Cambodia News

Thursday, June 4, 2015

ស្វែងយល់ពី ICC អង្គរ

អាយស៊ីស៊ីអង្គរ (ICC-Angkor) ជាពាក្យកាត់មកពីភាសាអង់គ្លេស International Coordination Committee for the Safeguarding and Development of Historic Site of Angkor ដែលមានន័យជាភាសាខ្មែរថា គណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់អង្គរ។

គណៈកម្មាធិការអាយស៊ីស៊ី(ICC)បានបង្កើតឡើងនៅឆ្នាំ១៩៩៣ ក្រោយសនិ្នសីទអន្តរជាតិលើកទី១ស្តីពីអង្គរនៅទីក្រុងតូក្យូ ប្រទេសជប៉ុន តាមសំណូមពររបស់គណៈកម្មាធិការបេតិកភណ្ឌពិភពលោក ពេលទទួលចុះអង្គរទៅក្នុងបញ្ជីបេតិកភណ្ឌពិភពលោក។ សមាជិក នៃអាយស៊ីស៊ី (ICC) មានចំនួន៣៧ប្រទេស មកពីទ្វីប៥ និងមានអង្គការអន្តរជាតិចំនួន១៣ទៀតចូលរួម ជាសមាជិកដែរ។ បណ្តាប្រទេសទាំងនោះមាន៖ ប្រទេសបារាំង អាល្លឺម៉ង់ អូស្ត្រាលី បែលហ្សិក ប៊្រុយណេ កម្ពុជា កាណាដា ដាណឺម៉ាក អេហ្ស៊ីប អេស្ប៉ាញ អាមេរិក រ៉ូស្ស៊ី ក្រិច ហុងគ្រី ឥណ្ឌា ឥណ្ឌូណេស៊ី អ៊ីតាលី ជប៉ុន ឡាវ លុចហ្សំបួរ ម៉ាឡេស៊ី ម៉ិចស៊ិច ន័រវែស នូវែលហ្សេឡង់ ហូឡង់ ហ្វីលីពីន ប៉ូឡូញ ចក្រភពអង់គ្លេសនិងអៀរឡង់ខាងជើង សាធារណរដ្ឋកូរ៉េ ចិន សិង្ហបុរី ស្រីលង្កា ស៊ុយអែត ស្វីស ថៃ ទុយណេស៊ី និងវៀតណាម។ ចំណែកអង្គការអន្តរជាតិមានដូចជាៈ សហភាពអឺរ៉ុប ធនាគារអភិវឌ្ឍន៍អាស៊ី អង្គការស្បៀងអាហារនិងកសិកម្ម អង្គការមូលនិធិរូបិយវត្ថុអន្តរជាតិ អង្គការអ៊ីក្រូម អង្គការអ៊ីកូម អង្គការអ៊ីកូម៉ូស អង្គការទេសចរណ៍អន្តរជាតិ អង្គការSEAMEO/SPAFA អង្គការយូណេស្កូ អង្គការយូអិនឌីភី អង្គការយូអិនវី និងមូលនិធិប្រាង្គប្រាសាទពិភពលោក (WMF) ។

អាយស៊ីស៊ី (ICC) គឺជាយន្តការអន្តរជាតិសម្របសម្រួលជំនួយដែលផ្តល់ជូនដោយបណ្តាប្រទេស និងអង្គការផ្សេងៗសម្រាប់ការអភិរក្ស និងអភិវឌ្ឍរមណីយដ្ឋានប្រវត្តិសាស្ត្រអង្គរ។ អាយស៊ីស៊ី(ICC) ជាវេទិកាមួយដែលស្ថាបត្យករ វិស្វករ បុរាណវិទូ អ្នកស្រាវជ្រាវ និងអ្នកបច្ចេកទេសជំនាញផ្សេងៗគ្នាអាចផ្លាស់ប្តូរបទពិសោធន៍ និងទស្សនៈរបស់ពួកគេសម្រាប់ការអភិរក្សនិងការអភិវឌ្ឍនៃឧទ្យានអង្គរ។

ភារកិច្ចសំខាន់របស់អាយស៊ីស៊ី(ICC)គឺ ស្រោចស្រង់ អភិរក្ស និងអភិវឌ្ឍប្រកបដោយចីរភាពនៅតំបន់រមណីយដ្ឋានសៀមរាប-អង្គរ។ ICC បានបញ្ចប់ដំណាក់កាលស្រោច ស្រង់អង្គរហើយ ក្នុងរយៈពេល១០ឆ្នាំ(១៩៩៣-២០០៤)។ ដំណាក់កាលនេះគឺការអភិរក្ស និងអភិវឌ្ឍន៍ ប្រកបដោយចីរភាព(២០០៤-បច្ចុប្បន្ន)។ អាយស៊ីស៊ី(ICC) រៀបចំកិច្ចប្រជុំរបស់ខ្លួនពីរដងក្នុង១ឆ្នាំម្តងជាមួយសមាជិក គឺកិច្ចប្រជុំពេញអង្គ និងម្តងទៀតគឺកិច្ចប្រជុំ បច្ចេកទេស។ កិច្ចប្រជុំពេញអង្គផ្តោតទៅលើគោលនយោបាយគ្រប់គ្រង អំពាវនាវសុំជំនួយថវិកា សុពលភាពនៃគម្រោងថ្មី និងការប្រកាសពីគម្រោងថ្មីនៅអង្គរ។ ជាធម្មតាសម័យប្រជុំពេញអង្គនេះតែងរៀបចំនៅចុងឆ្នាំ។ ចំណែកឯសម័យប្រជុំបច្ចេកទេសតែងធ្វើឡើងនៅពាក់ កណ្តាលឆ្នាំ ហើយអនុញ្ញាតឲ្យអ្នកជំនាញបច្ចេកទេសផ្លាស់ប្តូរ បទពិសោធន៍របស់ពួកគេ ពិភាក្សាអំពីបញ្ហាបច្ចេកទេស និងជួនកាលស្នើដំណោះស្រាយសម្រាប់បញ្ហាជាក់លាក់។ រាល់សម័យប្រជុំទាំងអស់របស់អាយស៊ីស៊ី(ICC) ឯកអគ្គរដ្ឋទូតនៃប្រទេសបារាំងនិងជប៉ុននៅកម្ពុជាធ្វើជាសហប្រធាននៃកិច្ចប្រជុំនេះ និងផ្តល់ជំនួយហិរញ្ញវត្ថុដែលចាំបាច់ផ្សេងៗ អង្គការយូណេស្កូទទួលធ្វើជាលេខាធិការដ្ឋាន និងផ្តល់ចំណាយពាក់ព័ន្ធនឹងបេសកកម្មរបស់ក្រុមអ្នកជំនាញជាន់ខ្ពស់ផ្នែកវប្បធម៌ បុរាណវិទ្យា និងការអភិវឌ្ឍប្រកបដោយចីរភាព ។ ចំណែកអាជ្ញាធរជាតិអប្សរាបានរួមចំណែកតាំងពីឆ្នាំ២០០៦ ផ្តល់ជាជំនួយហិរញ្ញវត្ថុក្នុងដំណើរការរបស់គណៈកម្មាធិការ ការចំណាយលើបេសកកម្មក្រុមអ្នកជំនាញជាន់ខ្ពស់ និងចំណាយពាក់ព័ន្ធនឹងការរៀបចំកិច្ចប្រជុំ។ ICC មានបទបញ្ជាផ្ទៃក្នុង និងទទួលរបាយការណ៍អំពីគម្រោងវិទ្យាសាស្ត្រ ឬគម្រោងអភិវឌ្ឍដែលត្រូវអនុវត្តនៅក្នុងតំបន់អង្គរ។ ICC ផ្ទៀងផ្ទាត់ មើលឲ្យមានភាពស៊ីចង្វាក់គ្នារវាងគម្រោងទាំងអស់ ហើយប្រសិនបើចាំបាច់ ICC កំណត់បទដ្ឋានបច្ចេកទេស និងហិរញ្ញវត្ថុ ដែលតម្រូវឲ្យមាន។ តាំងពីឆ្នាំដំបូងគណៈកម្មាធិការ ICC ឈានមុខគេក្នុងដំណើរការជជែកពិភាក្សាគ្នាបើកចំហយ៉ាងខ្លាំង ក្នុងចំណោមក្រុមបុរាណវិទ្យានិងស្ថាបត្យកម្មនៃបណ្តាប្រទេសផ្សេងគ្នា។

