Cambodia News

Monday, June 9, 2014

ទស្សនៈ (មេដឹកនាំគណបក្សប្រឆាំង មិនត្រូវបដិសេធការពិត)

អ្នកនយោបាយគួរមានសេចក្តីក្លាហាន ត្រូវហ៊ានទទួលស្គាល់ការពិតនូវទង្វើរបស់ខ្លួនចំពោះមុខប្រជាពលរដ្ឋ និងដាច់ខាតត្រូវតែទ្រាំទ្រអោយបាននឹងពាក្យរិះគន់ត្រឡប់វិញ ឬក៏សកម្មភាពប្រឆាំងណាមួយរបស់ប្រជាពលរដ្ឋនៅពេលដែលអ្នកនយោបាយមិនបានបំពេញបំណងរបស់ពួកគាត់ និងសូមកុំចាត់ទុក ប្រជាពលរដ្ឋគ្រាន់តែជាកម្លាំងគាំទ្រក្រុមខ្លួនគ្រប់ពេលវេលា ក្នុងខណៈដែលអ្នកនយោបាយមិនបានរួមចំណែកក្នុងការលើកកម្ពស់ជីវភាពរស់នៅរបស់ពួកគាត់។

យ៉ាងណាមិញ កម្លាំងប្រជាពលរដ្ឋ នឹងមិនអត់ឱនអោយជាដាច់ខាត បើសកម្មភាពរបស់អ្នកនយោបាយ កាន់តែដើរឆ្ងាយពីផ្លូវច្បាប់ និងពោរពេញទៅដោយចេតនាបង្កភាពចលាចលសង្គម និងចាត់ទុកប្រជាពលរដ្ឋជាបាវបំរើរបស់ខ្លួនដាច់ថ្លៃ។ ក្នុងន័យនេះ មេដឹកនាំគណបក្សប្រឆាំង បាន និងកំពុងជួបនូវឧបសគ្គដ៏ធ្ងន់ធ្ងរដោយការមិនយល់ពីគោលបំណងនៃការរស់នៅប្រចាំថ្ងៃរបស់ប្រជាពលរដ្ឋ ។ ហេតុការណ៍ដែលបានកើតឡើងនៅតំបន់អន្លុងវែង ខេត្តឧត្តរមានជ័យ និងនៅប៉ៃលិន គឺជាភស្តុតាងបង្ហាញប្រាប់ថា ប្រជាពលរដ្ឋពិតជាមិនត្រូវការភាពរំខាន គ្រប់ពេលវេលាពីក្រុមអ្នកនយោបាយក្បាលរឹង នៃគណបក្សសង្គ្រោះជាតិ ដែលនិយមយកការជេរប្រមាថ កាតទានមកលើរាជរដ្ឋាភិបាល ជាពិសេសមកលើគណបក្សប្រជាជនកម្ពុជា ថា ល្មមដល់ពេលភ្ញាក់ខ្លួន ហើយក៏សូមកុំជោរនឹងការធ្វើឬកពារជាអ្នកប្រឆាំងគ្រប់កាលៈទេសៈ រហូតយកការប្រឆាំង និងភាពបះបោរធ្វើជាមុខរបរដើម្បីបន្តអាជីពនយោបាយនោះ ។

ម៉្យាងវិញទៀត ការចោទប្រកាន់មកលើប្រជាពលរដ្ឋថា ជាក្រុមខ្មែរក្រហមពីមុន មានចរិតឃោរឃៅ នឹងទទួលបញ្ជាពីគណបក្សប្រជាជនកម្ពុជា វារឹតតែធ្វើអោយសកម្មភាពនយោបាយរបស់គណបក្សសង្គ្រោះជាតិ ពិបាកក្នុងការចុះទៅធ្វើសកម្មភាពជាថ្មីនៅលើទឹកដីនោះម្តងទៀត គឺអាចប្រឈមនឹងកំហឹងរបស់ប្រជាពលរដ្ឋអត់ទ្រាំលែងបាន។

មេដឹកនាំគណបក្សសង្គ្រោះជាតិត្រូវតែដឹងអោយច្បាស់ថា « អ្នកមានសិទ្ធិនិយាយ ប៉ុន្តែ អ្នកគ្មានសិទ្ធិបង្ខំអោយប្រជាពលរដ្ឋត្រូវតែគាំទ្រពួកខ្លួនទាំងងងឹតងងុលនោះឡើយ»។ ប្រជាពលរដ្ឋ មានសិទ្ធិពេញទីក្នុងការប្រឆាំងនឹងសកម្មភាពព្រហើនរបស់អស់លោកអ្នក ហើយពួកគាត់ក៏មានសិទ្ធិប្រកាសគាំទ្រថ្នាក់ដឹកនាំណាដែលពួកគាត់ពេញចិត្ត។សូមកុំប្រែក្លាយការគាំទ្ររបស់គាត់ចំពោះអ្នកណាម្នាក់ ថា អ្នកនោះ ឬគណបក្សនោះបញ្ជាឬ ទិញទឹកចិត្តគាត់។

បើពិនិត្យលើទិដ្ឋភាពជាក់ស្តែង ប្រជាពលរដ្ឋរាប់រយ ពាន់នាក់ ដែលដង្ហែរក្បួនប្រឆាំងនឹងវត្តមាន សម រង្ស៊ី កឹម សុខា គឺកើតចេញពីឆន្ទៈពិតប្រាកដរបស់ពួកគាត់ គ្មានការទិញដូរទេ សមដូចពាក្យរបស់ក្រុមបក្សប្រឆាំងតែងតែនិយាយថា ពលរដ្ឋសព្វថ្ងៃមានសិទ្ធិគ្រប់គ្រាន់ មិនអាចមានអ្នកណាម្នាក់ទិញទឹកចិត្តពួកគាត់បានឡើយ។

ល្បែងបោកប្រាស់របស់បក្សប្រឆាំង នឹងត្រូវអស់ជំនឿ ( ការភូតកុហកថា សម្តេចតេជោ ឈឺធ្ងន់ជាព័ត៌មានបំភ្លៃ)

ជំនួបសម្តេចតេជោ ជាមួយលោក ចូចយីវ ប្រធានក្រុមហ៊ុន
Kerry logisticsព្រឹកថ្ងៃទី៩ មិថុនា ឆ្នាំ២០១៤
នៅវិមានសន្តិភាព

មិនដូចអ្វីដែលបានលើកឡើងតាមបណ្តាញផ្សព្វផ្សាយសង្គមមួយចំនួនរបស់ក្រុមបក្សប្រឆាំង ដែលបានបំផុសនោះទេ ការពិតសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា លោកមានសុខភាពល្អធម្មតា និងរឹងមាំបំផុត បើទោះជាសម្តេច ស្ថិតក្នុងវ័យ៦៣ឆ្នាំហើយក៏ដោយ។

ក្រុមបក្សប្រឆាំងគួរតែមានការខ្មាសអៀនខ្លះផង ដែលខំបំប៉ោងព័ត៌មានអំពីការឈឺធ្ងន់របស់សម្តេចតេជោ ហ៊ុន សែន និងថា ត្រូវបានគេដឹកយកទៅសង្គ្រោះបន្ទាន់នៅប្រទេសសឹង្ហបុរី ហើយគេបំពុលព័ត៌មានទៀតថា នៅពេលនេះ កូនចៅទាំងអស់របស់សម្តេចកំពុងប្រញ៉ាប់ប្រញាល់ធ្វើដំណើរទៅសឹង្ហបុរី ដើម្បីអោយទាន់ដង្ហើម។

