Cambodia News: June 2014

Monday, June 30, 2014

គណៈប្រឹក្សាការងារ ប្រាប់ពីលទ្ធផលនៃកិច្ចប្រជុំ ស្តីពីការកំណត់ប្រាក់ឈ្នួលថ្មី

នៅព្រឹកថ្ងៃទី ៣០ ខែមិថុនា ឆ្នាំ២០១៤នេះ ក្រសួងការនិងបណ្តុះបណ្តាលវិជ្ជាជីវៈ បានចេញសេចក្តីថ្លែងការណ៍មួយ ស្តីពី លទ្ធផលនៃកិច្ចប្រជមរបស់គណៈប្រឹក្សាការងារអាណ្តិទី៨ លើកទី៩ រវាងរដ្ឋមន្ត្រីក្រសួងការងារ ឯកឧត្តម អ៊ិត សំហេង ជាមួយតំណាងថៅកែរោងចក្រ រួមនិងតំណាងសហជីព ដែលជាលទ្ធផល បានឱ្យដឹងតាមរយៈការពិភាក្សាគ្នាលើការងារដូចខាងក្រោមៈ

១-បានបោះឆ្នោតសម្រេចអនុវត្តប្រាក់ឈ្នួលថ្មីនៅ ខែមករា ឆ្នាំ២០១៥

២-ដំណើរការបន្ត គឺគិតពីខែកក្កដា : ចាប់ផ្តើមស្រាវជ្រាវការតម្លើង ។

ក្នុងនោះ សហជីពសមាជិកLAC សម្របសម្រួលជាមួយសហព័ន្ឋសហជីពទាំងអស់ អោយមានគោលការណ៏រួម ឯភាគីនិយោជកក៏ធ្វើដូចសហជីពដែរ។ លេខាធិការដ្ឋាន LAC សម្របសម្រួលជាមួយសហជីព និងក្រសួងទាំង១៤សមាជិកជាLAC ។

នៅខែសីហា : -ភាគីសហជីពនិងនិយោជកជួបពិភាក្សាទ្វេរភាគី។

ខែកញ្ញា : -នឹងជួបពិភាក្សាត្រីភាគី

ខែតុលា : -ប្រជុំត្រីភាគីសម្រេចតម្លើងប្រាក់ឈ្នួល។

៣-ការអនុវត្តប្រាក់ឈ្នួលថ្មី
• ថ្ងៃទី១ ខែមករា ឆ្នាំ២០១៥ នឹងអនុវត្តប្រាក់ឈ្នួលថ្មី ។

សូមអានខ្លឹមសារនៃសេចក្តីថ្លែងការណ៍ទាំងស្រុង ដូចខាងក្រោមនេះ៖

The views expressed support of Laos to Vietnam in the South China Sea dispute

Friday, June 27, 2014

សាលាដំបូងរាជធានីភ្នំពេញ កោះហៅលោក សួន សេរីរដ្ឋា អោយចូលខ្លួន

លោក សួន សេរីរដ្ឋា ប្រធានចលនាអំណាចពលរដ្ឋខ្មែរ ដែលមានមូលដ្ឋាននៅសហរដ្ឋអាមេរិក និងជាជនដែលប្រឆាំងដាច់ខាតរបបរាជានិយមនៅកម្ពុជា ត្រូវបានសាលាដំបូងរាជធានីភ្នំពេញ កោះហៅអោយចូលខ្លួនបំភ្លឺ ពាក់ព័ន្ធនឹងសំណុំរឿងព្រហ្មទណ្ឌ។

យោងតាមដីកាកោះឱ្យចូលរួមសវនាការ ចេញដោយ លោក មាស ច័ន្ទពិសិដ្ឋ តំណាងអយ្យការអមសាលាដំបូងរាជធានីភ្នំពេញ ចុះថ្ងៃទី ១៧ ខែមិថុនា ឆ្នាំ២០១៤ បានបង្គាប់ឱ្យ លោក សួន សេរីរដ្ឋា អាយុ៤៤ឆ្នាំ ជាតិខ្មែរ ទីកន្លែងកំណើត នៅឃុំខ្នាចរមាស ស្រុកបវិល ខេត្ត បាត់ដំបង ឱ្យចូលទៅកាន់ សាលាដំបូងរាជធានីភ្នំពេញ សាលសវនាការទី២ នៅថ្ងៃទី៩ ខែកក្កដា ឆ្នាំ២០១៤ វេលាម៉ោង២រសៀល ដើម្បីឆ្លើយដោះសារពីការចោទប្រកាន់មកលើខ្លួន ជាប់ចោទពីបទ ញុះញង់ឱ្យប្រព្រឹត្តបទឧក្រិដ្ឋជាអាទិ៍ ប្រព្រឹត្តនៅរាជធានីភ្នំពេញ កាលពីថ្ងៃទី ១៤ ខែសីហា ឆ្នាំ២០១៣ បទល្មើសមានចែងឱ្យផ្តន្ទាទោសតាមមាត្រា ៤៩៥ នៃក្រមព្រហ្មទណ្ឌ។

ដីកាកោះ ក៏បានបញ្ជាក់ផងដែរថា សាម៉ីខ្លួនត្រូវចូលមកតាមដីកាកោះនេះឱ្យបានទាន់ពេលវេលា និងយកលិខិតផ្សេងៗ ទាក់ទងនឹងរឿងខាងលើមកជាមួយផងដែរ ប្រសិនបើមាន។

គួររំលឹកផងដែរថា លោក សួន សេរីរដ្ឋា ប្រធានអំណាចពលរដ្ឋខ្មែរ ធ្លាប់ត្រូវបានជាប់ពាក់ព័ន្ធក្នុងសកម្មភាពជាបទល្មើសនានា កាលពីពេលកន្លងមក ដែលគេសង្ស័យថា ពាក់ព័ន្ធនឹងចលនា CFF បង្កើតកម្លាំងប្រដាប់អាវុធ ដោយសហការជាមួយក្រុមប្រឆាំង ក្នុងការប៉ុនប៉ងទម្លាក់រាជរដ្ឋាភិបាលកម្ពុជា។ លោក សួន សេរីរដ្ឋា ក៏ធ្លាប់បានយកទឹកដីប្រទេសថៃ សហការជាក្រុមអាវលឿង ក្នុងការរិះគន់ ជេរប្រមាថមកលើរាជរដ្ឋាភិបាល ក្នុងពេលដែលរាជរដ្ឋាភិបាល កំពុងខំប្រឹងទប់ស្កាត់គ្រប់រូបភាពនៃការបំពានពីសំណាក់យោធាថៃ រំលោភទន្ទ្រានព្រំដែនខ្មែរ និងបាញ់បំផ្លាញប្រាសាទព្រះវិហារ កាលពីពេលកន្លងមក។ ម៉្យាងវិញទៀត សួន សេរីរដ្ឋា ក៏ជាជនជ្រុលនិយម១រូប ដែលជានិច្ចកាល តែងតែផ្តល់កិច្ចសម្ភាសន៍ និងបញ្ចេញមតិរិះគន់ ជេរប្រមាថយ៉ាងធ្ងន់ធ្ងរមកលើស្ថាប័នព្រះមហាក្សត្រ ជាពិសេស គឺរិះគន់ទៅលើ អតីតព្រះមហាក្សត្រកម្ពុជា សម្តេចព្រះនរោត្តម សីហនុ ព្រះបរមរតនកោដ្ឋ ដែលពលរដ្ឋកម្ពុជាគោរពស្រឡាញ់បំផុត។

បន្ទាប់ពីមានដីកាកោះ ភ្លាមៗគេដឹងថា លោក សួន សេរីរដ្ឋា បានផ្ញើលិខិត១ច្បាប់ ចុះថ្ងៃទី ២៥ ខែមិថុនា ឆ្នាំ២០១៤ ដើម្បីសុំអន្តរាគមន៍ពីស្ថានទូតសហរដ្ឋអាមេរិក ក្នុងឋានៈគេជាខ្មែរសញ្ជាតិអាមេរិ កាំង១រូបដែរនោះ ដោយប្រាប់ដំណឹងថា លោកបានរកមេធាវី១រូប ដើម្បីការពារខ្លួន គឺលោកមេធាវី សុខ សំអឿន ក្នុងនោះលោក សួន សេរីរដ្ឋា ក៏បានជម្រាបជូនទូតអាមេរិកលើបញ្ហាមួយចំនួនផងដែរ ក្នុងនោះ លោកបញ្ជាក់ថា លោកមិនបានពាក់ព័ន្ធនឹងអំពើភេរវកម្មណាមួយឡើយ ហើយលោកនឹងនាំយកឯកសារនានាដើម្បីចូលទៅតុលាការ តាមកាលបរិច្ឆេទ នាថ្ងៃទី ៩ ខែកក្កដា ឆ្នាំ២០១៤ ។

គេនៅមិនទាន់ដឹងថា តើការប្រកាសរបស់លោក សួនសេរីរដ្ឋា ថានឹងចូលខ្លួននៅចំពោះមុខសវនាការនោះ តើពិតជាលោកនឹងបង្ហាញវត្តមានដែរ ឬក៏ប្រែក្រឡាស់យ៉ាងណាវិញនៅឡើយទេ៕
ខាងក្រោមនេះ ជាដីកាកោះអោយចូលបំភ្លឺ៖

By: Cambodia News

Thursday, June 26, 2014

សម្តេចតេជោ ហ៊ុន សែន សំនូមពរដល់មេដឹកនាំថៃ ត្រូវធ្វើសកម្មភាពប្រកបដោយមនុស្សធម៌ ចំពោះពលករខ្មែរ ដែលកំពុងធ្វើការនៅប្រទេសថៃ