ដោយសារគណៈកម្មាធិការ ICC បានបំពេញការងារយ៉ាងល្អ និងប្រសិទ្ធភាពនៅអង្គរ ទើបសហគមន៍អន្តរជាតិបានមូលមតិគ្នាយកសកម្មភាព ICCនៅអង្គរជាគំរូ ហើយយកទៅអនុវត្តនៅបណ្តាប្រទេសផ្សេងៗទៀត។ ហេតុដូច្នេះហើយ ICC នៅកម្ពុជាបានភ្ជាប់ពាក្យអង្គរគឺ ICC-អង្គរ ដើម្បីកុំឲ្យច្រឡំនឹងICC ដែលកំពុងដំណើរការ នៅតាមប្រទេសដទៃ ទៀត៕ស្វែងយល់ពី ICC អង្គរ

អាយស៊ីស៊ីអង្គរ (ICC-Angkor) ជាពាក្យកាត់មកពីភាសាអង់គ្លេស International Coordination Committeefor the Safeguarding and Development of Historic Site of Angkor ដែលមានន័យជាភាសាខ្មែរថា គណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់អង្គរ។

អាយស៊ីស៊ី (ICC) គឺជាយន្តការអន្តរជាតិសម្របសម្រួលជំនួយដែលផ្តល់ជូនដោយបណ្តាប្រទេស និងអង្គការផ្សេងៗសម្រាប់ការអភិរក្ស និងអភិវឌ្ឍរមណីយដ្ឋានប្រវត្តិសាស្ត្រអង្គរ។ អាយស៊ីស៊ី(ICC)ជាវេទិកាមួយដែលស្ថាបត្យករ វិស្វករ បុរាណវិទូ អ្នកស្រាវជ្រាវ និងអ្នកបច្ចេកទេសជំនាញផ្សេងៗគ្នាអាចផ្លាស់ប្តូរបទពិសោធន៍ និងទស្សនៈរបស់ពួកគេសម្រាប់ការអភិរក្សនិងការអភិវឌ្ឍនៃឧទ្យានអង្គរ។

ភារកិច្ចសំខាន់របស់អាយស៊ីស៊ី(ICC)គឺ ស្រោចស្រង់ អភិរក្ស និងអភិវឌ្ឍប្រកបដោយចីរភាពនៅតំបន់រមណីយដ្ឋានសៀមរាប-អង្គរ។ ICC បានបញ្ចប់ដំណាក់កាលស្រោច ស្រង់អង្គរហើយ ក្នុងរយៈពេល១០ឆ្នាំ(១៩៩៣-២០០៤)។ ដំណាក់កាលនេះគឺការអភិរក្ស និងអភិវឌ្ឍន៍ ប្រកបដោយចីរភាព(២០០៤-បច្ចុប្បន្ន)។ អាយស៊ីស៊ី(ICC) រៀបចំកិច្ចប្រជុំរបស់ខ្លួនពីរដងក្នុង១ឆ្នាំម្តងជាមួយសមាជិក គឺកិច្ចប្រជុំពេញអង្គ និងម្តងទៀតគឺកិច្ចប្រជុំ បច្ចេកទេស។ កិច្ចប្រជុំពេញអង្គផ្តោតទៅលើគោលនយោបាយគ្រប់គ្រង អំពាវនាវសុំជំនួយថវិកា សុពលភាពនៃគម្រោងថ្មី និងការប្រកាសពីគម្រោងថ្មីនៅអង្គរ។ ជាធម្មតាសម័យប្រជុំពេញអង្គនេះតែងរៀបចំនៅចុងឆ្នាំ។ ចំណែកឯសម័យប្រជុំបច្ចេកទេសតែងធ្វើឡើងនៅពាក់ កណ្តាលឆ្នាំ ហើយអនុញ្ញាតឲ្យអ្នកជំនាញបច្ចេកទេសផ្លាស់ប្តូរ បទពិសោធន៍របស់ពួកគេ ពិភាក្សាអំពីបញ្ហាបច្ចេកទេស និងជួនកាលស្នើដំណោះស្រាយសម្រាប់បញ្ហាជាក់លាក់។ រាល់សម័យប្រជុំទាំងអស់របស់អាយស៊ីស៊ី(ICC) ឯកនិងផ្តល់ជំនួយហិរញ្ញវត្ថុដែលចាំបាច់ផ្សេងៗ អង្គការយូណេស្កូទទួលធ្វើជាលេខាធិការដ្ឋាន និងផ្តល់ចំណាយពាក់ព័ន្ធនឹងបេសកកម្មរបស់ក្រុមអ្នកជំនាញជាន់ខ្ពស់ផ្នែកវប្បធម៌ បុរាណវិទ្យា និងការអភិវឌ្ឍប្រកបដោយចីរភាព ។ ចំណែកអាជ្ញាធរជាតិអប្សរាបានរួមចំណែកតាំងពីឆ្នាំ២០០៦ ផ្តល់ជាជំនួយហិរញ្ញវត្ថុក្នុងដំណើរការរបស់គណៈកម្មាធិការ ការចំណាយលើបេសកកម្មក្រុមអ្នកជំនាញជាន់ខ្ពស់ និងចំណាយពាក់ព័ន្ធនឹងការរៀបចំកិច្ចប្រជុំ។ ICC មានបទបញ្ជាផ្ទៃក្នុង និងទទួលរបាយការណ៍អំពីគម្រោងវិទ្យាសាស្ត្រ ឬគម្រោងអភិវឌ្ឍដែលត្រូវអនុវត្តនៅក្នុងតំបន់អង្គរ។ ICC ផ្ទៀងផ្ទាត់ មើលឲ្យមានភាពស៊ីចង្វាក់គ្នារវាងគម្រោងទាំងអស់ ហើយប្រសិនបើចាំបាច់ ICC កំណត់បទដ្ឋានបច្ចេកទេស និងហិរញ្ញវត្ថុ ដែលតម្រូវឲ្យមាន។ តាំងពីឆ្នាំដំបូងគណៈកម្មាធិការ ICC ឈានមុខគេក្នុងដំណើរការជជែកពិភាក្សាគ្នាបើកចំហយ៉ាងខ្លាំង ក្នុងចំណោមក្រុមបុរាណវិទ្យានិងស្ថាបត្យកម្មនៃបណ្តាប្រទេសផ្សេងគ្នា។