ប៉ុន្តែ ការប្រឌិតព័ត៌មាននោះ បានត្រូវសាប អស់ឥទ្ធិពល ដោយសារនៅព្រឹកនេះ ថ្ងៃទី៩ ខែមិថុនា ឆ្នាំ២០១៤ នៅវិមានសន្តិភាព សម្តេចតេជោ ហ៊ុន សែន បានបង្ហាញវត្តមាន ក្នុងជំនួបសំដែងការគួរសមជាមួយលោក ចូច យីវ ប្រធានក្រុមហ៊ុន Kerry logistics របស់សឹង្ហបុរី ហើយដែលត្រូវបានលោក អ៊ាង សុផល្លែត ជំនួយការផ្ទាល់ សម្តេចតេជោ បានឲ្យដឹងនៅក្រោយជំនួបនោះថា ក្រុមហ៊ុន Kerry Logistic បច្ចុប្បន្ន មានទីស្នាក់ការនៅ ទីក្រុងហុងកុង និងមាន ទីតាំងនៅក្នុងប្រទេសជាច្រើនទៀតផង។

សម្តេចតេជោ ហ៊ុន សែន បានមានប្រសាសន៍ថា កម្ពុជាកន្លង មកធ្លាប់ជាប្រទេស ទទួលជំនួយ តែពេលនេះកម្ពុជាពុំដូច្នោះទេ គឺកម្ពុជា កំពុងតែ បោះជំហានទៅមុខលើ វិស័យពាណិជ្ជកម្ម និងបែរមុខទៅប្រទេស ក្រៅក្នុងការ ពង្រីកពាណិជ្ជកម្ម ដែលបញ្ហាភស្តុភារ គឺជាបញ្ហាមួយដែល ត្រូវលើកមក ពិភាក្សាក្នុងប្រធាន បទរកំណែទម្រង់សេដ្ឋកិច្ចកម្ពុជាយើង ដែលបំរើអោយសេដ្ឋកិច្ច កម្ពុជាផង និងក្នុងតំបន់ផង ហើយជារបៀប សេដ្ឋកិច្ចថ្មីមួយ និងជានយោបាយ ក្នុងការអនុវត្ត ដោយ សារក្រុមហ៊ុននេះតែម្តង ។

លោក ចូច យីវ បានគោរពជំរាបជូនសម្តេចតេជោ នាយករដ្ឋមន្ត្រីថា នេះជាលើក ទីបីហើយ ដែលលោកបានមកកាន់ប្រទេសកម្ពុជា នៅក្នុងឆ្នាំនេះ ដោយ លោកបានឃើញ ការអភិវឌ្ឍរបស់កម្ពុជាគួរជាទីមោទនៈ ដែលនេះជាដំណាក់កាលមួយរបស់កម្ពុជាដោយពោរពេញ នៃភាពរស់រវើកនៃដំណើរ ការរបស់កម្ពុជា លោក បានបញ្ជាក់ថា បើប្រៀបធៀប ទៅនឹងទស្សវត្ត៩០នោះ គឺពេលនេះ មានការផ្លាស់ប្តូគួរជាទីពេញចិត្ត ជាពិសេសលោកចូច យីវបានជួប ជាមួយជនជាតិសឹង្ហបុរីជាច្រើន ដែលមកវិនិយោគនៅកម្ពុជា រឺដំណើរកំសាន្តនៅកម្ពុជា ការចូលរួមក្នុង អង្គការ ក្រៅរដ្ឋាភិបាលផង ហើយពលរដ្ឋសឹង្ហបុរីបានពោលពាក្យសរសើរដល់កម្ពុជា។ ក្រៅពីនេះ លោកចូច យីវ ប្រធានក្រុមហ៊ុន Kerry logistics របស់សឹង្ហបុរី ក៏បានសំដែង នូវចំណាប់អារម្មណ៍ចំពោះសក្តានុពល សេដ្ឋកិច្ច របស់កម្ពុជា លើវិស័យដឹកជញ្ជូន ក្នុងនោះ លោកបាន គោរពជំរាប សម្តេចតេជោនាយករដ្ឋមន្រ្តីថា ការធ្វើដំណើររបស់លោក មកកាន់ កម្ពុជានាពេលនេះ មានបំណងចង់ បើកក្រុមហ៊ុន Kerry Logistic នៅក្នុងតំបន់សេដ្ឋកិច្ចពិសេសរបស់កម្ពុជាយើង ដោយសំឡឹងឃើញថា កម្ពុជាមានសក្តានុពលខ្ពស់ រីឯហេដ្ឋារចនាសម្ព័ន្ធ ក៏មានភាពល្អ ប្រសើរផងដែរ ដូច្នេះក្រុមហ៊ុនមានបំណង បើកឃ្លាំងស្តុកទំនិញ នៅតំបន់សេដ្ឋកិច្ច ពិសេសដើម្បី ចែកចាយទូទាំង ប្រទេស និងក្នុងតំបន់ ហើយសំរាប់ ជាកន្លែង ដើម្បីឆ្លង កាត់ទំនិញតាមផ្លូវគោក ផងដែរ ។

ម៉្យាងវិញទៀត តាមព័ត៌មានច្បាស់ការមួយបានអោយដឹងថា នៅវេលាម៉ោង ៧និង៣០នាទីព្រឹក ថ្ងៃឣង្គារ ទី១០ ខែមិថុនា ឆ្នាំ២០១៤ស្អែក នេះ សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រី នៃព្រះរាជាណាចក្រកម្ពុជា នឹងឣញ្ជើញ ចុះសួរសុខទុក្ខជនពិការ ៣១៧ តំបន់ កោះស្លា ស្ថិតក្នុងភូមិតេជោឣភិវឌ្ឍន៍ ឃុំតេជោឣភិវឌ្ឍន៍ ស្រុក ឈូក ខេត្តកំពត ។

ដូច្នេះ តាមរយៈជំនួបខាងលើនេះ និងព័ត៌មានសម្រាប់ថ្ងៃស្អែក វាសមល្មម និងគ្រប់គ្រាន់ហើយ សម្រាប់ខ្ទប់មាត់សម្អុយរបស់ពួកក្រុមបក្សប្រឆាំង ដែលពី១ថ្ងៃទៅ១ថ្ងៃ បន់អោយតែប្រមុខដឹកនាំប្រទេសឆាប់ស្លាប់ ដើម្បីពួកគេងាយស្រួលក្នុងការបង្កគ្រោះភ័យដល់សង្គមជាតិ ប៉ុន្តែ សូមអស់លោកក្រុមអ្នកប្រឆាំង គាប្បីគិតពិចារណាថា « មួយជីវិតនេះ សម្តេចតេជោមិនមែនជាសត្រូវរបស់អស់លោកអ្នកទេ» សូមអស់លោកកុំប្រកាសធ្វើជាសត្រូវជាមួយសម្តេចតេជោ ។ ការស្លាប់បាត់បង់អាយុជីវិត គឺជាកាលបរិច្ឆេទចុងក្រោយនៃបេសកកម្មក្នុងពេលនៅរស់ ដូច្នេះ សម្តេចតេជោ ហ៊ុន សែន គឺជាអ្នកមានគុណធំធេងណាស់ចំពោះជាតិ មាតុភូមិ គឺមិនងាយទៅណាចោលប្រជាពលរដ្ឋរបស់សម្តេចឡើយ។ សូមមេដឹកនាំបក្សប្រឆាំងបញ្ចប់នូវភាពសុបិន្តទាំងកណ្តាលថ្ងៃនោះទៅ៕

