Wednesday, August 6, 2014
កសិករខេត្តព្រះសីហនុធ្វើស្រូវពង្រោះច្រើនជាងស្ទូង
AKP ភ្នំពេញ ថ្ងៃទី០៥ ខែសីហា ឆ្នាំ២០១៤—
រដូវវស្សា ឆ្នាំ២០១៤នេះ ប្រជាកសិករខេត្តព្រះសីហនុបានពេញនិយមធ្វើ ស្រូវពង្រោះច្រើនជាងស្រូវស្ទូងទៅវិញ ព្រោះស្រូវពង្រោះចំណាយពេលវេលា តិច ប៉ុន្តែទទួលបានទិន្នផលដូចស្រូវស្ទូងដែរ។
លោក សុក លី អនុប្រធានមន្ទីរកសិកម្ម រុក្ខាប្រមាញ់ និង នេសាទខេត្ត ព្រះសីហនុបានប្រាប់ AKP ថា នៅខេត្តព្រះសីហនុមានផ្ទៃដីធ្វើស្រែវស្សាចំនួន ១៦ ៥០០ហិកតា ក្នុងនោះស្រុកព្រៃនប់មានផ្ទៃដីច្រើនជាងគេគឺ១៣ ៩២៥ហិកតា ស្រុកកំពង់សិលាមាន២ ០៥០ហិកតា ស្រុកស្ទឹងហាវមាន៥០០ហិកតា និង ក្រុង ព្រះសីហនុមាន៥០ហិកតា ។ លើផ្ទៃដីធ្វើស្រែវស្សាទាំងអស់ កសិករបានអនុ វត្តន៍ដោយព្រោះស្រូវប្រមាណជាង ៩០% ក្រៅពីនោះគឺស្ទូងធម្មតា ។
លោកអនុប្រធានមន្ទីរកសិកម្មឲ្យដឹងថា មូលហេតុចម្បងដែលនាំឲ្យកសិ ករប្តូរទម្លាប់មកធ្វើស្រូវពង្រោះច្រើនជាងស្ទូងនោះ ក៏ដោយសារបញ្ហាខ្វះខាត កម្លាំងពលកម្ម ព្រោះយុវវ័យជាច្រើនដែលជាពលកម្មពេញកម្លាំងបាននាំគ្នាទៅ ធ្វើការនៅតាមរោងចក្រ និង ការដ្ឋាននានា ដែលទទួលបានផលឆាប់ជាងការធ្វើ ស្រែនេះ។
ប្រភេទពូជ ដែលប្រជាកសិករខេត្តព្រះសីហនុនិយមធ្វើជារៀងរាល់ឆ្នាំ បានចែកជាប្រភេទស្រូវធ្ងន់ ប្រើពូជឈ្មោះសទាប និង ហាយវិន ឯស្រូវកណ្តាល និង ស្រាលមានពូជផ្ការំដួល ផ្ការំដេង និង ផ្ការមៀត ។ ប្រភេទពូជទាំងនេះត្រូវ នឹងប្រភេទដីក្នុងស្រុកព្រៃនប់ ព្រោះដីស្រែទាំងអស់ជាប់សមុទ្រ បាំងដោយទំនប់ការពារទឹកប្រៃ ដែលបានសាងសង់ឡើងតាំងពីជំនាន់អាណានិគមបារាំង ដែលបច្ចុប្បន្នបានជួសជុល និង ប្រើប្រាស់ឡើងវិញដោយធម្មតា។
លោកអនុប្រធានមន្ទីរបានបញ្ជាក់ទៀតថា ទន្ទឹមនឹងបណ្តាខេត្តជាច្រើន ក្នុងប្រទេសកម្ពុជាមានទឹកជំនន់ធ្វើឲ្យលិចលង់ដីស្រែចម្ការ ផ្ទះសម្បែង នៅខេត្ត ព្រះសីហនុ មានភ្លៀងធ្លាក់ខ្លាំងរៀងរាល់ថ្ងៃ ប៉ុន្តែទឹកភ្លៀងមិនបង្កឲ្យមានទឹក ជំនន់ឡើយ ដោយសារទំនប់ការពារទឹកប្រៃមានទ្វារទឹកអាចបើក បញ្ចេញទឹក ភ្លៀងទម្លាក់ទៅសមុទ្រទាន់ពេលវេលា និង បិទទ្វារទឹកពេលណាទឹកពេញស្រែ ល្មមចិញ្ចឹមសន្ទូងបាន ។
ឆ្នាំ២០១៣កន្លងមកប្រជាកសិករស្រុកទាំង៤របស់ខេត្តព្រះសីហនុសម្រេចធ្វើស្រែវស្សាបាន១៦ ០០០ហិកតាដោយទទួលទិន្នផលបាន២,៩៥តោនក្នុងមួយ ហិកតា៕
ដោយ ស្វាយ កេតថាណា
កសិករខេត្តព្រះសីហនុធ្វើស្រូវពង្រោះច្រើនជាងស្ទូង
AKP ភ្នំពេញ ថ្ងៃទី០៥ ខែសីហា ឆ្នាំ២០១៤
រដូវវស្សា ឆ្នាំ២០១៤នេះ ប្រជាកសិករខេត្តព្រះសីហនុបានពេញនិយមធ្វើ ស្រូវពង្រោះច្រើនជាងស្រូវស្ទូងទៅវិញ ព្រោះស្រូវពង្រោះចំណាយពេលវេលា តិច ប៉ុន្តែទទួលបានទិន្នផលដូចស្រូវស្ទូងដែរ។