ដោយសារគណៈកម្មាធិការ ICC បានបំពេញការងារយ៉ាងល្អ និងប្រសិទ្ធភាពនៅអង្គរ ទើបសហគមន៍អន្តរជាតិបានមូលមតិគ្នាយកសកម្មភាព ICCនៅអង្គរជាគំរូ ហើយយកទៅអនុវត្តនៅបណ្តាប្រទេសផ្សេងៗទៀត។ ហេតុដូច្នេះហើយ ICC នៅកម្ពុជាបានភ្ជាប់ពាក្យអង្គរគឺ ICC-អង្គរ ដើម្បីកុំឲ្យច្រឡំនឹង ICC ដែលកំពុងដំណើរការ នៅតាមប្រទេសដទៃ ទៀត៕

Wednesday, June 3, 2015

សម្តេចតេជោ ប្រាប់អង្គការក្រៅរដ្ឋាភិបាល និងសមាគមនានា កុំព្រួយបារម្ភ អំពីច្បាប់គ្រប់គ្រងអង្គការ សមាគម

សម្តេចតេជោ នៅថ្ងៃទី២ ខែមិថុនា ឆ្នាំ២០១៥ បានមានប្រសាសន៍ ប្រាប់ទៅ អង្គការក្រៅរដ្ឋាភិបាល និងសមាគមនានា ថាកុំឲ្យមានការព្រួយបារម្ភ និងច្បាប់គ្រប់គ្រងអង្គការ សមាគម ដោយច្បាប់នេះធ្វើឡើងដើម្បីការងារអង្គការ និងសមាគមទាំងនោះតែប៉ុណ្ណោះ។

នៅក្នុងពិធីសម្ពោធ ដាក់ឱ្យប្រើប្រាស់ផ្លូវជាតិលេខ៤១ នៅខេត្តកំពង់ស្ពឺ សម្តេចតេជោបានមានប្រសាសន៍ទាក់ទង នឹងអង្គការសង្គមស៊ីវិល រឺសមាគមក្រៅរដ្ឋាភិបាលថា «សុំកុំបារម្ភពីរឿងច្បាប់នេះ ច្បាប់នេះនឹងការពារអ្នក,ច្បាប់នេះនឹងទ្រទ្រង់ឲ្យអ្នក, ច្បាប់នេះនឹងបើកទូលាយសកម្មភាពដល់អ្នកទៅតាមផ្លូវច្បាប់មួយ ការនិយាយលើផ្លូវច្បាប់មួយ គឺបានសេចក្តីថា ធ្វើអ្វីក៏ដោយមានច្បាប់គ្រប់គ្រង។ ហើយច្បាប់នេះរដ្ឋធម្មនុញ្ញបានសំរេច។ លោកឯងត្រូវអរគុណរាជរដ្ឋាភិបាលផង ព្រោះពលរដ្ឋខ្មែរមានសិទ្ធិបង្កើតបក្សនយោបាយ រឺសមាគម សិទ្ធិនេះត្រូវកំណត់ដោយច្បាប់ យើងបានធ្វើច្បាប់ស្តីពីបក្សនយោបាយរួចហើយ តែមិនទាន់បានធ្វើច្បាប់ស្តីពីការបង្កើតសមាគម និងអង្គការក្រៅរដ្ឋាភិបាលទេ»។

ទាក់ទងសេចក្ដីព្រាងច្បាប់នេះផងដែរ កន្លងមកនេះ មានក្រុមអង្គការសង្គមស៊ិវិលមួយ ចំនួនបានស្នើឱ្យរាជរដ្ឋាភិបាលបញ្ឈប់ ការធ្វើសេចក្ដីព្រាងច្បាប់ស្ដីពីសមាគម និងអង្គការក្រៅរដ្ឋាភិបាល និងទាមទារឱ្យមានការចូលរួមផ្ដល់មតិយោបល់ពីសង្គមស៊ីវិល។

គួរបញ្ជាក់ថា សេចក្ដីព្រាងច្បាប់ ស្ដីពីសមាគម និងអង្គការមិនមែនរដ្ឋាភិបាល គឺមានគោលបំណងធានាការពារសិទ្ធិសេរីភាព និងលើកកម្ពស់ចលនាបង្កើតសមាគម អង្គការមិនមែន រដ្ឋាភិបាលនៅក្នុងព្រះរាជាណាចក្រកម្ពុជា ដើម្បីបការពារផលប្រយោជន៍ ស្របច្បាប់ និងការពារផលប្រយោជន៍ សាធារណៈ ព្រមទាំងពង្រឹងកិច្ចសហប្រតិបត្ដិការ ក្នុងភាពជាដៃគូរវាង សមាគម និងអង្គការមិនមែនរដ្ឋាភិបាល ជាមួយរាជរដ្ឋាភិបាលកម្ពុជា។