BY: Cambodia News

សម រង្ស៊ី និងកឹម សុខា មិនដឹងថា ខ្លួនឯងអន់ បែរជាច្រឡោតខឹងនឹងប្រជាពលរដ្ឋ និងចោទថា គណបក្សប្រជាជនអនុវត្តយុទ្ធសាស្ត្រ « ប្រើពួកខ្មែរក្រហមដើម្បីបំបាក់ដៃគូប្រកួត»

មេដឹកនាំបក្សប្រឆាំងច្រឡោតខឹងប្រជាពលរដ្ឋខេត្តឧត្តមានជ័យ
ដែលបានរារាំងពួកគេមិនអោយជួបជុំគ្នា(រូបភាពសន្និសីតកាសែត)

បើយោងតាមសម្តីរបស់មេដឹកនាំបក្សប្រឆាំង សម រង្ស៊ី និងកឹម សុខា ក្នុងសន្និសីទកាសែត នៅព្រឹកថ្ងៃទី៩ មិថុនា ឆ្នាំ២០១៤ នៅចក្រអង្រែលើ បន្ទាប់ពីបរាជ័យមិនអាចធ្វើសកម្មភាពជួបជុំគ្នាបាននៅខេត្តឧត្តរមានជ័យ កាលពីថ្ងៃទី៨ ខែមិថុនា ឆ្នាំ២០១៤ ដោយសារប្រជាពលរដ្ឋស្អប់ខ្ពើមចរិតនិយាយមួលបង្កាច់ និងការបង្កជំលោះមិនចេះចប់មិនចេះហើយ ដោយគណបក្សប្រឆាំង លោកសម រង្ស៊ី បាននិយាយថា ការរារាំងមិនអោយចូលតំបន់អន្លង់វែង គឺមានការរៀបចំទុកជាមុន ក្នុងន័យចោទមកលើប្រជាពលរដ្ឋទាំងនោះថា ធ្វើសកម្មភាពក្រោមបញ្ជាពីគណបក្សប្រជាជនកម្ពុជា។ ប៉ុន្តែ សម រង្ស៊ី ភ្លេចគិតថា ខ្លួនដើរជេរគេបាន ប្រជាពលរដ្ឋក៏មានសិទ្ធិមិនស្តាប់ និងមិនស្វាគមន៍អ្នកវិញដែរ នៅពេលសកម្មភាពញុះញង់របស់មេដឹកនាំគណបក្សប្រឆាំងធ្វើជ្រុលហួសហេតុពេក។

ជាងនេះទៅទៀត វារិតតែអាក្រក់បំផុតដែល លោក ប៉ុល ហំម តំណាងរាស្ត្រគណបក្សសង្គ្រោះជាតិប្រើសម្តីប្រមាថមាក់ងាយមកលើប្រជាពលរដ្ឋដែលប្រឆាំងពួកខ្លួនថា បានអនុវត្តទង្វើដូចកាលពួកខ្លួន (ប្រជាពលរដ្ឋ)នៅជាក្រុមខ្មែរក្រហមក្នុងអតីតកាល។ ហើយបានចាត់ទុកការដកហូតសម្ភារៈមួយចំនួពីលោក ប៉ុល ហំម និងក្រុមការងារថា ជាអំពើប្លន់ និងគំរាមកំហែង និងប្រមាថលើថ្នាក់ដឹកនាំពួកគេដែលបានទទួលសន្លឹកឆ្នោត។ ក្នុងនោះដែរលោកកឹម សុខា បាននិយាយថា នេះជាការប៉ុនប៉ងដល់អាយុជីវិតមេដឹកនាំគណបក្សសង្គ្រោះជាតិ។

មិនត្រឹមតែប៉ុណ្ណោះ សម រង្ស៊ី ថែមទាំងបានចោទប្រកាន់មកលើគណបក្សប្រជាជនកម្ពុជាថា អស់ក្បួនលេងហើយ លេងតាមក្បួនខ្មែរក្រហមម្តង និងថា ការរារាំងនោះ ជាការរៀបចំ របស់ ពួកផ្តាច់ការ។គោលដៅចង់កំចាត់មេដឹកនាំគណបក្សសង្គ្រោះជាតិ។ លោកសម រង្ស៊ី ក៏បានចោទប្រកាន់ផងដែរថា បំណងរបស់យើងចង់ចរចារកដំណោះស្រាយ ដោះស្រាយភាពទាល់ច្រក។ រដ្ឋាភិបាលចេញមកពីសភាឯកបក្ស និងបានអួតខ្លួនឯងថាជាអ្នក ខិតខំរកដំណោះស្រាយនិងចោទថាព្រឹត្តការណ៍ចុងក្រោយជាការទាល់ច្រករបស់គណបក្សប្រជាជនកម្ពុជា។

ប៉ុន្តែ ការពិត ប្រជាពលរដ្ឋបានដឹងច្បាស់ណាស់ថា មេដឹកនាំគណបក្សប្រឆាំង ទាំង សម រង្ស៊ី និង កឹម សុខា គឺគ្មានសុឆន្ទៈក្នុងការចរចារកដំណោះស្រាយទេ ពីព្រោះកន្លងមកគណបក្សប្រជាជនកម្ពុជាបានបើកទ្វាចរចា និងឈានដល់ការព្រមព្រៀងគ្នាជាច្រើនដងមកហើយ ប៉ុន្តែ បញ្ហាពិត ប្រាកដ គឺ សម រង្ស៊ី និង កឹម សុខា មិនព្រមត្រូវរ៉ូវគ្នាដោយម្នាក់ៗទាមទារតែដំណែងខ្ពស់ៗ និងអាងខ្លួនគេទាំងពីរនាក់មានលុយ និងសល់ទ្រព្យសម្បត្តិច្រើន ទើបមិនខ្វល់ នឹងការចូលសភា ដែលទ្រព្យសម្បត្តិទាំងអស់នោះពួកគេមានបានដោយសារតែបណ្តាប្រទេសមួយចំនួនលួចជួយផ្តល់អោយដោយស្ងាត់ស្ងៀម ដើម្បីរុញសកម្មភាពធ្វើបាតុកម្មប្រឆាំងជាមួយរាជរដ្ឋាភិបាល ដោយមិនខ្វល់អំពីទុកលំបាករបស់រាជរដ្ឋាភិបាលក្នុងការរក្សាសន្តិសុខ សណ្តាប់ធ្នាប់សង្គមម្តងណាឡើយ។

ដូច្នេះ ក្នុងបញ្ហាទាំងអស់នេះ មានតែប្រជាពលរដ្ឋខ្មែរម្ចាស់ឆ្នោតប៉ុណ្ណោះដែលជាអ្នកវិនិច្ឆ័យ អំពីអត្តៈចរិកពិតប្រាកដរបស់មេដឹកនាំគណបក្សប្រឆាំង តើពួកអស់លោកទាំងនោះបានធ្វើអ្វីខ្លះដើម្បីការអភិវឌ្ឍន៍ និងរក្សាបាននូវសុខសន្តិភាពជូនប្រជាពលរដ្ឋ? បើពួកគេម៉្ងៃៗ គិតតែពីការដើរជេរ និងចោទប្រកាន់មកលើរាជរដ្ឋាភិបាលឥតឈប់ឈរយ៉ាងនេះ។

