សម្តេចតេជោ អញ្ជើញចូលរួមកិច្ចប្រជុំកំពូលអាស៊ានលើកទី២៧ និងកិច្ចប្រជុំកំពូលពាក់ព័ន្ធនានា នៅទីក្រុងកូឡាឡាំពួរ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេច កិត្តិ ព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងគណៈប្រតិភូជាន់ខ្ពស់រាជរដ្ឋាភិបាលកម្ពុជា បាន អញ្ជើញធ្វើ ដំណើរតាមយន្តហោះពិសេសរបស់ព្រះរាជាណាចក្រកម្ពុជា ទៅដល់ទីក្រុងកូឡាឡាំពួរ ប្រទេស ម៉ា ឡេ  ស៊ី  ប្រកបដោយសុវត្ថិភាពកាលពីវេលាម៉ោង ១០និង៥០នាទី ម៉ោងនៅទីក្រុង កូឡាឡាំពួរ ប្រ ទេស    ម៉ាឡេស៊ី ត្រូវនឹងម៉ោង៩និង៥០នាទីម៉ោង នៅរាជធានីភ្នំពញប្រទេសកម្ពុជា ដើម្បី ចូលរួម កិច្ច ប្រជុំកំពូលអាស៊ានលើកទី២៧ និងកិច្ចប្រជុំកំពូលពាក់ព័ន្ធនានា នៅទីក្រុង កូឡាឡាំពួរ ប្រទេស ម៉ាឡេ ស៊ី ពីថ្ងទី២០ដល់ថ្ងៃទី២២ ខែវិច្ឆិកា ឆ្នាំ២០១៥។

នៅចំណតអាកាសយានដ្ឋាន អន្តរជាតិទីក្រុងកូឡាឡាំពួរ វត្តមាន នៃការអញ្ជើញ ដល់របស់ សម្តេចតេជោ នាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ត្រូវបាន ការធ្វើគារ វកិច្ច ស្វាគមន៍ យ៉ាងស្និត ស្នាលរ៉ាក់ទាក់ពីសំណាក់ឯកឧត្តម លោកជំទាវ ជាថ្នាក់ដឹកនាំជាន់ខ្ពស់រដ្ឋាភិបាលនៃប្រទេសម៉ាឡេស៊ី ជាច្រើនរូប ក្នុងនោះរួមទាំងសម្តេចរាជបុត្រី នរោត្តម អារុណរស្មី ឯក អគ្គរាជ ទូតវិសាម ញ្ញនិង ពេញសមត្ថភាព នៃព្រះរាជាណាចក្រកម្ពុជា ប្រចាំប្រទេសម៉ាស៊ី និងមន្រ្តី ការទូត របស់ព្រះ រាជាណាចក្រកម្ពុជាជាច្រើនរូប។

ដូចគ្នានឹងបណ្តាមេដឹកនាំនៃប្រទេសអាស៊ាន និងប្រទេសជាដៃគូរបស់អាស៊ាន សម្តេចតេ ជោ នាយក រដ្ឋមន្រ្តី នឹងថ្លែងនូវបទអន្តរាគមន៍ចំនួន១០ទៅកាន់កិច្ចប្រជុំកំពូលអាស៊ានលើកទី២៧ និងកិច្ច ប្រជុំកំ ពូលពាក់ ព័ន្ធនានារបស់អាស៊ាន ដែលនឹងប្រារព្វធ្វើឡើងរយៈពេល៣ថ្ងៃ ពីថ្ងទី ២០ដល់ថ្ងៃ ទី២២ វិច្ឆិកាឆ្នាំ២០១៥។ ជាមួយគ្នានេះក្រៅពីការអញ្ជើញចូលរួមកិច្ចប្រជុំកំពូលអាស៊ានលើកទី២៧ និងកិច្ច ប្រជុំកំពូល ពាក់ព័ន្ធនានារបស់អាស៊ាន សម្តេចតេជោនាយករដ្ឋមន្រ្តី នឹង ជួបពិភាក្សា ទ្វេភាគី ដាច់ដោយឡែកជាមួយឯកឧត្តមនាយករដ្ឋមន្រ្តីជប៉ុន ហ្សិនហ្សូ អាបេ ឯកឧត្តម នាយករដ្ឋមន្រ្តីឥណ្ឌា ណារិនដ្រា ម៉ូឌី និងឯកឧត្តមនាយករដ្ឋមន្រ្តីអូស្រ្តាលី។ ជាមួយគ្នានេះសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ភរិយាដ៏ឧត្តុង្គឧត្តមរបស់សម្តេចតេជោនាយករដ្ឋមន្រ្តី ក៏ដូចជា ភរិយា របស់ បណ្តា មេដឹកនាំអាស៊ាន និងប្រទេសជាដៃគូរបស់អាស៊ានដទៃទៀត ក៏មាន កម្មវិធី ដាច់ដោយ ឡែកដូច ជាអញ្ជើញ ចូលរួមក្នុងកម្មវិធី ម្ហូបអាហារអាស៊ាន ក្រោមប្រធានបទ អង្ករដែលភ្ជាប់យើង ពិធី អបអរ សាទរវប្បធម៌អាស៊ាន ពិសេសអញ្ជើញចូលរួមក្នុងកម្មវិធីសម្លេង ស្រ្តីអាស៊ាន តាមរយៈ ការផ្តល់ ឱកាស ដល់ស្រ្តីតាមជនបទ ស្វែងយល់អំពីការធ្វើអាជីវកម្ម។

អ្នកតំណាងរាស្ត្រ CNRP ជា ប៉ូច អាចសង្ស័យជាមេក្លោង ឬជាគូកន នៃការក្លែងឯកសារនៅខេត្តស្វាយរៀង និងតាកែវ

បន្ទាប់ពីជ​នក្លែងឯកសា​រសាធារណៈ សំបុត្របញ្ជាក់កំ​ណើតចំនួន២នាក់ ត្រូវបាន​សមត្ថកិច្ចចាប់​ឃាត់ខ្លួន នៅរសៀលថ្ងៃ​ទី១៩ ខែវិច្ឆិកា ឆ្នាំ២០១៥ នៅ អធិការដ្ឋាន​នគរបាលក្រុងបា​វិតរួចមក ត្រូវបានប្រភពព័ត៌​មានច្បាស់ការពីផ្ទៃក្នុ​ងគណបក្សសង្គ្រោះជាតិ បានទម្លាយឲ្យដឹងថា ក្នុងករណីនេះ អ្នកតំណាងរាស្ត្រ ជា ប៉ូច អាចសង្ស័​យជាមេក្លោង ឬជាគូកន នៃការក្លែ​ងឯកសារក្លែង​ក្លាយនេះ ។
ប្រភពដដែ​លបានឲ្យដឹងថា ការដែលស​មត្ថកិច្ចផ្តោតការសង្ស័យជាប​ឋមទៅលើ លោក ជា ប៉ូច ដោយហេ​តុថា កាលពីថ្ងៃទី១៨ ខែវិច្ឆិកា ឆ្នាំ២០១៥ អ្នកតំណាង​រាស្ត្ររូបនេះ បានបង្ហោះផ្សាយនូវឯកសារក្លែងក្លា​យនោះនៅក្នុងទំព័រហ្វេសប៊ុ​កផ្ទាល់ខ្លួន ដោយ​សរសេរថា ខេត្តតាកែវ ត្រូវបានអាជ្ញា​ធរខ្មែរ ប្រែក្លាយជា ខេត្តរបស់ប្រ​ទេសវៀតណាមរួចរាល់​ហើយ….។ ដែលអ្នកតំណាងរាស្ត្របក្ស​ប្រឆាំងរូបនេះ បង្ហោះផ្សាយនូវឯ​កសារក្លែងក្លាយនេះ ដោយពុំបានស្រាវជ្រាវសួរនាំរ​កការពិតឲ្យបានត្រឹមត្រូ​វនោះទេ ដោយមិនដឹងថា ជា​ចេតនាវា​យប្រហារមកលើមន្ត្រីមូលដ្ឋា​ននៅឃុំភ្នំដិន ស្រុកគី​រីវង់ខេត្តតាកែវ ឬជាចេតនាវា​យប្រហារមក​លើរាជរដ្ឋាភិបាល ដើម្បីគោ​លបំណងអ្វីមួយដែ​លសម្អុយ​កេរ្តិ៍ឈ្មោះ ឬបង្កភាពច​លាចល ឲ្យប្រជាពលរដ្ឋមានការភ័ន្តច្រឡំ។​
ប៉ុន្តែ ទោះបីក្នុ​ងតម្លៃណាក៏ដោយ ការបង្ហោះ​ផ្សាយនូវឯកសារក្លែ​ងក្លាយបែបនេះ គឺ លោក ជាប៉ូច អាចសង្ស័យជាមេក្លោង នៃទង្វើក្លែង​ឯកសារនេះ ដែលនេះ គឺជាបទ​ល្មើសជាក់ស្តែង ពីព្រោះបន្ទាប់ពីសមត្ថ​កិច្ចបើកការស្រាវជ្រាវ ស៊ើបអង្កេត និងឈានដល់ការឃាត់ខ្លួនជនសង្ស័យពីរ​នាក់រួចមក នៅរសៀ​លថ្ងៃទី១៩ ខែវិច្ឆិកា ឆ្នាំ២០១៥ម្សិលមិញ លោក ជា ប៉ូច ក៏បានប្រញ៉ាប់ប្រញ៉ាល់​ដកចេញភ្លាមៗ​នូវឯកសារក្លែ​ងក្លាយដែលរូបគា​ត់បានបង្ហោះនោះពីក្នុងទំព័រហ្វេសប៊ុកផ្ទាល់​ខ្លួនរបស់គាត់ហើយ។
ជនសង្ស័យចំនួនពីររូ​បដែលសមត្ថកិច្ចបានឃា​ត់ខ្លួន រួមមាន៖ ១. ឈ្មោះ សុខ សំអ៊ាន ភេទប្រុសអាយុ ៣៨ឆ្នាំជា​ប្រធានប្រតិបត្តិគណ​បក្សសង្គ្រោះជាតិក្រុងបាវិត មានទីលំនៅភូមិតាពៅ សង្កាត់បាវិត ក្រុងបាវិត ខេត្តស្វាយរៀង និងទី២. ឈ្មោះ នង សារិទ្ធ ជាសមាជិ​កក្រុមប្រឹក្សាគណបក្សសង្គ្រោះជាតិ ក្រុងបាវិត ។
សូមបញ្ជា​ក់ថា បន្ទាប់ពីមា​នការបង្ហោះនូវឯកសារមិនប្រ​ក្រតីនោះមក នៅថ្ងៃទី១៨ ខែវិច្ឆិកា ឆ្នាំ២០១៥ អគ្គ​នាយកដ្ឋា​នអត្តសញ្ញាកម្ម នៃក្រសួងមហា​ផ្ទៃ ក៏បានចាត់មន្ត្រីឲ្យ​មានការត្រួតពិនិត្យជាប​ន្ទាន់លើសៀវភៅអ​ត្រានុកូលដ្ឋានភ្លោះច្បាប់ដើមដែល​តម្កល់ទុកនៅសា​លាស្រុកគីរីវង់ ខេត្តតាកែវ ទិន្នន័យត្រង់ទីកន្លែងកំណើត​ របស់សាម៉ីខ្លួនបាន​សរសេរថា   ឃុំភ្នំដិ​ន ស្រុកគីរីវង់ ខេត្តតាកែវ          (ប្រទេស​កម្ពុជា) ។ ដូច្នេះសំបុត្រកំ​ណើតដែលផ្សព្វផ្សា​យតាមរយៈបណ្តាញសង្គមហ្វេសប៊ុក ខាងលើជាសំបុត្រ​កំណើតដែល​មានភាពមិន​ប្រក្រតី។ អគ្គនាយកដ្ឋានអត្តសញ្ញាណកម្មចា​ត់ទុកថា នេះជាករណី​ឆ្លៀតប្រើប្រាស់បណ្តាញសង្គម ( Facebook ) ក្នុងគោលបំណងបំពុ​លបរិយាកាស។​
ដូច្នេះ ក្នុងករណីដែ​លសមត្ថកិច្ចវែកមុខចាប់ខ្លួ​នបានជនសង្ស័យពីរនា​ក់រួចមកនេះ គេនៅមិនទាន់ដឹងថា អ្នកតំណា​ងរាស្ត្រ ជា ប៉ូច នៃគ​ណបក្សសង្គ្រោះជាតិ អាចនឹង​ត្រូវប្រឈមចំពោះផ្លូវច្បាប់ដែរឬយ៉ាង​ណានោះទេ ដោយសារតែរូប​គាត់បានបង្ហោះនូវឯក​សារក្លែងក្លាយនោះនៅលើទំព័រហ្វេសប៊ុកផ្ទា​ល់ខ្លួនរបស់គាត់។ គេនៅ​ចាំបានថា កាលពីពេលកន្ល​ងទៅសមាជិកព្រឹទ្ធសភា១រូបរ​បស់គណបក្ស សម រង្ស៊ី  គឺលោក ហុង សុខហួរ ត្រូវបានសមត្ថកិ​ច្ចចាប់ខ្លួន និងចោទប្រ​កាន់ក្នុងបទល្មើ​សព្រហ្មទណ្ឌជាក់ស្តែង បន្ទាប់ពីលោក ហុង សុ​ខហួរ បានក្លែងឯកសារ និងប្រើ​ប្រាស់ឯកសា​រក្លែងក្លាយ ដែលបានបង្ហោះ​ក្នុងទំព័រហ្វេស​ប៊ុករបស់លោក សម រង្ស៊ី៕