លោក សុក លី អនុប្រធានមន្ទីរកសិកម្ម រុក្ខាប្រមាញ់ និង នេសាទខេត្ត ព្រះសីហនុបានប្រាប់ AKP ថា នៅខេត្តព្រះសីហនុមានផ្ទៃដីធ្វើស្រែវស្សាចំនួន ១៦ ៥០០ហិកតា ក្នុងនោះស្រុកព្រៃនប់មានផ្ទៃដីច្រើនជាងគេគឺ១៣ ៩២៥ហិកតា ស្រុកកំពង់សិលាមាន២ ០៥០ហិកតា ស្រុកស្ទឹងហាវមាន៥០០ហិកតា និង ក្រុង ព្រះសីហនុមាន៥០ហិកតា ។ លើផ្ទៃដីធ្វើស្រែវស្សាទាំងអស់ កសិករបានអនុ វត្តន៍ដោយព្រោះស្រូវប្រមាណជាង ៩០% ក្រៅពីនោះគឺស្ទូងធម្មតា ។
លោកអនុប្រធានមន្ទីរកសិកម្មឲ្យដឹងថា មូលហេតុចម្បងដែលនាំឲ្យកសិ ករប្តូរទម្លាប់មកធ្វើស្រូវពង្រោះច្រើនជាងស្ទូងនោះ ក៏ដោយសារបញ្ហាខ្វះខាត កម្លាំងពលកម្ម ព្រោះយុវវ័យជាច្រើនដែលជាពលកម្មពេញកម្លាំងបាននាំគ្នាទៅ ធ្វើការនៅតាមរោងចក្រ និង ការដ្ឋាននានា ដែលទទួលបានផលឆាប់ជាងការធ្វើ ស្រែនេះ។
ប្រភេទពូជ ដែលប្រជាកសិករខេត្តព្រះសីហនុនិយមធ្វើជារៀងរាល់ឆ្នាំ បានចែកជាប្រភេទស្រូវធ្ងន់ ប្រើពូជឈ្មោះសទាប និង ហាយវិន ឯស្រូវកណ្តាល និង ស្រាលមានពូជផ្ការំដួល ផ្ការំដេង និង ផ្ការមៀត ។ ប្រភេទពូជទាំងនេះត្រូវ នឹងប្រភេទដីក្នុងស្រុកព្រៃនប់ ព្រោះដីស្រែទាំងអស់ជាប់សមុទ្រ បាំងដោយទំនប់ការពារទឹកប្រៃ ដែលបានសាងសង់ឡើងតាំងពីជំនាន់អាណានិគមបារាំង ដែលបច្ចុប្បន្នបានជួសជុល និង ប្រើប្រាស់ឡើងវិញដោយធម្មតា។
លោកអនុប្រធានមន្ទីរបានបញ្ជាក់ទៀតថា ទន្ទឹមនឹងបណ្តាខេត្តជាច្រើន ក្នុងប្រទេសកម្ពុជាមានទឹកជំនន់ធ្វើឲ្យលិចលង់ដីស្រែចម្ការ ផ្ទះសម្បែង នៅខេត្ត ព្រះសីហនុ មានភ្លៀងធ្លាក់ខ្លាំងរៀងរាល់ថ្ងៃ ប៉ុន្តែទឹកភ្លៀងមិនបង្កឲ្យមានទឹក ជំនន់ឡើយ ដោយសារទំនប់ការពារទឹកប្រៃមានទ្វារទឹកអាចបើក បញ្ចេញទឹក ភ្លៀងទម្លាក់ទៅសមុទ្រទាន់ពេលវេលា និង បិទទ្វារទឹកពេលណាទឹកពេញស្រែ ល្មមចិញ្ចឹមសន្ទូងបាន ។
ឆ្នាំ២០១៣កន្លងមកប្រជាកសិករស្រុកទាំង៤របស់ខេត្តព្រះសីហនុសម្រេចធ្វើស្រែវស្សាបាន១៦ ០០០ហិកតាដោយទទួលទិន្នផលបាន២,៩៥តោនក្នុងមួយ ហិកតា៕
ដោយ ស្វាយ កេតថាណា
ស្រុកភ្នំស្រុកមានអគ្គិសនីប្រើប្រាស់
AKP ខេត្តបន្ទាយមានជ័យ ថ្ងៃទី០៥ ខែសីហា ឆ្នាំ២០១៤
ឯកឧត្តម គោ ស៊ុំសារឿត អភិបាលខេត្តបន្ទាយមានជ័យ កាលពីល្ងាចថ្ងៃ ទី០៤ ខែសីហា ឆ្នាំ២០១៤ បានអញ្ជើញជាអធិបតីក្នុងពិធីភ្ជាប់បណ្តាញអគ្គិសនីឲ្យប្រជាពលរដ្ឋស្រុកភ្នំស្រុកប្រើប្រាស់ ក្រោមការផ្គត់ផ្គង់ពីសាខាអគ្គិសនីកម្ពុជា ដែលពីមុននៅក្នុងតំបន់នេះពុំធ្លាប់មានអគ្គិសនីប្រើប្រាស់នោះឡើយ។
ឯកឧត្តម គោ ស៊ុំសារឿត បានមានប្រសាសន៍ថា សមិទ្ធផលដែលបាន កើតឡើងនេះបានមកពីការខិតខំប្រឹងរបស់រាជរដ្ឋាភិបាលកម្ពុជា ដែលមាន សម្តេចតេជោ ហ៊ុន សែន ជាប្រមុខ និង មានការណែនាំផ្ទាល់ពីឯកឧត្តម ឧប នាយករដ្ឋមន្ត្រី កែ គឹមយ៉ាន ប្រធានក្រុមការងារចុះមូលដ្ឋានខេត្តបន្ទាយមាន ជ័យដែលបានជួយដោះស្រាយទៅតាមសំណូមពរ និង សេចក្តីត្រូវចាំការបាច់ របស់ប្រជាពលរដ្ឋនៅក្នុងតំបន់ដាច់ស្រយាលមួយនេះ។