By: Cambodia News

ប្រជាពលរដ្ឋនៅខេត្តប៉ៃលិន ដង្ហែរជាក្បួនប្រឆាំង សម រង្ស៊ី កឹម សុខា

ប្រជាពលរដ្ឋនៅប៉ៃលិន ប្រឆាំង សម រង្ស៊ី កឹម សុខា
ព្រឹកថ្ងៃទី៩ ខែមិថុនា ឆ្នាំ២០១៤

ដោយមើលឃើញពីសកម្មភាពដើរឃោសនា បោកប្រាស់ប្រជាពលរដ្ឋ ដោយពុំមានជំហរច្បាស់លាស់ គឺមានតែការញុះញង់ ដុតបញ្ឆេះកំហឹង និងបំផ្លាញសន្តិសុខជាតិស្ទើរគ្រប់ទីកន្លែង ទាំងក្នុង និងក្រៅប្រទេស នៅព្រឹកថ្ងៃទី៩ ខែមិថុនា ឆ្នាំ២០១៤ ប្រជាពលរដ្ឋនៅខេត្តប៉ៃលិនប្រមាណ១០០០នាក់ បាននាំគ្នាកាន់បដា និងស្រែកប្រឆាំងតាមផ្លូវ ក្រោមពាក្យថា « យើងមិនត្រូវការ សម រង្ស៊ី កឹម សុខា មានវត្តមាននៅលើទឹកដីខេត្តប៉ៃលិន " ព្រមជាមួយអត្ថន័យផ្សេងៗទៀត ដែលប្រជាពលរដ្ឋខេត្តប៉ៃលិនជាង១០០០ នាក់បានបន្លឺឡើង អមដោយបដារាប់រយផ្ទាំង ក្នុងក្បួនមួយដែលប្រជាពលរដ្ឋបានហែរក្នុងទីប្រជុំជនក្រុងប៉ៃលិន ក្នុងការប្រឆាំងមេបក្សប្រឆាំងទាំងពីរ នៅលើទឹកដីខេត្តប៉ៃលិន។
បដាមួយចំនួនបានសរសេរថា « ប្រជាពលរដ្ឋខេត្តប៉ៃលិន ត្រូវការតែសម្តេច ហ៊ុន សែន១គត់» មានសម្តេច ហ៊ុន សែន មានសុខសន្តិភាពជារៀងរហូត។

សកម្មភាពប្រឆាំងតវ៉ាបែបនេះ ជាសញ្ញាមួយបង្ហាញថា ពួកគាត់មិនត្រូវការ ការរំខានដល់ទីកន្លែងដែលពួកគាត់រស់នៅទេ ពួកគាត់ត្រូវការសន្តិភាព និងមិនមានការបង្កជំលោះ នាំអោយមានការបែកបាក់ឯកភាពជាតិទៀតឡើយ។ ខ្មែរធ្លាប់ប្រឈមនឹងសង្គ្រាមឆ្អែតឆ្អន់ហើយ។

ការប្រឆាំងបែបនេះ អាចនឹងរីកផុលផុសនៅគ្រប់ខេត្តក្រុងក្នុងព្រះរាជាណាចក្រកម្ពុជា។

ក្រោយការកើតនូវការប្រឆាំងតវ៉ាទៅលើក្រុមមេដឹកនាំគណបក្សប្រឆាំង នៅព្រឹកថ្ងៃទី៩ ខែមិថុនា ឆ្នាំ២០១៤នេះ មេដឹកនាំគណបក្សសង្គ្រោះជាតិបានធ្វើសន្និសីទកាសែតនៅឯទីស្នាក់ការគណបក្សសង្គ្រោះជាតិ សង្កាត់ចាក់អង្រែលើ ដោយបានចោទដោយគ្មានមូលដ្ឋានថា សកម្មភាពប្រឆាំងមកលើការជួបជុំរបស់បក្សប្រឆាំង គឺរាជរដ្ឋាភិបាល និងគណបក្សប្រជាជនកម្ពុជា ជាអ្នករៀបចំបង្កើតឡើងទៅវិញ តែបក្សប្រឆាំងភ្លេចគិតថា ពេលទៅបោកប្រាស់គេ គេមិនមាត់ ថាគេគាំទ្រ ដល់ពេលគេប្រឆាំងថា ប្រជាពលរដ្ឋត្រូវបានគេញុះញង់។

By: Cambodia News

ការដើរហែរក្បួនប្រឆាំង កឹម សុខា និង សម រង្ស៊ី របស់ប្រជាពលរដ្ឋនៅប៉ៃលិន

សម្តេចតេជោហ៊ុន សែន ទូលថ្វាយព្រះករុណាថា “ទ្វារនៅតែចំហរ” សម្រាប់ការចរចា ជាមួយគណបក្សសង្គ្រោះជាតិ

សម្តេចតេជោ ហ៊ុន សែន នាយករដ្ឋមន្ត្រី
នៃព្រះរាជាណាចក្រកម្ពុជា

សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងអះអាងថា គណបក្សប្រជា

ជនកម្ពុជា នៅតែរក្សាទ្វាចរចានៅចំហរដដែល ជាមួយគណបក្សប្រឆាំង (គណបក្សសង្រ្គោះជាតិ) នេះបើយោងតាមទីភ្នាក់ងារព័ត៌មានចិន ស៊ិនហួរ រាយការណ៍ឱ្យដឹងនៅថ្ងៃសៅរ៍ទី៧ ខែមិថុនា ឆ្នាំ២០១៤ទីភ្នាក់ងារនេះបានដកស្រង់សេចក្តីរាយការណ៍របស់ទូរទស្សន៍ជាតិកម្ពុជា (TVK) ឱ្យដឹងថា សម្តេចតេជោ បានមានប្រសាសន៍ទូលថ្វាយព្រះមហាក្សត្រកម្ពុជា សម្តេចព្រះបរមនាថ នរោត្តម សីហមុនី កាលពីថ្ងៃសុក្រសប្តាហ៍មុន នៅព្រះបរមរាជវាំង គ្រាដែលសម្តេចដឹកនំាសមាជិករាជរដ្ឋាភិបាលចូលគាល់ព្រះមហាក្សត្រ ។

សម្តេចតេជោ បានមានប្រសាសន៍ ទូលថ្វាយព្រះរាជា ថា “គណបក្សប្រជាជនកម្ពុជា បន្តបើកទ្វាររបស់ខ្លួន សម្រាប់ការចរចាជាមួយគណបក្សប្រឆាំង ដើម្បីរកដំណោះស្រាយនយោបាយក្នុងស្មារតីឯកភាពជាតិ និងការបង្រួបបង្រួមជាតិ ដោយគោរពគោលការណ៍លទ្ធិប្រជាធិបតេយ្យនិងនីតិរដ្ឋ”។

ជាមួយគ្នានេះដែរ សម្តេចអគ្គមហាសេនាបតីតេជោ ហ៊ុន សែន បានគូសបញ្ជាក់សារជាថ្មីដោយម៉ឺងម៉ាត់ថា “រាជរដ្ឋាភិបាលកម្ពុជា ប្តេជ្ញាការពាររបបរាជានិយម”។

