Sunday, September 20, 2015
Friday, September 18, 2015
សម្តេចតេជោ ហ៊ុន សែន អនុញ្ញាតឱ្យលោកស្រី Angelina Jolie តារាសម្តែងភាពយន្តហូលីវូដ ចូលជួបសម្តែង ការគួរសម និងពិភាក្សា
សម្តេចតេជោ ហ៊ុន សែន នៅថ្ងៃទី១៧ ខែកញ្ញា ឆ្នាំ២០១៥ បានអនុញ្ញាតឱ្យលោកស្រី Angelina Jolie តារាសម្តែងភាពយន្តហូលីវូដ ចូលជួបសម្តែង ការគួរសម និងពិភាក្សាលើការងារសង្គមមួយចំនួន។
លោកស្រី Angelina Jolie ធ្លាប់បានមកជួបសម្តេចតេជោនាយករដ្ឋមន្ត្រី នៅក្នុងឆ្នាំ២០០៤ ដែលពេលនោះលោកស្រីបានសុំសម្តេចតេជោ ធ្វើការអភិរក្សតំបន់សំឡូត ខេត្តបាត់ដំបង កុំឲ្យមានការធ្វើវារីអគ្គីសនី នៅទីនោះ ហើយនៅពេលសម្តេច ក៏បានសម្រេចមិនឲ្យវារីអគ្គីសនីនៅទីនោះទេ ប៉ុន្តែអនុញ្ញាតឲ្យលោកស្រី ធ្វើការអភិរក្សនៅតំបន់នោះ។
ក្នុងជំនួបនេះ លោកស្រីបានគោរពរាយការណ៍ជូនសម្តេចតេជោថា តំបន់អភិរក្សសំឡូត គឺមានដំណើរការបានយ៉ាងល្អ បើមើលពីលើទៅ គឺមានតំបន់ព្រៃឈើខៀវស្រងាត់តែម្តង ដែលនេះជាការចូលរួមចំណែក អភិរក្សធនធានធម្មជាតិ របស់កម្ពុជា។ ពាក់ព័ន្ធនឹងការថតកុននៅកម្ពុជា លោកស្រីបានគោរពជម្រាបជូនសម្តេចតេជោថា កុនរបស់លោកស្រី គឺផ្នែកទៅលើសៀវភៅ ដែលនិយាយពីក្មេងស្រីម្នាក់ ដែលបានឆ្លងកាត់ជីវិតរបស់នាង នៅក្នុងសង្គ្រាម នោះគឺជាខ្សែភាពយន្តមួយ ដែលមិនមែនជាខ្សែភាពយន្តឆ្លុះបញ្ចាំងអំពីភាពកាចសាហាវ ប៉ុន្តែជាការឆ្លុះបញ្ចាំងពីប្រជាជន វប្បធម៌ ប្រពៃណី និងក្រុមគ្រួសាររបស់កម្ពុជា ជាពិសេសអំពីសន្តានទឹកចិត្តរបស់ឪពុកម្តាយកម្ពុជា ដែលបានចំពោះកូន។
ជាការឆ្លើយតបសម្តេចតេជោ នាយករដ្ឋមន្ត្រី បានសម្តែងនូវការគាំទ្រ ដោយមានប្រសាសន៍ថា កុននេះគឺដើម្បីឆ្លុះបញ្ចាំងអំពីការពិត នៅក្នុងព្រះរាជាណាចក្រកម្ពុជាយើង ហើយដើម្បីទុកសម្រាប់ជូនអ្នកជំនាន់ក្រោយ ឲ្យបានយល់ និងបានដឹងអំពីកម្ពុជាផងដែរ។
លោកស្រី Angelina Jolie ក៏បានបញ្ជាក់ផងដែរថា កុនដែលលោកស្រីនឹងរៀបចំថតនេះ ក៏ដើម្បីឆ្លុះបញ្ចាំងទៅឲ្យពិភពលោក បានស្គាល់កាន់តែច្បាស់អំពីកម្ពុជាតែម្តង៕
លោកស្រី Angelina Jolie ធ្លាប់បានមកជួបសម្តេចតេជោនាយករដ្ឋមន្ត្រី នៅក្នុងឆ្នាំ២០០៤ ដែលពេលនោះលោកស្រីបានសុំសម្តេចតេជោ ធ្វើការអភិរក្សតំបន់សំឡូត ខេត្តបាត់ដំបង កុំឲ្យមានការធ្វើវារីអគ្គីសនី នៅទីនោះ ហើយនៅពេលសម្តេច ក៏បានសម្រេចមិនឲ្យវារីអគ្គីសនីនៅទីនោះទេ ប៉ុន្តែអនុញ្ញាតឲ្យលោកស្រី ធ្វើការអភិរក្សនៅតំបន់នោះ។