នៅក្នុងឱកាសអញ្ជើញចូលរួមជាអធិបតីភាពទិវាប្រយុទ្ធប្រឆាំងគ្រឿងញៀន នាព្រឹកថ្ងៃទី២៦ ខែមិថុនា ឆ្នាំ២០១៤នេះ សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា បានថ្លែងជុំវិញការបញ្ជូនពលករពីសំណាក់អាជ្ញាធរថៃ ដោយបញ្ជាក់ថា បញ្ហានេះកើតឡើងដោយសារតែរដ្ឋាភិបាល ថៃ ចង់ទប់ស្កាត់អំពើជួញដូរមនុស្សនិងតម្រូវឱ្យ ពលករធ្វើការដោយស្របច្បាប់ នៅក្នុងប្រទេសរបស់ខ្លួន ។
មានប្រសាសន៍ដូច្នេះ បន្ទាប់ពីសម្តេចតេជោ បានទទួលលិខិតឆ្លើយតបចំនួនពីរ ពីលោក ប្រាយុទ្ធ ច័ន្ទអូឆា មេដឹកនាំថៃបច្ចុប្បន្ន ដែលបានផ្ញើជូនសម្តេច បកស្រាយអំពី មូលហេតុនៃការបញ្ចូនពលករខ្មែរត្រឡប់មកកាន់ប្រទេសកម្ពុជាវិញ។

សម្ដេចតេជោ ហ៊ុន សែន បានមានប្រសាសន៍ថា ជុំវិញការចាប់បញ្ជូនពលករខ្មែរ មកកាន់ប្រទេសកម្ពុជាវិញនាពេលនេះ លោកប្រាយុទ្ធចាន់អូឆា បានផ្ញើលិខិតពីរច្បាប់មកសម្ដេចនាយករដ្ឋមន្ដ្រី ដោយគាត់សុំធានាជាថ្មី ចំពោះការបញ្ជូនពលករនេះ គឺថៃ មិនចង់ធ្វើ នោះឡើយ ប៉ុន្ដែជាការទប់ស្កាត់ការជួញដូរ មនុស្ស ការកេងកម្លាំងពលកម្ម និងតម្រូវឱ្យ ពលករទាំងអស់បម្រើការងារនៅប្រទេសថៃ ដោយស្របច្បាប់ ។

សម្តេចបានបន្តថា ចំពោះការលើកឡើងរបស់មេដឹកនាំថៃរូបនេះ សម្តេច បានយល់ព្រមនឹងលើកឡើងពីកិច្ចសហប្រតិបត្ដិការបន្ដទៀត ប៉ុន្ដែសម្ដេចក៏ស្នើឱ្យរដ្ឋាភិបាលថៃ ត្រូវធ្វើ សកម្មភាពប្រកបដោយមនុស្សធម៌ ចំពោះ ពលករខ្មែរ ដែលកំពុងបន្ដនៅធ្វើការនៅប្រទេសថៃ ទាំងស្របច្បាប់ និងខុសច្បាប់ ។

Wednesday, June 25, 2014

លោកស្រីមូរ សុខហួរ ត្រូវបានអ្នកកាសែតបរទេស២នាក់ព្រួតវ៉ៃ របួសយ៉ាងធ្ងន់ធ្ងរ

លោកស្រីមូរ សុខហួរ
តំណាងរាស្ត្រគណបក្សសង្គ្រោះជាតិ

លោកស្រី មូរ សុខហួរ ជួបគ្រោះម្តងទៀត ដោយរងនូវការស្តីបន្ទោសខ្លាំងៗពីអ្នកសារព័ត៌មាន រ៉យទ័រ លោកប្រាក់ ចន្ធុល បានរិះគន់ចំៗទៅលើទង្វើបោកប្រាស់សាធារណៈមតិ ដែលបង្កើតឡើងដោយគណបក្សសង្គ្រោះ ជាតិ ក្នុងនោះ លោកស្រីមូរ សុខហួរ មិនអាចមានហេតុផលជាក់លាក់ ច្បាស់លាស់ណាមួយ ដើម្បីការពារខ្លួនបានឡើយ។ មិនត្រឹមតែប៉ុណ្ណោះ លោកស្រីថែមទាំងត្រូវបាន អ្នកនិពន្ធឯករាជ្យ លោក Allen Myers ផ្តល់ដំបូន្មានជូនលោកស្រីសម្រាប់អោយលាងខួរក្បាល និងបញ្ឈប់ការភូតភរតទៅទៀត!

ខាងក្រោមនេះ ជាអត្ថបទទាំងស្រុងរបស់ លោក Allen Myers

មេដឹកនាំគណបក្សសង្រ្គោះជាតិ ចាំបាច់ត្រូវស្វែងយល់ពីការពិត

ដោយ៖ Allen Myers

ចុះផ្សាយនៅក្នុងសារព័ត៌មាន The Cambodia Daily នៅថ្ងៃទី១៧ ខែមិថុនា ឆ្នាំ២០១៤ អត្ថបទរបស់ លោកស្រី មូរ សុខហួរ ដែលជាអ្នកនយោបាយមួយរូបក្នុងគណបក្សសង្រ្គោះជាតិ បានជំទាស់យ៉ាងខ្លាំងទៅនឹងអត្ថបទរបស់លោក ប្រាក់ ចាន់ធុល ដែលបានចុះផ្សាយនៅគេហទំព័រ Reuters កាលពីថ្ងៃទី១១ ខែមិថុនា ឆ្នាំ២០១៤។

អត្ថបទរបស់លោក ប្រាក់ ចាន់ធុល មានខ្លឹមសារយ៉ាងនេះថា យុទ្ធនាការរបស់គណបក្សសង្រ្គោះជាតិ ដើម្បីធ្វើឲ្យក្រឡាប់ចាក់ការបោះឆ្នោតជ្រើសតាំងតំណាងរាស្ត្រ កាលពីខែកក្កដាឆ្នាំទៅមិញ ហាក់ដូចជាអស់ថាមពលទៅហើយ។ លោកស្រី មូរ សុខហួរ បានឆ្លើយតបថា៖ មិនមែនអញ្ចឹងទេ សូមក្រឡេកមើលតើហេតុអ្វីបានជាអ្វីៗវាប្រែប្រួល ដូចជាកម្មករកំពុងស្វះស្វែងរកប្រាក់ឈ្នួលខ្ពស់ជាងមុន «ហើយមានចលនាអ្នកមូលដ្ឋាន និងយុវជន ដើម្បីការផ្លាស់ប្តូរ» ប្រជាជនកំពុងប្រើប្រាស់ប្រព័ន្ធផ្សព្វផ្សាយសង្គម ព្រះសង្ឃកំពុងកសាងបណ្តាញដើម្បីថែរក្សាដែលគេឲ្យឈ្មោះថា ដើម្បីរក្សាតម្លៃព្រះពុទ្ធសាសនារបស់យើង។

លោកស្រី មូរ សុខហួរ ដូចមេដឹកនាំគណបក្សសង្រ្គោះជាតិមួយចំនួនទៀត ហាក់ដូចជាបានធ្លាក់ចូលក្នុងអន្ទាក់ខ្លួនឯង ដោយកំពុងជឿជាក់លើការឃោសនាបោកប្រាស់របស់ខ្លួន។

នៅក្នុងការបោះឆ្នោតឆ្នាំកន្លងទៅនេះ គណបក្សសង្រ្គោះជាតិ បានប្រើប្រាស់ពាក្យស្លោកយ៉ាងមមើមមាយដែលខ្លួនគិតឃើញនោះ គឺ «ដូរ-ដូរ-ដូរ» ដើម្បីឈ្នះសន្លឹកឆ្នោតពីប្រជាជនដែលយល់ខុសគ្នាអំពីពាក្យស្លោកនេះ ដែលពាក្យស្លោកនេះគ្មានអ្វីដែលជាមូលដ្ឋានច្បាស់លាស់។ ឥឡូវនេះ ពួកមេដឹកនាំទាំងនោះហាក់ដូចជាជឿជាក់លើខ្លួនឯងថា ប្រសិនបើអ្វីៗនៅក្នុងប្រទេសកម្ពុជាផ្លាស់ប្តូរ គណបក្សសង្រ្គោះជាតិគឺជាអ្នកដែលធ្វើឱ្យមានការផ្លាស់ប្តូរ និងជាអ្នកទទួលផលពីការផ្លាស់ប្តូរនោះ។

ក្នុងន័យនេះ មេដឹកនាំគណបក្សសង្រ្គោះជាតិត្រូវស្វែងយល់ឲ្យបានហ្មត់ចត់ជាទីបំផុត នូវអ្វីដែលជាការពិតនោះ។ សភាពការណ៍អ្វីៗប្រែប្រួលគ្រប់ពេលវេលា មិនថាឡើយពីកិច្ចខិតខំប្រឹងប្រែង ឬចេតនារបស់គណបក្សសង្រ្គោះជាតិនោះឡើយ។ ឧទាហរណ៍ដូចជា ទោះបីជាគ្មានក្រុមអ្នកនយោបាយញុះញង់ក៏ដោយ ក៏ពួកកម្មករគេនៅតែទាមទារប្រាក់ខែរបស់ពួកគេឲ្យបានកើនឡើង ព្រោះជីវភាពរបស់ពួកគេដែលខ្វះខាត។ ឧទាហរណ៍មួយទៀត ប្រជាជន ជាពិសេសយុវជន កំពុងតែរំភើបនឹងការប្រើប្រាស់បណ្តាញព័ត៌មានសង្គមជុំវិញពិភពលោក ដូច្នេះ គេមិនត្រូវការជំរុញការលើកទឹកចិត្តពីគណបក្សសង្រ្គោះជាតិ ដើម្បីចូលរួមលេង ហ្វេសប៊ុក (Facebook) ឬ ទ្វីតទើរ (Twitter) នោះទេ។ ព្រះសង្ឃខ្មែរ បាន និងកំពុងខិតខំថែរក្សាតម្លៃព្រះពុទ្ធសាសនារយៈពេលជាច្រើនសតវត្សរ៍មកហើយ ហើយនឹងប្រាកដជាបន្តធ្វើដូច្នេះទៅមុខទៀត ទោះជាលទ្ធផលនៃការបោះឆ្នោតនាពេលអនាគតយ៉ាងណាក៏ដោយ អញ្ចឹង «ដូរ-ដូរ-ដូរ» នេះ វាគ្មានន័យអ្វីទាំងអស់។