ការថ្លែងការណ៍កត់សម្គាល់បែបនេះ ត្រូវបានធ្វើឡើងបន្ទាប់ពីប្រធានគណបក្សសង្រ្គោះជាតិ លោក សម រង្ស៊ី បានអំពាវនាវសារជាថ្មី កាលពីសប្តាហ៍មុន ឱ្យមានការផ្តើមការចរចាឡើងវិញជាមួយCPP ជុំវិញការខ្វែងគំនិតគ្នាក្រោយការបោះឆ្នោតកាលពីឆ្នាំមុន។

លោក សម រង្ស៊ី បានថ្លែងនៅក្នុងសន្និសីទកាសែតមួយកាលពីពេលថ្មីៗនេះនៅទីស្នាក់ការគណបក្សសង្រ្គោះជាតិថា « មានតែការចរចាតែមួយគត់ ភាគីទាំងពីរ នឹងនាំទៅរកការបញ្ចប់ជម្លោះនយោបាយបច្ចុប្បន្ន»។

ម៉ម សូណង់ដូ រិះគន់ សម រង្ស៊ី និង កឹម សុខា ថាគ្មានជំហរច្បាស់លាស់ និងសកម្មភាពប្រឆាំងសព្វថ្ងៃធ្វើដើម្បីល្អមើល

លោក ម៉ម សូណង់ដូ រិះគន់មេដឹកនាំគណបក្សប្រឆាំង

យោងតាមកិច្ចសម្ភាសន៍ជាមួយThmeythmey.com កាលពីថ្ងៃទី ៨ ខែមិថុនា ឆ្នាំ២០១៤ ប្រធានសមាគមអ្នកប្រជាធិបតេយ្យ និងជាម្ចាស់ស្ថានីយ៍វិទ្យុសំបុកឃ្មុំ ដែលគេដឹងថា មាននិន្នាការគាំទ្រគណបក្សប្រឆាំងតាំងពីយូរយាណាស់មកហើយនោះ លោក ម៉ម សូណង់ដូ បានរិះគន់ដោយឥតសំចៃមាត់ និងការបញ្ជាក់ពីការអស់ជំនឿចិត្តទាំងស្រុងចំពោះ មេដឹកនាំបក្សប្រឆាំងលោក សម រង្ស៊ី នឹងលោក កឹម សុខា ដែលត្រូវបានលោក ម៉ម សូណង់ដូ ចាត់ទុកថា មេដឹកនាំបក្សប្រឆាំងទាំងពីររូបនោះ មិនមានគោលជំហរច្បាស់លាស់ក្នុងការទាមទាររកយុត្តិធម៌ជូនម្ចាស់ឆ្នោត។

លោក ម៉ម សូណង់ដូ បានរិះគន់ថា ទង្វើរបស់ លោក សម រង្ស៊ី និងកឹម សុខា បច្ចុប្បន្ន ពិតជាមិនអាចរកយុត្តិធម៌ជូនម្ចាស់ឆ្នោតបានឡើយ។

ចំណុចមួយចំនួនដែលលោកម៉ម សូណង់ដូ ថា លោកមិនពេញចិត្តនឹងសកម្មភាពរបស់មេបក្សប្រឆាំងទាំងពីរ?

ទី១‑ គឺទាក់ទងនឹងជំហរមិនច្បាស់លាស់រឿងដូរគ.ជ.ប និងទី ២‑ ពាក់ព័ន្ធនឹងការបោះឆ្នោតមុនអាណត្តិ។ លោក សូណង់ដូ និយាយថា ខ្ញុំគិតថា ផ្អែកតាមសម្មភាព លោកធំទាំងពីរនឹងមិនអាចធ្វើបានតាមការសន្យារបស់ខ្លួនជាមួយប្រជាពលរដ្ឋនោះទេ ព្រោះជំហរពួកគាត់ទន់ណាស់ ហើយគ្មានប្រាកដត្រង់ណា។ ពីមុនមកនិយាយជាមួយម្ចាស់ឆ្នោតថា ត្រូវតែរកយុត្តិធម៌ជូនពលរដ្ឋ ឲ្យបានជាមុនឲ្យបានជាដាច់ខាត តែក្រោយមកទៅនិយាយជាមួយលោក ហ៊ុន សែន ចង់បានដំណែងប្រធានរដ្ឋសភា ថែមទាំងនិយាយថា គ្មាននរណាឈ្នះ អ្នកណាចាញ់ទៀត។ បច្ចុប្បន្ន ចេះតែធ្វើឲ្យល្អមើល បោកពលរដ្ឋតែប៉ុណ្ណោះ តាមពិតទៅទន់ល្អក់ រកតែដើរចូលសភាទេ តែខ្លាចពលរដ្ឋអន់ចិត្ត ព្រោះធ្វើអ្វីអត់កើត( និយាយហើយ លោក ម៉ម សូណង់ដូ សើច ប្រមាណ ៣០ វិនាទី)។

ឆ្លើយទៅនឹងសំនួររបស់Thmeythmey ដែលសួរថា ចុះប្រសិនបើលោក ជាមេដឹកនាំគណបក្សប្រឆាំងវិញ លោកធ្វើដូចម្តេច?

លោក ម៉ម សូណង់ដូ៖ បើខ្ញុំវិញ ជំហររបស់ខ្ញុំត្រូវតែរឹងប៉ឹង ច្បាស់ មិនអាចទន់ជ្រាយបានទេ ពោលគឺទាមទារឲ្យបោះឆ្នោតមុនអាណត្តិ ដូរគ.ជ.ប ត្រូវតែធ្វើឲ្យបាន។ បើចរចាគ្នាមិនត្រូវ គឺដឹកនាំពលរដ្ឋធ្វើបាតុកម្មទាល់តែ បានជោគជ័យ ហើយខ្ញុំធ្លាប់និយាយហើយថា បើម៉ម សូណង់ដូ ដឹកនាំធ្វើបាតុកម្ម ម៉ម សូណង់ដូ ត្រូវដើរមុខគេ ហើយត្រៀមក្តារម្ឈូសទុក។ ព្រោះយើងចង់រកយុត្តិធម៌ជូនពលរដ្ឋ។ មិនមែនដូចរបៀបលោកធំទាំងពីរ កឹម សុខា សម រង្ស៊ី ខ្លាច រកតែរត់រួចខ្លួន។ និយាយដល់ចំណុចនឹងខ្ញុំនឹងឃើញដល់បន្ទូលរបស់ទ្រង់ រណឬទ្ធិ ដែលនិយាយកាលពីពេលថ្មីៗថា បើលោកជាមេគណបក្សសង្គ្រោះជាតិ លោកនឹងចូលសភា ព្រោះចរិតរបស់សម រង្ស៊ី នឹងកឹម សុខា មុននឹងក្រោយគង់តែចូលដដែលនឹង។ ខ្ញុំគាំទ្រគំនិតរបស់ទ្រង់ ព្រោះ រណឬទ្ធិ ស្គាល់ សម រង្ស៊ី កឹម សុខា ច្បាស់ ព្រោះទន់ដូចគ្នា និងគេប្រើបានដូចគ្នា។