លោក សេង គី អភិបាលស្រុកភ្នំស្រុក ដែលជាតំណាងឲ្យប្រជាពលរដ្ឋ ប្រមាណជាង៥០ ០០០នាក់រស់នៅក្នុងឃុំទាំង០៦របស់ស្រុក បានថ្លែងអំណរ គុណដ៏ជ្រាលជ្រៅចំពោះរាជរដ្ឋាភិបាលកម្ពុជា និង ក្រុមការងារ ដែលបានយក ចិត្តទុកដាក់ ក្នុងការតភ្ជាប់បណ្តាញអគ្គិសនីចូលទៅដល់តំបន់ជនបទឲ្យមានអគ្គិសនីប្រើប្រាស់បានគ្រប់គ្រាន់ ។ លោក សេង គី បានថ្លែងថា ពីមុននៅក្នុង ស្រុកភ្នំស្រុកនេះ បណ្តាញអគ្គិសនីប្រើប្រាស់ដោយឯកជនជាអ្នកធ្វើអាជីវកម្ម ក្នុងតម្លៃខ្ពស់ រហូតដល់ទៅ៣ ៧០០រៀលក្នុងមួយគីឡូវ៉ាត់ហើយប្រើប្រាស់មិន បានគ្រប់គ្រាន់ឡើយ ។
ប៉ុន្តែឥឡូវនេះតម្លៃអគ្គិសនីដែលទើបនឹងភ្ជាប់នេះថោក ជាងដែលក្នុងមួយគីឡូវ៉ាត់១ ៧០០រៀល ដោយប្រើប្រាស់ពេញ២៤ម៉ោង ហើយ បើតាមការឲ្យដឹងពីមន្ត្រីជំនាញតម្លៃភ្លើងនេះ នឹងមានការចុះថោករហូតដល់ ១ ២០០រៀល។
យោងតាមរបាយការណ៍ សាខាអគ្គីសនីកម្ពុជាខេត្តបន្ទាយមានជ័យបាន ឲ្យដឹងថា អគ្គិសនីក្រៅពីបានផ្តល់ជូនប្រជាពលរដ្ឋក្រុងសិរីសោភ័ណ និងស្រុក មង្គលបូរី ក៏មានសេវាបន្តផ្គត់ផ្គង់នៅក្រុងប៉ោយប៉ែត ស្រុកអូរជ្រៅ ស្រុកស្វាយ ចេក និង ស្រុកថ្មពួកផងដែរ ។ ក្នុងនោះដែរអគ្គិសនីកម្ពុជាបាន និង កំពុងពង្រីកបណ្តាញ ចូលទៅក្នុងតំបន់ឆ្ងាយៗនៃស្រុក-ក្រុងទាំង០៩របស់ខេត្ត ដើម្បី បំពេញសេចក្តី ត្រូវរបស់ប្រជាពលរដ្ឋស្របតាមគោលនយោបាយរបស់រាជរដ្ឋា- ភិបាល៕
ដោយ ឈុន សារ៉ាត
កសិករខេត្តកំពង់ស្ពឺភាគច្រើនងាកមកដាំដើមម្រុំ
AKP ខេត្តកំពង់ស្ពឺ ថ្ងៃទី០៥ ខែសីហា ឆ្នាំ២០១៤
ប្រជាពលរដ្ឋភាគច្រើននៅខេត្តកំពង់ស្ពឺ បាននាំគ្នាដាំដើមម្រុំដោយសារ បច្ចុប្បន្ននេះស្លឹកម្រុំកំពុងទទួលបានការគាំទ្រ ទាំងទីផ្សារក្នុងស្រុក និង ក្រៅ ស្រុក។
ប្រធានមន្ទីរកសិកម្ម រុក្ខាប្រមាញ់ និង នេសាទខេត្តកំពង់ស្ពឺ លោក សយបញ្ញា បានឲ្យដឹងថា គិតមកដល់បច្ចុប្បន្នប្រជាពលរដ្ឋខេត្តកំពង់ស្ពឺបានដាំដើម ម្រុំលើផ្ទៃដីប្រមាណជាង១០០ហិកតាហើយ ដោយផ្ទៃដី១ហិកតាដាំដើមម្រុំបាន ២ ៥០០ដើម មួយដើមៗបានស្លឹកមួយគីឡួក្រាម ហើយក្នុងរយៈពេល០៥ខែប្រ មូលផលបានដោយមួយឆ្នាំប្រមូលផលបាន០៩ដង ។ លោក សយ បញ្ញា បាន ឲ្យដឹងទៀតថា ប្រសិនបើទីផ្សារស្លឹកម្រុំទទួលបានការគាំទ្រកាន់តែទូលាយនោះ ប្រជាពលរដ្ឋខេត្តកំពង់ស្ពឺនឹងសម្រុកដាំដើមម្រុំកាន់តែច្រើនជាមិនខាន ។
បើ តាមលោកដឹងស្លឹកម្រុំ១០គីឡូក្រាមផលិតម្សៅម្រុំបានមួយគីឡូក្រាម ហើយម្សៅ ម្រុំមួយគីឡូក្រាមមានតម្លៃ៣៥ដុល្លារ ។
លោក ហ៊ុល សេដ្ឋា នាយកប្រតិបត្តិនៃក្រុមហ៊ុនហ៊ុលសេដ្ឋា ឌីវើឡុបមេន ខូអបភើរេសិន និង ជាស្ថាបនិកសិប្បកម្មផលិតផលម្រុំខ្មែរបានឲ្យដឹងថា ម្រុំកែច្នៃ ជាអាហារបំប៉នសុខភាពកំពុងមានទីផ្សារខ្លាំងទាំងនៅក្នុងស្រុក និងក្រៅស្រុក។ ក្រុមហ៊ុនមានសិប្បកម្មមួយកន្លែង ដែលសង់លើផ្ទៃដីជិត៥០០ម៉ែត្រការ៉េ នៅ ជាយក្រុងភ្នំពេញ ហើយទទួលការផ្គត់ផ្គង់ស្លឹកម្រុំពីកសិករក្នុងខេត្តកំពង់ស្ពឺ។
សព្វថ្ងៃសិប្បកម្មរបស់លោកកំពុងផលិតផលិតផលពីស្លឹកម្រុំ មានដូចជាម្សៅម្រុំ លក់ជាគីឡូក្រាម ម្សៅម្រុំច្រកជាថ្នាំគ្រាប់ និង តែស្លឹកម្រុំ ។ ម្សៅម្រុំច្រកជាថ្នាំ គ្រាប់ ជាផលិតផលលក់ដាច់នៅលើទីផ្សារក្នុងស្រុក ខណៈម្សៅម្រុំនាំចេញលក់ ជាគីឡូក្រាម ។ ម្សៅម្រុំមួយគីឡូក្រាមថ្លៃ៣៥ដុល្លារ ចំណែកម្សៅម្រុំច្រកជាថ្នាំ គ្រាប់ដែលមាន៣០០គ្រាប់លក់ក្នុងតម្លៃ១៥ដុល្លារ។