សូមរំលឹកថា សេចក្ដីព្រាងច្បាប់នេះ ក្រសួងមហាផ្ទៃនបានដាក់ឱ្យមានការពិភាក្សាពិគ្រោះយោបល់ជាសាធារណៈនៅក្នុងអង្គសិក្ខាសាលាថ្នាក់ជាតិ ដែលមានតំណាងសមាគម និងអង្គការមិនមែនរដ្ឋាភិបាលជាតិ និងអន្ដរជាតិចូលរួម។ ហើយនៅមុនពេលធ្វើសិក្ខាសាលា និងក្រោយពេលធ្វើសិក្ខាសាលា ក្រុមការងារក្រសួងមហាផ្ទៃបានជួបពិភាក្សាដោយឡែកជាមួយតំណាង សមាគម និងអង្គការសង្គមស៊ីវិលជាតិ និងអន្ដរជាតិ ជាមួយតំណាងស្ថានទូតមួយចំនួន និងជាមួយតំណាងការិយាល័យ ឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា, ជាមួយតំណាងស្ថានទូត ជប៉ុន, តំណាងសហគមន៍ អឺរ៉ុប តំណាងអង្គការ សមាគម, តំណាងទូតចិន, តំណាងស្ថានទូត អាមេរិក, អូស្ដ្រាលី និងសហគមន៍អឺរ៉ុប និងតំណាងអង្គការផ្សេងៗជាច្រើនទៀត។

សេចក្ដីព្រាងច្បាប់នេះ ត្រូវបានតំណាងស្ថានទូតក៏ដូចជាតំណាងអង្គការ សមាគមជាតិ និងអន្ដរជាតិបានផ្ដល់ការ លើកសរសើរចំពោះការ ដាក់បញ្ចូល នូវរាល់មតិយោបល់ល្អៗ នៃកិច្ចពិភាក្សា នៅក្នុងសេចក្ដីព្រាង ច្បាប់នេះ។ ក្រុមការងារជំនាញដែលពាក់ព័ន្ធក៏បានទទួលយកមតិយោបល់ល្អៗជាច្រើន ដែលបានលើកឡើងដោយ តំណាងទាំងអស់នោះ ដើម្បីកែសម្រួលសេចក្ដីព្រាងច្បាប់នេះ ហើយមានតំណាង សមាគម និងអង្គការ សង្គម ស៊ីវិលជាតិ និងអន្ដរជាតិបានយល់ស្របគ្នាជាច្រើនផងដែរ៕

អត្ថបទ៖ សុភាព

ផ្លូវជាតិ លេខ៤១ ជាផ្លូវយុទ្ធសាស្រ្តសំខាន់មួយទៀត តភ្ជាប់ពីផ្លូវជាតិលេខ៤ ទៅកាន់ ផ្លូវជាតិលេខ៣

នាព្រឹកថ្ងៃទី០២ ខែមិថុនា ឆ្នាំ២០១៥ សម្តេចតេជោនាយករដ្ឋមន្រ្តី ហ៊ុន សែន បានកាត់ខ្សែបូរសម្ពោធបើកឲ្យប្រើប្រាស់ផ្លូវជាតិថ្មីមួយទៀតគឺផ្លូវជាតិលេខ៤១ ប្រវែង៩៥ក្បៀស២៨គីឡូម៉ែត្រ ដែលជាផ្លូវយុទ្ធសាស្រ្តតភ្ជាប់តំបន់ភូមិភាគកណ្តាល ចំណុចថ្នល់ទទឹងខេត្តកំពង់ស្ពឺ ផ្លូវជាតិលេខ៤ ទៅកាន់តំបន់ឆ្នេរសមុទ្រភាគខាងត្បូងនៃស្រុកឈូក ខេត្តបកំពត។

តាមការបញ្ជាក់របស់បរដ្ឋមន្រ្តីសាធារណការនិងដឹកជញ្ជូន ឯកឧត្តម ត្រាំអ៊ីវតឹក បានឲ្យដឹងថា គំរោងនសាងនសង់នផ្លូវជាតិលេខ៤១នេះ ត្រូវចំណាយថវិកា៤៦លាន២សែន៥ម៉ឺនដុល្លារ អាមេរិក ដែលជាហិរញ្ញប្បទានរបស់រដ្ឋាភិបាលចិន រួមនិងថវិកាបដិភាគរបស់រាជរដ្ឋាភិបាលកម្ពុជា។

ផ្លូវជាតិលេខ៤១នេះ ជាប្រភេទផ្លូវក្រាលកៅស៊ូ DBST មានប្រវែង ៩៥ក្បៀស២៨គីឡូម៉ែត្រ ទទឹង១១ម៉ែត្រ ដែលបានចាប់ផ្តើមស្ថាបនាពីខែវិច្ឆិកាឆ្នាំ២០១១ និងបានបញ្ចប់រួចរាល់នៅក្នុងខែឧសភាឆ្នាំ២០១៥។

សម្តេច តេជោ ហ៊ុន សែន បានលើកឡើងនៅក្នុងឳកាសនេះថា ការកសាងអភិវឌ្ឍន៌វិស័យនានារបស់កម្ពុជា គឺមានរដ្ឋាភិបាលចិនជាដៃគូយុទ្ធសាស្រ្តគ្រប់ជ្រុងជ្រោយ ចាប់តាំងពីចុងឆ្នាំ២០១០រហូតមក ក្នុងនោះក៏មានគម្រោងស្ថាបនាហេដ្ឋារចនាសម្ព័ន្ធ ក្នុងប្រទេស ដែលជាគោលការណ៍ប្រើប្រាស់ថវិកាជាតិដោយសមធម៌ ដែលបានបែងចែកប្រយោជន៍សេដ្ឋកិច្ចស្មើភាពដល់ប្រជាពលរដ្ឋ តាមរយៈការវិនិយោគសាធារណៈ និងបានផ្តល់សមិទ្ធផលប្រើប្រាស់រួមនិងជួយកាត់បន្ថយការចំណាយថ្លៃធ្វើដំណើរ និងចំណេញពេលវេលាធ្វើដំណើរលើផ្លូវថ្មីផងដែរ។ ទន្ទឹមនឹងមានផ្លូវល្អសំរាប់ធ្វើដំណើរហើយនោះ សម្តេចតេជោ ក៏បានសម្តែងការព្រួយបារម្ភណ៌ពីបញ្ហាគ្រោះថ្នាក់ចរាចរណ៌ផ្លូវគោក ដែលជាមធ្យមប្រចាំថ្ងៃ មានអ្នកស្លាប់ចំនួន៦ទៅ៧នាក់ ដោយកត្តាទាំងនេះបណ្តាលមកពីអ្នកបើកបរមិនគោរពច្បាប់ចរាចរណ៍។

ជាការថ្លែងបញ្ជាក់បន្ថែមទៅនឹងសេចក្តីជូនដំណឹងដែលកំណត់ដោយរាជរដ្ឋាភិបាលកម្ពុជា ថ្មីៗនេះ ក្នុងការបញ្ឈប់យកកម្រៃសេវាចាប់ពីថ្ងៃទី០១ ខែមិថុនាឆ្នាំ២០១៥ លើរថយន្តឆ្លងកាត់ផ្លូវម៉ៃដា២០០៤ និងផ្លូវសឡាលេខ៣៧១ ក្នុងរាជធានីភ្នំពេញ សម្តេចតេជោ បានចាត់ឲ្យសាលារាជធានីភ្នំពេញចរចារទិញយកផ្លូវនេះដើម្បីទុកឲរដ្ឋ ជាអ្នកគ្រប់គ្រងវិញ ដោយសារក្រុមហ៊ុនឯកជនគ្រប់គ្រងផ្លូវនេះមានការស្ថាបនាយឺតយ៉ាវ។