ពេលនេះ ខ្ញុំអស់ជំនឿ ខ្ញុំគិតថា ជំហរបក្សប្រឆាំងមិនខុសពី ហ្វ៊ុន ស៊ិនប៉ិច ពីមុនឡើយ។

ប្រភព៖ ពីthmeythey.com

Friday, June 6, 2014

មន្ត្រីជាន់ខ្ពស់រាជរដ្ឋាភិបាល ឯកឧត្តម កែវ រ៉េមី ប្រតិកម្មទៅនឹងនយោបាយបោកប្រាស់ និងការដុតកំហឹងជាតិសាសន៍ របស់មេដឹកនាំគណបក្សសង្គ្រោះជាតិពាក់ព័ន្ធនឹងបញ្ហាខ្មែរក្រោម

ឯកឧត្តម កែវ រ៉េមី ថ្លែងក្នុងសន្និសីទកាសែត
នៅទីស្តីការគណៈរដ្ឋមន្ត្រី ថ្ងៃទី៦ មិថុនា ២០១៤

រាជរដ្ឋាភិបាល តាមរយៈឯកឧត្តម កែវ រ៉េមី រដ្ឋលេខាធិការ និងជាអនុប្រធានអង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី បានប្រកាសក្នុងសន្និសីទកាសែត នាព្រឹកថ្ងៃទី៦មិថុនាឆ្នាំ២០១៤នេះថា បើទោះបីជាពេលនេះ លោកសមរង្ស៊ី និងលោកកឹមសុខា មេដឹកនាំគណបក្សប្រឆាំង បាន និងកំពុងបន្តយុទ្ធនាការ ឃោសនាមួលបង្កាច់ មកលើរដ្ឋាភិបាល និងសម្តេចតេជោ ហ៊ុនសែន យ៉ាងណាក៏ដោយ ប៉ុន្តែ រាជរដ្ឋាភិបាល មិនទាន់ចាត់វិធានតាមផ្លូវច្បាប់ ប្តឹងប្រឆាំងលោកទាំងពីរនៅឡើយទេ ដោយទុកអោយប្រជាពលរដ្ឋជាអ្នកវិនិច្ឆ័យទៅចុះ។

នៅក្នុងសន្និសីទកាសែត នៅទីស្តីការគណៈរដ្ឋមន្ត្រី ឯកឧត្តម កែវ រ៉េមី បានច្រានចោលនូវការលើកឡើងរបស់លោកសមរង្ស៊ី និងលោកកឹមសុខា ពាក់ព័ន្ធនឹងការរិះគន់លើបញ្ហាព្រំដែន ដែលមេបក្សប្រឆាំង លើកឡើងថា រដ្ឋាភិបាល របស់សម្តេចហ៊ុនសែន អនុញ្ញាតឲ្យប្រទេសវៀតណាម រំកិលព្រំដែនស្រេចចិត្ត ចូលទឹកដីកម្ពុជា ដែលត្រូវបានឯកឧត្តម កែវ រ៉េមី អះអាងថា ជាការលើកឡើងខុសការពិត។ឯកឧត្តម បានពន្យល់ថា ផ្ទុយទៅវិញ ការបោះបង្គោលព្រំដែន ដើម្បីការពារទឹកដីកម្ពុជាប៉ុណ្ណោះ។ រដ្ឋាភិបាល ក្រោមការដឹកនាំរបស់សម្តេចហ៊ុនសែន បានបង្កើតគណៈកម្មការ ចរចាលើការបោះបង្គោលព្រំដែន ជាមួយវៀតណាម ហើយសម្តេចក៏បានបកស្រាយបំភ្លឺជាង ៥ ម៉ោង នៅក្នុងរដ្ឋសភារួចហើយ។ ទាំងនេះ គឺបង្ហាញពីការទទួលខុសត្រូវខ្ពស់បំផុតរបស់រាជរដ្ឋាភិបាលចំពោះបូរណភាពទឹកដី។ ឯកឧត្តម កែវ រ៉េមី ក៏បានបកស្រាយលើការលើកឡើងរបស់មេបក្សប្រឆាំង ដែលថា បើគណបក្សសង្គ្រោះជាតិ ឈ្នះឆ្នោត នោះនឹងឲ្យខ្មែរកម្ពុជាក្រោម ឆ្លងដែនចូលកម្ពុជា ដោយមិនចាំបាច់មានលិខិតឆ្លងដែន។ ប៉ុន្តែលោក កែវ រ៉េមី លើកឡើងថា ទឹកកម្ពុជាក្រោម សព្វថ្ងៃ ស្ថិតក្រោមការគ្រប់គ្រងរបស់ប្រទេសវៀតណាម។ រីឯរាជរដ្ឋាភិបាលកម្ពុជា បានប្រកាន់យកគោលនយោបាយរបស់ព្រះមហាវីរក្សត្រ សម្តេចព្រះ នរោត្តម សីហនុ ដោយចាត់ទុកប្រជាពលរដ្ឋខ្មែរកម្ពុជាក្រោម ជាជនជាតិខ្មែរ។ តែបើពលរដ្ឋខ្មែរកម្ពុជាក្រោម ឆ្លងដែនចូលមកកម្ពុជា ត្រូវតែមានលិខិតឆ្លងដែន បើមិនដូច្នោះទេ នាំឲ្យកើតមានការចេញចូល ទឹកដីកម្ពុជា ដោយអាណាធិបតេយ្យ។

ឯកឧត្តម ក៏បានបន្តច្រានចោលផងដែរនូវការលើកឡើងរបស់មេបក្សប្រឆាំងទាំងពីរ គឺលោកសម រង្ស៊ី និងលោកកឹម សុខា ដែលអះអាងថា វៀតណាម មានបំណងបំបាត់ពូជសាសន៍ខ្មែរ និងពាក្យដែលថា វៀតណាមជាអ្នកបញ្ជាដល់រដ្ឋាភិបាលគណបក្សប្រជាជនកម្ពុជា ឲ្យលុបចោលព្រះរាជពិធីបុណ្យអុំទូក ដោយវៀតណាមបញ្ជាមកលើរាជរដ្ឋាភិបាល ដើម្បីសម្លាប់ខ្មែរ នៅក្នុងឧបទ្ទវហេតុជាន់គ្នាស្លាប់នៅកោះពេជ្រ រួមទាំងការរឹតត្បិតលើការធ្វើបាតុកម្ម ជាដើមនោះ គឺត្រូវបានឯកឧត្តម កែវ រ៉េមី បានចាត់ទុកថា ការលើកឡើងរបស់លោកសមរង្ស៊ី និងលោកកឹមសុខា នៅក្នុងពិធីរម្លឹកខួបថ្ងៃបាត់បង់ទឹកដីខ្មែរកម្ពុជាក្រោម កាលពីថ្ងៃទី៤មិថុនា គឺជាការបំភ័ន្តមតិមហាជន ដោយគ្មានការពិត ហើយក៏ជាការមួលបង្កាច់លើសម្តេចតេជោ ហ៊ុនសែន និងរដ្ឋាភិបាលផងដែរ។ ប៉ុន្តែ ទោះជាយ៉ាងណាក៏ដោយ ឯកឧត្តម កែវ រ៉េមី បានគូសបញ្ជាក់ថា "រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា ព្រមទាំងសម្តេចហ៊ុនសែន មិនទាន់មានវិធានការផ្លូវច្បាប់ ប្រឆាំងមេបក្សប្រឆាំងទាំងពីរនោះទេ! ប៉ុន្តែ ឯកឧត្តម កែវ រ៉េមី បានសង្កត់ធ្ងន់ថា ការលើកឡើងរបស់មេដឹកនាំគណបក្សប្រឆាំងនៅវត្តសាមគ្គីរង្សី ពាក់ព័ន្ធនឹងបញ្ហាខ្មែរកម្ពុជាក្រោម បញ្ហាជនជាតិវៀតណាម និងការចោទប្រកាន់នានាមកលើរាជរដ្ឋាភិបាល គឺជានយោបាយបោកប្រាស់ និងដុតបញ្ឆេះកំហឹងជាតិសាសន៍តែប៉ុណ្ណោះ៕