សាលា​រា​ជធានីភ្នំ​ពេញ ចេញសេ​ចក្តីជូន​ដំ​ណឹងបញ្ជាក់​ទី​តាំង និងការរៀ​ប​ចំកម្មវិធី​កំសាន្ត​​សប្បាយ អបអរ​ព្រះ​រាជ​ពិ​ធី​បុ​ណ្យអុំទូក​

យោងតាមសេចក្តីជូ​នដំណឹងរបស់សាលារា​ជធានីភ្នំពេញ នៅថ្ងៃ​ទី១៩ ខែវិច្ឆិកា ឆ្នាំ២០១៥នេះ បានបញ្ជា​ក់ពីទីតាំង និងការរៀប​ចំកម្មវិធី​កម្សាន្តសប្បាយ ដើម្បីអប​អរសាទរ ព្រះរាជពិធីបុណ្យអុំទូក បណ្តែតប្រ​ទីប និងសំពះ​ព្រះខែ អកអំបុក រយៈពេល៣​ថ្ងៃ ចាប់ពីថ្ងៃទី២៤-២៥-២៦ ខែវិច្ឆិកា ឆ្នាំ២០១៥ ដែលនឹ​ងចូលមក​ដល់នៅពេលដ៏ខ្លី​ខាងមុ​ខនេះ បើទោះបីការប្រណាំងទូក មិនអាចរៀប​ចំបានក៏ដោយ។

សេចក្តីជូនដំណឹ​ងបានឲ្យដឹងថា ក្នុងរយៈពេល​៣ថ្ងៃនៃព្រះរាជពិធីបុណ្យ​នេះ សាលារា​ជធានីភ្នំពេញ នឹងរៀបចំកម្ម​វិធីកម្សាន្តសប្បាយ ជូនបងប្អូន​ប្រជាពលរដ្ឋដូចជា៖
១-ការសម្តែងសិ​ល្បៈបុរាណខ្មែរ តូរ្យតន្ត្រីបែបប្រពៃ​ណីជាតិ ការប្រគំតន្ត្រី​សម័យរបស់ស្ថានីយ៍វិទ្យុ និងទូរទស្សន៍រាជធា​នីភ្នំពេញ ប៉ុស្តិ៍លេខ៣ នៅទីលាន​ប្រជាធិបតេយ្យ
២-ការដាក់តាំងពិ​ព័រណ៌ផលិតផល និងការប្រគំតន្ត្រីស​ម័យរបស់ស្ថានីយ៍ទូរទស្សន៍ហង្សមាស រស្មីហង្សមាស នៅទីធ្លា​សួនច្បា​រមុខវត្តបទុមវត្តី
៣-ការដាក់​តាំងពិព័រណ៌ផលិ​តផល និងការប្រគំតន្ត្រី​សម័យរបស់អគ្គនា​យកដ្ឋានវិទ្យុ និងទូរទស្សន៍បាយ័ន នៅមជ្ឈមណ្ឌ​លស​ន្និបាត និងពិព័​រណ៌កោះពេជ្រ
៤-កម្មវិធី​បណ្តែតគោម នាថ្ងៃទី២៥ ខែវិច្ឆិកា ឆ្នាំ​២០១៥ នៅទន្លេចតុមុខ មុខព្រះបរ​មរាជវាំង និងកម្មវិធីសំពះ​ព្រះខែ និងអកអំបុក នៅរមណីយដ្ឋានប្រវត្តិ​សាស្ត្រវត្តភ្នំ៕
​
ចំពោះការសម្តែងសិល្បៈ និងការប្រគំ​តន្រ្តី នឹងមានការចូលរួមសម្តែ​ងពីសំណាក់សិល្បករ
ល្បីៗប្រចាំព្រះរា​ជាណាចក្រកម្ពុជាជា​ច្រើនរូប ព្រមទាំងធ្វើការផ្សាយ​បន្តផ្ទាល់ពីស្ថានីយ៍វិទ្យុ និងទូរទស្សន៍រាជធានី​ភ្នំពេញ(ប៉ុស្តិ៍លេខ៣) ហង្សមា​ស-រស្មីហង្សមាស និងអគ្គនាយ​កដ្ឋានវិទ្យុ និងទូរទស្សន៍បា​យ័យផងដែរ៕

រាជរដ្ឋាភិបាល​កម្ពុជា​បង្ហាញនូវឆ​ន្ទះបន្ត រួមវិភាគទាន​​បដិភាគតទៅទៀត​ដល់​សាលាក្តី​ខ្មែរក្រហម

កម្ពុជានៅតែបន្តគាំទ្រដល់ដំណើ​ការ នៃសាលាក្តីកាត់ទោសមេ​ដឹកនាំ​ខ្មែរក្រហម​ដោយបានសន្យាជួយ​ជាវិ​ភាគទាន​សម្រាប់​ភាគី​កម្ពុជាតទៅទៀត ដើម្បីជួយទ្រទ្រង់​ដល់ដំណើរការរបស់​អង្គជំនុំជំរះ​នៃតុលា​ការកូន​កាត់​មួយនេះ។



នៅ​​ក្រោយជំនួប​រវាង​ ឯកឧត្តម​បណ្ឌិតសភាចារ្យ សុខ  អានឧ​បនាយករដ្ឋមន្រ្តី រដ្ឋមន្រ្តី​ទទួលបន្ទុកទីស្តីការគ​ណៈរដ្ឋមន្រ្តី ជាមួយ ឯកឧត្តម Stephen Mathias ជំនួយការ​អគ្គលេខា​ធិការ​អង្គការសហប្រជាជាតិ​ទទួលបន្ទុក​កិច្ចការច្បាប់ លោក ឯក ថា អនុប្រធាននាយកដ្ឋានព័ត៌មាន បានឲ្យក្រុមអ្នកយកព័ត៌​មានដឹ​ង​ថា ភាគី​ទាំងពីរបានពិភាក្សាគ្នា ដោយ​ផ្តោត​ការយក​ចិត្ត​ទុក​ដាក់សំខាន់ លើ​ដំណើរ​ការវិវឌ្ឍទៅមុខ នៃ​កិច្ចសហប្រតិ​បត្តិ​ការអំពី​ការងារ​​សាលាក្តីកាត់ទោ​សមេដឹកនាំខ្មែរក្រហម ​ដោយ​ភាគីកម្ពុជានៅតែបន្តគាំទ្រក្នុងការចូល​ រួមវិភាគទាន​បដិ​ភាគ​ដល់​សាលាក្តី​នេះ​​បន្តទៀត។



លោក ឯក ថា​ បានឲ្យដឹងទៀតថា នៅក្នុងជំនួបប្រជុំ រវាងភាគីកម្ពុជា និងភាគីអង្គការស​ហប្រជាជាតិ នៅទីស្តីការ​គណៈ​រដ្ឋមន្រ្តី   នាថ្ងៃទី១៧ខែវិច្ឆិកានេះ ឯកឧត្តមបណ្ឌិ​តសភាចារ្យ សុខ  អាន ប្រធានក្រុមការងារ រាជរដ្ឋាភិបាលកម្ពុជា​សម្រាប់​អង្គជំ​នុំជំរះវិសាមញ្ញក្នុងតុលា​ការកម្ពុជា បានជំរាបជូ ឯកឧត្តម Stephen Mathias ​ថាសម្រាប់៦ខែ នៅដើម​ឆ្នាំ២​០១៦ ​ខាង​មុខ​នេះ​​រាជរដ្ឋាភិបាលកម្ពុជា នឹងផ្តល់ថវិការបដិភាគប្រ​មាណជាង៤លានដុល្លារសហរដ្ឋអាមេរិក ​ដើម្បី​ប្រតិបត្តិ​ការប្រើ​ប្រាស់​នៅក្នុងអង្គជំនុំជំរះវិសាមញ្ញនៅក្នុងតុលាការនេះ និងបូកបញ្ចូ​​លសម្រាប់ប្រាក់ខែ របស់​បុគ្គលិកខាងភាគី​ជាតិ​កម្ពុជាផងដែរ។