ខ្ញុំមិនដឹងថាតើ លោកស្រី មូរ សុខហួរ ដែលនិយាយថា «មូលដ្ឋានចលនាប្រជាជន និងយុវជន ដើម្បីការផ្លាស់ប្តូរ» មិនដឹងថា ជាសំអាងលើអ្វីនោះទេ។ ខ្ញុំសង្ឃឹមថា គាត់មិនបាននិយាយសំដៅទៅលើអ្នកគាំទ្រគណបក្សសង្រ្គោះជាតិ កាលពីសម័យបាតុកម្មពីឆ្នាំទៅមិញ ដែលពួកគេនាំគ្នាស្រែក «ដូរ-ដូរ-ដូរ» ដែលកាលណោះជាបាតុកម្មបះបោរ ចូលលួចប្លន់ហាងទំនិញ ដែលពួកគេគិតថា ហាងទាំងនោះ មានម្ចាស់សុទ្ធតែជា «យួន» ទាំងអស់។

គួរឲ្យសោកស្ដាយណាស់ ការបោកប្រាស់ខ្លួនឯង តែងតែជាលក្ខណៈដ៏សំខាន់នៃនយោបាយរបស់លោក សម រង្ស៊ី និងគូកនជំនិតរបស់ខ្លួន។ ការអះអាងជ្រាំដែលៗថា ក្រុមប្រឆាំង «ពិតជា» បានឈ្នះការបោះឆ្នោតឆ្នាំ២០១៣ នោះ មិនមែនទើបតែប្រឌិតឡើងកាលសម័យបោះឆ្នោតខែកក្កដាឆ្នាំទៅមិញនោះទេ ប៉ុន្តែការអះអាងនេះ គឺជាពាក្យជ្រាំដែលតាំងពីសម័យបោះឆ្នោតមុនៗមក។

អ្វីដែលខុសប្លែកនៅឆ្នាំ២០១៣ នោះ គឺមានពីរចំណុច។ ទីមួយ គឺក្រុមប្រឆាំង ដែលបានរួបរួមគ្នាជាលើកដំបូងនោះ គឺក្រុមប្រឆាំងបានទទួលអាសនៈច្រើនជាងពេលមុនៗ។ ចំណុចប្លែកទី២ គឺមេដឹកនាំគណបក្សប្រឆាំងបានធ្វើការអះអាងជាក់លាក់ថា៖ គណបក្សសង្រ្គោះជាតិពិតជាឈ្នះបាន៦៣អាសនៈ ដែលពួកនេះអះអាងថាបានទទួល ៨អាសនៈ បន្ថែមពីលើ៥៥អាសនៈដែលពួកគេបានទទួលជាផ្លូវការ។ មិនដូចការអះអាងកាលពីបោះឆ្នោតមុនៗ ដែលតែងតែថាផ្នែកនេះមិនយុត្តិធម៌ ផ្នែកនោះមិនយុត្តិធម៌។ ជាការពិតណាស់ ការអះអាងអំពីអាសនៈ៨បន្ថែមនេះ វាងាយស្រួលផ្ទៀងផ្ទាត់ណាស់។ អ្វីដែលចាំបាច់នោះ គឺមេដឹកនាំគណបក្សសង្រ្គោះជាតិចេះពិចារណាឲ្យបានច្បាស់លាស់បន្តិច គឺថា៖ «ក្នុងខេត្ត(ក) គ.ជ.ប. កំណត់ត្រាបានបង្ហាញថា ពួកគេទទួលបាន x សំលេង ហើយគណបក្សប្រជាជនកម្ពុជាទទួលបាន y សំលេង ប៉ុន្តែតួលេខនេះខុស។ ចំនួនសរុបពិតប្រាកដនោះគឺ x+a និង y-b។» អញ្ចឹងគេ អាចមានលទ្ធភាពត្រឡប់ទៅមើលឯកសារជាក់ស្តែង អាចថាមានការរាប់ឡើងវិញ ឬត្រួតពិនិត្យការបូកសរុបនៅតាមថ្នាក់ឃុំ ឬខេត្ត ដើម្បីដឹងថាតើ គ.ជ.ប. ត្រូវ ឬគណបក្សសង្រ្គោះជាតិត្រូវ? ។

ប៉ុន្តែ មេដឹកនាំគណបក្សសង្រ្គោះជាតិ មិនដែលបានផ្តល់តួលេខម្ដងណាឡើយ ដើម្បីគាំទ្រការអះអាងរបស់ខ្លួន។ មូលហេតុវាមិនពិបាករកនោះទេ។ ជាការពិតគឺថា ការអះអាងរបស់ពួកគេនេះ គឺវាមិនពិត ហើយគេនឹងឃើញលើគោក ប្រសិនបើពួកគេនេះហ៊ានផ្ដល់តួលេខជាក់លាក់នោះ។ ព្រោះថា នៅគ្រប់ដំណាក់កាលនៃការបូកសរុបសំលេងឆ្នោត តាំងពីរាប់នៅស្ថានីយបោះឆ្នោត រហូតដល់បូកសរុបនៅថ្នាក់ខេត្ត តំណាងរបស់គណបក្សសង្រ្គោះជាតិ មានវត្តមាន និងបានចុះហត្ថលេខាជារៀងរហូតលើឯកសារទាំងអស់ ដែលបញ្ជាក់ថាតួលេខ វាត្រឹមត្រូវមិនលំអៀង។

ប៉ុន្តែ មេដឹកនាំគណបក្សសង្រ្គោះជាតិ នៅតែបន្តត្រុកៗធ្វើជាមិនដឹង។ ព្រោះការដែលទទួលស្គាល់ថា «ពួកខ្លួនមិនបានឈ្នះឆ្នោតនោះ» គឺដូចជាទទួលស្គាល់ថា ពួកគេបាននិងកំពុងធ្វើបាតុកម្មក្នុងកិច្ចប្រឹងប្រែងដើម្បីធ្វើឲ្យក្រឡាប់ចាក់នូវជម្រើសដ៏ច្បាស់លាស់របស់ប្រជាពលរដ្ឋភាគច្រើនដែលគេបោះឆ្នោតឲ្យគណបក្សប្រជាជនកម្ពុជា។

លោកស្រី មូរ សុខហួរ សរសេរថា «ប្រជាជនបានសម្តែងមតិហើយ។ ហើយយើងត្រូវនាំគ្នាគោរពការសម្តែងមតិរបស់ពួកគេ»។ ពិតប្រាកដណាស់ គ្រប់គ្នាត្រូវតែគោរពមតិប្រជាពលរដ្ឋ។ ប្រជាពលរដ្ឋជាច្រើនបានបោះឆ្នោតឲ្យគណបក្សសង្រ្គោះជាតិ ហើយប្រជាជនភាគច្រើនបានបោះឆ្នោតឲ្យគណបក្សប្រជាជនកម្ពុជា។ ប្រសិនបើមេដឹកនាំគណបក្សសង្រ្គោះជាតិ បែរមកទទួលស្គាល់ចំណុចខាងលើនេះ ហើយអ្វីដែលគេនាំគ្នាអះអាងថាពួកគេពិតជាគាំទ្រប្រជាធិបតេយ្យមែននោះ ពួកគេអាចនឹងមានសំណាងល្អ ដោយពួកគេបានបង្ហាញគេឯងឲ្យយល់ថា ពួកគេធ្វើអ្វីហ្មត់ចត់ លែងមានមារយាទពុតត្បុតទៀតហើយ។

By: Cambodia News

Tuesday, June 24, 2014

ក្រសួងការងារបង្ហាញពីតារាងដំណើរការរៀបចំបែបបទបញ្ជូនពលករស្របច្បាប់ ដើម្បីបានទៅធ្វើការងារនៅក្រៅប្រទេស

នៅថ្ងៃទី២៤ ខែមិថុនា ឆ្នាំ២០១៤នេះ ក្រសួងការងារ និងបណ្តុះបណ្តាលវិជ្ជាជីវៈ បានជូនដំណឹងអំពីការរៀបចំបែបបទជូនពលករ ដើម្បីបានទៅធ្វើការស្របច្បាប់នៅប្រទេសថៃ ដោយបានកំណត់អោយពលករទាំងអស់ត្រូវទំនាក់ទំនងទៅភ្នាក់ងារជ្រើសរើសពលករ និងត្រូវមានកិច្ចសន្យាច្បាស់លាស់ជាមួយក្រុមហ៊ុនដៃគូរបស់ខ្លួននៅប្រទេសថៃ និងត្រូវបង់ប្រាក់ចំណាយលើសេវាមួយចំនួន ។ ប៉ុន្តែ សូមបញ្ជាក់ថា ចំពោះតម្លៃផ្តល់ធ្វើលិខិតឆ្លងដែនសម្រាប់ពលករ ទៅធ្វើការនៅក្រៅប្រទេស គឺអនុវត្តតាមអនុក្រិត្យរបស់រាជរដ្ឋាភិបាល គឺពលករបង់ថ្លៃធ្វើលិខិតឆ្លងដែន ត្រឹមតែ៤ដុល្លារប៉ុណ្ណោះ ក្រៅពីនេះ គឺជាចំណាយផ្សេងៗនៃការបានសិទ្ធិស្របច្បាប់ទៅធ្វើការងារនៅបរទេស។