By: Cambodia News

Thursday, June 5, 2014

សេចក្ដីប្រកាសព័ត៌មាន៖ ពិធីចុះហត្ថលេខាលើកិច្ចព្រមព្រៀង រវាងរដ្ឋាភិបាលកម្ពុជា និងរដ្ឋាភិបាលញីវហ្សឺឡែន (គម្រោងលើកស្ទួយបេតិកភណ្ឌសហគមន៍អង្គរ និងសេដ្ឋកិច្ច)

រាជរដ្ឋាភិបាលកម្ពុជា តាមរយៈអាជ្ញាធរអប្សរា និង រដ្ឋាភិបាល ញីវហ្សឺឡែន តាមរយៈក្រសួងការ បរទេស និងពាណិជ្ជកម្ម បានសម្រេចសហការគ្នាភាពជាដៃគូ ដើម្បីគ្រប់គ្រងឧទ្យានអង្គរ ដោយ ចីរភាព ដោយការពារបេតិកភណ្ឌ ព្រមទាំងផ្ដល់ការរីកចម្រើន សេដ្ឋកិច្ច និងធានាឲ្យបាននូវសន្ដិសុខស្បៀងជូនប្រជាជនដែល រស់នៅក្នុងឧទ្យានអង្គរ។

ឯកឧត្ដម ប៊ុន ណារិទ្ធ អគ្គនាយកអាជ្ញាធរអប្សរា និងលោក ប្រិន រ៉ាប់សុន តំណាងស្ថានទូត ញីវហ្សឺឡែនប្រចាំក្រុងបាងកក នឹងចុះហត្ថលេខាលើកិច្ចព្រមព្រៀងស្ដីពី {គម្រោងលើកស្ទួយ បេតិកភណ្ឌសហគមន៍អង្គរ និងសេដ្ឋកិច្ច} នៅថ្ងៃទី០៤ ខែមិថុនា ឆ្នាំ២០១៤ ក្នុងឳកាសកិច្ចប្រជុំគណៈកម្មការអន្តរជាតិសម្របសម្រួលការថែរក្សា និងអភិវឌ្ឍរមណីយដ្ឋានប្រវត្តិសាស្រ្តអង្គរ (ICC - Angkor)។

តាមពិតទៅគម្រោងថ្មីនេះ ជាគម្រោងសកម្មភាពបន្តពី { គម្រោងគ្រប់គ្រងធនធានធម្មជាតិអង្គរ និងលើកតម្កើងជីវភាព (APNRM & L) } ដែលបានអនុវត្តក្នុងរយៈពេល ៥ឆ្នាំ គឺពីឆ្នាំ២០០៩ ដល់ឆ្នាំ២០១៣ ក្នុង១០ភូមិ នៃឧទ្យានអង្គរ ដោយប្រើប្រាស់ថវិកាប្រមាណ ២លានដុល្លារអាមេរិក ហើយដែលទើបនឹងបានបញ្ចប់នាខែ កញ្ញា ឆ្នាំ២០១៣ កន្លងមកនេះ ដោយអ្នកបច្ចេកទេសប៉ាន់ តម្លៃ បានចាត់ទុកជាជោគជ័យយ៉ាងធំក្នុងការគ្រប់គ្រងបេតិកភណ្ឌ។

ចំណែកឯគម្រោងថ្មីនេះ មានថវិកាចំនួន ៣,៧៥៣,៣៤០ ដុល្លារអាមេរិក សម្រាប់រយៈពេល៥ឆ្នាំ គឺពីឆ្នាំ២០១៤ ដល់ឆ្នាំ២០១៩។

សកម្មភាពដែលបានគ្រោងទុក នឹងត្រូវអនុវត្តដោយយ៉ាងជិតស្និតជាមួយដៃគូជាច្រើន ដើម្បី បានទៅដល់គោលដៅ គឺ {ការគ្រប់គ្រងឧទ្យានអង្គរដោយចីរភាព ដោយការពារបេតិកភណ្ឌ ព្រមទាំងផ្ដល់ការរីកចម្រើនសេដ្ឋកិច្ច និងធានាបាននូវសន្តិសុខស្បៀងជូនប្រជាជន ដែលរស់នៅក្នុងឧទ្យានអង្គរ } ។

By: Cambodia News

កិច្ចប្រជុំបច្ចេកទេសលើកទី២៣របស់ គណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្រ្តអង្គរ

រូបភាពនៃកិច្ចប្រជុំនៅខេត្តសៀមរាប

យោងតាមការចុះផ្សាយនៅគេហទំព័រអង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី បានអោយដឹងថា កិច្ចប្រជុំបច្ចេកទេសលើកទី២៣របស់គណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្រ្តអង្គរ (ICC-Angkor) ត្រូវបានប្រារព្វធ្វើឡើងនៅក្រុងសៀមរាបព្រឹកថ្ងៃទី០៤ ខែមិថុនា ឆ្នាំ២០១៤ មានរយៈពេល២ថ្ងៃ ក្រោមអធិបតីភាព ឯកឧត្ដមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្រី្តទទួលបន្ទុកទីស្ដីការគណៈ រដ្ឋមន្រ្តី និងជា ប្រធានអាជ្ញាធរអប្សរា ឯកឧត្តម Romain Louvet ទីប្រឹក្សាស្ថានទូតបារាំងផ្នែកសហ ប្រតិបត្តិ ការណ៍ និងការងារវប្បធម៌ និងភាគីជប៉ុន ឯកឧត្តម Yoshihiro Higuchi រដ្ឋមន្រ្តី និងអនុប្រធានបេសកកម្ម ការទូ

១/ លោកបណ្ឌិត Pascal Royère ស្ថាបត្យករជាតិបារាំងបានចំណាយពេល១៦ឆ្នាំសម្រាប់គម្រោងជួសជុលប្រាសាទបាពួន

២/ លោកបណ្ឌិត Hyroyuki Suzuki អ្នកជំនាញអភិរក្សបេតិកភណ្ឌជាត់ជប៉ុន ជួយការងារអង្គរប្រចាំ ICC ១០ឆ្នាំ

៣/ លោកបណ្ឌិត Tsuyoshi Narita អ្នកជំនាញអភិរក្សបេតិកភណ្ឌជាត់ជប៉ុន ជួយ ការងារ អង្គរប្រចាំ ICC ជាង១០ឆ្នាំ។

កិច្ចប្រជុំលើកទី២៣នេះបានផ្តោតលើបញ្ហាសំខាន់មានដូចជា៖

· ពិនិត្យរបាយការណ៍ការងាររបស់ ICC ឆ្នាំ២០១៣

· ស្តាប់របាយការណ៍ការងាររបស់អាជ្ញាធរអប្សរា២០១៣

· ពិនិត្យរបាយការណ៍របស់ស្ថាប័នអន្តរជាតិ និងជាតិចំនួន១១គម្រោង ដែល បានអនុវត្តក្នុងឆ្នាំ២០១៣ ទាក់ទងនឹងការងារអភិរក្សរមណីយដ្ឋាន និងការដ្ឋានជួសជុលប្រាសាទរបស់អាជ្ញាធរអប្សរា ប្រទេសចិន ឥណ្ឌា បារាំង ជប៉ុន