ឯកឧត្តម ឧបនាយករដ្ឋមន្ត្រី ក្នុងនាមរាជរដ្ឋាភិ​បាលកម្ពុជាក៏បានសំដែងការគាំទ្រដល់គណកម្មការ សម្រាប់រៃអង្គាស​ថវិកា​រជួយ​ទ្រ​ទ្រង់ដល់អង្គជំនុំជំរះវិសាមញ្ញ​នៅក្នុង​តុលា​ការនេះ​ ដើម្បីធ្វើ​យ៉ាង​ណាឲ្យ​អង្គ​ជំនុំជំរះវិសាមញ្ញនេះ​អាចដំ​ណើរ​ការ​ទៅ​សម្រេច​បាននូវកិច្ចការរបស់ខ្លួន ។



សូមបញ្ជាក់ដែរថា នៅក្នុងកិច្ចសន្ទនានេះ ទាំងភាគីកម្ពុជាក៏ដូចភាគីរបស់អង្គការសហប្រជា​ជាតិគឺសុទ្ធតែបាន​សំដែង​នូវ​ការ ពេញចិត្តចំពោះលទ្ធផលដែលភាគីទាំងពីរបានធ្វើ កិច្ចសហការដ៏ល្អជា​មួយគ្នា ទាំងខាងចៅក្រមសើប​អង្កេតជាតិ និង​ចៅក្រម​សើបអង្កេតអន្តរជាតិ បាននិងកំពុងធ្វើការជាមួយ​គ្នាទៅតាមនីតិវិធីរបស់តុលាការយ៉ាងរ​លូនល្អនៅ​ក្នុងក្រប​ខណ្ឌនៃ​អង្គ​ជំនុំ​ជំរះ​​វិសាមញ្ញ​នៃតុលាការកម្ពុជានេះ។



ភាគីទាំងពីរក៏បា​នអបអរសាទរលើភាព ជោគជ័យនៃ​ ការផ្សព្វផ្សាយរបស់​អង្គជំនុំជំរះ​វិសាមញ្ញក្នុង​តុលាការកម្ពុជា​ដោយ​ទទួលបានមនុស្សជា​ង៣០ម៉ឺននាក់ មកចូលរួមតាមដាន​ស្តាប់​ នៅក្នុងដំណើរការ កាត់សេចក្តីនៃអង្គសវនា​ការរបស់​តុលា​ការ​នេះ។ ទន្ទឹមនិងនេះក៏មានដើមបណ្តឹង និងជនរងគ្រោះប្រមា​ណ៤ពាន់ នាក់ ដែលបានចូលរួមស​ហការដ៏ល្អ តាំងពី​ដើម​​​រៀងមកដែលបានជំរុញឲ្យ​ការេងាររបស់អង្គជំនុំជំរះវិសាមញ្ញ​នៅក្នុង​តុលា​ការកម្ពុជានេះ សម្រេចបាន លទ្ធផលជោគ​ជ័យជា​ប្រវត្តិ​​សាស្ត្រនៅក្នុងតុលាការកាត់ទោសឧក្រិដ្ឋកម្មធំៗជាអន្តរជាតិនេះ។

ភាគីទាំងពីរក៏បានពិភាក្សា អំពីភាពចាំបាច់ នៃ មជ្ឈ​មណ្ឌលរក្សាទុក​ឯកសារ​ ដែលជាជំនួយ​ឧបត្ថម​​​ពីរដ្ឋា​ភិបាល​ជប៉ុន មាន​ទឹកប្រាក់ប្រមាណ​ជាង២​លាន​ដុល្លារអាមេរិក​។ មជ្ឈ​មណ្ឌលនេះ និងបាន​ជាប្រយោជន៏​ក្នុងការប្រើប្រាស់​សម្រាប់​តម្កល់​ឯកសារ​ទាំងឡាយដែលបញ្ចេញដោយ​អង្គជំនុំ​ជំរះ​វិ​សាមញ្ញ​នៅក្នុងតុលា​ការកម្ពុជា ដើម្បីយកទៅថែរក្សាទុកនៅទីនោះ៕



អត្ថបទ៖ សុវណ្ណតារា

សម្តេច​តេជោ បញ្ជាក់ពី​ហេតុផល ដែលរាជរដ្ឋា​ភិបាលមិនបាន​រៀបចំការ​ទទួលកីឡាការិនីម្ចា​ស់មេដាយមា​សប៉េតង់ជើង​ឯ​កពិភពលោ​កលើកទី១៥ អោយ​សមរម្យ

កាលដូច​ការគ្រោងទុក សម្តេចអគ្គមហាសេនាបតី តេជោ នាយក​រដ្ឋមន្ត្រី ហ៊ុនសែន នៅ​រសៀល​ម៉ោង ៣ និង ២០ នាទី ថ្ងៃទី​១៧ ខែវិច្ឆិកា​នេះ បានធ្វើពិធី​សំណេះសំណាល ជាផ្លូវការជាមួយកីឡាការិនី កែ ឡេង ដែលជាម្ចាស់​មេដាយមាស ផ្នែក​កីឡា​ប៉េតង់កម្រិត​ពិភពលោកលើកទី១៥ នាឆ្នាំ​២០១៥នេះ​ នាព្រះរាជានាចក្រថៃ។ ពិធី​ជួបជុំនេះ ដោយមាន​កីឡាករ​កីឡាការិនី​ខ្មែរ​ ចូលរួម​ជាច្រើន​នាក់ គឺបានធ្វើ​ឡើងនៅ​វិមាន​សន្តិភាព ក្នុង​រាជធានី​ភ្នំពេញ​ ហើយពិធី​នេះក៏មាន​ផ្សាយ​ផ្ទាល់ ​តាម​បណ្តាញទំនាក់ទំនងសង្គមហ្វេ​ស​ប៊ុ​ក ​របស់​សម្តេច​ហ៊ុនសែន​ផងដែរ​។

នៅក្នុងពិធីនោះ សម្តេច អគ្គ​មហាសេនាបតីតេជោ ហ៊ុនសែន បានថ្លែងបញ្ជាក់​អោយដឹងថា ហេតុផល ដែលរដ្ឋាភិបាលកម្ពុជា មិនបានរៀប​ចំការ ការទទួលបដិសណ្ឋា​រកិច្ចស្វាគមន៍ អោយបា​នអធិកអធម ដល់កីឡាការិនី ដែលជាម្ចាស់មេដា​យមាស ជើងឯកពិភ​ពលោក ផ្នែកកីឡាប៉េ​តង់ លើកទី១៥ នាឆ្នាំ២០​១៥ នៅប្រទេសថៃនាពេលថ្មីៗនេះ អោយ​សាកសមនឹងកិត្តិយស ដូ​ចកីឡាការនី ម្ចាស់មេដាយ​មាស អាស៊ីហ្គេម ផ្នែកតៃក្វាន់ដូ កញ្ញា សន សៀវម៉ី នា​ពេលកន្លងមកនោះ គឺដោយសារតែនា​ថ្ងៃទី០៩ ទី១០ និងទី១១ ខែវិច្ឆិកា ឆ្នាំ២០១៥ ព្រះរាជាណាចក្រកម្ពុ​ជាយើងទាំងមូល ត្រូវរៀបចំប្រារព្វព្រះរា​ជពិធីបុណ្យឯករាជ្យជាតិ ខួបលើកទិ៦២។ ដូច្នេះយើង មិនអាចរៀ​បចំពិធីទទួលនេះបានឡើយ ព្រោះវាជា​ន់គ្នានិងពិធីបុណ្យជាតិរបស់យើង។

គួបញ្ជា​ក់ថា ការថ្លែង​លើកឡើង របស់សម្តេចតេជោ នាយ​ករដ្ឋមន្ត្រី ហ៊ុនសែន ខាងលើបែបនេះ​ គឺដើម្បី ជាការឆ្លើយតបទៅនឹងមតិរិះគន់ពីមជ្ឈដ្ឋានទូទៅ ដែលបានចោទម​កលើរដ្ឋាភិបាល នឹងគណ​កម្មាធិកាជាតិអូឡាំពិច ក៍ដូចជាស្ថាប័នសាមីគឺ​ក្រសួងអប់រំ​ យុវជននិងកីឡា មិនបានរៀប​ចំការទទួលអោយបានអធិកអធម ដូចជាក្បួនដង្ហែ​ឬក្បួនម៉ូតូអម​ជាដើម អោយបានសាកស​ម ដូចកីឡាការិ​នី សន សៀវម៉ី ក្រោ​យពេលកីឡាការិនី ម្ចាស់មេដាយមា​សពិភពលោក ផ្នែកប៉េតង់ អ្ន​កស្រី កែ ឡេងរូបនេះ ពេល​មកដល់មាតុប្រទេសវិញនោះ។

សូមរំលឹកថា កីឡាការិនី​ម្ចាស់មេដាយមា​សពិភពលោក ផ្នែកប៉េតង់ អ្នកស្រី កែ ឡេង បាន​ប្រកួត​ឈ្នះ​   សាជាថ្មី​ម្តងទៀត នៅក្នុង​ការប្រកួត​កីឡា​ប៉េតង់ ពិភពលោក​លើក​ទី​១៥ ផ្នែក​ស្ត្រី នៅ​ប្រទេស​ថៃ កាលពីដើម​ខែវិច្ឆិកា ឆ្នាំ​២០១៥​។ ​នៅក្នុងពិធីសំណេះសំណាល ជាផ្លូវការនេះ កីឡាការិនី កែ ឡេង ម្ចាស់​មេដាយមាសផ្នែកកីឡា​ប៉េតង់ ជើងឯក​ពិភពលោក២ជំនាន់ ត្រូវបាន​រាជរដ្ឋាភិបាលរៀបចំ​ក្បួន​ដង្ហែ​ជា​កិត្តិយស ដោយចាប់ផ្ដើម​ចេញដំណើរ​ ពី​វិមាន​សន្តិភាព នៅ​រសៀល​ថ្ងៃទី​១៧​វិច្ឆិកា​នេះ​។ នេះ​ជា​លើក​ទី​២ ក្នុង​ឆ្នាំ​តែមួយ ដែល​កីឡាការិនី កែ ឡេង បានទទួល​កិត្តិយស ដោយ​ជិះ​រថយន្ដ​ដង្ហែ​ជា​ក្បួនក្នុង​រាជធានី​ភ្នំពេញ ដោយមាន​ក្បួន​ម៉ូតូសចំនួន ១២ គ្រឿង បើក​អម​ជាមួយប្រកបដោយកិត្តិយស សំររាប់ក្រុមគ្រួសារ សាមីខ្លួន និងសង្កមជាតិ។

