាប់​ពីត្រូវបានបំផ្លិចបំផ្លាញ​ស្ទើរទាំងស្រុង លើគ្រប់វិស័យ ដោយ​របប​ប្រល័យពូជ​សាសន៍​ប៉ុលពត តាមរយៈទំនាក់ទំនង​សេដ្ឋកិច្ច និងពាណិជ្ជកម្ម ខណៈដែលប្រទេស​មួយចំនួន បាន​ដាក់ការហ៊ុំព័ទ្ធ​មកលើ​កម្ពុជា។ ជាពិសេសជំនួយ​មនុស្សធម៌ ដែលអតីត សហភាពសូវៀត​បានផ្ដល់ឱ្យ​កម្ពុជា បានជួ​យ​រំលែកនូវ​បន្ទុកដ៏ធ្ងន់ធ្ងររបស់​កម្ពុជា ក្នុង​កិច្ច​ការកសាង ស្ដារ និងអភិវឌ្ឍ​ ប្រទេសឡើង​វិញចេញពីបាតដៃទទេ នៅក្នុងទស្សវត្សរ៍​ឆ្នាំ១៩៨០។


ជាងនេះ​ទៅទៀត នៅក្នុងវិស័​យអប់រំ សហព័ន្ធ​រុស្ស៊ី និងអតីតសហភាព​សូវៀត ក៏បាន​ចូលរួមចំណែក យ៉ាងច្រើន​ផងដែរ នៅក្នុងការបណ្ដុះ​បណ្ដាលធនធាន​មនុស្សសម្រាប់​កម្ពុជា ទាំងនៅ​កម្ពុជា និងនៅ​អតីត សហភាព​សូវៀត។ ​គិត​មកដល់ពេល​បច្ចុប្បន្ននេះ មាន​និស្សិតជាង ៨០០០នាក់ បានទៅ​សិក្សា​នៅសហព័ន្ធ​រុស្ស៊ី និងអតីត​សហភាពសូវៀត ហើយ​អតីតនិស្សិត ទាំងនោះមួយចំនួនបាន​និងកំពុងបម្រើការក្នុង ជួររដ្ឋាភិបាល និងស្ថាប័ននានារបស់រដ្ឋ។ ឯកឧត្តម ក៏សង្ឃឹមនិងជឿជាក់ថា ទៅថ្ងៃអនាគត​សហព័ន្ធ​រុស្ស៊ី នឹងបន្តផ្ដល់​អាហារូបករណ៍ ដល់សិស្ស​និស្សិត​​កម្ពុជា ឱ្យកាន់តែច្រើ​នថែមទៀត លើគ្រប់មុខ​ជំនាញ និងគ្រប់កម្រិត​ជាពិសេស អាហារូ​បករណ៍សម្រាប់និស្សិតថ្នា​ក់ក្រោយ​បណ្ឌិត។

គួរបញ្ជាក់​ថាបច្ចុប្បន្ននេះ ប្រទេស​កម្ពុជានិងរុស្សី បាននិងកំពុង​ខិតខំបន្តរក្សា​ពង្រឹង និងពង្រីកបន្ថែម នូវទំនាក់​ទំនង និងមិត្តភាពដ៏​ល្អនេះ តាមរយៈការផ្លាស់ប្ដូរទស្ស​នកិច្ចជាបន្តបន្ទាប់ របស់ថ្នាក់ដឹក​នាំ ជាន់ខ្ពស់នៃ​ប្រទេសទាំងពីរ ក៏ដូចជាតាម​រយៈសកម្មភាព​ពាណិជ្ជកម្ម វិនិយោ​គ អប់រំ និងវប្បធម៌។