· ស្តាប់របាយការណ៍របស់ស្ថាប័នជាតិ និងអន្តរជាតិទាក់ទងនឹងការងារស្រាវជា្រវបរិស្ថាន ថ្ម បុរាណវិទ្យា

· ការពិភាក្សាអំពីការបណ្ដុះបណ្តាលធនធានមនុស្ស

· កម្មវិធីស្រាវជ្រាវពីលំហអាកាសលើបញ្ហាបរិស្ថាន

· កម្មវិធីថត3D នៅអង្គរវត្ត

· កម្មវិធីស្រាវជ្រាវក្រុងអង្គរធំ កោះកេរ វិធីសាស្រ្តស្រាវជ្រាវកុលាលភាជន៍ និងសាសនា

· គម្រោងអភិវឌ្ឍន៍ប្រកបដោយចីរភាពនៅរមណីយដ្ឋានអង្គរ

· គម្រោងរៀបចំទីចំណត និងទទួលភ្ញៀវនៅអង្គរវត្ត បន្ទាយស្រី និងតាព្រហ្ម

· គម្រោងគ្រប់គ្រងទឹកនៅរមណីយដ្ឋានអង្គរ

· គម្រោងអភិវឌ្ឍន៍សហគមន៍

· គម្រោងអភិរក្សភ្នំគូលេន

· គម្រោងអភិវឌ្ឍន៍វិស័យទេសចរណ៍។

សូមរំលឹកថាគណៈកម្មការ (ICC) បានបង្កើតឡើងនៅឆ្នាំ១៩៩៣ក្រោយសនិ្នសីទអន្តរជាតិលើកទី១ស្តីពីអង្គរនៅទីក្រុងតូក្យូ ប្រទេសជប៉ុន តាមសំណូមពររបស់គណៈកម្មធិការ បេតិកភណ្ឌពិភពលោកពេលទទួលចុះអង្គរទៅក្នុងបញ្ជីបេតិកភណ្ឌពិភពលោក។ ការបង្កើត យន្តការអន្តរជាតិ ICC សម្រាប់អង្គរ ជាលក្ខខណ្ឌមួយក្នុងចំណោមលក្ខខណ្ឌទាំង៥ ដែល តម្រូវឲ្យអាជ្ញាធរកម្ពុជាបំពេញក្នុងរយៈពេល៣ឆ្នាំ(១៩៩៣-១៩៩៦)។

សមាជិកនៃ (ICC) មានចំនួន៣៧ប្រទេស មកពីទ្វីប៥ និងមានអង្គការអន្តរជាតិចំនួន១៣ទៀតចូលរួម ផងដែរ។ បណ្តាប្រទេសទាំងនោះមាន៖ ប្រទេសបារាំង អាល្លឺម៉ង់ អូស្ត្រាលី បែលហ្សិក ប៊្រុយណេ កម្ពុជា កាណាដា ដាណឺម៉ាក អេហ្ស៊ីប អេស្ប៉ាញ អាមេរិក រ៉ូស្ស៊ី ក្រិច ហុងគ្រី ឥណ្ឌា ឥណ្ឌូណេស៊ី អ៊ីតាលី ជប៉ុន ឡាវ លុចហ្សំបួរ ម៉ាឡេស៊ី ម៉ិចស៊ិច ន័រវែស នូវែលហ្សេឡង់ ហូឡង់ ហ្វីលីពីន ប៉ូឡូញ ចក្រភពអង់គ្លេស និងអៀរឡង់ខាងជើង សាធារណរដ្ឋកូរ៉េ ចិន សិង្ហបុរី សិរីលង្កា ស៊ុយអែត ស្វីស ថៃ ទុយណេស៊ី និងវៀតណាម។ ចំណែកអង្គការអន្តរជាតិមានដូចជា៖ សហភាពអឺរ៉ុប ធនាគារអភិវឌ្ឍន៍អាស៊ី អង្គការស្បៀងអាហារ និងកសិកម្ម អង្គការមូលនិធិរូបិយវត្ថុអន្តរជាតិ អង្គការអ៊ីក្រូម អង្គការអ៊ីកូម អង្គការអ៊ីកូម៉ូស អង្គការទេសចរណ៍អន្តរជាតិ អង្គការSEAMEO/SPAFA អង្គការយូណេស្កូ អង្គការយូអិនឌីភី អង្គការយូអិនវី និងមូលនិធិប្រាង្គប្រាសាទពិភពលោក (WMF) ។

· (ICC) គឺជាយន្តការអន្តរជាតិសម្របសម្រួលជំនួយដល់ជូនដោយបណ្តាប្រទេស និងអង្គការផ្សេងៗសម្រាប់ការអភិរក្ស និងអភិវឌ្ឍរមណីយដ្ឋានប្រវត្តិអង្គរ។

· (ICC) ជាវេទិការមួយដែលស្ថាបត្យករ វិស្វករ បុរាណវិទូ អ្នកស្រាវជ្រាវ និងអ្នកបច្ចេកទេសជំនាញផ្សេងៗគ្នាអាចផ្លាស់ប្តូរបទពិសោធន៍ និងទស្សនៈរបស់ពួកគេសម្រាប់ការអភិរក្ស និងការអភិវឌ្ឍនៃឧទ្យានអង្គរ។

· ភារកិច្ចសំខាន់របស់ (ICC) គឺ ស្រោចស្រង់ អភិរក្ស និងអភិវឌ្ឍប្រកបដោយចីរភាពនៅតំបន់រមណីយដ្ឋានសៀមរាប-អង្គរ។ ICC បានបញ្ចប់ដំណាក់កាលស្រោចស្រង់អង្គរហើយ ក្នុងរយៈពេល១០ឆ្នាំ (១៩៩៣-២០០៤)។ ដំណាក់កាលនេះគឺការអភិរក្ស និងអភិវឌ្ឍន៍ ប្រកបដោយចីរភាព(២០០៤-បច្ចុប្បន្ន)។ ICC រៀបចំកិច្ចប្រជុំរបស់ខ្លួនពីរដងក្នុង១ឆ្នាំ ម្តងជាមួយសមាជិក គឺកិច្ចប្រជុំពេញអង្គ និងម្តងទៀតគឺកិច្ចប្រជុំបច្ចេកទេស ។
តជប៉ុន ជាសហប្រធាននៃកិច្ចប្រជុំ ព្រមទាំងមានវត្តមានលោកស្រី ANNE LEMAISTRE នាយិការអង្គការយូណេស្កូប្រចាំកម្ពុជា និងមានវាគ្មិនតំណាងICC និងអ្នកបច្ចេកទេសស្រាវជ្រាវមកពីបណ្ដាប្រទេសលើពិភពលោកជាច្រើនរូបដែលពាក់ពន្ធ័ និងកិច្ចការការពារ អភិរក្សតំបន់អង្គរ។ កម្មវិធីដំបូងនៃកិច្ចប្រជុំលើកទី២៣នេះ គឺឧទ្ទិសដល់វិញ្ញាណក្ខន្ធរបស់អ្នកជំនាញការអន្តរជាតិបីរូបដែលបានចែកឋានទៅកាលពីពេលថ្មីៗ៖

By: Cambodia News