ប្រទេសចំនួន៦ក្នុងតំបន់អាស៊ីចង់ឲ្យម្ចាស់ជំនួយបង្កើន ហិរញ្ញប្បទានសម្រាប់គាំពារសុខភាពកុមារ

AKP ភ្នំពេញ ថ្ងៃទី២៣ ខែកក្កដា ឆ្នាំ២០១៤

បណ្តា​ប្រទេស​ចំនួន​៦ នៅ​តំបន់​អាស៊ី​បាន​រួម​គ្នា​ស្វែង​រកហិ​​រញ្ញប្ប​ទាន​ បន្ថែម​ ដើម្បី​ជួយ​គាំ​ពារ​កុមារ​ក្នុង​ការ​តទល់​ទៅ​នឹង​ជំងឺ​គ្រប់​ប្រភេទ​ តាម​រយៈ​ផ្តល់ ថ្នាំវ៉ាក់​សំាង​ការពារ​ជំងឺឲ្យបានគ្រប់ៗគ្នា បើទោះនៅតំបន់ជនបទដាច់ស្រយាល ក៏ដោយ។

ក្រុមគាំពារសុខភាពកុមារមកពីប្រទេសចំនួន៦ រួមទាំងកម្ពុជាបានបើក កិច្ចពិភាក្សារួមគ្នាក្នុង​ការផ្តល់​បទពិសោធន៍ទៅវិញទៅមក ដើម្បីទាញយកកញ្ចប់ ថវិកាពីដៃគូអន្តរជាតិឲ្យបានកាន់តែច្រើន សម្រាប់​បង្កើនសកម្មភាពផ្តល់ថ្នាំវ៉ាក់ សាំងការពារជំងឺដល់កុមារឲ្យរួចផុតពីសេចក្តីស្លាប់ និងពិការភាពជាដើម។
កិច្ចពិភាក្សានេះបានធ្វើឡើងនៅក្នុងប្រទេសកម្ពុជាចំនួន៣ ថ្ងៃគឺចាប់ពីថ្ងៃ ទី២១ ដល់ថ្ងៃទី២៣ ខែកក្កដា ឆ្នាំ២០១៤ ដោយមានការចូលរួមពីក្រសួង ស្ថាប័ន ពាក់ពន្ធ័របស់រដ្ឋ ដៃគូម្ចាស់ជំនួយអន្តរជាតិ និងប្រទេស​ប្រទេសវៀតណាម ឥណ្ឌូ ណេស៊ី នេប៉ាល់ ស្រីលង្កា និងប្រទេសម៉ុងហ្គោលី ខណៈដែលប្រទេសទាំងនេះ បានជួបបញ្ហាប្រឈមទៅនឹងកង្វះថវិកាសម្រាប់ផ្តល់ថ្នាំបង្ការ ដូចនៅប្រទេស កម្ពុជាដែរនោះ។

លោក ហុក ខៀវ ប្រធាននាយកដ្ឋាននីតិកម្ម នៃក្រសួងសុខាភិបាល បាន ឲ្យដឹងថា កិច្ចពិភាក្សានេះមាន​គោលដៅសំខាន់ណាស់ ដើម្បីទទួលបានកញ្ចប់ ថវិកាគ្រប់គ្រាន់ពីភ្នាក់ងារអន្តរជាតិ សម្រាប់ធានា​ប្រសិទ្ធ​ភាព និងការឆ្លើយតប ចំពោះសិទ្ធិរស់រានមានជីវិតរបស់កុមារ និងសុខភាពកុមារ តាមរយៈសេវាផ្តល់ ថ្នាំបង្ការដ៏ល្អប្រសើរប្រឆំាងនឹងជំងឺគ្រប់ប្រភេទ។ លោកបញ្ជាក់ថា ការចូលរួមពី គ្រប់ភាគីពាក់ព័ន្ធមកពី​បណ្តាប្រទេសជាច្រើននេះ ក៏ជាផ្នែកមួយនៃការប្រមូល មតិយោបល់ឲ្យបានគ្រប់ជ្រុងជ្រោយ សម្រាប់រៀបចំ​ធ្វើសេចក្តីព្រាងច្បាប់ស្តីពី ការចាក់ថ្នាំបង្ការ ដើម្បីធានាឲ្យការអនុវត្តទទួលពារប្រសិទ្ធភាពខ្ពស់។

លោក Shafiqul Hossain តំណាងអង្គការសុខភាពពិភពលោកប្រចាំកម្ពុជា បានបញ្ជាក់ថា កម្ពុជាក្នុងនាម​ជារដ្ឋភាគី នៃអង្គការសហប្រជាជាតិក៏ដូចជាប្រ ទេសដទៃទៀត ត្រូវតែពង្រឹងបន្ថែមទៀត ដើម្បីឲ្យគ្រប់​ប្រជាពលរដ្ឋទាំងអស់ អាចទទួលបានថ្នាំបង្ការ ដែលមានគុណភាពដូចៗគ្នា ទោះបីជាពួកគេស្ថិតនៅ តំបន់ដាច់ស្រយាលយ៉ាងណាក៏ដោយ។ លោកបានឲ្យដឹងថា ថ្នាំបង្ការ ដែលមាន គុណភាពបានធ្វើឲ្យ​ប្រជាពលរដ្ឋ ពិសេសកុមារ​មានសុខភាព​ល្អរួចផុត​ពីសេចក្តី ស្លាប់ និងការកើតជំងឺផ្សេងៗទៀត ដែលទាំងនោះនឹងធ្វើឲ្យកម្ពុជាអាចសម្រេច បានតាមផែន​ការអភិវឌ្ឍ​សហសវត្សរ៍។

ឯកឧត្តម អ៊ុក ដំារី ទីប្រឹក្សាជាន់ខ្ពស់ នៃរដ្ឋសភាបានឲ្យដឹងថា ទោះបីជា កម្ពុជានៅមានបញ្ហាខ្វះខាត​មួយ​ចំនួន​លើការផ្តល់ថ្នាំបង្ការនេះក៏ដោយ ប៉ុន្តែ កម្ពុជាក៏ទទួលបានជោគជ័យក្នុងការលុបបំបាត់ជំងឺ​គ្រុន​ស្វិតដៃជើង ជំងឺកញ្ជ្រឹល នឹងឈានទៅលុបបំបាត់ជំងឺផ្សេងទៀតដូចជាជំងឺគ្រុនចាញ់ និងជំងឺគ្រុនឈាម ជាដើម។

ក្រសួងសេដ្ឋកិច្ច និងហិរញ្ញវត្ថុបានឲ្យដឹងថា ក្នុងមួយឆ្នាំៗរាជរដ្ឋាភិបាល បានទម្លាក់កញ្ចប់ថវិកាជាង២ លានដុល្លារ ក្នុងការទិញថ្នាំវ៉ាក់សំាងគ្រប់ប្រភេទ សម្រាប់កុមារ និងស្រី្ត ហើយ ដៃគូអន្តរជាតិក៏បានផ្តល់​ថវិកាចំនួនជាង ២ លានដុល្លារផងដែរ៕

ដោយ អ៊ុន រិទ្ធី