លោក ហ៊ុល សេដ្ឋា បានឲ្យដឹងទៀតថា ខណៈតម្រូវការកាន់តែកើនឡើង សិប្បកម្មម្រុំខ្មែរគ្រោងនឹងពង្រីកការផ្គត់ផ្គង់ស្លឹកម្រុំពីកសិករខេត្តកំពង់ស្ពឺ លើផ្ទៃ ដី៣០០ហិកតាបន្ថែមទៀត ។ សព្វថ្ងៃនេះក្នុង១ខែ សិប្បកម្មរបស់លោកផលិត បាន១តោនម្សៅម្រុំប៉ុណ្ណោះ ខណៈតម្រូវការលើទីផ្សារមានរហូតដល់៣០តោន ក្នុងមួយខែ។
អត្ថប្រយោជន៍ស្លឹកម្រុំមានច្រើនយ៉ាង វាជាវីតាមីនបំប៉នសុខភាព វាជួយ សម្រួលសម្រាប់អ្នកជំងឺទឹកនោមផ្អែម និង អ្នកជំងឺលើសឈាម កាត់បន្ថយខ្លាញ់ ក្នុងសរសៃឈាម និង ជាតិអាស៊ីតនៅក្នុងខ្លួនជាដើម ហើយវាមានកាល់ស្យូម ជំនួយឆ្អឹងផងដែរ។ លោក ហ៊ុល សេដ្ឋា បានបង្ហើបឲ្យដឹងថា ការផលិតម្សៅស្លឹក ម្រុំមិនជាការលំបាកនោះទេ ហើយគ្រប់គ្នាអាចផលិតបានដោយខ្លួនឯង ដោយ គ្រាន់តែយកស្លឹកម្រុំនេះទៅហាលឲ្យស្ងួតនៅក្នុងម្លប់ (មិនហាលក្រោមពន្លឺថ្ងៃ នោះទេវាធ្វើឲ្យបាត់បង់វីតាមីន) រួចកិនជាម្សៅសម្រាប់ទទួលទាន១ទៅ២ស្លាប ព្រាកាហ្វេម្តងរួចជាស្រេច៕
ដោយ លឹម សាន្ត
បេក្ខជនជាប់ឆ្នោត CNRP ចូលសច្ចាប្រណិធាននៅលើ ព្រះទីនាំងទេវាវិនិច្ឆ័យក្នុងព្រះបរមរាជវាំង
AKP ភ្នំពេញ ថ្ងៃទី០៥ ខែសីហា ឆ្នាំ២០១៤
បេក្ខជនជាប់ឆ្នោតគណបក្សសង្គ្រោះជាតិ(CNRP)ចំនួន៥៥រូប នឹងធ្វើសច្ចាប្រណិធានក្នុងព្រះបរមរាជវាំង នារសៀលថ្ងៃទី ៥ ខែសីហា ឆ្នាំ២០១៤ ក្រោមព្រះរាជាអធិបតីភាពដ៏ខ្ពង់ខ្ពស់ របស់ព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា-នេះបើយោងតាម លិខិតចុះថ្ងៃទី៤ សីហា ឆ្នាំ២០១៤ របស់សម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី និង ជារដ្ឋមន្ត្រីក្រសួងព្រះបរមរាជវាំងជម្រាបជូនអគ្គលេខាធិការនៃអគ្គលេខាធិការដ្ឋានរដ្ឋសភា។
ក្នុងលិខិតចុះថ្ងៃទី៤ ខែសីហាឆ្នាំ២០១៤របស់ឯកឧត្ដម ឡេង ប៉េងឡុង អគ្គលេខាធិការរដ្ឋសភាផ្ញើជូនសម្ដេចចៅហ្វាវាំង គង់ សំអុល បានគូសបញ្ជាក់ថា សំណើសុំរៀបចំពិធីសច្ចាប្រណិធានជូនតំណាងរាស្ត្រគណបក្សសង្គ្រោះជាតិចំនួន៥៥រូបនីតិកាលទី៥ ដោយយោង មាត្រា៨២ថ្មី នៃរដ្ឋធម្មនុញ្ញ អគ្គលេខាធិការរដ្ឋសភាមានកិត្តិយសដ៏ខ្ពង់ខ្ពស់សូមជម្រាបជូន សម្ដេចចៅហ្វាវាំងមេត្តាជម្រាបដ៏ខ្ពង់ខ្ពស់ថា តំណាងរាស្ត្រគណបក្សង្គ្រោះ ជាតិ៥៥រូប ដែល បានប្រកាសសុពលភាព កាលពីថ្ងៃទី២៣ ខែកញ្ញា ឆ្នាំ២០១៣ក្នុងសម័យប្រជុំរដ្ឋសភាលើក ទី១នីតិកាលទី៥នោះ រហូតមកដល់ ពេលនេះ ពុំទាន់បានចូលធ្វើសច្ចាប្រណិធានចូលកាន់តំណែងនៅឡើយ។ ដោយឡែកកាលពីថ្ងៃទី២៨ខែកក្កដា ឆ្នាំ២០១៤សម័យប្រជុំរដ្ឋសភាជា វិសាមញ្ញ នីតិកាល ទី៥បានប្រកាសសុពលភាពឯកឧត្ដម សម រង្ស៊ី ជាតំណាងរាស្ត្រមណ្ឌល កំពង់ចាមជំនួសឯកឧត្ដម គួយ ប៊ុនរឿន ដែលបានលាលែង ។ អាស្រ័យដូចបានជម្រាបជូន នេះ និង យោងតាមការណែនាំដ៏ខ្ពង់ខ្ពស់របស់សម្ដេចអគ្គមហាពញាចក្រី ហេង សំរិន ប្រធាន រដ្ឋសភា ខ្ញុំបាទសូម សម្ដេចចៅហ្វាវាំង មេត្តាពិនិត្យ និង រៀបចំពិធីសច្ចាប្រណិធានជូន តំណាងរាស្ត្រគណបក្សសង្គ្រោះជាតិចំនួន៥៥ រូបនូវកាលបរិច្ឆេទដ៏សម គួរតាមការគួរ។