គួររំលឹកថា ពីអតីតកាល ផ្លូវជាតិលេខ៤១នេះ គឺជាផ្លូវប្រវត្តិសាស្រ្ត ដែលតភ្ជាប់ពីអតីតៈ រាជធានីឧត្តុង ឆ្ពោះទៅច្រកសមុទ្រក្នុងខេត្តកំពត ដើម្បីភ្ជាប់ទំនាក់ទំនងពាណិជ្ជកម្ម ជាមួយពិភពលោក ពិសេសជាមួយនាវាជំនួញរបស់បារាំង និងអឺរ៉ុប។

ជាងនេះទៀត ក៏សំរាប់សុំជំនួយពីបារាំងក្នុងការរំដោះប្រទេសជាតិពីការកាន់កាប់ត្រួតត្រារបស់ប្រទេសសៀម ក្នុងសម័យរាជកាលរបស់ព្រះអង្គឌួងផងដែរ។

ពិធីដង្ហែព្រះរាជបរមងារ កិត្តិយស « ព្រះស្រីលោកធម្មិករាជ» ថ្វាយព្រះមហាក្សត្រ បានប្រព្រឹត្តិទៅយ៉ាងឱឡារិក

ព្រះរាជពិធី ដង្ហែព្រះរាជបរមងារ កិត្តិយស « ព្រះស្រីលោកធម្មិករាជ » ថ្វាយព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅព្រឹកថ្ងៃ០៣ ខែមិថុនា ឆ្នាំ២០១៥នេះ បានប្រព្រឹត្តទៅយ៉ាងឱឡារិក ដោយមានការចូលរួម ពីព្រះសង្ឃមកពី៣ប្រទេស និងប្រជាពលរដ្ឋខ្មែរ ប្រមាណ ១ម៉ឺននាក់។

កម្មវិធីនេះក៏មានការរាប់បាត្រព្រះសង្ឃទាំង ១ម៉ឺនអង្គ ក្នុងនោះក៏មានការចូលរួមដោយ សម្តេចគណៈសង្ឃ ព្រះមេគណ ប្រធានមន្ទីរធម្មការ និងសាសនា គ្រប់ខេត្ត-រាជធានី និងក្រសួងស្ថាប័នចំនួន ៥៧ ផងដែរ ។

ពិធីថ្វាយព្រះបរមងារ «ព្រះស្រីលោកធម្មិករាជ» ថ្វាយជូនព្រះមហាក្សត្រ ធ្វើឡើងចំពោះព្រះភ័ក្ត្រ សម្តេចព្រះសង្ឃរាជប្រទេស សិង្ហបូរី, សម្តេចព្រះសង្ឃរាជម៉ុងហ្គោលី និងសម្តេចព្រះសង្ឃរាជជប៉ុន ដែលវិញ្ញាបនបត្រថ្នាក់អន្តរជាតិនេះ ត្រូវបានបង្កើតឡើង នៅក្នុងពិធីប្រជុំព្រះពុទ្ធសាសនា លើពិភពលោក នៅប្រទេស ជប៉ុន កាលពីខែធ្នូ ឆ្នាំ២០១៤កន្លងទៅ។

ព្រះករុណា ព្រះមហាក្សត្រ នៃព្រះរាជាណាចក្រកម្ពុជា ព្រះបាទ សម្តេច ព្រះបរមនាថ នរោត្តម សីហមុនី បានមានព្រះរាជបន្ទូលថាៈ "ការប្រតិបត្តិ ព្រះពុទ្ធសាសនា ជាគុណធម៌ដ៏ខ្ពង់ខ្ពស់ គឺជាមរតកដ៏មានតម្លៃ។ ព្រះធម៌ ព្រះពុទ្ធ សាសនា ជាមាគ៌ាដ៏ត្រឹមត្រូវ នាំយើងទាំងអស់គ្នា រស់នៅក្នុងសេចក្តីស្ងប់ សេចក្តីសុខសន្តិភាព និងការរីកចម្រើន"។

ក្នុងព្រះរាជពិធីដង្ហែ ព្រះរាជបរមងារកិត្តិយស "ព្រះស្រីលោកធម្មិករាជ" ថ្វាយព្រះមហាក្សត្រ បានប្រារព្ធឡើង យ៉ាងអធិកអធមនេះ ព្រះករុណា ព្រះបាទ សម្តេចព្រះ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក៏បានមានព្រះរាជបន្ទូល ថ្លែងព្រះអំណរគុណ ដ៏ជ្រាលជ្រៅ ចំពោះព្រះសុន្ទរកថា ព្រះតេជគុណ គីយូសេ អេនជីនយូ ទីប្រឹក្សាជាន់ខ្ពស់ សន្និសីទកំពូល នៃព្រះពុទ្ធសាសនា ដែលបានថ្វាយព្រះពរ ចំពោះព្រះអង្គ ក្នុងឱកាសបុណ្យខួបចម្រើនជន្មាយុ និងបានថ្វាយព្រះពរ សម្តេចព្រះមហាក្សត្រិយ៍ ព្រះវររាជមាតាជាតិខ្មែរ ក្នុងឱកាសបុណ្យចម្រើនព្រះជន្ម ផងដែរ។

ព្រះករុណា មានព្រះរាជបន្ទូលបន្តទៀតថា "ទន្ទឹមនឹងនេះ ព្រះសុន្ទរកថា មានអត្ថន័យដ៏ជ្រាលជ្រៅបំផុត និងទូលំទូលាយ អំពីការប្រតិបត្តិ ផ្សព្វផ្សាយព្រះធម៌ ព្រះពុទ្ធសាសនា នៅលើពិភពលោក នាឱកាសដ៏ឧត្តុង្គឧត្តម្ភនេះ ទូលព្រះបង្គំ ខ្ញុំព្រះករុណាខ្ញុំ មានសេចក្តីរំភើបក្រៃលែង ដោយមានមហាកិត្តិយស បានទទួលគណៈប្រតិភូ ព្រះសង្ឃជាន់ខ្ពស់ នៃព្រះពុទ្ធសាសនា នៃប្រទេសជប៉ុន ប្រទេសម៉ុងហ្គោលី និងប្រទេសសិង្ហបូរី ដែលជាថ្នាក់ដឹកនាំជាន់ខ្ពស់ នៃសន្និសីទកំពូលនៃ ព្រះពុទ្ធសាសនា ដែលបាននិមន្ត និងអញ្ជើញ មកថ្វាយព្រះរាជបរមងារកិត្តិយស ដ៏ខ្ពង់ខ្ពស់បំផុត ផ្នែកព្រះពុទ្ធសាសនា "ព្រះស្រីលោកធម្មិករាជ" ចំពោះទូលព្រះបង្គំខ្ញុំព្រះករុណាខ្ញុំ"។