ក្នុងជំនួបនេះ លោកស្រីបានគោរពរាយការណ៍ជូនសម្តេចតេជោថា តំបន់អភិរក្សសំឡូត គឺមានដំណើរការបានយ៉ាងល្អ បើមើលពីលើទៅ គឺមានតំបន់ព្រៃឈើខៀវស្រងាត់តែម្តង ដែលនេះជាការចូលរួមចំណែក អភិរក្សធនធានធម្មជាតិ របស់កម្ពុជា។ ពាក់ព័ន្ធនឹងការថតកុននៅកម្ពុជា លោកស្រីបានគោរពជម្រាបជូនសម្តេចតេជោថា កុនរបស់លោកស្រី គឺផ្នែកទៅលើសៀវភៅ ដែលនិយាយពីក្មេងស្រីម្នាក់ ដែលបានឆ្លងកាត់ជីវិតរបស់នាង នៅក្នុងសង្គ្រាម នោះគឺជាខ្សែភាពយន្តមួយ ដែលមិនមែនជាខ្សែភាពយន្តឆ្លុះបញ្ចាំងអំពីភាពកាចសាហាវ ប៉ុន្តែជាការឆ្លុះបញ្ចាំងពីប្រជាជន វប្បធម៌ ប្រពៃណី និងក្រុមគ្រួសាររបស់កម្ពុជា ជាពិសេសអំពីសន្តានទឹកចិត្តរបស់ឪពុកម្តាយកម្ពុជា ដែលបានចំពោះកូន។
ជាការឆ្លើយតបសម្តេចតេជោ នាយករដ្ឋមន្ត្រី បានសម្តែងនូវការគាំទ្រ ដោយមានប្រសាសន៍ថា កុននេះគឺដើម្បីឆ្លុះបញ្ចាំងអំពីការពិត នៅក្នុងព្រះរាជាណាចក្រកម្ពុជាយើង ហើយដើម្បីទុកសម្រាប់ជូនអ្នកជំនាន់ក្រោយ ឲ្យបានយល់ និងបានដឹងអំពីកម្ពុជាផងដែរ។
លោកស្រី Angelina Jolie ក៏បានបញ្ជាក់ផងដែរថា កុនដែលលោកស្រីនឹងរៀបចំថតនេះ ក៏ដើម្បីឆ្លុះបញ្ចាំងទៅឲ្យពិភពលោក បានស្គាល់កាន់តែច្បាស់អំពីកម្ពុជាតែម្តង៕
សម្តេចតេជោ ហ៊ុន សែន ជួបសវនាការជាមួយអនុប្រធានសភាចិន
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅតែលើក ទឹកចិត្ត ជំរុញកិច្ចសហការរវាងប្រទេសទាំងពីរកម្ពុជា ចិន ទទួលបានទំហំពាណិជ្ជកម្ម ឡើងដល់៥ពាន់ លានដុល្លារអាមេរិក នៅឆ្នាំ២០១៧។
ការលើកឡើងរបស់សម្តេចតេជោនាយករដ្ឋមន្ត្រីកម្ពុជានូវបញ្ហាខាងលើនេះ ត្រូវបានធ្វើឡើង នៅក្នុង ឱកាសដែល ឯកឧត្តម ARKEN IMIR BAKI អនុប្រធាន រដ្ឋសភាចិន ចូលជួបសវនាការ ជាមួយ សម្តេចនៅវិមានសន្តិភាព នារសៀលថ្ងៃទី១៧កញ្ញានេះ ។ក្រោយពីជំនួបបញ្ចប់ ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រី បានឱ្យអ្នក សារព័ត៌មានដឹងថា៖ នៅក្នុងជំនួបនេះ ឯកឧត្តម ARKEN បានវាយតម្លៃខ្ពស់ចំពោះការអភិវឌ្ឍ រីក ចំរើន នៅកម្ពុជា ហើយឯកឧត្តម បានមានប្រសាសន៍ថា នេះជាដំណើរទស្សនកិច្ចលើកទី១របស់ឯកឧត្តមមកកាន់កម្ពុជា ហើយបានមើលឃើញថាព្រះរាជាណាចក្រកម្ពុជាគឺមានស្ថេរភាពនយោបាយ ការអភិវឌ្ឍ វិស័យសេដ្ឋកិច្ច ហើយប្រជាជនកំពុងតែមានជីវភាព កាន់តែល្អប្រសើរ។ ក្នុងន័យនេះ ឯកឧត្តម បានសាទរ និងបានគោរពជំរាបជូនសម្តេចដែរថា បេសកកម្មរបស់ឯកឧត្តម មកកាន់កម្ពុជា នាពេលនេះ ដើម្បីពង្រឹងទំនាក់ទំនងរវាងប្រទេសទាំងពីរផង និងពង្រីកកិច្ចសហប្រតិបត្តិការ វាងរដ្ឋ សភា ព្រឹទ្ធសភា និងប្រជាជននៃប្រទេសទាំងពីរ។