សូមកុំមានការបកស្រាយភ័ន្តច្រឡំថា សេវាធ្វើលិខិតឆ្លងដែនត្រូវបានយកតម្លៃលើសពី៤ដុល្លារ ។
ការបំភ្លើសព័ត៌មានទាំងនោះ គឺនាំអោយពលករយល់ខុស និងស្តីបន្ទោសមកលើរាជរដ្ឋាភិបាល។

កំណត់សម្គាល់៖
. រយៈពេលនៃការរៀបចំបែបបទសរុបចំនួន ៥៣ថ្ងៃ
. តម្លៃសេវា
.ប័ណ្ណពលករកម្ពុជាទៅធ្វើការនៅបរទេសចំនួន ១០ដុល្លារ
. លិខិតឆ្លងដែន ចំនួន៤ ដុល្លារ (មិនយកតម្លៃខ្ពស់ជាងនេះទេ)
. ទិដ្ឋាការការងារពីស្ថានទូតថៃ ចំនួន ២០ដុល្លារ
. សោហ៊ុយធ្វើដំណើរចំនួន ១០ ដុល្លារ
. អាហារចំនួន ៥ដុល្លារ

សូមអានខ្លឹមសារ សេចក្តីជូនដំណឹង និងតារាងអំពីដំណើរការរៀបចំបែបបទបញ្ជូនពលករទៅក្រៅប្រទេស៖

Friday, June 20, 2014

រាជរដ្ឋាភិបាលសម្រេចផ្តល់លិខិតឆ្លងដែនធម្មតា ជូនពលករ ពលការិនី សិស្ស និស្សិត ក្នុងតម្លៃថោកបំផុត ត្រឹមតែ៤ដុល្លារអាមេរិកប៉ុណ្ណោះ

សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានចេញអនុក្រិត្យមួយនៅរសៀលថ្ងៃទី ២០ ខែមិថុនា ឆ្នាំ២០១៤នេះ ស្តីពី ការផ្តល់លិខិតឆ្លងដែនធម្មតា ជូនពលករ ពលការិនី និងសិស្ស និស្សិតខ្មែរ ដោយគ្រាន់តែបង់ប្រាក់ចំនួន៤ដុល្លារអាមេរិកប៉ុណ្ណោះ សម្រាប់ថ្ងៃថតរូប

សូមអានខ្លឹមសារនៃអនុក្រិត្យដូចខាងក្រោម៖

Tuesday, June 17, 2014

ឯកអគ្គរាជទូតកម្ពុជាប្រចាំប្រទេសថៃ ជួបជាមួយអគ្គលេខាធិការទទួលតួនាទីជារដ្ឋមន្ត្រីស្តីទី នៃក្រសួងការបរទេសថៃ ពិភាក្សាអំពីបញ្ហាពលករខ្មែរ

ឯកឧត្តម កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា នៅថ្ងៃទី១៧ ខែមិថុនា ឆ្នាំ២០១៤ បានអោយដឹងថា លោកជំទាវ អ៊ាត សោភា ឯកអគ្គរាជទូតកម្ពុជាប្រចាំប្រទេសថៃ បានជួបពិភាក្សាការងារជាមួយអគ្គលេខាធិការទទួលតួនាទីជារដ្ឋមន្ត្រីស្តីទី អំពីបញ្ហានានា ដែលពលករខ្មែរជួបប្រទះក្នុងពេលកំពុងស្នាក់នៅក្នុងប្រទេសថៃ និងក្នុងពេលកំពុងធ្វើដំណើរត្រឡប់មកប្រទេសកម្ពុជាវិញ។

សូមអានខ្លឹមសារនៃជំនួបនៃកិច្ចប្រជុំ ដែលជម្រាបជូនដោយអ្នកនាំពាក្យ ឯកឧត្តម កុយ គួង៖

នាយករដ្ឋមន្ត្រីស្តីទី ឯកឧត្តម ស ខេង ជូនដំណឹងដល់ប្រធានក្រុមការងារថ្នាក់ជាតិទាំងអស់ ចុះត្រួតពិនិត្យ សហការឧបត្ថម្ភគាំទ្រដល់ពលករដែលទើបត្រឡប់មកពីប្រទេសថៃ

ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងនាមជានាយករដ្ឋមន្ត្រីស្តីទី នៅថ្ងៃទី១៧ ខែមិថុនា ឆ្នាំ២០១៤នេះ បានជូនដំណឹងដល់ឯកឧត្តម លោកជំទាវប្រធានក្រុមការងារចុះមូលដ្ឋាន ទាំងអស់ ដើម្បីពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់ កាលទី៣ របស់រាជរដ្ឋាភិបាល នៅតាមរាជធានី ខេត្តទូទាំងប្រទេស ចុះត្រួតពិនិត្យ និងសហការឧបត្ថម្ភ គាំទ្រដល់ពលករកម្ពុជាដែលត្រូវបានបញ្ជូនត្រឡប់មកពីប្រទេសថៃ។

សូមអានសេចក្តីជូនដំណឹងរបស់នាយករដ្ឋមន្ត្រីស្តីទី ដូចខាងក្រោមនេះ៖

Monday, June 16, 2014

សារាចរណែនាំរបស់រាជរដ្ឋាភិបាល ស្តីពីការចូលរួមគោរពព្រះវិញ្ញាណក្ខ័ន្ធ និងដង្ហែព្រះបរមអដ្ឋិ ព្រះបរមរតនកោដ្ឋ សម្តេចព្រះនរោត្តម សីហនុ

ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នៅថ្ងៃទី១២ ខែមិថុនា ឆ្នាំ២០១៤ បានចេញនូវសារាចរណែនាំមួយស្តីពីការចូលរួមគោរពព្រះវិញ្ញាណក្ខ័ន្ធ និងដង្ហែព្រះបរមអដ្ឋិ ព្រះបរមរតនកោដ្ឋ សម្តេចព្រះនរោត្តម សីហនុ ដែលនឹងប្រព្រឹត្តទៅនៅថ្ងៃទី១០, ១១ និងទី១២ ខែកក្កដា ឆ្នាំ២០១៤ខាងមុខ មានខ្លឹមសារដូចខាងក្រោម៖

អ្នកនាំពាក្យក្រសួងការបរទេស បំភ្លឺអំពី ករណីគ្រោះថ្នាក់ចរាចរ ដែលបណ្តាលអោយពលករខ្មែរបាត់បង់ជីវិតនៅប្រទេសថៃ

នៅថ្ងៃទី ១៦ ខែមិថុនា នេះ ឯកឧត្តម កុយ គួង អនុរដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានចេញសេចក្តីបំភ្លឺមួយ ពាក់ព័ន្ធនឹងករណីគ្រោះថ្នាក់ចរាចរ ដែលបណ្តាលអោយពលករខ្មែរបាត់បង់ជីវិត និងរបួសនៅក្នុងប្រទេសថៃ។

សូមអានខ្លឹមសារបំភ្លឺដូចខាងក្រោម៖

គណៈកម្មការប្រឹក្សាការងារ ចេញសេចក្តីថ្លែងការណ៍៥ចំណុច បន្ទាប់ពីមានកិច្ចប្រជុំ ពិភាក្សាព្រឹកនេះ

គណៈកម្មការប្រឹក្សាការងារ ដែលជាយន្តការត្រីភាគី រួមមាន តំណាងរដ្ឋាភិបាល ថៅកែរោងចក្រកាត់ដេរ និងភាគីសហជីពតំណាងកម្មករ បន្ទាប់ពីបើកកិច្ចប្រជុំជាថ្មីទៀត នៅព្រឹកថ្ងៃទី១៦ ខែ មិថុនា ឆ្នាំ២០១៤ នៅក្រសួងការងារ និងបណ្តុះបណ្តាលវិជ្ជាជីវៈ ធ្វើឡើងក្រោមអធិបតីភាពរបស់ឯកឧត្តម អ៊ិត សំហេង រដ្ឋមន្ត្រីក្រសួងការងារ បានចេញសេចក្តីថ្លែងការណ៍មួយដែលមានខ្លឹមសារ ដូចខាងក្រោមនេះ:

Saturday, June 14, 2014

សេចក្តីជូនដំណឹងរបស់ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុុះថ្ងៃទី១៤ ខែមិថុនា ឆ្នាំ២០១៤ ជូនឯកឧត្តមអភិបាល នៃគណ:អភិបាលរាជធានី ខេត្ត ករណីពលករខ្មែដែលភាគីថៃដឹកជញ្ជូន អោយវិលត្រឡប់មកវិញ

Friday, June 13, 2014

រាជរដ្ឋាភិបាលកំពុងប្រឹងប្រែងយកចិត្តទុកដាក់ជួយដល់កម្មករដែលទើបត្រឡប់មកពីប្រទេសថៃ

ក្រួសួងការងារ និង បណ្តុះបណ្តាលវិជ្ជាជីវៈ នៃរាជរដ្ឋាភិបាលកម្ពុជា នៅថ្ងៃសុក្រ ទី១៣ ខែមិថុនា ឆ្នាំ២០១៤នេះ បានចេញសេចក្តីជូនដំណឹងឱ្យពលករខ្មែរទាំងអស់ដែលទើបត្រឡប់មកពីប្រទេសថៃ សូមមកចុះឈ្មោះដើម្បីទទួលយកសេវាការងារ ជំនាញបច្ចេកទេស និងជំនាញវិជ្ជាជីវៈ ពីក្រសួងការងារ នៅតាមទីកន្លែងគ្រប់ខេត្តក្រុង ដូចបានបញ្ជាក់ក្នុងសេចក្តីជូនដំណឹង ដែលមានទាំងដាក់លេខទូរស័ព្ទសម្រាប់ទំនាក់ទំនងផងដែរ។