សូមបញ្ជាក់ថានៅថ្ងៃទី០៣ ខែមិថុនា ឆ្នាំ២០១៥ ចាប់ពីម៉ោង ៧ព្រឹក រហូតដល់ម៉ោង ១១និង០០នាទី ត្រូវបិទចរាចរណ៍ទាំងស្រុង សម្រាប់កំណាត់ផ្លូវមុខបរមរាជវាំង និងបរិវេណប្រារព្ធពិធី តាមដងវិថី ជុំវិញទីតាំងពិធីដូចជា វិថីព្រះស៊ីសុវត្ថិ ផ្លូវលេខ ១៧៨ ផ្លូវលេខ១៩ មហាវិថីព្រះសុរាម្រិត មហាវិថីព្រះនរោត្តម ចាប់ពីរង្វង់មូលវិមានឯករាជ្យ រហូតដល់ផ្លូវ២៩៤ វិថី សុធារស និងរង្វង់មូលសម្តេចព្រះសង្ឃរាជ ជួន ណាត ។

ដោយឡែកចាប់ពីម៉ោង ១៨និង០០នាទី រហូតដល់ម៉ោង ២០និង០០នាទី បិទចរាចរណ៍ គ្រប់យានយន្ត និងកាណូត ទេសចរណ៍ គ្រប់ប្រភេទ ដែលធ្វើចរាចរ តាមដងទន្លេចតុមុខ ដើម្បីអុជកាំជ្រួច នៅមុខបរមរាជវាំង ហើយផុតរយៈពេលកំណត់នេះ នឹងអនុញ្ញាត ឱ្យចរាចរជាប្រក្រតីឡើងវិញ៕

អត្ថបទ៖ សុភាព

Tuesday, June 2, 2015

សេចក្តីបំភ្លឺអំពីការចោទប្រកាន់មកលើអាជ្ញាធរជាតិអប្សរាថាមិនអនុវត្តតាមអនុក្រឹត្យលេខ៥១អនក្រ.បក និង ៥២ អនក្រ.បក ចុះថ្ងៃទី១៧ ខែមេសា ឆ្នាំ២០១៥

សេចក្តីជូនដំណឹង ស្តីពីការបញ្ជៀសចរាចរណ៍ក្នុងពិធីដង្ហែព្រះបរមងារកិត្តិយស « ព្រះស្រីលោកធម្មិករាជ» ថ្វាយព្រះករុណា ព្រះមហាក្សត្រ

ក្រសួងការបរទេស លើកឡើងថា ពលករខ្មែរ ជាច្រើននាក់នឹង ត្រូវជួយសង្គ្រោះ ហើយបញ្ចូនមកកាន់កម្ពុជាវិញ ក្នុងពេលឆាប់ៗខាងមុខនេះ

ដោយមានការយកចិត្តទុកដាក់ ពីសំណាក់រាជរដ្ឋាភិបាលកម្ពុជា ក៏ដូចជាក្រសួងការបរទេស និងកិច្ចសហប្រតិបត្តិការអន្តរជាតិ ដែលដឹកដោយនាំ ឯកឧត្តម ឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួងការបរទេស ស្ថានទូតកម្ពុជាប្រចាំប្រទេសឥណ្ឌូនេស៊ី និងស្ថានអគ្គកុងស៊ុលប្រចាំទីក្រុងសៀងហៃ បានអន្តរាគមន៍ជួយពលរដ្ឋខ្មែរ ជាបន្តបន្ទាប់ ហើយនៅពេលថ្មីនេះ កាលពីថ្ងៃទី២៧ ខែឧសភា ឆ្នាំ២០១៥ នារីម្នាក់ឈ្មោះ អ៊ូ សារ៉េត មានស្រុកកំណើតនៅ ស្រុកគងពិសី ខេត្តកំពង់ស្ពឺ បានបញ្ជូនមកដល់កម្ពុជាហើយ បន្ទាប់ពីស្ថានអគ្គកុងស៊ុលកម្ពុជាប្រចាំទីក្រុងសៀងហៃ បានសហការជាមួយអាជ្ញាធរចិន ជួយសង្រ្គោះរូបនាង ដែលរងគ្រោះដោយមេខ្យល់នាំយកទៅរៀបការ ជាមួយបុរសជនជាតិចិន នៅខេត្តអានហ៊ុយ ប្រទេសចិន។

ជាមួយគ្នានេះដែរ ស្ថានទូតកម្ពុជា បានសហការជាមួយអាជ្ញាធរឥណ្ឌូនេស៊ី ជួយសង្គ្រោះពលករខ្មែរ ចំនួន២១នាក់ពីទូកនេសាទថៃ ក្នុងតំបន់កោះអំបុន (Ambon) ប្រទេសឥណ្ឌូនេស៊ី។ ដោយពលករខ្មែរទាំង២១នាក់ មិនមានលិខិតឆ្លងដែន ស្ថាតទូតបានចេញលិខិតបើកផ្លូវឲ្យ និងបានអន្តរាគមន៍ឲ្យទូកនេសាទថៃ បើកប្រាក់បៀវត្ស និងចេញសោហ៊ុយធ្វើដំណើរមកកម្ពុជាវិញ នៅចុងខែឧសភា ឆ្នាំ២០១៥ នេះ។

ចំពោះករណីពលករខ្មែរចំនួន២១នាក់ ដែលគ្រោងមកដល់កម្ពុជា នៅចុងខែឧសភានេះ គឺ៧នាក់បានមកដល់ហើយ នៅថ្ងៃនេះ ទី២៩ ខែឧសភា ឆ្នាំ២០១៥ នៅវេលាម៉ោង ៣:៥៥នាទីល្ងាច នៅអាកាសយានដ្ឋានអន្តរជាតិភ្នំពេញ, ៦នាក់ នឹងមកដល់នៅថ្ងៃទី៣០ ខែឧសភា ឆ្នាំ ២០១៥ វេលាម៉ោង ៧:៣៥នាទីព្រឹក និង៨នាក់ទៀត នឹងមកដល់នៅថ្ងៃទី២ ខែមិថុនា ឆ្នាំ ២០១៥ វេលាម៉ោង ៣:៥៥នាទីព្រឹក។