ក្នុងក្នុង​ក្បួន​ដង្ហែ​នោះ គឺមាន​ម៉ូតូ​ប៉ូលិស​នាំមុខ​ក្បួន បន្ទាប់មក​រថយន្ដ​ប៉ូលិស ដែលមាន​រថយន្ដ​ឆៃយ៉ាំ​នៅជាប់​ពីក្រោយ ទើប​រថយន្ដ​កីឡាការិនី កែ ឡេង ដែល​អមដោយ​ម៉ូតូ ស ចំនួន ១២​គ្រឿង​។ ​បន្ទាប់ពី​រថយន្ដ​កីឡាការិនី កែ ឡេង គឺ​រថយន្ដ​របស់លោក​អគ្គលេខាធិការរង គណៈកម្មាធិការ​ជាតិ​អូឡាំពិក​កម្ពុជា​។ បន្ទាប់ពីនោះ អនុញ្ញាត​​ឲ្យ​មាន​រថយន្ដ​បន្ទាប់​តែ៥គ្រឿង​ទៀត​ប៉ុណ្ណោះ ដោយមាន​ទាំង​រថយន្ដ ដឹក​សិស្ស​វិទ្យាស្ថាន​ជាតិ អប់រំ​កាយ និង​កីឡា ដែល​ក្រោយបង្អស់ គឺ​រថយន្ដ​ប៉ូលិស​។​

ក្បួន​ដង្ហែ ត្រូវ​ចេញពី​វិមាន​សន្តិភាព ឆ្ពោះទៅ​ស្តុ​ប​កាណាឌីយ៉ា បន្ទាប់មក​ទៅ​ស្ដុ​ប​ពេទ្យ​អង្គឌួង បន្តដំណើរ​ តាម​មហាវិថី​ព្រះ​នរោត្តម ឆ្ពោះទៅកាន់​វិមានឯករាជ្យ ដោយដង្ហែ​មួយ​ជុំ ​សួនច្បារ​នាគ​បាញ់​ទឹក ហើយ​ត្រឡប់មកវិញ​កាត់​មុខផ្ទះ​សម្ដេច​អគ្គមហាសេនាបតី​តេ​ជោ ហ៊ុនសែន រួច​ឆ្ពោះទៅកាន់​ស្ដុ​ប​នាយកដ្ឋាន​ជលផល ឆ្ពោះ ទៅកាន់​ស្តុ​ប​បូកគោ ហើយ​បន្តដំណើរ​តាម​មហាវិថី​ព្រះមុនីវង្ស ឆ្ពោះ​មក​ខាងលិច​ផ្សារ​ធំថ្មី ទើប​បន្តដំណើរ​តាមផ្លូវ​កម្ពុជា​ក្រោម ឆ្ពោះទៅ​ស្តុ​ប​សន្ធរម៉ុក​។ មកដល់​ស្ដុ​ប​សន្ធរម៉ុក បន្តដំណើរ​តាម​វិថី​ម៉ៅ​សេទុង ឆ្ពោះទៅ​ផ្សារ​ដើម​គ ត្រឡប់មក​អាងទឹក​អូ​ឡាំ​ពិ​ក បន្ត​មក​ស្ដុ​ប​ផ្សារ​ដេប៉ូ ស្តុ​ប​ដេ​អិន ហើយ​ឡើងមក​មហាវិថី​សហព័ន្ធរុស្ស៊ី សំដៅទៅ​វត្តភ្នំ ទើប​ឡើងទៅ​ស្ដា​ត​ចាស់ ដែលជា​កន្លែង​បញ្ចប់​កម្មវិធី​ដង្ហែ​ក្បួន​។

លោក​ស្រី កែ ឡេង​៖ កើត​នៅ​ឆ្នាំ​១៩៦២ នៅ​ស្រុក​រលាប្អៀរ ខេត្តកំពង់ឆ្នាំង លោកស្រី កែ ឡេង បាន​ចាប់​អាជីព​ដំបូង ខាង​កីឡាបាល់ទះ​។ នៅ​ឆ្នាំ​១៩៨២ លោកស្រី កែ ឡេង ដែលជា​កូនកំព្រា ត្រូវបាន​ជ្រើស​ជា​កីឡាការិនី​បាល់ទះ ប្រចាំ​កងយោធពល​ខេមរភូមិន្ទ​។ នៅពេល​ ក្រសួងការពារជាតិ បាន​រំសាយ​ក្រុម​បាល់ទះ​នារី នៅ​ឆ្នាំ​១៩៩៧ លោកស្រី កែ ឡេង បាន​ប្ដូរ​អាជីព​ទៅ​ហាត់​កីឡា​ប៉េតង់ ( ប៊ូល ) រហូតដល់​សព្វថ្ងៃ​។

ការប្រកួត​ជា​អន្តរជាតិ លើកដំបូង នៅ​ខែកញ្ញា ឆ្នាំ​១៩៩៩ លោកស្រី កែ ឡេង ដណ្តើម​បាន​ពានរង្វាន់ ជើងឯក​អាស៊ី លើក​ទី​៣ ដោយ​ទទួលបាន​មេដាយមាស​១​។ ជា​បន្ត​បន្ទាប់មកទៀត លោកស្រី កែ ឡេង ទទួលបាន​មេដាយមាស មេដាយប្រាក់ មេដាយសំរិទ្ធ និង​ចុងក្រោយ​មេដាយមាស ជើងឯក​ប៉េតង់​អាស៊ាន លើក​ទី​២ នៅ​ខែមីនា ឆ្នាំ​២០១៥៕​

សេច​ក្តីថ្លែងការណ៍​រួម របស់ឯកឧត្តម ​សុខ អាន ឧ​បនាយ​ករដ្ឋមន្ត្រី និង ឯកឧត្តម Stephen ​Mathias ឧបកា​រីអគ្គ​លេ​ខាធិ​ការ ទទួលបន្ទុកកិ​ច្ចការច្បាប់ នៃអ​ង្គការសហប្រ​ជាជាតិ

សេចក្តីថ្លែងការណ៍រួម
របស់ឯកឧត្តម សុខ អាន ឧបនាយករដ្ឋមន្ត្រី​ រដ្ឋមន្រ្តីទទួលបន្ទុកទីស្តីការ  គណៈរដ្ឋមន្រ្តី
និងជាប្រធានក្រុមការងាររាជរដ្ឋាភិបាលទទួលបន្ទុកសាលាក្ដីខ្មែរក្រហម និង ឯកឧត្តម Stephen Mathias ឧបការីអគ្គលេខាធិការ​ ទទួលបន្ទុកកិច្ចការច្បាប់ នៃអង្គការសហប្រជាជាតិ
រាជធានីភ្នំពេញ ថ្ងៃទី១៧ ខែវិច្ឆិកា ឆ្នាំ២០១៥
ក្រោយពីកិច្ចប្រជុំដែលបានធ្វើឡើងនៅទីស្តីការគណៈរដ្ឋមន្ត្រី ភាគីទាំងពីរបានស្វាគមន៍ចំពោះការ​ចាប់ផ្តើម​សវនាការ​​លើ​ បណ្តឹងសារទុក្ខក្នុងសំណុំរឿង ០០២/០១ នៅអង្គជំនុំជម្រះវិសាមញ្ញក្នុតុលាការកម្ពុជា (អ.វ.ត.ក) និងការរីក​ចម្រើន​​​ផ្នែកកិច្ចការតុលាការរបស់ អ.វ.ត.ក។

ភាគីទាំងពីរទទួលស្គាល់នូវគុណតម្លៃនៃការចូលរួមចំណែករបស់ អ.វ.ត.ក ក្នុងផ្នែកការចូលរួម​របស់​ជនរង​​គ្រោះនិងផ្នែកកិច្ចការផ្សព្វ​ផ្សាយ​ ដែលក្នុងនោះរួមមានការចូលរួមយ៉ាង​ទូលំទូលាយ​នៅក្នុងសវនាការ​ជា​សាធារណៈ។ បទពិសោធន៍ក្នុងវិស័យទាំងនេះរបស់ អ.វ.ត.ក បានក្លាយជាចំណុចនាំមុខដ៏សំខាន់​ក្នុងការ​អភិវឌ្ឍនូវ​ការ​អនុវត្ត ច្បាប់​ព្រហ្មទណ្ឌ​អន្តរជាតិ។

ភាគីទាំងពីរបានពិភាក្សាគ្នាទៅលើទស្សនៈខុសគ្នាដែលកំពុងតែកើតមានជាបន្ត ដូចដែលបានរំលេចនៅ ក្នុង​លិខិត​​ឆ្លងឆ្លើយការទូតរវាងរាជរដ្ឋាភិបាលកម្ពុជា និង អ.ស.ប ទាក់ទងនឹងការ​អនុវត្ត​កាតព្វ​កិច្ច​សហ​ប្រតិ​បត្តិ​ការ​​ពេញ​​ លេញដែលមានចែងនៅក្នុងកិច្ចព្រមព្រៀងបង្កើត​ អ.វ.ត.ក ពាក់ព័ន្ធនឹងសំណុំរឿងចំនួន២ ដែលបច្ចុប្បន្ន នេះកំពុងស្ថិតក្នុងដំណាក់កាលស៊ើបអង្កេត។ ភាគីទាំងពីរបានឯកភាព​គ្នា ថាការសម្រេចបាន​ឆាប់រហ័សនូវដំណោះស្រាយគួរជាទីពេញចិត្ត ដែលអនុលោមតាមលក្ខខណ្ឌដែលមានចែងនៅក្នុង​កិច្ចព្រមព្រៀង​នេះ គឺមានសារៈសំខាន់ ណាស់ជាមួយនឹងវិធានការពាក់ព័ន្ធនានា​នឹងត្រូវដាក់​ចេញ​​ ដោយរាជរដ្ឋាភិបាលកម្ពុជា។

ភាគីទាំងពីរ បានស្វាគមន៍ចំពោះសុឆន្ទៈរបស់រាជរដ្ឋាភិបាលកម្ពុជាក្នុងការគាំទ្រដល់សំណើរបស់អគ្គលេខា ​ធិការ​ អ.ស.ប. ដាក់ជូនមហាសន្និបាត អ.ស.ប ទាក់ទងនឹងការឧបត្ថម្ភធនសម្រាប់ប្រតិបត្តិការរបស់ អ.វ.ត.ក ក្នុងឆ្នាំ២០១៦ ព្រមទាំងសុឆន្ទៈរបស់ខ្លួនក្នុងការបន្តផ្ដល់វិភាគទានគ្រប់គ្រាន់ និងដោយផ្ទាល់ដល់ភាគីជាតិ នៃ អ.វ.ត.ក ដើម្បីធានាឲ្យបានថវិកាគ្រប់គ្រាន់ ដោយពិចារណាទៅលើការចូលរួមវិភាគទានពីប្រទេស​ម្ចាស់ជំនួយ​អន្តរជាតិ​នានា។ ហើយសង្ឃឹមថាវិធានការទាំងនេះនឹងផ្តល់នូវស្ថិរភាពហិរញ្ញវត្ថុ សម្រាប់ អ.វ.ត.ក ក្នុងឆ្នាំ២០១៦។