តាមរយៈសេចក្តីជូនដំណឹងនេះ គឺបានបង្ហាញអោយឃើញថា រាជរដ្ឋាភិបាលកម្ពុជា ដឹកនាំដោយសម្តេចតេជោ នាយករដ្ឋមន្ត្រី បាននិងកំពុងយកចិត្តទុកដាក់ខ្ពស់បំផុត ក្នុងការដោះស្រាយទុកលំបាក ជូនដល់ពលករខ្មែរគ្រប់រូប ដែលទើបនឹងវិលត្រឡប់មកពីប្រទេសថៃវិញ គឺមានលទ្ធភាពរកការងារថ្មីធ្វើ ដើម្បីលើកកម្ពស់ជីវភាពរស់នៅក្នុងគ្រួសារ មិនដូចអ្វីដែលថ្នាក់ដឹកនាំគណបក្សប្រឆាំងបានលើកឡើងបំភ្លើសថា រាជរដ្ឋាភិបាលបានព្រងើយកន្តើយចំពោះពលករនោះទេ។

សូមអានសេចក្តីជូនដំណឹងរបស់ក្រសួងការងារ និងបណ្តុះបណ្តាលវិជ្ជាជីវៈ ដូចខាងក្រោមនេះ៖

Thursday, June 12, 2014

សេចក្តីព្រាង ច្បាប់ធម្មនុញ្ញ ស្តីពី វិសោធនកម្មមាត្រា៧៦ និងការបង្កើតជំពូកថ្មីទាក់ទងនឹងអង្គការរៀបចំការបោះឆ្មោត

សារលិខិត គណបក្សសម រង្ស៊ី ថ្វាយ និងជូន សម្តេចក្រុមព្រះ នរោត្តម រណឫទ្ធិ ព្រះប្រធានរដ្ឋសភា, សម្តេចហ៊ុន សែន នាយករដ្ឋមន្រ្តី

លទ្ធផលនៃសន្និសីទកាសែត ធ្វើឡើងដោយ ឯកឧត្តម ព្រុំ សុខា តំណាងគណបក្សប្រជាជនកម្ពុជា ស្តីពីលទ្ធផលនៃជំនួបរវាងគណបក្សទាំងពីរ ព្រឹកមិញនៅព្រឹទ្ធសភា

គណបក្សប្រជាជនកម្ពុជាយល់ព្រមដាក់បញ្ចូល គជប ជាស្ថាប័នឯករាជ្យ ក្នុងរដ្ឋធម្មនុញ្ញ ប៉ុន្តែ ត្រូវធ្វើឡើងតាមការអនុម័តសម្លេងសមាជិករដ្ឋសភា ៥០ភាគរយបូក១ ប៉ុន្តែ គណបក្សសង្គ្រោះជាតិទាមទារអោយធ្វើឡើង២ភាគ៣ ដែលធ្លាប់មានវិបត្តិជាប់គាំងនយោបាយកន្លងមក ដោយសាររូបមន្តនេះ។

តំណាងក្រុមការងារគណបក្សប្រជាជនកម្ពុជា ធ្វើសន្និសីទកាសែត
ដោយឡែក ស្តីពីលទ្ធផលនៃជំនួប ថ្ងៃទី១២ ខែមិថុនា ឆ្នាំ២០១៤

ក្នុងកិច្ចប្រជុំចរចារវាងក្រុមការងារគណបក្សប្រជាជនកម្ពុជា និងគណបក្សសង្គ្រោះជាតិ ដែលមានសមាសភាព ៣ រូប ម្ខាង រយៈពេល ប្រមាណជាង១ម៉ោង ចាប់ពីម៉ោង ៩ ព្រឹក ថ្ងៃទី១២មិថុនានេះ គឺគណបក្សប្រជាជនកម្ពុជា បានផ្តល់ពង្រាងលាយលក្ខណ៍អក្សរដល់គណបក្សសង្គ្រោះជាតិ ពីការដាក់គជប ក្នុងរដ្ឋធម្មនុញ្ញ។ នេះបើតាមការបញ្ជាក់របស់ឯកឧត្តម ព្រុំ សុខា តំណាងក្រុមចរចាខាងគណបក្សប្រជាជនកម្ពុជាដែលដឹកនាំក្រុមការងារចូលប្រជុំកាលពីព្រឹកមិញ។

ឯកឧត្តម ព្រុំ សុខា បានថ្លែងក្នុងសន្និសីទកាសែត បន្ទាប់ពីកិច្ចប្រជុំថា គណបក្សប្រជាជនកម្ពុជា បានឈានមួយជំហ៊ានទៀត ដោយយល់ព្រមតាមការស្នើសុំរបស់គណបក្សសង្គ្រោះជាតិ ដាក់គជប ជាស្ថាប័នឯករាជ្យ ហើយមានចែងក្នុងរដ្ឋធម្មនុញ្ញ គឺបង្កើតជំពូកថ្មី១ទៀត ជំពូកទី១៥ថ្មី ស្តីពី អង្គការរៀបចំការបោះឆ្នោត។ឯកឧត្តម ព្រុំ សុខា បានលើកឡើងថា ជំពូក ១៥ ថ្មី មាន ២ មាត្រា និយាយពី តួនាទី ភារៈកិច្ច អព្យាក្រឹត្យភាព និងកំណត់ពីលក្ខណៈសម្បត្តិ ក្នុងការជ្រើសរើសឥស្សរ ជន ជាសមាសភាព គជប ប៉ុន្តែ ការរៀបចំគជប ត្រូវរៀបចំដោយច្បាប់មួយផ្សេងទៀត។ឯកឧត្តម បាន បន្តថា ក្នុងកិច្ចប្រជុំ តំណាងគណបក្សប្រជាជនកម្ពុជា បានប្រគល់ឯកសារព្រាងនោះ ទៅកាន់គណបក្សសង្គ្រោះជាតិ ដើម្បីឲ្យគាត់យកទៅជម្រាបថ្នាក់ដឹកនាំរបស់គាត់។ប៉ុន្តែឯកឧត្តម ព្រុំ សុខា បានបន្ថែមថា "ទោះជាគណបក្សប្រជាជនកម្ពុជា យល់ព្រមចែង គជប ក្នុងជំពូកថ្មី ក្នុងរដ្ឋធម្មនុញ្ញ តែគណបក្សសង្គ្រោះជាតិ ទាមទារឲ្យមានការអនុម័ត លើការជ្រើសតាំងសមាជិកគជប ដោយសំឡេង ២ ភាគ ៣ នៃរដ្ឋសភា តែគណបក្សប្រជាជនកម្ពុជា នៅតែរក្សាជំហរថា ការជ្រើសរើសសមាជិកគជប ត្រូវធ្វើដោយសំឡេង ច្រើនដាច់ខាត ឬ៥០ ភាគរយ បូក១"។ ការទាមទារវិលទៅរក ២ភាគ៣ គឺជាការទាមទារ ដែលឯកឧត្តម ព្រុំ សុខា អះអាងថា ឈានទៅរកសភាពការណ៍មុនឆ្នាំ២០០៦ ដែលនាំឲ្យមានការជាប់គាំង មិនអាចបោះឆ្នោតជ្រើសតាំងសមាជិកគជប បានទេ។

ឯកឧត្តម ព្រុំ សុខា បានអានទាំងស្រុងនូវលិខិតរបស់លោកសមរង្ស៊ី ដែលកាលណោះ ជាប្រធានគជប ក្នុងការស្នើសុំឲ្យធ្វើវិសោធនកម្មរដ្ឋធម្មនុញ្ញ ក្នុងការជ្រើសតាំងរដ្ឋាភិបាល ដោយសំឡេងភាគច្រើនដាច់ខាត ឬ ៥០ ភាគរយ បូក ១ នៃសមាជិករដ្ឋសភាសរុប។ លិខិតនោះ ចុះថ្ងៃទី១៣ ខែកុម្ភៈ ឆ្នាំ២០០៦។ជាមួយនឹងជំហររបស់គណបក្សប្រជាជនកម្ពុជាដូច្នេះ ឯកឧត្តម ព្រុំ សុខា ក៏បានព្រមានផងដែរ ថាបើសិនជាគណបក្សសង្គ្រោះជាតិ មិនព្រម នៅតែប្រកាន់ជំហរដាច់ខាត ថា ការជ្រើសតាំងសមាជិកគជប តាមសំឡេង ៥០ ភាគរយបូក១ នោះ គឺមិនអាចដោះស្រាយបានទេ។ រីឯរដ្ឋាភិបាល និងរដ្ឋសភា នៅតែដំណើរការធម្មតា។

ទោះយ៉ាងណាក៏ដោយឯកឧត្តម ព្រុំ សុខា បានគូសបញ្ជាក់ថា កិច្ចចរចានេះ មិនបរាជ័យទេ ហើយគណបក្សប្រជាជនកម្ពុជា ក៏មិនប្រកាសបិទច្រកចរចាដែរ គឺគណបក្សប្រជាជនកម្ពុជា មានឆន្ទៈសម្បទាន និងសំរបសំរួលលើការដោះស្រាយនយោបាយ តាំងពីលើកដំបូង រហូតដល់សព្វថ្ងៃ៕