ជាការឆ្លើយតប សម្តេចតេជោ ហ៊ុន សែន បានអបអរសាទរចំពោះជោគជ័យដ៏ធំធេង ដែលចិនបាន ប្រារព្ធខួបលើកទី៧០ នៃការឈ្នះសង្គ្រាមជាមួយពួកហ្វាស៊ីសកន្លងមក។ ទន្ទឹមនេះសម្តេច បានសម្តែង នូវការសាទរ ចំពោះការរីកចម្រើនលូតលាស់ដ៏ធំធេង របស់ប្រជាជនចិន ជាពិសេសលើវិស័យសេដ្ឋកិច្ច និងបានសម្តែងនូវការរីករាយចំពោះទំនាក់ទំនង ដ៏ល្អរវាងប្រទេសទាំងពីរ ដែលចិនបាននាំមុខ ក្នុងការ ផ្តល់ជំនួយឥតសំណង់ និងកម្ចីសម្បទាន ដល់កម្ពុជា ព្រមទាំងការវិនិយោគនៅកម្ពុជាផងដែរ។ ប៉ុន្តែ ទោះជា យ៉ាងណាក៏ដោយ កម្ពុជានិងចិន ត្រូវតែធ្វើយ៉ាងណាសម្រេចឲ្យបានទំហំពាណិជ្ជកម្ម ៥ពាន់ លានដុល្លារសហរដ្ឋអាមេរិក នៅក្នុងឆ្នាំ២០១៧ ដូចដែលបានកំណត់ នារយៈពេលកន្លងមក។ ពាក់ព័ន្ធនឹងទំនាក់ទំនងនៃប្រទេសទាំងពីរ សម្តេចតេជោ បានមានប្រសាសន៍ថា គប្បីជម្រុញទំនាក់ ទំនង កិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិនិយោគ ធ្វើឲ្យកាន់តែខ្លាំងព្រោះថានេះ ជា ការទ្រទ្រង់ខាងផ្នែកទំនាក់ទំនងនយោបាយ៕
ការលើកឡើងរបស់សម្តេចតេជោនាយករដ្ឋមន្ត្រីកម្ពុជានូវបញ្ហាខាងលើនេះ ត្រូវបានធ្វើឡើង នៅក្នុង ឱកាសដែល ឯកឧត្តម ARKEN IMIR BAKI អនុប្រធាន រដ្ឋសភាចិន ចូលជួបសវនាការ ជាមួយ សម្តេចនៅវិមានសន្តិភាព នារសៀលថ្ងៃទី១៧កញ្ញានេះ ។ក្រោយពីជំនួបបញ្ចប់ ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រី បានឱ្យអ្នក សារព័ត៌មានដឹងថា៖ នៅក្នុងជំនួបនេះ ឯកឧត្តម ARKEN បានវាយតម្លៃខ្ពស់ចំពោះការអភិវឌ្ឍ រីក ចំរើន នៅកម្ពុជា ហើយឯកឧត្តម បានមានប្រសាសន៍ថា នេះជាដំណើរទស្សនកិច្ចលើកទី១របស់ឯកឧត្តមមកកាន់កម្ពុជា ហើយបានមើលឃើញថាព្រះរាជាណាចក្រកម្ពុជាគឺមានស្ថេរភាពនយោបាយ ការអភិវឌ្ឍ វិស័យសេដ្ឋកិច្ច ហើយប្រជាជនកំពុងតែមានជីវភាព កាន់តែល្អប្រសើរ។ ក្នុងន័យនេះ ឯកឧត្តម បានសាទរ និងបានគោរពជំរាបជូនសម្តេចដែរថា បេសកកម្មរបស់ឯកឧត្តម មកកាន់កម្ពុជា នាពេលនេះ ដើម្បីពង្រឹងទំនាក់ទំនងរវាងប្រទេសទាំងពីរផង និងពង្រីកកិច្ចសហប្រតិបត្តិការ វាងរដ្ឋ សភា ព្រឹទ្ធសភា និងប្រជាជននៃប្រទេសទាំងពីរ។
ជាការឆ្លើយតប សម្តេចតេជោ ហ៊ុន សែន បានអបអរសាទរចំពោះជោគជ័យដ៏ធំធេង ដែលចិនបាន ប្រារព្ធខួបលើកទី៧០ នៃការឈ្នះសង្គ្រាមជាមួយពួកហ្វាស៊ីសកន្លងមក។ ទន្ទឹមនេះសម្តេច បានសម្តែង នូវការសាទរ ចំពោះការរីកចម្រើនលូតលាស់ដ៏ធំធេង របស់ប្រជាជនចិន ជាពិសេសលើវិស័យសេដ្ឋកិច្ច និងបានសម្តែងនូវការរីករាយចំពោះទំនាក់ទំនង ដ៏ល្អរវាងប្រទេសទាំងពីរ ដែលចិនបាននាំមុខ ក្នុងការ ផ្តល់ជំនួយឥតសំណង់ និងកម្ចីសម្បទាន ដល់កម្ពុជា ព្រមទាំងការវិនិយោគនៅកម្ពុជាផងដែរ។ ប៉ុន្តែ ទោះជា យ៉ាងណាក៏ដោយ កម្ពុជានិងចិន ត្រូវតែធ្វើយ៉ាងណាសម្រេចឲ្យបានទំហំពាណិជ្ជកម្ម ៥ពាន់ លានដុល្លារសហរដ្ឋអាមេរិក នៅក្នុងឆ្នាំ២០១៧ ដូចដែលបានកំណត់ នារយៈពេលកន្លងមក។ ពាក់ព័ន្ធនឹងទំនាក់ទំនងនៃប្រទេសទាំងពីរ សម្តេចតេជោ បានមានប្រសាសន៍ថា គប្បីជម្រុញទំនាក់ ទំនង កិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិនិយោគ ធ្វើឲ្យកាន់តែខ្លាំងព្រោះថានេះ ជា ការទ្រទ្រង់ខាងផ្នែកទំនាក់ទំនងនយោបាយ៕
អដ្ឋិធាតុសម្តេច ជា ស៊ីម ត្រូវបានដង្ហែយកទៅតម្កល់ នៅស្រុកកំណើតនៅថ្ងៃទី ១៨ ខែកញ្ញា ឆ្នាំ២០១៥នេះ
នៅព្រឹកថ្ងៃទី១៨ ខែកញ្ញា ឆ្នាំ២០១៥នេះ អដ្ឋិធាតុសម្ដេចអគ្គមហាធម្មពោធិសាល ជា ស៊ីម អតីតប្រធានព្រឹទ្ធសភា និងជាអតីតប្រធានគណបក្សប្រជាជនកម្ពុជា ត្រូវបានដង្ហែយកទៅតម្កល់ នៅស្រុកកំណើត របស់សម្តេច ស្ថិតនៅភូមិកន្លែងជ្រៅ ឃុំក្របៅ ស្រុកកំចាយមារ ខេត្តព្រៃវែង ដែលចាប់ផ្តើមនៅវេលាម៉ោង ៧៖៣០នាទី ព្រឹកថ្ងៃទី១៨ ខែកញ្ញា ឆ្នាំ២០១៥នេះ។
ពិធីដង្ហែអដ្ឋិធាតុនេះ បានការអញ្ជើញចូលរួម ពីថ្នាក់ដឹកនាំគណបក្សប្រជាជនកម្ពុជា ព្រឹទ្ធសភា រដ្ឋសភា រាជរដ្ឋាភិបាល និងក្រុមគ្រួសារ ព្រមទាំងមន្រ្តីជាច្រើននាក់។
គួរបញ្ជាក់ថា សម្ដេចអគ្គមហាធម្មពោធិសាល ជា ស៊ីម បានទទួលមរណភាពកាលពីថ្ងៃទី០៨ ខែមិថុនា ឆ្នាំ២០១៥ ដោយរោគាពាធ ក្នុងជន្មាយុ៨៣ឆ្នាំ ហើយសពសម្ដេចត្រូវបានបូជា នៅថ្ងៃទី១៩ ខែមិថុនា ដែលព្រះមហាក្សត្រយាងប្រទានភ្លើងបូជា៕
ពិធីដង្ហែអដ្ឋិធាតុនេះ បានការអញ្ជើញចូលរួម ពីថ្នាក់ដឹកនាំគណបក្សប្រជាជនកម្ពុជា ព្រឹទ្ធសភា រដ្ឋសភា រាជរដ្ឋាភិបាល និងក្រុមគ្រួសារ ព្រមទាំងមន្រ្តីជាច្រើននាក់។
គួរបញ្ជាក់ថា សម្ដេចអគ្គមហាធម្មពោធិសាល ជា ស៊ីម បានទទួលមរណភាពកាលពីថ្ងៃទី០៨ ខែមិថុនា ឆ្នាំ២០១៥ ដោយរោគាពាធ ក្នុងជន្មាយុ៨៣ឆ្នាំ ហើយសពសម្ដេចត្រូវបានបូជា នៅថ្ងៃទី១៩ ខែមិថុនា ដែលព្រះមហាក្សត្រយាងប្រទានភ្លើងបូជា៕
យុវជនប្រចាំភូមិភាគឦសានប្រទេសបារាំង គាំទ្រនូវកាយវិការប្រកបដោយព្រហ្មវិហារធម៍ និងគតិបណ្ឌិត របស់សម្តេចតេជោ ហ៊ុន សែន ចំពោះសិស្សជ័យលាភីនិទ្ទេស A ចំនួន ១០៨ នាក់
យោងតាមសេចក្តីថ្លែងការណ៏របស់តំណាងយុវជន និស្សិត ព្រមទាំងប្រជាពលរដ្ឋខ្មែរ ប្រចាំភូមិភាគឦសាន ប្រទេសបារាំង ចុះថ្ងៃទី ១៧ ខែកញ្ញា ឆ្នាំ២០១៥ បានបញ្ជាក់ថាយុវជនទាំងនោះ មានការគាំទ្រ សម្តេចតេជោ ហ៊ុន សែន នាយករដ្ឋមន្ត្រី និងរាជរដ្ឋាភិបាលកម្ពុជា និងសូមសម្តែងការអបអរសាទរចំពោះសិស្សានុសិស្សជ័យលាភី និទ្ទេស A ចំនួន១០៨នាក់ ដែលមានកិត្តិយសយ៉ាងខ្ពង់ខ្ពស់បានចូលជួបសម្តែងការគួរសម សម្តេចតេជោ ហ៊ុន សែន នាថ្ងៃទី ១៥ ខែកញ្ញា ឆ្នាំ២០១៥ នៅក្នុងនោះ សម្តេចតេជោ ក៏បានផ្តល់ជូននូវវត្ថុអនុស្សាវរីយ៍ រួមទាំងថវិកាមួយចំនួនផងដែរ។