ដោយឡែកក្នុងលិខិតរបស់សម្ដេចចៅហ្វាវាំង គង់ សំអុល ជម្រាបមកអគ្គលេខាធិការ នៃអគ្គលេខាធិការដ្ឋារដ្ឋសភាអំពីការ រៀបចំពិធីសច្ចា ប្រណិធាន ជូនអ្នកតំណាងរាស្ត្រ នីតិ កាលទី៥ចំនួន៥៥ រូបមកពីគណបក្សសង្គ្រោះជាតិ។ យោងព្រះរាជតម្រិះដ៏ខ្ពង់ខ្ពស់របស់ព្រះ ករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជាជាទីសក្ការៈដ៏ខ្ពង់ ខ្ពស់បំផុត ។ លិខិតលេខ៨៥៧អ.រ.ស ចុះថ្ងៃទី៤ ខែសីហា ឆ្នាំ២០១៤ របស់អគ្គលេខាធិការ ដ្ឋាននៃរដ្ឋសភា។
សេចក្ដីដូចមានចែងក្នុងកម្មវត្ថុ និង យោងខាងលើខ្ញុំមានកិត្តិយសសូមជម្រាបជូន ឯកឧត្ដមជ្រាបថា ក្រសួងព្រះបរមរាជវាំងបានត្រៀមនឹងរៀបចំ ពិធីសច្ចាប្រណិធានជូនអ្នក តំណាងរាស្ត្រនីតិកាលទី៥ចំនួន៥៥រូប (មកពីគណបក្សសង្គ្រោះជាតិ) ក្រោមព្រះរាជាធិបតី ភាពដ៏ខ្ពង់ខ្ពស់របស់ ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រ កម្ពុជា ជាទីគោរពសក្ការៈដ៏ខ្ពង់ខ្ពស់បំផុត នៅថ្ងៃទី០៥ ខែសីហា ឆ្នាំ២០១៤វេលាម៉ោង១៦.០០ រសៀលនៅលើព្រះទីនាំងទេវាវិនិច្ឆ័យក្នុងព្រះបរមរាជវាំង៕
ដោយ ជឹម ណារី
ជីកស្រះទឹកជូនគ្រួសារអតីតកងកម្លាំងប្រដាប់អាវុធចំនួន៧៥៣គ្រួសារ
AKP ខេត្តកំពង់ស្ពឺ ថ្ងៃទី០៥ ខែសីហា ឆ្នាំ២០១៤
ស្រះទឹកមួយកន្លែងស្ថិតនៅភូមិសែនជ័យ ឃុំតាំងសំរោង ស្រុកភ្នំស្រួច ត្រូវបានអាជ្ញា ធរកំពុងជីក ជូនអតីតកងកម្លាំងប្រដាប់អាវុធ និងប្រជាពលរដ្ឋក្រីក្រប្រមាណជា៧៥៣គ្រួសារ ដើម្បីប្រើប្រាស់ផ្នែកកសិកម្ម និង បម្រើជី វភាព ប្រចាំថ្ងៃផងដែរ។
ឯកឧត្តម អ៊ូ សំអូន អភិបាលខេត្តកំពង់ស្ពឺបានឲ្យដឹងថា រាជរដ្ឋាភិបាលបានផ្តល់ដី សម្បទានសង្គមកិច្ចទំហំ១១ហិកតា នៅភូមិជ្រៃសែនជ័យ ឃុំតាំង សំរោង ស្រុកភ្នំស្រួច ដើម្បី ជីកស្រះទឹក ដែលមានជម្រៅ០៨ម៉ែត្រជូនដល់គ្រួសារអតីតកងកម្លាំងប្រដាប់អាវុធប្រមាណ ជាង៧៥០គ្រួសារ ហើយការ ចំណាយសម្រាប់ការជីកស្រះទឹកដ៏ធំមួយនេះ ជាអំណោយរបស់ ឯកឧត្តមឧកញ៉ា កុក អាន សមាជិកព្រឹទ្ធសភា និង ជាប្រធាន ក្រុមហ៊ុនអានកូ។
ឯកឧត្តមអភិបាលខេត្តក៏បានឲ្យដឹងដែរថា ស្រះទឹកដ៏ធំល្វឹងល្វើយនេះ ពិតជាអាចផ្គត់ ផ្គង់ទឹកសម្រាប់ផ្នែកកសិកម្មបានគ្រប់គ្រាន់ និង អាចដាំដំណាំ លើទឹក ក៏ដូចជាអាចចិញ្ចឹមត្រី បានច្រើនសន្ធឹកសន្ធាប់ទៀតផង ។ មកដល់បច្ចុប្បន្ននេះ ដោយអនុវត្តន៍តាមផែនការថវិកា ប្រចាំឆ្នាំខេត្តបាន នឹងកំពុង អភិវឌ្ឍន៍ទីតាំងសម្បទានសង្គម កិច្ចចំនួន០៦កន្លែងមានទំហំដីប្រ មាណ៤ ០២៤ហិកតា នៅឃុំចំនួន០៤ នៃស្រុកចំនួន០៤ និងបានបែងចែកដីរួចចំនួន ១ ៤៦៩ ហិកតាជូនប្រជាពលរដ្ឋចំនួន១ ២៦៩គ្រួសារក្នុងនោះសម្រាប់អតីតកងកម្លាំងប្រដាប់អាវុធ និង គ្រួសារចំនួន៧៥៣គ្រួសារ និង សម្រាប់ ប្រជាពលរដ្ឋក្រីក្រចំនួន៥១៦គ្រួសារ ។ ជាមួយគ្នានេះ អាជ្ញាធរបានឈូសសម្អាតដីលំនៅឋាន ដីកសិកម្ម កសាងផ្លូវ អណ្តូងទឹកស្អាត សាលារៀន ផ្ទះឈើចំនួន២៣០ខ្នង និង ផ្ទះឥដ្ឋចំនួន១០០ខ្នង និង មានគម្រោងធ្វើការបែងចែកដី និង អភិ វឌ្ឍន៍ជាបន្តបន្ទាប់តាមផែនការថវិកាឆ្នាំ។
ឯកឧត្តម អ៊ូ សំអូន ក៏បានអំពាវនាវដល់អាជ្ញាធរមូលដ្ឋាន អង្គភាពជំនាញពាក់ព័ន្ធ និង ប្រជាពលរដ្ឋ ដែលកំពុងរស់នៅក្នុងតំបន់ដីសម្បទាន សង្គមកិច្ច ជួយការពារថែទាំស្រះទឹក និង បន្តជួយគាំទ្រដល់ជីវភាពរស់នៅរបស់គ្រួសារអ្នកទទួលបានដីដូចជាការជំរុញឲ្យមានការ កសាងផ្លូវភ្ជាប់ទីតាំង ការតបណ្តាញអគ្គិសនី និង ការបង្កើតសហគមន៍ជួយគ្នាទៅវិញទៅ មក៕
ដោយ លឹម សាន្ត
«កង់គន្ធបុប្ឆា ដើម្បីជីវិតកុមារកម្ពុជា» ប្រគល់ថវិកាជាង១៦ម៉ឺនដុល្លារ ដល់មន្ទីរពេទ្យគន្ធបុប្ឆា
AKP ខេត្តសៀមរាប ថ្ងៃទី០៥ ខែសីហា ឆ្នាំ២០១៤
បន្ទាប់ពីបានធ្វើដំណើរទៅតាមខេត្តនានាទូទាំងប្រទេស ដោយកង់អស់ រយៈពេល៦៤ថ្ងៃរួចមក ក្រុមយុវជនស្ម័គ្រចិត្តកុលបុត្រតេជោសហការជាមួយ មូលនិធិបាយ័ន និង សហភាពសហព័ន្ធយុវជនកម្ពុជា ដែលបានរៀបចំកម្មវិធី «កង់គន្ធបុប្ឆា ដើម្បីជីវិតកុមារកម្ពុជា» បានប្រមូលថវិកាពីសប្បុរសជននានាបាន ប្រមាណ១៦០.៣៣០ដុល្លារអាម៉េរិក ដើម្បីប្រគល់ជូនដល់មន្ទីរពេទ្យគន្ធបុប្ឆា។
ពិធីប្រគល់ថវិការបស់ក្រុមយុវជនស្ម័គ្រចិត្តកុលបុត្រតេជោ «កង់គន្ធបុប្ឆា ដើម្បីជីវិតកុមារកម្ពុជា»នេះ បានធ្វើឡើងនៅពេលបញ្ចប់ការប្រគំតន្រ្តី Beato Cello កាលចុងសប្តាហ៍កន្លងមកនេះនៅក្រុងសៀមរាប ដោយលោកវេជ្ជបណ្ឌិត Beat Rechner អ្នកគ្រប់គ្រងមន្ទីរពេទ្យគន្ធបុប្ឆា បានទទួលថវិកា ទាំងអស់ពីក្រុម យុវជនស្ម័គ្រចិត្តកុលបុត្រតេជោ ដើម្បីយកទៅផ្គត់ផ្គង់មន្ទីរពេទ្យ ដែលកំពុងជួប ប្រទះនូវបញ្ហាកង្វះខាតហិរញ្ញវត្ថុ។
លោក ធុល វិសាល អ្នករៀបចំ និង គ្រប់គ្រងកម្មវិធី«កង់គន្ធបុប្ឆា ដើម្បី ជីវិតកុមារកម្ពុជា» បានរៀបរាប់ពីសកម្មភាពនៃការធ្វើដំណើរដោយកង់ប្រមូល មូលនិធិនេះថា ក្រុមយុវជនស្ម័គ្រចិត្តកុលបុត្រតេជោសហការជាមួយមូលនិធិ បាយ័ន និង សហភាពសហព័ន្ធយុវជនកម្ពុជា មានចំនួន៥រូប បានជិះកង់ ឆ្លងកាត់ គ្រប់ខេត្តទាំងអស់ទូទាំងប្រទេសកម្ពុជា លើចម្ងាយផ្លូវប្រមាណជាង៤ ០០០ គីឡូ ម៉ែត្រ រយៈពេល៦៤ថ្ងៃ ដើម្បីធ្វើការរៃអង្គា សថវិកា នៅតាមបណ្តាខេត្តទាំងនោះ យកជួយដល់មន្ទីរពេទ្យគន្ធបុប្ឆា ។ លោកបានថ្លែងទៀតថា ក្រុមរបស់លោក បានចាប់ផ្តើមចេញដំណើរតាំងពីថ្ងៃទី០២ ខែកុម្ភៈ ឆ្នាំ២០១៤ដោយចាប់ផ្តើម ចេញពីភ្នំពេញឆ្ពោះទៅគ្រប់ខេត្តទូទាំងប្រទេស ហើយបានមកដល់ភ្នំពេញវិញ នៅថ្ងៃទី០៦ ខែមេសា ឆ្នាំ២០១៤ ដោយគិតមកដល់ថ្ងៃទី០២ ខែសីហា ឆ្នាំ២០១៤ នេះ យើងប្រមូលបានថវិកាប្រមាណ១៦០.៣៣០ដុល្លារអាម៉េរិក និងបានយក ទៅប្រគល់ ជូនដល់ មន្ទីរពេទ្យគន្ធបុប្ឆា នៅខេត្តសៀមរាបក្នុងឱកាសដែលលោក វេជ្ជបណ្ឌិត Beat Rechner កំពុងសម្តែង Consert Beato Cello នាចុងសប្តាហ៍ មុននេះ។