ឯកឧត្ដមឧបការីអគ្គលេខាធិការ អ.ស.ប មានសេចក្តីសោមនស្សរីករាយក្នុងការបំពេញទស្សនកិច្ចនៅ អ.វ.ត.ក. នៅពេលនេះ ដោយ​​​​ហេតុថា​នេះជាដំណាក់កាលសំខាន់នៃសំណុំរឿង ០០២/០១ ក្រោយពីការចូលរួម​​របស់ឯកឧត្តម​ ក្នុងព្រឹត្តិការណ៍ដ៏សំខាន់ក្នុងការប្រកាសសាលក្រម ក្នុងដំណើរការនី​តិវិធីកាលពីខែសីហា ឆ្នាំ២០១៤។ កិច្ចការរបស់ អ.វ.ត.ក នៅក្នុងផ្នែកនេះ បានឆ្លុះបញ្ចាំងអំពីការបេ្ដជ្ញាចិត្តរួមរវាងរាជរដ្ឋាភិបាលកម្ពុជា អ.ស.ប និងសហគមន៍អន្តរជាតិ ដើម្បីពង្រឹងការស្វែងរកយុត្តិធម៌ និងការទទួលខុសត្រូវលើឧក្រិដ្ឋកម្មនៃរបបខ្មែរក្រហម។

ឯកអគ្គរា​ជ​ទូត កម្ពុជាប្រ​​ចាំនៅប្រទេ​សឥណ្ឌា នឹងជួ​បពិភា​ក្សា​ការងារជា​មួ​យក្រសួងវប្បធ​ម៌ឥណ្ឌា​ពាក់ព័ន្ធនឹង​កា​រសាងស​ង់ប្រាសាទចម្ល​ងតាមរចនា​បថប្រាសា​ទអង្គរវត្ត

យោងតាមលិខិតរ​បស់អ្នកនាំពាក្យ ក្រសួងការបរទេ​ស និងសហប្រ​តិបត្តិការអន្តរជាតិ ឯកឧត្តម ជុំ សុន្ទរី នៅថ្ងៃទី១៧  ខែវិច្ឆិកា  ឆ្នាំ២០១៥នេះ ឯកអគ្គរាជទូត កម្ពុជា​ប្រចាំនៅប្រទេសឥណ្ឌា នឹងជួបពិភាក្សាការងារជាមួ​យលោកជំទាវ Monika K.Mohta លេខាធិការ (Additional Secretary) នៃក្រសួងការបរទេសឥណ្ឌា និងឯកឧត្តម Shri K.K. Mittal លេខាធិការ (Additional Secretary) នៃក្រសួងវប្ប​ធ៌មឥណ្ឌា ពាក់ព័ន្ធនឹងការសាងសង់ប្រាសាទចម្លងតាមរចនាបថប្រាសាទអង្គរវត្ត នៅរដ្ឋ Bihar ប្រទេសឥណ្ឌា ដែល មានចំណុចសំខាន់ៗដូចខាងក្រោម៖
១-  លោកជំទាវ Monika K.Mohta  លេខាធិការ ក្រសួងការបរ​ទេសឥណ្ឌា បានលើកឡើ​ងថា ៖
 រដ្ឋាភិបាលឥ​ណ្ឌា នឹងទប់ស្កាត់មិន​អោយមានការ​សា​ងសង់ទេ ។  ក្រសួងការប​រទេសឥណ្ឌា បានជំរាបក្រុមហ៊ុន The Mahavir Mandir Trust មិនអោយ​សាងសង់ប្រាសា​ទចម្លងតាមរចនាបថប្រាសាទអង្គរវត្ត ។ ក្រុមហ៊ុននេះ បានសន្យាថា នឹងមិនសាងសង់​ប្រាសាទចម្លងតាម
រចនាបថប្រាសា​ទអង្គរវត្តទេ ប៉ុន្តែសុំសាង​សង់ប្រាសាទមា​នរចនាបថប្រា​សាទឥណ្ឌា ហើយនឹងបញ្ជូនគំរោងសាងសង់នេះទៅ​ក្រសួងវប្បធម៌ និងក្រសួងការបរទេ​សឥណ្ឌា ដើម្បីស្នើសុំការសា​ងសង់។
២-  ឯកឧត្តម Shri K.K. Mittal  លេខាធិការក្រសួ​ងវប្បធ៌មឥណ្ឌា បានលើកឡើងថា៖
 ក្រសួងវប្បធម៌ឥណ្ឌា នឹងធ្វើការសិក្សា និងបញ្ជូ​នគំរោងថ្មីនេះទៅក្រសួ​ងការបរទេស ឥណ្ឌា។

លោកមេធាវី អឿន សុខា បានព​ន្យល់​ស្តីពីការអនុវត្ត​​សាលក្រម ឬសាល​​ដីកាស្ថាពរ​ករណីសំនុំ​រឿ​ងព្រហ្មទណ្ឌ

កាលពីថ្ងៃទី១៥ ខែវិច្ឆិកា ឆ្នាំ២០១៥កន្លងទៅនេះ ភ្នាក់ងារបណ្តាញព័ត៌​មានរាជរដ្ឋា​ភិបាល GNN បាន​បង្ហោះវីដេអូស្តីពីកិ​ច្ចសម្ភាសន៍លោក អឿន សុខា មេធាវីឯករាជ្យ និងជាសាស្រ្តាចារ្យ​ ច្បាប់​នៅ​សាកល​វិទ្យាល័យ​មួយ លើការអនុវត្តសាលក្រម ឬសាលដីកាស្ថាពរ​លើករណីសំណុំ​រឿងព្រហ្មទណ្ឌ​របស់​លោក សម រង្ស៊ី ប្រធានគណបក្ស​សង្រ្គោះជាតិ។
សូមជម្រាប​ថាកាលពីថ្ងៃទី១៣ ខែវិច្ឆិកា ឆ្នាំ២០១៥ សាលាដំបូងរាជ​ធានីភ្នំពេញបានចេញដីកា​បង្គាប់​ឱ្យចាប់ ខ្លួនលោក សម រង្ស៊ី ដោយអនុវត្តទៅ​តាមសាលក្រម​និងសាលដីការបស់តុលា​ការ ពាក់ព័ន្ធនឹង​បទ បរិហាកេរ្តិ៍ជាសា​ធារណៈ និងញុះញង់ឱ្យមាន​ការរើសអើង ដែលមានលោកឧប​នាយករដ្ឋមន្រ្តី ហោ ណាំហុង​ជាជនរងគ្រោះ ដែល​បាន​ប្រព្រឹត្តនៅសារៈមន្ទីរ​ជើងឯក សង្កាត់ដង្កោ ខណ្ឌដង្កោ រាជធានីភ្នំពេញ កាល​ពីថ្ងៃទី១៧ ខែមេសា ឆ្នាំ​២០០៨ ដោយបានចោទប្រកាន់​លោក ហោ ណាំហុង ថាជាប្រធាន​ជំរុំ​បឹងត្របែក​នៅក្នុងសម័យខ្មែរ​ក្រហម។

លោកមេធាវី អឿន សុខា បានបញ្ជាក់ឱ្យដឹ​ងថាការអនុវត្ត​សាលក្រម ឬសាល​ដីកាស្ថាពរ​មានបី​ប្រភេទ​គឺការអនុវត្តទោសដាក់ពន្ធ​ធនាគារ ការអនុវត្តទណ្ឌកម្មរ​ដ្ឋប្បវេណី និងការអនុវត្ត ទណ្ឌកម្មពិន័យ​ជា​ប្រាក់។ ចំពោះការអនុវត្តទោស​ដាក់ពន្ធធនាគារ យោងតាម​មាត្រា ៤៩៦ កថាខណ្ឌទី១ នៃក្រម​នីតិវិធី​ព្រហ្មទណ្ឌចែងថា ការអនុវត្ត​ទោស និងការបង្ខំដល់​រូបកាយត្រូវធ្វើតាម​គំនិតផ្តើមរបស់ អយ្យការ ក្នុង​ន័យ​នេះ​គឺព្រះរាជអាជ្ញា ជាអ្នកមានសមត្ថកិច្ចយកបញ្ញត្តិ​ពាក់ព័ន្ធនឹងការដាក់ទោស​ជាប់ពន្ធ ធនាគារ​ក្នុង​សាលក្រម ឬសាលដីកាព្រហ្មទណ្ឌទៅ​អនុវត្ត បានន័យថាព្រះរាជអាជ្ញាជាអ្នក​ទទួលខុសត្រូវ ក្នុងការ​ចាត់​វិធានការនាំខ្លួនជនជាប់ចោទ​មកដាក់ពន្ធធនាគារ ក្នុងករណីនៅក្រៅឃុំ។ ចំពោះការអ​នុវត្ត ទណ្ឌកម្ម​រដ្ឋប្បវេណី យោងតាមមា​ត្រា ៤៩៦ កថាខណ្ឌទី ២ នៃក្រមនីតិវិធីព្រហ្មទណ្ឌចែងថា ការអនុវត្ត ទណ្ឌកម្ម​រដ្ឋប្បវេណី ត្រូវតែធ្វើតាមគំនិតផ្តើមរបស់ដើ​មបណ្តឹងរដ្ឋប្បវេណី។ ចំពោះការអនុវត្តទណ្ឌកម្ម​ពិន័យ​ជាប្រាក់ យោងតាមមាត្រា ៤៩៨ នៃក្រមនីតិវិធី​ព្រហ្មទណ្ឌចែង​ថា ការប្រមូលប្រាក់ពិន័យ និងប្រាក់ ពន្ធនៃនីតិវិធី​ត្រូវធ្វើដោយភ្នាក់ងារ​រតនាគារ ក្រោមឱវាទ​របស់អយ្យការ។