By: Cambodia News

តំណាងគណបក្សប្រជាជនកម្ពុជា កំពុងធ្វើសន្និសីតកាសែត ស្តីពី លទ្ធផលកិច្ចប្រជុំរវាងគណបក្សទាំងពីរនៅព្រឹទ្ធសភា

ទិដ្ឋភាព នៃជំនួបកាលពីព្រឹកថ្ងៃទី ១២ មិថុនា ឆ្នាំ២០១៤

បន្ទាប់ពីមានកិច្ចប្រជុំរវាងក្រុមការងារគណបក្សប្រជាជនកម្ពុជានិងគណបក្សសង្គ្រោះជាតិប្រមាណជិត២ម៉ោង ដែលចាប់ផ្តើមកាលពីវេលាម៉ោង៩ព្រឹក និងបញ្ចប់នៅវេលាម៉ោង ១០ និង៤៥នាទី ថ្ងៃទី១២ ខែមិថុនា ឆ្នាំ២០១៤នេះ នៅវិមានព្រឹទ្ធសភា នៅពេលនេះ ឯកឧត្តម ព្រុំ សុខា ឯកឧត្តម សក់ សេដ្ឋា និង ឯកឧត្តម កើត រិទ្ធ តំណាងគណបក្សប្រជាជនកម្ពុជា បាន និងកំពុងធ្វើសន្និសីទកាសែត ជម្រាបអំពីលទ្ធផល នៃជំនួបកាលពីព្រឹកមិញនោះ។

គេនៅមិនទាន់ដឹងខ្លឹមសារលំអិតនៃលទ្ធផលជំនួបផ្លូវការនោះ បានពិភាក្សាគ្នា អំពីបញ្ហាអ្វីខ្លះ បានសម្រេច ឬមិនសម្រេចជាគោលការណ៍យ៉ាងណានៅឡើយទេ។

បើតាមការអោយដឹង ជំនួបនោះ គឺជជែកពិភាក្សាគ្នា អំពីការកែទម្រង់ ស្ថាប័នរៀបចំការបោះឆ្នោត ដាក់ក្នុងរដ្ឋធម្មនុញ្ញ និងបញ្ហា១ចំនួនទៀត ពាក់ព័ន្ធនឹងការបោះឆ្នោតជ្រើសរើសសមាជិកសភា និងរើសសមាជិកក្រុមប្រឹក្សាឃុំសង្កាត់ មុនអាណត្តិ និងអំពី ការកែទម្រង់ប្រព័ន្ធផ្សព្វផ្សាយ។

ក្រុមការងាររបស់គណបក្សប្រជាជនមាន ឯកឧត្តម ព្រុំ សុខា ឯកឧត្តម សក់ សេដ្ឋា និង ឯកឧត្តម កើត រិទ្ធ។ ចំណែកឯខាងគណបក្សសង្គ្រោះជាតិវិញ តំណាងចូលរួមដោយឯកឧត្តម គួយ ប៊ុនរឿន ឯកឧត្តម អេង ឆៃអ៊ាង និងឯកឧត្តម យ៉ែម បុញ្ញឫទ្ធិ ។

សូមរង់ចាំខ្លឹមសាររួមសន្និសីទកាសែត ដាច់ដោយឡែកដែលធ្វើឡើងដោយតំណាងគណបក្សប្រជាជនកម្ពុជា ស្តីពីលទ្ធផលនៃជំនួបនេះ នៅពេលបន្តិចទៀត។

By: Cambodia News

Wednesday, June 11, 2014

អ្នកនាំពាក្យក្រសួងការបរទេសកម្ពុជា បំភ្លឺរឿងការបញ្ជូនពលករខ្មែរមកកម្ពុជាវិញ

ឯកឧត្តម កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា នៅព្រឹកថ្ងៃទី ១១ ខែមិថុនា ឆ្នាំ២០១៤នេះ បានចេញលិខិតបំភ្លឺមួយ តបទៅនឹងពាក្យចចាមអារ៉ាម ដែលអះអាងថា មានកងយោធាឈុតខ្មៅថៃ បានធ្វើសកម្មភាពដេញបាញ់ពលករខ្មែរខុសច្បាប់ ដែលទៅធ្វើការនៅស្រុកថៃ ហើយត្រូវបញ្ជូនត្រឡប់មកមកកម្ពុជាវិញ បន្ទាប់ពីមានហេតុការណ៍បាញ់ប្រហារនោះកើតឡើង ក្នុងពេលដែលប្រទេសថៃ គ្រប់គ្រងដោយច្បាប់យោធារដ្ឋប្រហារ។

ប៉ុន្មានថ្ងៃចុងក្រោយនេះ នៅតាមច្រកទ្វារអន្តរជាតិប៉ោយប៉ែត មានការបញ្ជូនត្រឡប់មកវិញនូវពលករខ្មែររាប់ពាន់នាក់ជាបន្តបន្ទាប់មកកម្ពុជាវិញ ដែលបញ្ហានេះ ត្រូវបានឯកឧត្តម កុយ គួង បញ្ជាក់ហេតុផលដូចមានក្នុងលិខិតបំភ្លឺដូចខាងក្រោម៖

By: Cambodia News

លិខិតបំភ្លឺរបស់អ្នកនាំពាក្យក្រសួងការបទេស ដែលផ្ញើមកកាន់អង្គភាពសារព័ត៌មាននានា

ខុទ្ទកាល័យសម្តេចអគ្គមហាសេនាបតីតេជោ ហ៊ុន សែន ច្រានចោលការប្រើឈ្មោះមន្ត្រីធ្វើការនៅខុទ្ទការល័យសម្តេចតេជោ ដើម្បីការឆបោក

ខុទ្ទកាល័យសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃទី១១ ខែមិថុនា ឆ្នាំ២០១៤ នេះ បានជូនដំណឹងជម្រាបដល់សាធារណជន អំពី ព័ត័មានពាក់ព័ន្ធនឹងជនខិលខូចមួយចំនួន បាន និងកំពុងប្រើឈ្មោះ ថាខ្លួនគេធ្វើការនៅខុទ្ទកាល័យសម្តេចតេជោ ដើម្បីឆបោកប្រាក់ និងសន្យាដំឡើងឋាន: តួនាទីនានា។
ព័ត័មានពិស្តារ សូមអានខ្លឹមសារដូចមានក្នុងសេចក្តីជូនដំណឹងនេះ!

ប្រជាពលរដ្ឋជាច្រើននាក់នាំគ្នាស្ទាក់ផ្លូវ និងប្រឆាំងវត្តមាន លោក សម រង្ស៊ី និង លោក កឹម សុខា

ប្រជាពលរដ្ឋ ជាច្រើននាក់ បាននាំគ្នាស្ទាក់ផ្លូវ និងប្រឆាំងវត្តមាន របស់លោក សម រង្ស៊ី និង លោក កឹម សុខា ក្នុងដំណើរទៅខេត្តកោះកុង នាព្រឹកនេះ។

នេះជាការសំដែងនូវការមិនពេញចិត្តរបស់ប្រជាពលរដ្ឋចំពោះ សកម្មភាពដើរញុះញង់ និងការនិយាយភូតកុហករបស់មេដឹកនាំគណបក្សប្រឆាំង ដែលប្រជាពលរដ្ឋគិតថា បានរំខានលើភាពសុខសាន្តរបស់ពួកគាត់ដែលកំពុងរស់នៅក្នុងសុខសន្តិភាព។ ក្នុងបដាមួយចំនួនបានសេសេរថា ខ្ញុំមិនត្រូវការ សម រង្ស៊ី និងកឹម សុខា ទេ។

By: Cambodia News

Tuesday, June 10, 2014

សម្តេចតេជោ ហ៊ុន សែន ទះកំភ្លៀងក្រុមជ្រុលនិយមដែលបំផុសពាក្យចចាមអារាម ថា សម្តេចដាច់សសៃឈាមខួរក្បាលស្លាប់

សម្ដេចតេជោ ហ៊ុន សែន នាយករដ្ឋមន្ដ្រី នៃរាជរដ្ឋាភិបាលកម្ពុជា នៅព្រឹកថ្ងៃទី១០ ខែមិថុនា ឆ្នាំ២០១៤នេះ ក្នុងពិធីសំណេះសំណាលជាមួយយោធិនពិការនៅមជ្ឈមណ្ឌលតាកែនកោះស្លា ស្រុកឈូកខេត្ដកំពត បានឆ្លើយតបបញ្ជាក់ទៅនឹងពាក្យចរចាមអារាម ដែលបង្ហោះតាមបណ្ដាញ ទំនាក់ទំនងហ្វេកប៊ុក ដែលថា សម្ដេចដាច់សរសៃឈាមខួរក្បាលស្លាប់នោះ គឺសម្តេចបញ្ជាក់ថា «កុំសង្ឃឹមរង់ចាំឱ្យហ៊ុន សែន ងាប់ មិនងាយទេ” ។

សម្តេចតេជោ និងលោកជំទាវ ជួបសំណេះសំណាល
ជាមួយគ្រួសារយុទ្ធជនពិកា នៅស្រុកឈូក ខេត្តកំពត
ព្រឹកថ្ងៃទី១០ មិថុនា ឆ្នាំ២០១៤

សម្ដេចនាយករដ្ឋមន្ដ្រី បានបញ្ជាក់ថា « នេះ គឺហ៊ុន សែន សិប្បនិម្មិតឬមែនទែន ចេះតែ ដើរភូតថ្លុក ភូតត្រពាំង ចេះតែបន់ឱ្យខ្ញុំងាប់» ។ សម្ដេចតេជោនាយករដ្ឋមន្ដ្រី បានបន្ដ ទៀតថា “ពូជខ្ញុំមិនមែនពូជក្បត់ជាតិ ពូជឃ្លង់ ពូជរបេង ឬពូជឡប់ អត់មានទេ” ។