ជាមួយគ្នានេះស្ថានទូតកម្ពុជា ប្រចាំប្រទេសម៉ាឡេស៊ី បានអន្តរាគមន៍ជួយពលការិនីខ្មែរចំនួន ២នាក់ ឲ្យទទួលបានប្រាក់ខែគ្រប់ចំនួន និងត្រឡប់មកកម្ពុជាវិញដូចគ្នា ដែលក្នុងនោះមានឈ្មោះ អាន សេត មានស្រុកកំណើតនៅស្រុកប្រាសាទបាល័ង្គ ខេត្តកំពង់ធំ បានវិលត្រឡប់មកដល់កម្ពុជាវិញ នៅថ្ងៃទី២៨ ខែឧសភា ឆ្នាំ២០១៥។ ចំណែកម្នាក់ទៀត ឈ្មោះ ឈឹម សាលី មានស្រុកកំណើតនៅស្រុកកំពង់ឆ្នាំង ខេត្តកំពង់ឆ្នាំង នឹងមកដល់កម្ពុជាវិញ នៅថ្ងៃទី២ ខែមិថុនា ឆ្នាំ២០១៥។

ក្រៅពីនេះ ស្ថានទូតកម្ពុជា បានសហការជាមួយអាជ្ញាធរឥណ្ឌូនេស៊ី ជួយសង្គ្រោះពលករខ្មែរចំនួន ៣៨នាក់ទៀត ពីទូកនេសាទថៃ ក្នុងតំបន់កោះបេនជីណា (Benjina) ប្រទេសឥណ្ឌូនេស៊ី។ ដោយពលករខ្មែរទាំង៣៨នាក់ មិនមានលិខិតឆ្លងដែន ស្ថាតទូតបានចេញលិខិតបើកផ្លូវឲ្យ និងបានសហការយ៉ាងជិតស្និតជាមួយអង្គការទេសន្តរប្រវេសន៍អន្តរជាតិ (IOM) ដើម្បីធ្វើមាតុភូមិនិវត្តន៍មកកម្ពុជាវិញនៅសប្តាហ៍ទី១ ខែមិថុនា ឆ្នាំ២០១៥ ខាងមុខនេះ។

តាមប្រភពពី ឯកឧត្តម កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ នៅថ្ងៃទី២៩ ខែឧសភា ឆ្នាំ២០១៥នេះ បានឲ្យដឹងថា ពលករខ្មែររងគ្រោះចំនួន១៩៩នាក់ នឹងមកពីឥណ្ឌូនេស៊ី នៅចុង ខែមិថុនា ឆ្នាំ២០១៥នេះ។

ឯកឧត្តម កុយ គួង បញ្ជាក់ថា ស្ថានទូតកម្ពុជាបានសហការ ជាមួយអាជ្ញាធរឥណ្ឌូនេស៊ី ជួយសង្គ្រោះពលករខ្មែរ ចំនួន១៩៩នាក់ ពីទូកនេសាទថៃក្នុងតំបន់កោះអំបុន (Ambon) ប្រទេសឥណ្ឌូនេស៊ី។ ដោយពលករខ្មែរទាំង១៩៩នាក់ មិនមានលិខិតឆ្លងដែន ស្ថាតទូតនឹងចេញលិខិតបើកផ្លូវឲ្យ និងបានអន្តរាគមន៍ឲ្យទូកនេសាទថៃ បើកប្រាក់បៀវត្ស និងចេញសោហ៊ុយធ្វើដំណើរមកកម្ពុជាវិញនៅចុង ខែមិថុនា ឆ្នាំ២០១៥ នេះ៕

អត្ថបទ៖ សុភាព

ក្រសួងការងារបំភ្លឺអំពីគោលបំណេង ពិតនៃច្បាប់ស្តីពីសហជីព

តាមយោងសេចក្តីប្រកាសព័ត៌មាន របស់ក្រសួងការងារ និងបណ្តុះបណ្តាលវិជ្ជាជីវៈ ស្តីពីការរៀបចំតាក់តែងច្បាប់ស្តីពីសហជីព បានឲ្យដឹងថា នាពេលថ្មីៗនេះ មានអង្គការវិជ្ជាជីវៈមួយចំនួនដោយមានការគាំទ្រពីអង្គការបរទេស បានបញ្ចេញមតិជំទាស់ទៅនឹងការអនុម័តច្បាប់ស្តីពីសហជីព ដែលបានរៀបចំចំនួន ៧ឆ្នាំ ហើយដែលនឹងឈានដល់ការបញ្ចប់ជាស្ថាពរក្នុងពេលដ៏ខ្លីខាងមុខនេះ។ ដូច្នេះដើម្បីបំភ្លឺជូនសាធារណជនអំពីគោលបំណងពិតនៃការរៀបចំច្បាប់នេះ ក្រសួងការងារ និងបណ្តុះបណ្តាលវិជ្ជាជីវៈ បានលើកឡើងពីចំណុចសំខាន់ៗមួយចំនួននៃច្បាប់នេះ។

ច្បាប់សហជីពនេះបង្កើតឡើងគឺមានគោលដៅទី ១ -ការពារសិទ្ធិ និងផលប្រយោជន៍ស្របច្បាប់របស់បងប្អូនកម្មករនិយោជិត ទី២- ធានានូវសិទ្ធិសេរីភាពនៃអង្គការវិជ្ជាជីវៈរបស់កម្មករ និយោជិត និងនិយោជក ទី៣- ជំរុញឲ្យមានសុខដុមរមនានៃទំនាក់ទំនងវិជ្ជាជីវៈ ទី៤- រួមចំណែកក្នុងការបង្កើតការងារសមរម្យ និងទី ៥-បង្កើនផលិតភាពដើម្បីអភិវឌ្ឍប្រទេសជាតិ និងលើកកម្ពស់ជីវភាពរបស់កម្មករនិយោជិត។

ក្រសួងការងារបញ្ជាក់ទៀតថា ចាប់ពីពេលចាប់ផ្តើមកសាងច្បាប់នេះតាមសំណូមពររបស់ភាគីកម្មករនិយោជីត និងនិយោជក កាលពីខែវិច្ឆិកា ឆ្នាំ២០០៨ រហូតដល់ពេលនេះ ក្រសួងបានសហការជាមួយតំណាងអង្គការអន្តរជាតិខាងការងារ (ILO) និងបានដាក់ជូនភាគីពាក់ព័ន្ធជាពិសេសសហជីព និងនិយោជកពិនិត្យពីភាក្សាជាបន្តបន្ទាប់ និងបានរៀបចំសិក្ខាសាលាពិគ្រោះយោបល់ជាសាធារណៈចំនួន ០៧លើក ហើយមតិយោបល់របស់ភាគីនីមួយៗ ត្រូវបានយកមកបញ្ចូលក្នុងខ្លឹមសារនៃសេចក្តីព្រាងច្បាប់នេះ ក្នុងនោះក្រុមសហជីព ដែលកំពុងជំទាស់នឹងច្បាប់នេះក៏បានចូលរួមពិភាក្សាផងដែរ។