លោកមេធាវីក៏បាន​បន្ថែមទៀតថា ការអនុវត្តសាលក្រម ឬសាលដី​កាស្ថាពរករណី​សំណុំរឿងព្រហ្មទណ្ឌ ត្រូវធ្វើឡើងនៅ​ពេលដែលសេចក្តីសម្រេច​របស់តុលាការបាន​ក្លាយជាស្ថាពរ ដូចមាន​ចែងកំណត់ច្បាស់ នៅក្នុងមាត្រា ៤៩៧ នៃក្រមនីតិវិធី​ព្រហ្មទណ្ឌ។ ប៉ុន្តែនៅក្នុងមាត្រា ១៤៤ នៃក្រមព្រហ្មទណ្ឌដែល​បាន​ចែង​ពីអាជ្ញាយុកាលនៃទោសថា អាជ្ញាយុកាលនៃទោស​បទឧក្រិដ្ឋគឺមានរយៈពេល ២០ ឆ្នាំ បទមជ្ឈឹម គឺ៥ឆ្នាំ ចំណែក​បទលហុ​គឺ១ឆ្នាំ។
លោកមេធាវីក៏​បានបំភ្លឺផង​ដែរថា ចំពោះមតិខ្លះដែ​លលើកឡើ​ងថាសាលក្រម ឬសាល​ដីកាស្ថាពរ​ដែល សម្រេច​ផ្តន្ទាទោសព្រហ្មទណ្ឌ​មិនអាចអនុវត្ត​បានចំពោះ​តំណាងរាស្រ្តបើ​គ្មានការដកអភ័យឯកសិ​ទ្ធិសភា ជាមុននោះ ជាការមើលឃើញតែមួយជ្រុងនៃច្បាប់។ ប៉ុន្តែបើយោងតាមមាត្រា ៨០ និងមាត្រា ៩៥ នៃរដ្ឋ ធម្មនុញ្ញ សិក្សាឱ្យ​ស៊ីជម្រៅលើបញ្ហានី​តិវិធីព្រហ្មទណ្ឌនិងច្បាប់ដែលពាក់ព័​ន្ធតំណាងរា​ស្រ្ត ដូចជាច្បាប់ស្តី ពីលក្ខន្តិកៈតំណាងរាស្រ្ត ឆ្នាំ២០០៦ដែលចូ​លជាធរមាន បទបញ្ជាផ្ទៃក្នុង​រដ្ឋសភា យើងអាចមា​នចម្លើយ មួយច្បាស់លា​ស់ផ្សេងពីការលើ​កឡើងនោះ។ លោកមេធា​វីក៏បានធ្វើកា​រវិភាគវែកញែក ដោយបែងចែក នីតិវិធីព្រហ្ម​ទណ្ឌជា ២ដំណាក់កាល គឺដំណាក់​កាលជំនុំជម្រះ ចេញសា​លក្រម ឬសាលដីកា និងដំណាក់ កាលអនុវត្តសា​លក្រម ឬសាលដីកាតុលាការ ដែលបញ្ជាក់ថាការទាមទារឱ្យមា​នការដកអភ័យ​ឯក​សិទ្ធិ​សភា គឺអនុវត្តចំពោះ​តែដំណាក់កាលទី១នៃនី​តិវិធីប៉ុណ្ណោះ ដើម្បីទប់ស្កាត់កុំឱ្យមាន​ការកាត់សេចក្តីចេញ សាលក្រមដោយតុលាការ។ ប៉ុន្តែបើមានសា​លក្រម ឬសាល​ដីកាស្ថាពរផ្តន្ទាទោ​សហើយនោះ គឺតំណាង រាស្រ្តត្រូវបាត់ប​ង់សមាជិកភាពរដ្ឋសភា ឬត្រូវអស់សិទ្ធិជាតំណាងរាស្រ្ត។ ម្យ៉ាងវិញទៀត​ក្នុងករណីអ្នក តំណាងរាស្ត្របានប្រព្រឹត្តបទល្មើសជាក់ស្តែង ក៏អាច​ធ្វើឱ្យប្រាសចាកពី​សិទ្ធិតំណាងរាស្រ្ត នាំឱ្យបាត់សិទ្ធិ ជាតំណាងរាស្រ្ត​បានដែរ នេះបើយោ​ងតាមមាត្រា ៩៥ នៃ​រដ្ឋធម្មនុញ្ញ មាត្រា ៨៣ នៃបទបញ្ជាផ្ទៃក្នុងរដ្ឋ សភា និងមាត្រា ១៤ កថាខណ្ឌទី៣ នៃច្បាប់ស្តីពីលក្ខន្តិ​កៈតំណាងរាស្រ្ត។
ពាក់ព័ន្ធនឹងករណី​ចាប់ខ្លួ​នតំណាងរាស្រ្តណា​ម្នាក់ ដើម្បីយកមកអ​នុវត្តទោសនោះ លោកមេធាវីក៏បាន​បញ្ជាក់​ផងដែរថា ក្នុងករណីចាប់ខ្លួន​ឬនាំខ្លួនមកផ្តន្ទាទោសចេញសាលក្រម ឬ​សាលដីកាទើបត្រូវការកា​រ អនុញ្ញាតពីរដ្ឋសភា។ ប៉ុន្តែបើចាប់ខ្លួនដើម្បីយកមកអនុវត្តទោ​សតាមសាលក្រម ឬសាលដីកា​ស្ថាពរហើយ គឺមិនចាំបាច់មានការអនុញ្ញា​តពីរដ្ឋសភាទេ ព្រោះរដ្ឋសភាបាន​អនុញ្ញាតហើយនៅក្នុងច្បា​ស់ស្តីពីលក្ខន្តិកៈ តំណាងរាស្រ្ត ថ្ងៃទី២១ តុលា ២០០៦ ត្រង់មាត្រា១៤ កថាខណ្ឌទី៣ដែលចែងថា​ តំណាងរាស្រ្តដែ​ល​មានសាលក្រមស្ថាពរ ឬសាលដីកាស្ថាពរ សម្រេចថាជា​ទណ្ឌិតជាប់ពន្ធធនាគារ ត្រូវបាត់​បង់ទាំងស្រុងនូវ សិទ្ធិ បុព្វសិ​ទ្ធិ និងសមាជិកភាពរដ្ឋសភា៕

 អត្ថបទៈ តាំង ករុណា

ឯកអគ្គរាជទូត កម្ពុជាប្រចាំនៅប្រទេសឥណ្ឌា នឹងជួបពិភាក្សាការងារជាមួយក្រសួងវប្បធម៌ឥណ្ឌាពាក់ព័ន្ធនឹងការសាងសង់ប្រាសាទចម្លងតាមរចនាបថប្រាសាទអង្គរវត្ត

យោងតាម​លិខិតរបស់អ្នក​នាំពាក្យ ក្រសួងការបរទេស និងសហប្រតិបត្តិការអន្តរជាតិ

ឯកឧត្តម ជុំ សុន្ទរី នៅថ្ងៃទី១៧  ខែវិច្ឆិកា  ឆ្នាំ២០១៥នេះ ឯកអគ្គ​រាជទូត កម្ពុជាប្រចាំនៅប្រទេសឥណ្ឌា នឹងជួបពិភា​ក្សាការងារជាមួយ​លោកជំទាវ Monika K.Mohta លេខាធិការ (Additional Secretary) នៃក្រសួងការ​បរទេសឥណ្ឌា និងឯកឧត្តម Shri K.K. Mittal លេខាធិការ (Additional Secretary) នៃក្រសួងវប្ប​ធម៌ឥណ្ឌា ពាក់ព័ន្ធនឹងការសាងសង់​ប្រាសាទចម្លងតាមរចនាបថ​ប្រាសាទអង្គរវត្ត នៅរដ្ឋ Bihar ប្រទេសឥណ្ឌា ដែល មានចំណុចសំខាន់ៗដូចខាងក្រោម៖

១-  លោកជំទាវ Monika K.Mohta  លេខាធិការ ក្រសួងការបរទេស​ឥណ្ឌា បានលើកឡើងថា ៖

 រដ្ឋាភិបាលឥណ្ឌា នឹងទប់ស្កាត់​មិនអោយមានការសាងសង់ទេ ។  ក្រសួងការបរទេសឥណ្ឌា បានជំរាបក្រុមហ៊ុន The Mahavir Mandir Trust មិនអោយសាងសង់​ប្រាសាទចម្លងតាម​

រចនាបថ​ប្រាសាទអង្គរវត្ត ។ ក្រុមហ៊ុននេះ បានសន្យាថា នឹងមិនសាង​សង់ប្រាសាទចម្លងតាម

រចនាបថ​ប្រាសាទអង្គរវត្តទេ ប៉ុន្តែសុំសាងសង់ប្រាសាទមានរចនា​បថប្រាសាទឥណ្ឌា ហើយនឹងបញ្ជូនគំរោង​សាងសង់នេះទៅក្រសួងវប្បធម៌ និងក្រសួងការ​បរទេសឥណ្ឌា ដើម្បីស្នើសុំការសាងសង់។

២-  ឯកឧត្តម Shri K.K. Mittal  លេខាធិការក្រសួងវប្ប​ធម៌ឥណ្ឌា បានលើកឡើងថា៖

 ក្រសួងវប្បធម៌ឥណ្ឌា នឹងធ្វើការសិក្សា និងបញ្ជូនគំរោងថ្មីនេះ​ទៅក្រសួងការបរទេស ឥណ្ឌា។

អណ្តាតជាអាទិ៍កន្លង បានសុខទុក្ខផង ក៏ព្រោះអណ្តាត

បទអត្ថាធិប្បាយ​

ដោយ​៖ សួន ចំរើន​

អណ្តាត​ជាអាទិ៍កន្លង​ បាន​សុខទុក្ខ​ផង​ ក៏ព្រោះអណ្តាត​

ជំនឿអរូបីយ​ មិន​មែន​មាន​តែ​ប្រជាពលរដ្ឋ​កម្ពុជា​នោះ​ទេ​ ទាំង​ជាតិ​សាសន៍​អឺរុប​ និង​សាសន៍​ដទៃ​លើ​ពិភព​លោក ក៏​មាន​ជំនឿលើ​រឿង​អរូបីយ​នេះ​ដែរ​ ជាពិសេស​ប្រជាជន​បារាំង​តែ​ម្តង​ តែង​ជឿជាក់​ថា​នឹង​មាន​រឿង​មិនល្អ​​​កើត​ឡើង​​មក​លើ​ពួក​គេ​ នៅ​ថ្ងៃ​សុក្រ​ ទី​១៣​​ ដែល​ជាថ្ងៃ​ដ៏​អាក្រក់បំផុត​ប្រចាំឆ្នាំ​។​ ព្រឹត្តិការណ៍​បាញ់​​ប្រហារ និង​បំផ្ទុះគ្រាប់​បែក​​ដោយ​ក្រុម​ភេរវករ​ នៅ​ទីក្រុង​ប៉ារីស​​ កាល​ពី​យប់​ថ្ងៃ​សុក្រ ទី​១៣ ខែវិច្ឆិកានេះ​​​ បាន​បង្ក​ឲ្យ​មាន​មនុស្សស្លាប់​ និង​របួស​រាប់​រយ​នាក់​ ដែល​ធ្វើ​ឲ្យ​លោក​ប្រធានាធិបតី​បារាំង​ ហ្វ្រង់​ស័រ​ ហូឡង់​ ​បាន​ប្រកាស​ដាក់​ប្រទេស​ក្នុង​គ្រា​អាសន្ន​ និង​បិទ​ព្រំដែនជាមួយប្រទេសជិតខាង​ទាំង​អស់​​។​