ជាមួយគ្នានេះ សម្ដេចតេជោក៏បានបញ្ជាក់ផងដែរថា « ប្រសិនបើសម្ដេចស្លាប់ មែន នោះ អ្នកឯងគួរតែរកបង្វិចរត់ឱ្យហើយទៅ ដោយសារតែកងកម្លាំងទាំងអស់ នៅក្នុងប្រទេសកម្ពុជា ស្ថិតក្រោមការបញ្ជាផ្ទាល់របស់សម្ដេច ដូច្នេះ បើសម្ដេចស្លាប់នោះ កងកម្លាំងអាច នឹងមិនអត់ឱន ហើយប្រើប្រាស់កម្លាំង ដើម្បីវាយ ។

សម្ដេចតេជោ បានសង្កត់ធ្ងន់ទៀតថា អ្នកដែលបញ្ជាកម្លាំងសរុប គឺមានតែម្នាក់គត់ ហើយបើសម្ដេចស្លាប់មែននោះ រដ្ឋមន្ដ្រីការពារជាតិ ក៏មិនអាចបញ្ជាកម្លាំងនគរបាល និងកម្លាំងស៊ីវិលបានដែរ ហើយរដ្ឋមន្ដ្រី ក្រសួងមហាផ្ទៃ ក៏មិនអាចបញ្ជាកម្លាំងទ័ព និងកម្លាំងកងរាជអាវុធហត្ថបាននោះទេ ដូច្នេះពេលនេះ គេត្រូវការហ៊ុន សែន ដើម្បី គ្រប់គ្រងសភាពការណ៍ ។

សម្ដេចនាយករដ្ឋមន្ដ្រី បានលើកឡើងថា ព័ត៌មាននិងពាក្យចរចាមអារាមទាំងនេះ ចេញមកពីប្រទេសអូស្ដ្រាលី ហើយសម្ដេច ក៏បានផ្ដាំផ្ញើទៅអ្នកដែលចង់ឱ្យសម្ដេចស្លាប់ គួរថែរទាំសុខភាពរបស់ខ្លួនឱ្យបានល្អទៅបានហើយ ហើយធ្វើជាមនុស្សកុំបន់ឱ្យគេស្លាប់។

សូមរំលឹកថា ចាប់តាំងពីថ្ងៃទី៨ ខែមិថុនា ឆ្នាំ២០១៤មកម៉្លេះ ពាក្យចចាមអារាមជាច្រើន ត្រូវបានផ្សព្វផ្សាយតាមបណ្តាញផ្សព្វផ្សាយសង្គមថ្មី Facebook ដែលគេបានដឹងថា ព័ត៌មានទាំងអស់នោះ បានបន្ទរការផ្សាយបន្តគ្នាដោយអ្នកនយោបាយប្រឆាំង និងក្រុមសកម្មជនគណបក្សសង្គ្រោះជាតិ ដោយបានបង្ហោះថា សម្តេច ហ៊ុន សែន កំពុងឈឺធ្ងន់ បន្ទាប់ពីដឹកទៅមន្ទីរពេទ្យកាល់ម៉ែត្រ ភ្លាមៗក៏បានដឹកសង្គ្រោះបន្ទាន់ទៅកាន់ប្រទេសសឹង្ហបុរី ហើយគេបានភូតកុហកទៀតថា នៅពេលនេះកូនចៅទាំងអស់របស់សម្តេច កំពុងជិះយន្តហោះទៅកាន់ទីនោះ ដើម្បីអោយទាន់ដង្ហើម។
ប៉ុន្តែ ព័ត៌មានទាំងអស់នោះបានសាបរលាបអស់ភ្លាមៗទៅវិញ នៅពេលដែលគេ សម្តេច បង្ហាញវត្តមានជួបជាមួយភ្ញៀវមកពីប្រទេសសឹង្ហបុរី កាលពីម្សឹលមិញ នៅវិមានសន្តិភាព និងមានផែនការចុះទៅកាន់ខេត្តកំពតនៅព្រឹកនេះ និងគម្រោងចេញទៅទស្សនកិច្ចផ្លូវការនៅប្រទេសបង់ក្លាដែសនៅប៉ុន្មានថ្ងៃខាងមុខទៀតនេះ។

By: Cambodia News

Monday, June 9, 2014

ទស្សនៈ (មេដឹកនាំគណបក្សប្រឆាំង មិនត្រូវបដិសេធការពិត)

អ្នកនយោបាយគួរមានសេចក្តីក្លាហាន ត្រូវហ៊ានទទួលស្គាល់ការពិតនូវទង្វើរបស់ខ្លួនចំពោះមុខប្រជាពលរដ្ឋ និងដាច់ខាតត្រូវតែទ្រាំទ្រអោយបាននឹងពាក្យរិះគន់ត្រឡប់វិញ ឬក៏សកម្មភាពប្រឆាំងណាមួយរបស់ប្រជាពលរដ្ឋនៅពេលដែលអ្នកនយោបាយមិនបានបំពេញបំណងរបស់ពួកគាត់ និងសូមកុំចាត់ទុក ប្រជាពលរដ្ឋគ្រាន់តែជាកម្លាំងគាំទ្រក្រុមខ្លួនគ្រប់ពេលវេលា ក្នុងខណៈដែលអ្នកនយោបាយមិនបានរួមចំណែកក្នុងការលើកកម្ពស់ជីវភាពរស់នៅរបស់ពួកគាត់។

យ៉ាងណាមិញ កម្លាំងប្រជាពលរដ្ឋ នឹងមិនអត់ឱនអោយជាដាច់ខាត បើសកម្មភាពរបស់អ្នកនយោបាយ កាន់តែដើរឆ្ងាយពីផ្លូវច្បាប់ និងពោរពេញទៅដោយចេតនាបង្កភាពចលាចលសង្គម និងចាត់ទុកប្រជាពលរដ្ឋជាបាវបំរើរបស់ខ្លួនដាច់ថ្លៃ។ ក្នុងន័យនេះ មេដឹកនាំគណបក្សប្រឆាំង បាន និងកំពុងជួបនូវឧបសគ្គដ៏ធ្ងន់ធ្ងរដោយការមិនយល់ពីគោលបំណងនៃការរស់នៅប្រចាំថ្ងៃរបស់ប្រជាពលរដ្ឋ ។ ហេតុការណ៍ដែលបានកើតឡើងនៅតំបន់អន្លុងវែង ខេត្តឧត្តរមានជ័យ និងនៅប៉ៃលិន គឺជាភស្តុតាងបង្ហាញប្រាប់ថា ប្រជាពលរដ្ឋពិតជាមិនត្រូវការភាពរំខាន គ្រប់ពេលវេលាពីក្រុមអ្នកនយោបាយក្បាលរឹង នៃគណបក្សសង្គ្រោះជាតិ ដែលនិយមយកការជេរប្រមាថ កាតទានមកលើរាជរដ្ឋាភិបាល ជាពិសេសមកលើគណបក្សប្រជាជនកម្ពុជា ថា ល្មមដល់ពេលភ្ញាក់ខ្លួន ហើយក៏សូមកុំជោរនឹងការធ្វើឬកពារជាអ្នកប្រឆាំងគ្រប់កាលៈទេសៈ រហូតយកការប្រឆាំង និងភាពបះបោរធ្វើជាមុខរបរដើម្បីបន្តអាជីពនយោបាយនោះ ។

ម៉្យាងវិញទៀត ការចោទប្រកាន់មកលើប្រជាពលរដ្ឋថា ជាក្រុមខ្មែរក្រហមពីមុន មានចរិតឃោរឃៅ នឹងទទួលបញ្ជាពីគណបក្សប្រជាជនកម្ពុជា វារឹតតែធ្វើអោយសកម្មភាពនយោបាយរបស់គណបក្សសង្គ្រោះជាតិ ពិបាកក្នុងការចុះទៅធ្វើសកម្មភាពជាថ្មីនៅលើទឹកដីនោះម្តងទៀត គឺអាចប្រឈមនឹងកំហឹងរបស់ប្រជាពលរដ្ឋអត់ទ្រាំលែងបាន។

មេដឹកនាំគណបក្សសង្គ្រោះជាតិត្រូវតែដឹងអោយច្បាស់ថា « អ្នកមានសិទ្ធិនិយាយ ប៉ុន្តែ អ្នកគ្មានសិទ្ធិបង្ខំអោយប្រជាពលរដ្ឋត្រូវតែគាំទ្រពួកខ្លួនទាំងងងឹតងងុលនោះឡើយ»។ ប្រជាពលរដ្ឋ មានសិទ្ធិពេញទីក្នុងការប្រឆាំងនឹងសកម្មភាពព្រហើនរបស់អស់លោកអ្នក ហើយពួកគាត់ក៏មានសិទ្ធិប្រកាសគាំទ្រថ្នាក់ដឹកនាំណាដែលពួកគាត់ពេញចិត្ត។សូមកុំប្រែក្លាយការគាំទ្ររបស់គាត់ចំពោះអ្នកណាម្នាក់ ថា អ្នកនោះ ឬគណបក្សនោះបញ្ជាឬ ទិញទឹកចិត្តគាត់។

បើពិនិត្យលើទិដ្ឋភាពជាក់ស្តែង ប្រជាពលរដ្ឋរាប់រយ ពាន់នាក់ ដែលដង្ហែរក្បួនប្រឆាំងនឹងវត្តមាន សម រង្ស៊ី កឹម សុខា គឺកើតចេញពីឆន្ទៈពិតប្រាកដរបស់ពួកគាត់ គ្មានការទិញដូរទេ សមដូចពាក្យរបស់ក្រុមបក្សប្រឆាំងតែងតែនិយាយថា ពលរដ្ឋសព្វថ្ងៃមានសិទ្ធិគ្រប់គ្រាន់ មិនអាចមានអ្នកណាម្នាក់ទិញទឹកចិត្តពួកគាត់បានឡើយ។