យុវជន និស្សិត ព្រមទាំងប្រជាពលរដ្ឋខ្មែរ ប្រចាំភូមិភាគឦសាន ប្រទេសបារាំង យល់ថា ការផ្តល់ជូននេះ គឺជាការយកចិត្តទុកដាក់ខ្ពស់ ឧត្តុង្គឧត្តម ថ្លៃថ្លា របស់សម្តេចតេជោ ចំពោះ សិស្សានុសិស្សជ័យលាភី និទ្ទេស A ទាំង១០៨នាក់។ ក្នុងនាមជាយុវជន និស្សិត ព្រមទាំងប្រជាពលរដ្ឋខ្មែរ ប្រចាំភូមិភាគឦសាន ប្រទេសបារាំង សូមសម្តែងនូវការគាំទ្រនូវកាយវិការប្រកបដោយព្រហ្មវិហារធម៌ និងគតិបណ្ឌិតដ៏ខ្ពងខ្ពស់របស់ សម្តេចតេជោ ដែលតែងតែជួយដល់សិស្សានុសិស្ស និស្សិត ព្រមទាំងប្រជាពលរដ្ឋខ្មែរទាំងអស់ប្រកបដោយ សុខសន្តិភាព និងការអភិវឌ្ឍន៍៕
យុវជន និស្សិត ព្រមទាំងប្រជាពលរដ្ឋខ្មែរ ប្រចាំភូមិភាគឦសាន ប្រទេសបារាំង យល់ថា ការផ្តល់ជូននេះ គឺជាការយកចិត្តទុកដាក់ខ្ពស់ ឧត្តុង្គឧត្តម ថ្លៃថ្លា របស់សម្តេចតេជោ ចំពោះ សិស្សានុសិស្សជ័យលាភី និទ្ទេស A ទាំង១០៨នាក់។ ក្នុងនាមជាយុវជន និស្សិត ព្រមទាំងប្រជាពលរដ្ឋខ្មែរ ប្រចាំភូមិភាគឦសាន ប្រទេសបារាំង សូមសម្តែងនូវការគាំទ្រនូវកាយវិការប្រកបដោយព្រហ្មវិហារធម៌ និងគតិបណ្ឌិតដ៏ខ្ពងខ្ពស់របស់ សម្តេចតេជោ ដែលតែងតែជួយដល់សិស្សានុសិស្ស និស្សិត ព្រមទាំងប្រជាពលរដ្ឋខ្មែរទាំងអស់ប្រកបដោយ សុខសន្តិភាព និងការអភិវឌ្ឍន៍៕
Thursday, September 17, 2015
កម្ពុជា-ឥណ្ឌាបន្តពង្រឹង និងពង្រីកសហប្រតិបត្តិការ លើវិស័យទេសចរណ៍ និងពាណិជ្ជកម្ម
នៅថ្ងៃទី ១៦ ខែកញ្ញា ឆ្នាំ២០១៥នេះ នៅវិមានមិត្តភាព ទីស្តីការគណៈរដ្ឋមន្ត្រី ក្នុងពិធី ធ្វើបទបឋកថា ស្តីពីទំនាក់ទំនងកម្ពុជា-ឥណ្ឌា ឯកឧត្តម Shri Mohammad Hamid Ansari អនុប្រធានាធិបតីឥណ្ឌា និងឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រីរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានបង្ហាញនូវការឯកភាពគ្នាក្នុងការបន្តពង្រឹង និងពង្រីកកិច្ចសហប្រតិបត្តិការ លើវិស័យទេសចរណ៍ និងពាណិជ្ជកម្ម រវាងប្រទេសទាំងពីរឲ្យកាន់តែប្រសើរឡើង។
អនុប្រធានាធិបតីឥណ្ឌា ឯកឧត្តម Shri Mohammad Hamid Ansari បានមានប្រសាសន៍ថា ពេលដែលមកដល់ប្រទេសកម្ពុជា គឺឯកឧត្តមមានការរំភើបចិត្តយ៉ាងខ្លាំងដោយសារតែឃើញទំនាក់ទំនងដ៏ល្អរវាងកម្ពុជានិងឥណ្ឌា ហើយតាមពិតទៅកម្ពុជា និងឥណ្ឌា គឺមានវប្បធម៌ និងសាសនាដូចគ្នា។ ឯកឧត្តមបន្តថា កន្លងមកនេះ គឺឥណ្ឌាបានជួយជួសជុល ប្រាសាទបាយ័ន ដែលស្ថិតនៅក្នុងក្រុមប្រាសាទអង្គរធំ ហើយឥណ្ឌាក៏មានទំនាក់ទំនងល្អជាមួយប្រទេសនៅក្នុងតំបន់មេគង្គ ដែលហៅថាសហប្រតិបត្តិការ Ganga and Mekong (មេគង្គ -ឥណ្ឌា)។ អនុប្រធានាធិបតីឥណ្ឌា ក៏បានកោតសរសើរពីការរីកចំរើនរបស់ប្រទេសកម្ពុជា ដែលបានឈានដល់កំណើនសេដ្ឋកិច្ច គឺផលិតផលសរុបក្នុងស្រុក (GDP) ប្រមាណជា៧%ក្នុងមួយឆ្នាំ ហើយឥណ្ឌាសង្ឃឹមថាទំនាក់ទំនងសេដ្ឋកិច្ចវិនិយោគ និងទេសចរណ៍រវាងកម្ពុជា-ឥណ្ឌា និងកាន់តែមានភាពប្រសើរឡើងបន្ថែមទៀតដើម្បីផលប្រយោជន៍ប្រជាជន និងប្រទេសទាំងពីរ។
អនុប្រធានាធិបតីឥណ្ឌា បានបង្ហាញការចាប់អារម្មណ៍យ៉ាងខ្លាំងទៅលើការអភិវឌ្ឍន៍របស់ប្រទេសកម្ពុជា នៅក្នុងពីរទសវត្សចុងក្រោយនេះ ដោយសារតែប្រទេសកម្ពុជាបច្ចុប្បន្នគឺពោរពេញទៅដោយសន្តិភាព និងការរីកចំរើនយ៉ាងឆាប់រហ័ស ហើយនេះគឺជាការរីកចំរើនដែលគួរឲ្យកត់សំគាល់លក្ខណៈជាប្រវត្តិសាស្ត្រតែម្តង ហើយប្រទេសឥណ្ឌាក៏កំពុងសំលឹងមើលដើម្បីពង្រឹង និងពង្រីកសហប្រតិបត្តិការជាមួយប្រទេសកម្ពុជានៅពេលអនាគត។ ទន្ទឹមនឹងនេះដែរ អនុប្រធានាធិបតីឥណ្ឌា ក៏បានថ្លែងអំណរគុណដល់កម្ពុជាដែលបានជួយជ្រោមជ្រែងភាពជាដៃគូររវាងឥណ្ឌា និងអាស៊ាននាពេលកន្លងមក ហើយប្រទេសឥណ្ឌា ក៏កំពុងសំលឹងមើលកិច្ចសហប្រតិបត្តិការឲ្យកាន់តែប្រសើរ និងស៊ីជម្រៅបន្ថែមទៀតទាំងផ្នែកសេដ្ឋកិច្ច និងវិនិយោគ ក៏ដូចជាបង្កើនទំនាក់ទំនងផ្នែកវិនិយោគបរទេសជាមួយប្រទេសកម្ពុជាផងដែរ។
ឯកឧត្តម Shri Mohammad Hamid Ansari បានមានប្រាសាសន៍បន្ថែមទៀតថា ឥណ្ឌានឹងជំរុញការបង្កើនទំនាក់ទំនងផ្នែកវិស័យទេសចរណ៍ ដូច្នេះហើយបានយើងមានការចុះហត្ថលេខាទៅលើការពង្រីកទៅលើវិស័យទេសចរនេះ។ ចំពោះផ្នែកពាណិជ្ជកម្ម និងវប្បធម៌ ឥណ្ឌាមើលឃើញប្រទេសកម្ពុជាគឺនៅចំកណ្តាលបេះដូងនៃសមាគមអាស៊ានតែម្តង ដូច្នេះឥណ្ឌានិងសំលឹងមើលពីសហប្រតិបត្តិការឲ្យកាន់តែស៊ីជម្រៅជាមួយប្រទេសកម្ពុជាបន្ថែមទៀត ទាំងផ្នែកពាណិជ្ជកម្ម វិនិយោគ និងផ្នែកទេសចរណ៍។ ឯកឧត្តម បានលើកឡើងថាកន្លងមកនេះ ឥណ្ឌាក៏បានជួយកម្ពុជាក្នុងការបណ្តុះបណ្តាលធនធានមនុស្សផងដែរ ដូចជាផ្នែកបច្ចេកវិទ្យា ហើយឥណ្ឌាក៏បានកសាងនូវមជ្ឈមណ្ឌលសម្ភារៈសូត្រ ដែលបានសាងសង់ឡើងនិងកំពុងដំណើរការនៅខេត្តសៀមរាប។ ឯកឧត្តម Shri MohammadHamid Ansari បញ្ជាក់ឲ្យដឹងថា ការដែលឥណ្ឌាបានជួយជួសជុលនៅប្រាសាទបាយ័ន នៅអង្គរធំគឺបានឆ្លុះបញ្ចាំងឲ្យឃើញនូវការយល់ស្របគ្នាតែមួយទៅលើបេតិកភណ្ឌវប្បធម៌ ហើយបច្ចុប្បន្នឥណ្ឌាកំពុងតែជួសជុលប្រាសាទតាព្រហ្មផងដែរ និងសំលឹងមើលជាបន្តបន្ទាប់ដើម្បីជួសជុលជួយអភិរក្សប្រាង្គប្រាសាទបេតិកភណ្ឌពិភពលោករបស់កម្ពុជាបន្ថែមទៀត។