ប្រហែល​ជាចំ​ថ្ងៃសយបំផុត​​ របស់​លោក សម រង្ស៊ី​ ដែរ​ហើយ​មើល​ទៅ​ ព្រោះ​លោក​ក៏​ជា​ជន​ជាតិ​​បារាំង​​ម្នាក់ដែរ​​​ ហើយ​ត្រូវ​បាន​តុលាការ​ ប្រកាស​ចាប់​ខ្លួន​ដាក់​ពន្ធ​នា​គារ​ ចំ​ថ្ងៃសុក្រ​ ទី១៣ ដែរ​។

​កាលពី​រសៀលថ្ងៃសុក្រ​ ទី​១៣ ខែ​វិច្ឆិ​កា ឆ្នាំ២០១៥​​ សាលាដំបូងរាជធានីភ្នំពេញ បាន​​​ចេញដី​កា​បង្គាប់ឲ្យចាប់​​ខ្លួនលោក សម​ រង្ស៊ី ពាក់ព័ន្ធនឹងបទ​ «បរិហាកេរ្តិ៍ជា​សាធារណៈ និងញុះញង់​ឲ្យ​មាន​ការរើសអើង»​ ដែលមានលោក ហោ ណាំហុង ជាដើម​បណ្តឹង​ដែល​សុំ​ឲ្យ​​តុលាការ​អនុវត្តសាលក្រម និងសាលដីកា ដែលលោកបានឈ្នះក្តីលើ លោក សម រង្ស៊ី ដែលប្រព្រឹត្ត​​នៅ​សារមន្ទីរ​ជើងឯក​ សង្កាត់ដង្កោ ខណ្ឌដង្កោ រាជធានីភ្នំពេញ កាលពីថ្ងៃទី១៧ ខែមេសា ឆ្នាំ២០០៨ ​ហើយ​ដែល​នៅ​ក្នុង​សាលដីកាស្ថាពរនោះ តុលាការបានសម្រេចផ្តន្ទាទោសលោក សម​ រ​ង្ស៊ី ដាក់​ពន្ធនាគារ​រយៈពេល​ ២ឆ្នាំ និង​ពិន័យ​ជា​ប្រាក់​ចំនួន ៨លានរៀល។​

បើ​ពិនិត្យ​មើល​អង្គហេតុ​នៃ​រឿង​នេះ​ វា​ពិត​ជា​បទល្មើសព្រហ្មទណ្ឌដែល​កើត​ឡើង​ រវាង​បុគ្គល​ និង​​បុគ្គល​សុទ្ធសាធ​ គឺ​មិន​មែន​ជារឿង​ដែល​ទាក់​ទង​ជាមួយ​​សមាជិក​រាជរដ្ឋាភិបាល​ ឬ​ជាមួយ​អ្នក​តំណាង​រាស្ត្រ​អីនោះ​ទេ​។ ​អ្នក​នយោបាយ​ខ្លះ​បែរ​ជាមានមតិយល់​ថា ករណី​តុលាការ​ចេញ​ដីកា​ចាប់​ខ្លួន​លោក សម រង្ស៊ី​ នៅ​ពេល​នេះ​គឺ​ជារឿង​នយោបាយ​​ទៅ​វិញ​។ តាម​ពិត​នេះ​គឺ​ជារឿង​ក្តី​ដែល​កើត​ឡើង​តាំង​ពីឆ្នាំ​២០០៨ មុន​ពេល​ដែល​លោក សម រង្ស៊ី​ មិន​ទាន់​ក្លាយ​ជា​តំណាង​រាស្ត្រ​ ដែល​មាន​អភ័យ​ឯកសិទ្ធិសភា​ទៅទៀត។ ដូច្នេះ​ការចេញ​ដីកាបង្គាប់ឲ្យ​ចាប់​ខ្លួន​នេះ​​គឺ​មិន​មាន​ការ​ប៉ះ​ពាល់ទៅ​ដល់​អ្នក​តំណាង​រាស្ត្រ​ ​ឬប៉ះពាល់​ដល់​អភ័យឯកសិទ្ធិ​តំណាងរាស្ត្រ​អីនោះទេ​។​ ​អ្នក​នយោបាយ​​ខ្លះទៀតក៏យល់ដែរ​ថា ​លោក​ សម រង្ស៊ី​ បាន​ទទួល​ការ​លើក​លែង​ទោស​ដោយ​ព្រះ​រាជ​ក្រឹត្យ​របស់​ព្រះ​មហាក្សត្រ​​រួចអស់​ហើយ​ដែរ​ ​ប៉ុន្តែ​ តាមពិត​វាជាការ​យល់​ខុស​ ដោយ​មិន​បាន​ពិនិត្យ​មើល​អត្ថន័យ និង​ខ្លឹមសារ​នៃ​​ព្រះរាជក្រឹត្យ​ឲ្យ​បាន​​ល្អិតល្អន់​។

ការ​ដែល​មាន​ព្រះរាជក្រឹត្យ​លើក​លែង​ទោស​លោក​ សម រង្ស៊ី​​ កាល​ពី​ថ្ងៃទី​១២ ខែ​កក្កដា​ ឆ្នាំ២០១៣ គឺ​បាន​បញ្ជាក់​ថា​ «លើក​លែង​ទោស​ឲ្យ​ទណ្ឌិត​ឈ្មោះ​​​ សម រង្ស៊ី​ ភេទប្រុស​ អាយុ៦២ឆ្នាំ​ ដែល​ត្រូវ​តុលាការ​សម្រេច​ផ្តន្ទាទោស​​ដាក់​ពន្ធនា​គារ​ តាមអំ​ណាច​​​សាលដីកា​លេខ​៣២ ចុះថ្ងៃទី១ ខែមីនា​ ឆ្នាំ២០១១ របស់​តុលាការ​កំពូល​​​​ ​ដែល​នេះ​​​គឺ​ជា​ព្រះរាជក្រឹត្យ​​​​លើក​លែង​ទោស​សម្រាប់​បទល្មើស​មួយករណី​ និង​​មាន​ការ​លើក​លែង​ទោស​មួយ​ករណី​ទៀត​ តាម​អំណាច​សាលដីកា​ស្ថាពរ​ដែរ ​លេខ​៨៤ ក្រ៣ឃ ចុះថ្ងៃ​ទី​២០ ខែកញ្ញា​ ឆ្នាំ២០១១ របស់​សាលាឧទ្ធរណ៍​​»​។ នេះមាន​ន័យថា​ ព្រះរាជក្រឹត្យ​លើកលែង​​ទោសរបស់​ព្រះមហាក្សត្រ គឺ​រួម​បញ្ចូល​បទល្មើស​​តែ​ពីរ​ករណី​ប៉ុណ្ណោះ​ ដែល​​ទណ្ឌិត​ សម រង្ស៊ី​ បាន​ប្រព្រឹត្តិ​  គឺ​មិន​រាប់​បញ្ចូល​នូវ​បទល្មើស​ទាំង​អស់​នោះទេ​។

ចំណែក​សំណុំ​រឿង​ ដែល​បាន​តតាំង​គ្នា​ជាចុងក្រោយ​នៅឆ្នាំ​២០០៨ រវាង​​លោក ហោ ណាំហុង និង​​​លោក សម រង្ស៊ី នៅ​សាលាឧទ្ធរណ៍ គឺជាសំណុំរឿងព្រហ្មទណ្ឌមួយផ្សេងទៀត ដែល​លោក ហោ ណាំហុង​ ជាភាគីអ្នកឈ្នះក្តី​ តាម​សាលដីកាចុះ​ថ្ងៃទី១២ ខែមីនា​ ឆ្នាំ​២០១៣ មក​ម្ល៉េះ​ រហូត​ដល់​សាលក្រម​នេះ​បាន​ចូល​ជាស្ថាពរ​។ ដូច្នេះហើយ​​ទើប​សាលដីកា​នេះ​ នៅតែ​មាន​អាជ្ញាយុកាល​អនុវត្ត​មក​ដល់​ពេល​នេះ​។ ដោយមិនទាន់​បាន​អនុវត្ត​​សាល​ដីកា​ស្ថាពរ​នេះនៅឡើយ​​​ ទើបមេធាវី​របស់លោក ហោ ណាំហុង​​ បានស្នើសុំ ដែលនាំឲ្យមានដីកាបង្គាប់ឲ្យចាប់ខ្លួនលោក សម រង្ស៊ី​នៅ​ថ្ងៃ​សុក្រ ទី១៣ ​នេះដូច្នេះ​។​​

តើ​ការ​ចេញ​ដីកា​ចាប់​ខ្លួន​ ទណ្ឌិត សម រង្ស៊ី​ នៅពេល​នេះ​ គឺ​ជារឿង​ខុសនីតិវិធី​ច្បាប់​ ដោយ​​មិន​បាន​​ដក​អភ័យ​ឯកសិទ្ធិសភា ​ជាមុន​ ឬយ៉ាង​ណា?​

យោង​មាត្រា​១៤​នៃ​ច្បាប់​ស្តី​ពី​លក្ខន្តិកៈ​របស់​សមាជិក​សភា​​​ បាន​ចែងច្បាស់​​ថា​ «តំណាង​រាស្ត្រ​ ដែល​​មាន​សាល​ក្រម​ស្ថាពរ​ ឬសាល​ដីកា​ស្ថាពរ​ សម្រេច​​ថា​​ជាទណ្ឌិតជាប់​ពន្ធនាគារ​ ត្រូវ​បាត់​បង់​ទាំង​ស្រុង​នូវ​សិទ្ធិ​ ​បុព្វ​សិទ្ធិ​​​ និង​​សមាជិកភាព​ជា​សមាជិក​រដ្ឋសភា​»។

បើ​តាម​អ្នក​ជំនាញ​​ច្បាប់​បាន​បកស្រាយ​ថា​ ករណីចេញដីកាបង្គាប់ឲ្យចាប់ខ្លួនលោក សម​ រ​ង្ស៊ី របស់តុលាការ គឺជាដែនសមត្ថកិច្ចរបស់ស្ថាប័នតុលាការ ចំណែក​ពាក់ព័ន្ធ​នឹងករណី​ការពារ​​អភ័យ​​ឯកសិទិ្ធ​​​របស់​ លោក សម​ រង្ស៊ី គឺជាដែន​សមត្ថកិច្ច​ការពារ​ពីសំណាក់​រដ្ឋសភា ព្រោះ​​លោក សម​ រង្ស៊ី បាន​ប្រព្រឹត្តបទល្មើសបរិហារកេរ្តិ៍ និងញុះញង់ឲ្យមានការរើសអើង ពី​សំណាក់​បណ្តឹង​របស់​លោក​​ ហោ ណាំហុង កាលពីឆ្នាំ២០០៨ ហើយ​ជា​បទល្មើស​ព្រហ្មទណ្ឌ មិនមាន​ជាប់ពាក់ព័ន្ធ​នឹង​រឿង​នយោបាយ​នោះ​​ទេ។​​ ​ករណីដែល​​តុលាការ​ចេញ​ដីកា​ចាប់ខ្លួន នៅថ្ងៃទី១៣ ខែវិច្ឆិកា នេះ គឺជានីតិវិធីបន្តរបស់តុលាការ តាមការស្នើសុំរបស់គូភាគីប៉ុណ្ណោះ។​