ជាមួយ​គ្នានេះដែរ វិទ្យាស្ថានបច្ចេកវិ​ទ្យាកម្ពុជា គឺជាសមិ​ទ្ធផល​មួយ ក្នុងចំណោម​សមិទ្ធផលជាច្រើនទៀត ដែលកើត​ចេញ ពីកិច្ច​សហប្រតិបត្តិ​ការ​ដ៏ជិតស្និទ្ធរវាង​កម្ពុជា និងអតីតស​ហភាពសូវៀត ហើយ​បាន​​និងកំពុង ដើរតួនាទីយ៉ា​ង​សកម្ម ​ក្នុងការបណ្ដុះបណ្ដាល​ធនធានមនុស្ស លើវិស័យវិស្វកម្មប​ច្ចេកវិទ្យា និងរួមចំ​ណែក ដល់​ការអភិវឌ្ឍប្រ​ទេសឱ្យកាន់តែរីកចម្រើ​នថែមទៀត។

តាមរបាយកា​រណ៍របស់ឯកឧត្តម ហង់ ជួន ណារ៉ុន រដ្ឋមន្ត្រីក្រសួង​អប់រំ យុវជន និងកីឡា បានឲ្យដឹងថា ជារៀងរាល់​ឆ្នាំ និស្សិតវិទ្យាស្ថានបច្ចេក​វិទ្យាកម្ពុជា ប្រមាណ ៧០% ទទួលបា​នការងារធ្វើភ្លាមៗ បន្ទាប់ពី​ការ បញ្ចប់​ការ​សិក្សា។ លទ្ធផល​ជា​វិជ្ជ​មា​ន​នេះ សម្រេច​បាន​ដោយសារកិច្ច​ខិតខំប្រឹងប្រែងរបស់​គណៈគ្រប់គ្រង សាស្ត្រាចារ្យ បុគ្គលិកសិក្សា និងក្មួយៗនិស្សិតទាំ​ងអស់ ក៏ដូចជាការជឿជាក់ របស់មជ្ឈដ្ឋានសា​ធារណៈ លើសមត្ថភាពបណ្តុះ​បណ្តាល និងគុណភាព នៃការអប់រំ​របស់វិទ្យាស្ថាន ព្រមទាំងកិច្ច​សហប្រតិ​បត្តិការ​ល្អ​​ ជាមួយ​​ដៃគូអភិវឌ្ឍន៍​នានា ជាពិសេសប្រទេសរុស្ស៊ីដែលជាស្ថាបនិក​របស់វិទ្យាស្ថាន។

មានប្រសាសន៍​នៅក្នុងពិធីសម្ពោធ​ស្តូបអនុស្សាវរីយ៍​មិត្តភាព កម្ពុជា-រុស្សី នៅថ្ងៃនេះ ឯកឧត្តម Dmitry TSVETKOV ឯកអគ្គរដ្ឋទូតសហ​ព័ន្ធរុស្សីប្រចាំកម្ពុជា បានកត់សម្គា​ល់ថា ការជួបជុំគ្នា និងការសម្ភោធស្តូប ​អនុស្សាវរីយ៍មិ​ត្តភាព កម្ពុជា-រុស្សី នៅពេលនេះ គឺក៏ដើម្បីឧទ្ទិ​សចំពោះ​ខួប ៥១ឆ្នាំ នៃការ​សង់ឡើង ដោយស​ហភាពសូវៀត នូវវិទ្យាស្ថានបច្ចេក​វិជ្ជាកម្ពុជា ដែលត្រូវបា​នប្រគល់ជា​អំណោយជូនប្រជា​ជនកម្ពុជា នៅឆ្នាំ១៩៦៤។ នៅពេល​នោះ វិទ្យាស្ថានមាន​ឈ្មោះវិទ្យាស្ថានបច្ចេកទេសជាន់​ខ្ពស់មិត្តភាព​កម្ពុជា និងសូវៀត។