ខ្លឹមសារនៃច្បាប់នេះត្រូវបានកសាងឡើង ដោយឈរលើរដ្ឋធម្មនុញ្ញនៃព្រះរាជាណាចក្រកម្ពុជាអនុសញ្ញាលេខ ៨៧ និងលេខ ៩៨ របស់អង្គការ (ILO) ក៏ដូចជាឈរលើបទពិសោធន៍ របស់បណ្តាប្រទេសមួយចំនួនលើពីភពលោក ហើយសេចក្តីព្រាងច្បាប់មានទម្រង់ និងលក្ខណៈស្របតាមបទដ្ឋានអន្តរជាតិ ជាពិសេសស្របតាមតម្រូវការជាក់ស្តែងរបស់កម្ពុជា។ ច្បាប់នេះក៏មានគោលដៅទប់ស្កាត់មជ្ឈដ្ឋានមួយចំនួនតូច ដែលមានចេតនាអាក្រក់ចង់បន្តប្រើប្រាស់កម្មករ និយោជិត ឬវិស័យទំនាក់ទំនងវិជ្ជាជីវៈនៅកម្ពុជា បម្រើដល់ផលប្រយោជន៍របស់ខ្លូន និងបក្ខពួកដោយមិនបានគិតអំពី ផលប្រយោជន៍ពិតប្រាកដរបស់កម្មករនិយោជិតផងដែរ។ ក្រសួងការងារក៏បានអំពាវនាវដល់ជនដែលស្ថិតនៅក្នុងមជ្ឈដ្ឋានទាំងនោះវិលមកគិតផលប្រយោជន៍កម្មករនិយោជិត និងផលប្រយោជន៍ជាតិពិតប្រាកដ និងចូលរួមគាំទ្រដល់ការកសាងច្បាប់សហជីពនេះ៕

អត្ថបទ៖ សុភាព

សហភាពអឺរ៉ុប សំដែងការព្រួយបារម្ភ ចំពោះភាពយឺតយ៉ាវ នៃដំណើរបការកាត់ក្តីរបស់ អ.វ.ត.ក ថ្ងៃ សុក្រ ទី ២៩ ខែ ឧសភា ឆ្នាំ ២០១៥

សហភាពអ៊ឺរ៉ុបមានការព្រួយបារម្មណ៏ អំពីភាពយឺតយ៉ាវ នៃអង្គជុំនំជុំរះវិសាមញ្ញ នៅក្នុងតុលាការកម្ពុជា ដោយចង់ឲ្យស្ថាប័នតុលាការកូនកាត់មួយនេះ ដំណើរការទៅបានលឿននិងឆាប់រហ័សទៅមុខ។

លើកឡើងនៅក្នុងជំនួបពិភាក្សាការងាររវាង ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី ជាមួយលោ PIERRE AMILHAT ប្រធានគ្រប់គ្រងតំបន់អាស៊ី មជ្ឈឹមបូព៌ា និងតំបន់អាស៊ីប៉ាស៊ីហ្វិក នៅវិមានមិត្តភាពនៃទីស្តីការគណរដ្ឋមន្ត្រី នារសៀលថ្ងៃទី២៨ ខែឧសភា ឆ្នាំ២០១៥នេះ ភាគីទាំងពីរបានពិភាក្សាគ្នា ដោយផ្តោតជាសំខាន់ទៅលើ ដំណើរការរបស់ អង្គជុំនំជំរះវិសាមញ្ញ ក្នុងតុលាការកម្ពុជា។

ជំរាបប្រាប់ ឯកឧត្តមឧបនាយករដ្ឋមន្ត្រី សុខ អាន លោក PIERRE AMILHAT មានប្រសាសន៏ថា សហភាពអ៊ឺរ៉ុប មានការព្រួយបារម្ភ អំពីការពន្យាពេលក្នុងដំណើរការកាត់ក្តីយូរ របស់អង្គជំនុំជម្រះ វិសាមញ្ញនៅក្នុងតុលាការកម្ពុជា ជាងនេះបញ្ហាចំណាយលើដំណើរការ របស់អង្គជំនុំជម្រះវិសាមញ្ញនៅក្នុងតុលាការកម្ពុជា ក៏ជាក្តីកង្វល់ផងដែរ អំពីទំហំចំណាយគឺចេះតែកើនឡើងនោះ។

ទាក់ទិននឹងការលើកឡើងនេះ ឯកឧត្តមឧបនាយករដ្ឋមន្ត្រី សុខ អាន បានជំរាបជូនថា ទាំងកម្ពុជាក៏ដូចជាភាគីសហភាពអ៊ឺរ៉ុប និងអង្គការសហប្រជាជាតិ គឺសុទ្ធតែបានដឹងទាំងអស់គ្នាហើយថា ភាពយឺតយ៉ាវរបស់សាលាក្តីកាត់ទោសមេដឹកនាំខ្មែរក្រហមនេះ មិនមានភាគីណា អាចមកជ្រៀតជ្រែក លើកិច្ចការរបស់តុលាការនេះបានទេ ពីព្រោះវាជានីតិវិធីរបស់ចៅក្រម និងព្រះរាជអាជ្ញានៃ អ.វ.ត.ក ។

នៅក្នុងកិច្ចពិភាគ្សាគ្នានេះទាំងភាគីកម្ពុជា និងសហភាពអ៊ឺរ៉ុប សុទ្ធតែបានបង្ហាញនូវឆន្ទះនិងបំណងក្នុងការចង់ពន្លឿនកិច្ចការរបស់សាលាក្តីកាត់ទោសមេដឹកនាំខ្មែរក្រហមនេះធ្វើយ៉ាងណាឲ្យដំណើរការទៅបានឆាប់រហ័ស។

ទាក់ទងនឹងការចំណាយ របស់សាលាក្តីកាត់ទោសមេដឹកនាំខ្មែរក្រហមនេះ បើទោះបីភាគីសហភាព អឺរ៉ុបមានការព្រួយបារម្ភក៏ពិតមែន ក៏ប៉ុន្តែជានយោបាយ សហភាពអ៊ឺរ៉ុបនៅតែបន្តគាំទ្រចូលរួម វិភាគទានដើម្បីទ្រទ្រង់ដល់ដំណើរការ របស់អង្គជំនុំជម្រះវិសាមញ្ញក្នុងតុលាការកម្ពុជា នេះជាបន្តទៅមុខទៀត។