ផ្អែក​តាម​ច្បាប់​លក្ខន្តិកៈរបស់​តំណាង​រាស្ត្រ​ និង​នីតិវិធី​​​របស់​តុលាការ​ ដែលបាន​ចែង​ច្បាស់​នោះ​ សមត្ថកិច្ច​ពិត​ជាអាច​ចាប់​ខ្លួន​ទណ្ឌិត​ សម រង្ស៊ី បាន​ដោយ​រលូន​ ប្រសិន​បើ​លោក សម រង្ស៊ី​ ពិត​ជានឹង​ត្រឡប់​មក​ពី​ក្រៅស្រុក​វិញ​នៅថ្ងៃទី១៦​ ខែវិច្ឆិកា​​មែននោះ​។

រួមសេចក្តីមក រឿងរ៉ាវដែលបង្កើតជាគ្រោះសម្រាប់លោក សម រង្ស៊ី នៅពេលនេះ គឺវាបានកើតឡើងដោយ​សារតែអណ្តាត អត់ឆ្អឹង និងមាត់អត់គម្រប់របស់លោក សម រង្ស៊ី ខ្លួនឯងតែប៉ុណ្ណោះ៕​​

លោក សម រង្ស៊ី ត្រូវបាត់បង់ទាំងស្រុងនូវសិទ្ធិ បុព្វសិទ្ធិ និងសមាជិកភាពជាសមាជិករដ្ឋសភា មណ្ឌលខេត្តកំពង់ចាម នីតិកាលទី៥

នៅព្រឹកថ្ងៃទី១៦ ខែវិច្ឆិកា ឆ្នាំ២០១៥ នេះ រដ្ឋសភាកម្ពុជាបានបើកកិច្ចប្រជុំគណៈកម្មការធិការអចិន្រ្តៃយ៍ រដ្ឋសភា ដោយក្នុងនោះមានរបៀបវារៈដូចជា៖ ១. ពិនិត្យសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់ គ្រងឆ្នាំ២០១៦ ២. សេចក្តីព្រាងច្បាប់ស្តីពីស្ថិតិ និង ៣. សេចក្តីព្រាងច្បាប់ស្តីពីទូរគមនាគមន៍។ ជា​ពិសេស​របៀបវារៈអំពី ការពិនិត្យរបាយការណ៍ស្តីពីសំណុំរឿងពាក់ព័ន្ធនឹងការអនុវត្តន៍ទោសទៅលើទណ្ឌិត ឈ្មោះ សម រង្ស៊ី។

បន្ទាប់ពីបានបើកកិច្ចប្រជុំ រដ្ឋសភានៃព្រះរាជាណាចក្រកម្ពុជា បានចេញសេចក្តីប្រកាសដោយ​យោង​តាមមាត្រា ១៤ នៃច្បាប់ស្តីពីលក្ខន្តិកៈតំណាងរាស្រ្ត មាត្រា ១៣៩ នៃច្បាប់ស្តីពីការបោះឆ្នោត​ជ្រើស​​រើសតំណាងរាស្រ្ត ដោយបានឃើញសាលក្រមព្រហ្មទណ្ឌលេខ ៨៩ (ច) ចុះថ្ងៃទី១៣ ខែ​តុលា ឆ្នាំ​២០១៣ និងសាលដីកាស្ថាពរលេខ ១៧ ក្រ៥.ប ចុះថ្ងៃទី១២ ខែមីនា ឆ្នាំ២០១៣ របស់​សាលា​ឧទ្ធរណ៍។

នៅក្នុងប្រការ១ នៃសេចក្តីប្រកាសនេះបានឱ្យដឹងថា ឯកឧត្តម សម រង្ស៊ី ត្រូវបាត់បង់នូវសិទ្ធិ បុព្វសិទ្ធិ និង សមាជិកភាពរដ្ឋសភា មណ្ឌលខេត្តកំពង់ចាម នីតិកាលទី៥។

ដោយយោងតាមសេចក្តីប្រកាសនោះផងដែរ រដ្ឋសភាក៏បានណែនាំឱ្យអគ្គលេខាធិការ នៃអគ្គលេខា​ធិការ​ដ្ឋានរដ្ឋសភា ត្រូវទទួលអនុវត្តនិងបិទផ្សាយសេចក្តីប្រកាសនេះក្នុងរដ្ឋសភា និងផ្សព្វផ្សាយជាសាធារណៈ​ឱ្យបានទូលំទូលាយ។

យោងតាមសេចក្តីប្រកាសព័ត៌មាននេះ សាធារណជន បានដឹងយ៉ាងច្បាស់ថា ការអនុវត្តចំណាត់ការផ្លូវ ច្បាប់ណាមួយ ទៅលើលោក សម រង្ស៊ី ដូចជាករណីមានការចាប់ខ្លួនជាដើម គឺជាការធ្វើឡើងត្រឹមត្រូវតាម នីតិវិធី គឺចាប់ខ្លួនទណ្ឌិត សម រង្ស៊ី ដែលជាការអនុវត្តតាមអំណាចសាលដីកាស្ថាពរ មិនមែនជាការចាប់ ខ្លួនអ្នកតំណាងរាស្រ្តដូចមជ្ឍដ្ឋានមួយចំនួនបកស្រាយប្រាសចាកពីការពិតនោះឡើយ៕

អត្ថបទៈ តាំង ករុណា

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធជនជាតិបារាំង ដែលស្លាប់ដោយ ភេរវកម្ម

កាលពីម៉ោង ១0:00 ថ្ងៃទី១៦ ខែវិច្ឆិកា ឆ្នាំ២០១៥ព្រឹកមិញនេះ សម្តេចតេជោ ហ៊ុន សែន បានអញ្ជើញចូលរួមរំលែកទុក្ខជាមួយរដ្ឋាភិបាល និងប្រជាពលរដ្ឋបារាំង នៅស្ថានទូតបារាំងប្រចាំទីក្រុងភ្នំពេញ។ យោងតាមសាររំលែកទុក្ខសរសេរដោយផ្ទាល់ដៃរបស់សម្តេចតេជោ

ហ៊ុន សែន មានខ្លឹមសារដូចតទៅ៖

ប្រទេសកម្ពុជា សុំថ្កោលទោសយ៉ាងខ្លាំងក្លាបំផុតចំពោះការវាយប្រហារភេរវកម្មដ៏គូរអោយស្អប់ខ្ពើមនៅទីកន្លែងជាច្រើននៃទីក្រុងប៉ារីស នាថ្ងៃសុក្រ ទី ១៣ ខែ វិច្ឆិកា ឆ្នាំ ២០១៥ ដែលបានបង្កអោយជនជាតិបារាំងស្លូតត្រង់ បានបាត់បង់ជីវិត និងរបួសជាច្រើនរយនាក់។  នៅក្នុង

កាលៈទេសៈ នៃការកាន់មរណទុក្ខនៃការឈឺចាប់នេះ ក្នុងនាមរាជរដ្ឋាភិបាល និងប្រជាជន

កម្ពុជាខ្ញុំសូមចូលរួមរំលែកទុក្ខ យ៉ាងក្រៀមក្រំបំផុតដល់ក្រុមគ្រួសារជនរងគ្រោះ និងសូមសំដែងនូវសាមគ្គីភាព និងសមានចិត្តដ៏ជ្រាលជ្រៅជាមួយ និងរដ្ឋាភិបាលនិងប្រជាជនបារាំង។

កម្ពុជាគឺឈរជាមួយពលរដ្ឋ និងរដ្ឋាភិបាលបារាំងព្រមទាំងជាមួយប្រទេសដទៃៗទៀត ដើម្បីទប់ស្កាត់និងឈានទៅបំបាត់ទាំងស្រុងនូវអំពើភេរវកម្មគ្រប់ប្រភេទដែលប្រឆាំងនិងមនុស្ស

ជាតិ។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាសម្តែងនូវសមានចិត្តក្រៀមក្រំ ចំពោះជនរងគ្រោះដោយអំពើភេរវកម្មក្នុងពេលថ្មីៗនេះ

នៅព្រឹកថ្ងៃទី១៦ ខែវិច្ឆិកា ឆ្នាំ២០១៥ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ ក្រហមកម្ពុជា បានដឹកនាំគណៈប្រតិភូកាកបាទក្រហមកម្ពុជា អញ្ជើញទៅគោរពវិញ្ញាណក្ខន្ធ​ប្រជាពលរដ្ឋ​បារាំង និងក្រុមគ្រួសារជន​រងគ្រោះទាំងអស់ ​ដែល​បាន​ស្លាប់ដោយសារ អំពើវាយប្រហារដ៏​ឃោរឃៅបំផុត​របស់ភេរវករ នៅទីក្រុងប៉ារីសប្រទេសបារាំង កាល​ពី​ថ្ងៃទី១៣ខែវិច្ឆិកាឆ្នាំ២០១៥ នៅស្ថានទូតបារាំងប្រចាំ​ព្រះរាជា​ណា​ចក្រ​កម្ពុជា។
នៅចំពោះមុខ លោក ហ្សង់-ក្លូដពាំបឺហ្វ ឯកអគ្គរដ្ឋទូតនៃសាធារណរដ្ឋបារាំងប្រចាំកម្ពុជា សម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុន សែន បានសម្តែងក្តីរន្ធត់ កត់ស្លុតឥតឧបមា ក្រោមពីទទួល បានព័ត៌មាន មហា រន្ធត់នេះ។
នៅក្នុងឱកាសនោះផងដែរ សម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា ក៏បានថ្កោលទោស យ៉ាង​ខ្លាំងក្លាបំផុត ចំពោះការ​វាយ​ប្រហារ​ដ៏ឃោរឃៅ និងអមនុស្សធម៌បំផុតបង្កដោយក្រុមភេរវករ។ សម្តេច​ប្រធានកាកបាទក្រហមកម្ពុជា បានថ្លែង និងសូមចូលរួមរំលែកទុក្ខយ៉ាងក្រៀមក្រំបំផុត ជាមួយ​ប្រជាពលរដ្ឋបារាំង និងក្រុម​គ្រួសារ​ជន​រងគ្រោះទាំងអស់ ដោយអំពើវាយប្រហារ ដ៏ឃោរឃៅបំផុតនេះ ដែលបានធ្វើឱ្យមនុស្សបាត់បង់ជីវិត និង​របួសជាច្រើនរយនាក់ទៀត៕

បទវិភាគ ដំបៅមិនឈឺ យកឈើរុក