ឯកឧ​ត្តម Dmitry TSVETKOV បានបន្ថែម​ថា នៅពេលនោះ​វិទ្យាស្ថានជាមជ្ឈមណ្ឌល​ឧត្តមសិក្សា និងស្រាវជ្រាវ វិទ្យាសាស្ត្រឈានមុខ​នៅប្រទេស​កម្ពុជា ដែលមាន​មន្ទីរពិសោធន៍ជា​ច្រើន, លទ្ធផលនៃ​ការស្រាវជ្រាវវិទ្យា​សាស្ត្រ ត្រូវបានបញ្ជូន​ទៅក្រសួងនានា ដើម្បីប្រើប្រាស់ក្នុ​ងផលិ​តកម្ម។ ជាមួយ​គ្នានេះដែរ សហភាពសូវៀត​បានរួមចំណែក ដ៏ធំក្នុងការកសាងប្រ​ទេសកម្ពុជា តាមរយៈការផ្តល់​ជំនួយអាហារូបករណ៍​ក្នុងវិស័យអប់រំ ហើយ​អាស្រ័យ ដោយជំនួយ​នេះ កម្ពុជាបាន​បង្កើត​សក្តានុពលដ៏ធំធេង​ក្នុងវិស័យរៀបចំ​ធនធានមនុស្ស។ យុវជនកម្ពុជា​ជាង៨ពាន់នាក់ បានទទួលការបណ្តុះបណ្តាល​នៅសហភាពសូ​វៀត។ ឯកឧត្តម Dmitry TSVETKOV  បានសង្កត់​ធ្ងន់ថា សព្វថ្ងៃនេះ ប្រទេសរុស្ស៊ីកំពុងជួយ​ឧបត្ថម្ភដល់កម្ពុជា ដើម្បីបណ្តុះបណ្តាល​និស្សិត ហើយឥឡូវនេះ​យុវជន យុវនារីកម្ពុជាជិត ៣០០នាក់កំពុងធ្វើការសិក្សា​នៅប្រទេសរុស្សី៕


អត្ថបទ៖ ច័ន្ទ ទេវី

រាជរដ្ឋា​ភិបាល បានបញ្ជា​ឲ្យក្រសួង​មហាផ្ទៃ ធ្វើការស៊ើប​អង្កេតស្រាវ​ជ្រាវ​ជា​បន្ទាន់ ដើម្បីតាម​ចាប់ជន​ដៃដល់​មកផ្តន្ទា​ទោស​តាមច្បាប់

រាជរដ្ឋាភិបាលកម្ពុជា បានចេញសេចក្តីថ្លែងការណ៍មួយ ដោយមានការសោកស្តាយយ៉ាងខ្លាំង ចំពោះអំពើបង្កឡើងដោយជនមួយ ក្រុមតូចព្រួតគ្នា វាយតប់ទៅលើអ្នកតំណាងរាស្រ្ត២រូប​ របស់គណ​បក្សសង្គ្រោះជាតិ និងសូមធ្វើការថ្កោលទោសយ៉ាងម៉ឺងម៉ាត់ ចំពោះអំពើ​បង្ក​របួស​ស្នាមនេះ។

តាមរយៈសេចក្តីថ្លែងការណ៍របស់រាជរដ្ឋាភិបាល បានបញ្ជាឲ្យក្រសួងមហាផ្ទៃ ធ្វើការស៊ើប​អង្កេត​ស្រាវ​ជ្រាវជាបន្ទាន់ ដើម្បីតាមចាប់ជនដៃដល់មកផ្តន្ទាទោសតាមច្បាប់ និងក៏​សូម​អំពាវ​នាវ​ដល់​សាធារណជន និងស្ថប័នពាក់ព័ន្ធ ដែលបានដឹង បានឃើញ ឬមានភស្តុតាងពាក់ព័ន្ធ ករណី​បង្ករបួស​ស្នាមខាងលើនេះ សូមផ្តល់ព័ត៌មានដល់អាជ្ញាធរ ដើម្បីជំរុញការស៊ើបអង្កេតស្រាវជ្រាវ រកយុត្តិធម៌ដល់ជនរងគ្រោះឲ្យបានឆាប់។

ខាងក្រោមនេះជាសេចក្តីថ្លែងការណ៍របស់រាជរដ្ឋាភិបាល ជុំវិញករណី​អំពើបង្ករបួស​ស្នាមដល់​តំណាង​រាស្រ្តគណបក្សសង្គ្រោះជាតិ២រូប៖