ល្បែងបោកប្រាស់របស់បក្សប្រឆាំង នឹងត្រូវអស់ជំនឿ ( ការភូតកុហកថា សម្តេចតេជោ ឈឺធ្ងន់ជាព័ត៌មានបំភ្លៃ)

ជំនួបសម្តេចតេជោ ជាមួយលោក ចូចយីវ ប្រធានក្រុមហ៊ុន
Kerry logisticsព្រឹកថ្ងៃទី៩ មិថុនា ឆ្នាំ២០១៤
នៅវិមានសន្តិភាព

មិនដូចអ្វីដែលបានលើកឡើងតាមបណ្តាញផ្សព្វផ្សាយសង្គមមួយចំនួនរបស់ក្រុមបក្សប្រឆាំង ដែលបានបំផុសនោះទេ ការពិតសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា លោកមានសុខភាពល្អធម្មតា និងរឹងមាំបំផុត បើទោះជាសម្តេច ស្ថិតក្នុងវ័យ៦៣ឆ្នាំហើយក៏ដោយ។

ក្រុមបក្សប្រឆាំងគួរតែមានការខ្មាសអៀនខ្លះផង ដែលខំបំប៉ោងព័ត៌មានអំពីការឈឺធ្ងន់របស់សម្តេចតេជោ ហ៊ុន សែន និងថា ត្រូវបានគេដឹកយកទៅសង្គ្រោះបន្ទាន់នៅប្រទេសសឹង្ហបុរី ហើយគេបំពុលព័ត៌មានទៀតថា នៅពេលនេះ កូនចៅទាំងអស់របស់សម្តេចកំពុងប្រញ៉ាប់ប្រញាល់ធ្វើដំណើរទៅសឹង្ហបុរី ដើម្បីអោយទាន់ដង្ហើម។

ប៉ុន្តែ ការប្រឌិតព័ត៌មាននោះ បានត្រូវសាប អស់ឥទ្ធិពល ដោយសារនៅព្រឹកនេះ ថ្ងៃទី៩ ខែមិថុនា ឆ្នាំ២០១៤ នៅវិមានសន្តិភាព សម្តេចតេជោ ហ៊ុន សែន បានបង្ហាញវត្តមាន ក្នុងជំនួបសំដែងការគួរសមជាមួយលោក ចូច យីវ ប្រធានក្រុមហ៊ុន Kerry logistics របស់សឹង្ហបុរី ហើយដែលត្រូវបានលោក អ៊ាង សុផល្លែត ជំនួយការផ្ទាល់ សម្តេចតេជោ បានឲ្យដឹងនៅក្រោយជំនួបនោះថា ក្រុមហ៊ុន Kerry Logistic បច្ចុប្បន្ន មានទីស្នាក់ការនៅ ទីក្រុងហុងកុង និងមាន ទីតាំងនៅក្នុងប្រទេសជាច្រើនទៀតផង។

សម្តេចតេជោ ហ៊ុន សែន បានមានប្រសាសន៍ថា កម្ពុជាកន្លង មកធ្លាប់ជាប្រទេស ទទួលជំនួយ តែពេលនេះកម្ពុជាពុំដូច្នោះទេ គឺកម្ពុជា កំពុងតែ បោះជំហានទៅមុខលើ វិស័យពាណិជ្ជកម្ម និងបែរមុខទៅប្រទេស ក្រៅក្នុងការ ពង្រីកពាណិជ្ជកម្ម ដែលបញ្ហាភស្តុភារ គឺជាបញ្ហាមួយដែល ត្រូវលើកមក ពិភាក្សាក្នុងប្រធាន បទរកំណែទម្រង់សេដ្ឋកិច្ចកម្ពុជាយើង ដែលបំរើអោយសេដ្ឋកិច្ច កម្ពុជាផង និងក្នុងតំបន់ផង ហើយជារបៀប សេដ្ឋកិច្ចថ្មីមួយ និងជានយោបាយ ក្នុងការអនុវត្ត ដោយ សារក្រុមហ៊ុននេះតែម្តង ។

លោក ចូច យីវ បានគោរពជំរាបជូនសម្តេចតេជោ នាយករដ្ឋមន្ត្រីថា នេះជាលើក ទីបីហើយ ដែលលោកបានមកកាន់ប្រទេសកម្ពុជា នៅក្នុងឆ្នាំនេះ ដោយ លោកបានឃើញ ការអភិវឌ្ឍរបស់កម្ពុជាគួរជាទីមោទនៈ ដែលនេះជាដំណាក់កាលមួយរបស់កម្ពុជាដោយពោរពេញ នៃភាពរស់រវើកនៃដំណើរ ការរបស់កម្ពុជា លោក បានបញ្ជាក់ថា បើប្រៀបធៀប ទៅនឹងទស្សវត្ត៩០នោះ គឺពេលនេះ មានការផ្លាស់ប្តូគួរជាទីពេញចិត្ត ជាពិសេសលោកចូច យីវបានជួប ជាមួយជនជាតិសឹង្ហបុរីជាច្រើន ដែលមកវិនិយោគនៅកម្ពុជា រឺដំណើរកំសាន្តនៅកម្ពុជា ការចូលរួមក្នុង អង្គការ ក្រៅរដ្ឋាភិបាលផង ហើយពលរដ្ឋសឹង្ហបុរីបានពោលពាក្យសរសើរដល់កម្ពុជា។ ក្រៅពីនេះ លោកចូច យីវ ប្រធានក្រុមហ៊ុន Kerry logistics របស់សឹង្ហបុរី ក៏បានសំដែង នូវចំណាប់អារម្មណ៍ចំពោះសក្តានុពល សេដ្ឋកិច្ច របស់កម្ពុជា លើវិស័យដឹកជញ្ជូន ក្នុងនោះ លោកបាន គោរពជំរាប សម្តេចតេជោនាយករដ្ឋមន្រ្តីថា ការធ្វើដំណើររបស់លោក មកកាន់ កម្ពុជានាពេលនេះ មានបំណងចង់ បើកក្រុមហ៊ុន Kerry Logistic នៅក្នុងតំបន់សេដ្ឋកិច្ចពិសេសរបស់កម្ពុជាយើង ដោយសំឡឹងឃើញថា កម្ពុជាមានសក្តានុពលខ្ពស់ រីឯហេដ្ឋារចនាសម្ព័ន្ធ ក៏មានភាពល្អ ប្រសើរផងដែរ ដូច្នេះក្រុមហ៊ុនមានបំណង បើកឃ្លាំងស្តុកទំនិញ នៅតំបន់សេដ្ឋកិច្ច ពិសេសដើម្បី ចែកចាយទូទាំង ប្រទេស និងក្នុងតំបន់ ហើយសំរាប់ ជាកន្លែង ដើម្បីឆ្លង កាត់ទំនិញតាមផ្លូវគោក ផងដែរ ។

ម៉្យាងវិញទៀត តាមព័ត៌មានច្បាស់ការមួយបានអោយដឹងថា នៅវេលាម៉ោង ៧និង៣០នាទីព្រឹក ថ្ងៃឣង្គារ ទី១០ ខែមិថុនា ឆ្នាំ២០១៤ស្អែក នេះ សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រី នៃព្រះរាជាណាចក្រកម្ពុជា នឹងឣញ្ជើញ ចុះសួរសុខទុក្ខជនពិការ ៣១៧ តំបន់ កោះស្លា ស្ថិតក្នុងភូមិតេជោឣភិវឌ្ឍន៍ ឃុំតេជោឣភិវឌ្ឍន៍ ស្រុក ឈូក ខេត្តកំពត ។

ដូច្នេះ តាមរយៈជំនួបខាងលើនេះ និងព័ត៌មានសម្រាប់ថ្ងៃស្អែក វាសមល្មម និងគ្រប់គ្រាន់ហើយ សម្រាប់ខ្ទប់មាត់សម្អុយរបស់ពួកក្រុមបក្សប្រឆាំង ដែលពី១ថ្ងៃទៅ១ថ្ងៃ បន់អោយតែប្រមុខដឹកនាំប្រទេសឆាប់ស្លាប់ ដើម្បីពួកគេងាយស្រួលក្នុងការបង្កគ្រោះភ័យដល់សង្គមជាតិ ប៉ុន្តែ សូមអស់លោកក្រុមអ្នកប្រឆាំង គាប្បីគិតពិចារណាថា « មួយជីវិតនេះ សម្តេចតេជោមិនមែនជាសត្រូវរបស់អស់លោកអ្នកទេ» សូមអស់លោកកុំប្រកាសធ្វើជាសត្រូវជាមួយសម្តេចតេជោ ។ ការស្លាប់បាត់បង់អាយុជីវិត គឺជាកាលបរិច្ឆេទចុងក្រោយនៃបេសកកម្មក្នុងពេលនៅរស់ ដូច្នេះ សម្តេចតេជោ ហ៊ុន សែន គឺជាអ្នកមានគុណធំធេងណាស់ចំពោះជាតិ មាតុភូមិ គឺមិនងាយទៅណាចោលប្រជាពលរដ្ឋរបស់សម្តេចឡើយ។ សូមមេដឹកនាំបក្សប្រឆាំងបញ្ចប់នូវភាពសុបិន្តទាំងកណ្តាលថ្ងៃនោះទៅ៕

BY: Cambodia News