ឯកឧត្តមបណ្ឌិតសភាចារ្យ សុខ អាន បានមានប្រសាសន៍ថា កម្ពុជាមានសក្តានុពលខ្ពស់លើវិស័យទេសចរណ៍ ហើយអ្វីដែលជាចំណុចសំខាន់របស់កម្ពុជានោះគឺថា ទេសចរណ៍វប្បធម៌ ព្រោះកម្ពុជាមានប្រាង្គប្រាសាទបុរាណដ៏ច្រើនសំបើមណាស់ ហើយគ្រាន់តែប្រាង្គប្រាសាទនៅខេត្តសៀមរាប មានប្រហែលជា១០០ប្រាង្គប្រាសាទ ដូច្នេះ ឯកឧត្តមបណ្ឌិតសភាចារ្យ សុខ អាន ចង់ឲ្យមានសហប្រតិបត្តិការទេសចរណ៍ និងវប្បធម៌ថែមទៀត ព្រោះកាលណាទេសចរមកកាន់កម្ពុជា ក៏ជាការបើកច្រកនូវការវិនិយោគរបស់ឥណ្ឌាមកកាន់កម្ពុជាផងដែរ។
ឯកឧត្តមបណ្ឌិតសភាចារ្យ សុខ អាន ក៏បានលើកទឹកចិត្តឲ្យមានក្រុមហ៊ុនខ្សែភាពយន្តឥណ្ឌាគឺ Bollywood មកផលិតខ្សែភាពយន្តអំពីរឿងរ៉ាវដែលទាក់ទងសម័យអង្គរ ដែលជាផ្នែកមួយដើម្បីទាក់ទាញឥណ្ឌាមកទស្សនានូវប្រាសាទបុរាណរបស់កម្ពុជា ដូចជាប្រាសាទអង្គរជាដើម។ ឯកឧត្តមឧបនាយករដ្ឋមន្ត្រី ក៏លើកទឹកចិត្តឲ្យមាននូវការហោះហើរដោយត្រង់ពីឥណ្ឌាមកកាន់កម្ពុជាដើម្បីរួមចំណែក ដល់ការដឹកជញ្ជូនភ្ញៀវទេសចរមកកាន់ប្រទេសកម្ពុជាឲ្យកាន់តែច្រើនថែមទៀត៕
អនុប្រធានាធិបតីឥណ្ឌា ឯកឧត្តម Shri Mohammad Hamid Ansari បានមានប្រសាសន៍ថា ពេលដែលមកដល់ប្រទេសកម្ពុជា គឺឯកឧត្តមមានការរំភើបចិត្តយ៉ាងខ្លាំងដោយសារតែឃើញទំនាក់ទំនងដ៏ល្អរវាងកម្ពុជានិងឥណ្ឌា ហើយតាមពិតទៅកម្ពុជា និងឥណ្ឌា គឺមានវប្បធម៌ និងសាសនាដូចគ្នា។ ឯកឧត្តមបន្តថា កន្លងមកនេះ គឺឥណ្ឌាបានជួយជួសជុល ប្រាសាទបាយ័ន ដែលស្ថិតនៅក្នុងក្រុមប្រាសាទអង្គរធំ ហើយឥណ្ឌាក៏មានទំនាក់ទំនងល្អជាមួយប្រទេសនៅក្នុងតំបន់មេគង្គ ដែលហៅថាសហប្រតិបត្តិការ Ganga and Mekong (មេគង្គ -ឥណ្ឌា)។ អនុប្រធានាធិបតីឥណ្ឌា ក៏បានកោតសរសើរពីការរីកចំរើនរបស់ប្រទេសកម្ពុជា ដែលបានឈានដល់កំណើនសេដ្ឋកិច្ច គឺផលិតផលសរុបក្នុងស្រុក (GDP) ប្រមាណជា៧%ក្នុងមួយឆ្នាំ ហើយឥណ្ឌាសង្ឃឹមថាទំនាក់ទំនងសេដ្ឋកិច្ចវិនិយោគ និងទេសចរណ៍រវាងកម្ពុជា-ឥណ្ឌា និងកាន់តែមានភាពប្រសើរឡើងបន្ថែមទៀតដើម្បីផលប្រយោជន៍ប្រជាជន និងប្រទេសទាំងពីរ។
អនុប្រធានាធិបតីឥណ្ឌា បានបង្ហាញការចាប់អារម្មណ៍យ៉ាងខ្លាំងទៅលើការអភិវឌ្ឍន៍របស់ប្រទេសកម្ពុជា នៅក្នុងពីរទសវត្សចុងក្រោយនេះ ដោយសារតែប្រទេសកម្ពុជាបច្ចុប្បន្នគឺពោរពេញទៅដោយសន្តិភាព និងការរីកចំរើនយ៉ាងឆាប់រហ័ស ហើយនេះគឺជាការរីកចំរើនដែលគួរឲ្យកត់សំគាល់លក្ខណៈជាប្រវត្តិសាស្ត្រតែម្តង ហើយប្រទេសឥណ្ឌាក៏កំពុងសំលឹងមើលដើម្បីពង្រឹង និងពង្រីកសហប្រតិបត្តិការជាមួយប្រទេសកម្ពុជានៅពេលអនាគត។ ទន្ទឹមនឹងនេះដែរ អនុប្រធានាធិបតីឥណ្ឌា ក៏បានថ្លែងអំណរគុណដល់កម្ពុជាដែលបានជួយជ្រោមជ្រែងភាពជាដៃគូររវាងឥណ្ឌា និងអាស៊ាននាពេលកន្លងមក ហើយប្រទេសឥណ្ឌា ក៏កំពុងសំលឹងមើលកិច្ចសហប្រតិបត្តិការឲ្យកាន់តែប្រសើរ និងស៊ីជម្រៅបន្ថែមទៀតទាំងផ្នែកសេដ្ឋកិច្ច និងវិនិយោគ ក៏ដូចជាបង្កើនទំនាក់ទំនងផ្នែកវិនិយោគបរទេសជាមួយប្រទេសកម្ពុជាផងដែរ។