លោកវេជ្ជបណ្ឌិត Beat Rechner បានសម្តែងនូវសេចក្តីសប្បាយរីករាយ ដោយបានឃើញការចូលរួមរបស់ក្រុមយុវជនស្ម័គ្រចិត្តកុលបុត្រតេជោ ជាមួយ មន្ទីរពេទ្យគន្ធបុប្ឆា ដើម្បីជួយដល់ជីវិតកុមារកម្ពុជា ។ ជាមួយគ្នានេះដែរ លោកក៏ បានសម្តែងនូវក្តីរំភើប ចំពោះការព្យាយាមជិះកង់របស់ក្រុមយុវជនស្ម័គ្រ ចិត្តកុល បុត្រតេជោ ដែលបានចំណាយកម្លាំងកាយ-ចិត្តក្នុងការរៃអង្គាស ដើម្បីមន្ទីរពេទ្យ គន្ធបុប្ឆានោះ ។ លោកវេជ្ជបណ្ឌិត Beat Rechner ក៏បានឲ្យដឹង ពីការចំណាយ នៅក្នុងមន្ទីរពេទ្យគន្ធបុប្ឆាទៅលើការព្យាបាលដោយឥតគិតថ្លៃនោះគឺ៨៥% ជា មូលនិធិសប្បុរស ដែលបានមកពីការរៃអង្គាសនេះ ។
លោកវេជ្ជបណ្ឌិតក៏បានលើកឡើងផងដែរថា ជីវិតកុមារ បើទោះជាស្ថិត ក្នុងត្រកូលអ្នកមាន អ្នកក្រ ឬជាតិសាសន៍ណាក៏ដោយគឺត្រូវតែមានតម្លៃ និង សិទ្ធិស្មើគ្នា ក្នុងការទទួលយកនូវការព្យាបាលដោយគ្មានរើសអើងនៅក្នុងមន្ទីរ ពេទ្យគន្ធបុប្ឆា ។
ដូច្នេះលោកមិនអាចលះបង់បានទេនូវការព្រួយបារម្ភអំពីកិច្ច ដំណើរការរបស់មន្ទីរពេទ្យគន្ធបុប្ឆាជាមួយនឹងវ័យ៦៧ឆ្នាំរបស់លោក ។
លោក វេជ្ជបណ្ឌិតក៏បានបង្ហាញពីភាពរឹងប៉ឹងរបស់លោកថា ដរាបណាកន្ទុយសេះនៅ តែអាចធ្វើដំណើរឆ្លងកាត់ខ្សែ Cello ដោយម្រាមដៃរបស់លោក បាននោះ មន្ទីរ ពេទ្យគន្ធបុប្ឆា នៅតែមានសប្បុរសជនគាំទ្រ ហើយកុមារកម្ពុជាត្រូវតែបានរស់ ក្នុងពន្លឺនៃព្រះរាជាណាចក្រអច្ឆរិយ នៃព្រះនាងគន្ធបុប្ឆា ប្រកបដោយភាពកក់ក្តៅ សម្រាប់អនាគត៕
ដោយ ហ៊ុន យុទ្ធគុណ
Tuesday, August 5, 2014
Monday, August 4, 2014
បទអត្ថាធិប្បាយ ៖ វិធានការច្បាប់ទៅលើក្រុមប្រឆាំង គឺជាការពង្រឹងនីតិរដ្ឋ
អត្តបទដោយ: ឧត្តម សក្តិ
ក្រុម
អនាធិបតេយ្យដែលដឹកនាំដោយគណបក្សសង្គ្រោះជាតិ បានដើរធ្វើសកម្មភាពញុះញង់
អុជអាល ប្រឌិតបញ្ហានានាក្នុងសង្គម
បំផុសប្រជាពលរដ្ឋឲ្យប្រើប្រាស់អំពើហិង្សា និងសកម្មភាពរំលោភច្បាប់ ក្រោមរូបភាពនៃការប្រមូលផ្តុំធ្វើបាតុកម្ម កូដកម្ម និងការទាមទារតវ៉ានានា ប៉ុនប៉ងបង្កឲ្យមានអស្ថេរភាពនយោបាយ និងប៉ះពាល់ដល់សន្តិសុខ សណ្តាប់ធ្នាប់ របៀបរៀបរយក្នុងសង្គម។
ភាពព្រហើន និងអំនួតក្អេងក្អាងរបស់ក្រុមប្រឆាំងនៅកម្ពុជាទាំងនេះ ត្រូវបានវាយបំបាក់ដោយការអនុវត្តច្បាប់ និងការពង្រឹងនីតិរដ្ឋរបស់មន្ត្រីមានសមត្ថកិច្ច ដែលនេះ គឺជាការព្រមានចំពោះក្រុមមនុស្សដែលចូលចិត្តធ្វើខ្លួនឲ្យស្ថិតនៅក្រៅពីរង្វង់ច្បាប់ យកច្បាប់ទ្រាប់អង្គុយ។ តើការអនុវត្តច្បាប់របស់អាជ្ញាធរសមត្តកិច្ច ត្រូវបានចាត់ទុកថា ជាការបំផ្លាញនីតិរដ្ឋ ហើយ វិលទៅរកអំណាចផ្តាច់ការ ដូចការអះអាងរបស់ក្រុមប្រឆាំង ឬយ៉ាងណា? តើក្នុងនាមជាអ្នកតំណាងរាស្ត្រអាណត្តិមុន និងជាតំណាងរាស្ត្រជាប់ឆ្នោតអាណត្តិថ្មី ដែលជាអ្នកបង្កើតច្បាប់ យល់ពីច្បាប់ ហើយបំពានច្បាប់ ទើបហៅថា ជាសិទ្ធិសេរីភាព ក្នុងសង្គមប្រជាធិបតេយ្យ ឬយ៉ាងណា?