ឯកឧត្តម Shri Mohammad Hamid Ansari បានមានប្រាសាសន៍បន្ថែមទៀតថា ឥណ្ឌានឹងជំរុញការបង្កើនទំនាក់ទំនងផ្នែកវិស័យទេសចរណ៍ ដូច្នេះហើយបានយើងមានការចុះហត្ថលេខាទៅលើការពង្រីកទៅលើវិស័យទេសចរនេះ។ ចំពោះផ្នែកពាណិជ្ជកម្ម និងវប្បធម៌ ឥណ្ឌាមើលឃើញប្រទេសកម្ពុជាគឺនៅចំកណ្តាលបេះដូងនៃសមាគមអាស៊ានតែម្តង ដូច្នេះឥណ្ឌានិងសំលឹងមើលពីសហប្រតិបត្តិការឲ្យកាន់តែស៊ីជម្រៅជាមួយប្រទេសកម្ពុជាបន្ថែមទៀត ទាំងផ្នែកពាណិជ្ជកម្ម វិនិយោគ និងផ្នែកទេសចរណ៍។ ឯកឧត្តម បានលើកឡើងថាកន្លងមកនេះ ឥណ្ឌាក៏បានជួយកម្ពុជាក្នុងការបណ្តុះបណ្តាលធនធានមនុស្សផងដែរ ដូចជាផ្នែកបច្ចេកវិទ្យា ហើយឥណ្ឌាក៏បានកសាងនូវមជ្ឈមណ្ឌលសម្ភារៈសូត្រ ដែលបានសាងសង់ឡើងនិងកំពុងដំណើរការនៅខេត្តសៀមរាប។ ឯកឧត្តម Shri MohammadHamid Ansari បញ្ជាក់ឲ្យដឹងថា ការដែលឥណ្ឌាបានជួយជួសជុលនៅប្រាសាទបាយ័ន នៅអង្គរធំគឺបានឆ្លុះបញ្ចាំងឲ្យឃើញនូវការយល់ស្របគ្នាតែមួយទៅលើបេតិកភណ្ឌវប្បធម៌ ហើយបច្ចុប្បន្នឥណ្ឌាកំពុងតែជួសជុលប្រាសាទតាព្រហ្មផងដែរ និងសំលឹងមើលជាបន្តបន្ទាប់ដើម្បីជួសជុលជួយអភិរក្សប្រាង្គប្រាសាទបេតិកភណ្ឌពិភពលោករបស់កម្ពុជាបន្ថែមទៀត។
ឯកឧត្តមបណ្ឌិតសភាចារ្យ សុខ អាន បានមានប្រសាសន៍ថា កម្ពុជាមានសក្តានុពលខ្ពស់លើវិស័យទេសចរណ៍ ហើយអ្វីដែលជាចំណុចសំខាន់របស់កម្ពុជានោះគឺថា ទេសចរណ៍វប្បធម៌ ព្រោះកម្ពុជាមានប្រាង្គប្រាសាទបុរាណដ៏ច្រើនសំបើមណាស់ ហើយគ្រាន់តែប្រាង្គប្រាសាទនៅខេត្តសៀមរាប មានប្រហែលជា១០០ប្រាង្គប្រាសាទ ដូច្នេះ ឯកឧត្តមបណ្ឌិតសភាចារ្យ សុខ អាន ចង់ឲ្យមានសហប្រតិបត្តិការទេសចរណ៍ និងវប្បធម៌ថែមទៀត ព្រោះកាលណាទេសចរមកកាន់កម្ពុជា ក៏ជាការបើកច្រកនូវការវិនិយោគរបស់ឥណ្ឌាមកកាន់កម្ពុជាផងដែរ។
ឯកឧត្តមបណ្ឌិតសភាចារ្យ សុខ អាន ក៏បានលើកទឹកចិត្តឲ្យមានក្រុមហ៊ុនខ្សែភាពយន្តឥណ្ឌាគឺ Bollywood មកផលិតខ្សែភាពយន្តអំពីរឿងរ៉ាវដែលទាក់ទងសម័យអង្គរ ដែលជាផ្នែកមួយដើម្បីទាក់ទាញឥណ្ឌាមកទស្សនានូវប្រាសាទបុរាណរបស់កម្ពុជា ដូចជាប្រាសាទអង្គរជាដើម។ ឯកឧត្តមឧបនាយករដ្ឋមន្ត្រី ក៏លើកទឹកចិត្តឲ្យមាននូវការហោះហើរដោយត្រង់ពីឥណ្ឌាមកកាន់កម្ពុជាដើម្បីរួមចំណែក ដល់ការដឹកជញ្ជូនភ្ញៀវទេសចរមកកាន់ប្រទេសកម្ពុជាឲ្យកាន់តែច្រើនថែមទៀត៕
Subscribe to:
Posts (Atom)