នរណាក៏បានដឹងដែរថា ចាប់តាំងពីក្រោយការបោះឆ្នោត ថ្ងៃទី ២៨ ខែកក្កដា ឆ្នាំ ២០១៣ មក អំពើហិង្សាបានកើតឡើងជាច្រើនលើក ដែលបណ្តាលឲ្យមានអ្នកស្លាប់
អ្នករបួស និងអ្នកជាប់ក្នុងមន្ទីរឃុំឃាំងជាច្រើននាក់
ដោយសារការប្រឈមមុខដាក់គ្នាដ៏តានតឹងរវាងក្រុមកុបកម្មហិង្សា
និងកងកម្លាំងមានសមត្ថកិច្ច ក្រោមការញុះញង់
និងដឹកនាំបញ្ជាផ្លាល់ដោយគណបក្សសង្គ្រោះជាតិ។
សំណុំរឿងនៃអំពើហិង្សាកាលពីដើមខែមករា នៅមិនទាន់ទាំងបិទបញ្ចប់ (ទីលានប្រជាធិបតេយ្យត្រូវបានបិទបណ្ដោះអាសន្ន ហើយកំពុងតែស្ថិតនៅក្រោមការស៊ើបអង្កេត) អំពើហិង្សាដ៏ឃោរឃៅមួយទៀត ក៏បានកើតឡើងកាលពីខែមុនកន្លងទៅនេះ បន្ថែមមួយករណីទៀត។ ដែលទង្វើថ្មីទាំងនេះ ត្រូវបានគេមើលឃើញថា បានដឹកនាំ និងបញ្ជាផ្ទាល់ដោយតំណាងរាស្ត្រជាប់ឆ្នោតបក្សប្រឆាំង ៨ រូប និងសកម្មជនម្នាក់
ទៀត ហើយត្រូវបានកម្លាំងសមត្ថកិច្ចចាប់ឃុំខ្លួនក្នុងពន្ធនាគារ
ក្រោមបទចោទដឹកនាំកុបកម្ម និងបទចោទញុះញង់ឲ្យប្រព្រឹត្តអំពើហិង្សា
និងបទល្មើស រួមទាំងបទផ្តើមគំនិតបង្កអំពើហិង្សាដោយចេតនា
មានស្ថានទម្ងន់ទោស គឺជាបទចោទទាំង ៣ ដែលព្រះរាជអាជ្ញាបានសម្រេចឃុំខ្លួនមនុស្សរបស់គណបក្សប្រឆាំងនាពេលកន្លងមក ក្នុងសំណុំរឿងអំពើហិង្សា
បង្ហូរឈាម រវាងកម្លាំងសន្តិសុខនៃសាលារាជធានីភ្នំពេញ
និងក្រុមបាតុកររបស់គណបក្សសង្គ្រោះជាតិ កាលពីថ្ងៃទី ១៥ ខែកក្កដា
នៅក្បែរទីលានប្រជាធិបតេយ្យ
បណ្តាលឲ្យកងកម្លាំងសន្តិសុខរបស់អាជ្ញាធរមូលដ្ឋានរងរបួសធ្ងន់
និងស្រាល ប្រមាណ ៣៨ នាក់។
ការចាប់ខ្លួនតំណាងរាស្ត្រជាប់ឆ្នោតរបស់គណបក្សសង្គ្រោះជាតិ ដែលដឹកនាំធ្វើបាតុកម្ម កន្លងទៅនេះទៀតសោត ត្រូវបានគេមើលឃើញថា ជាបទល្មើសជាក់ស្តែង កើតចេញពីបាតុកម្មហិង្សា។ បើយោងតាមបទដឹកនាំកុបកម្ម តាមមាត្រា ៤៥៩ នៃក្រមព្រហ្មទណ្ឌ ដែលអាចប្រឈមមុខនឹងការជាប់ពន្ធនាគារពី ២០ ឆ្នាំ ទៅ ៣០ ឆ្នាំ បទញុះញង់ឲ្យប្រព្រឹត្តបទឧក្រិដ្ឋជាអាទិ៍ តាមមាត្រា ៤៩៥ នៃក្រមព្រហ្មទណ្ឌ ដែលអាចប្រឈមមុខនឹងការជាប់ពន្ធនាគារពី ៦ ខែ ទៅ ២ ឆ្នាំ និងពិន័យជាប្រាក់ពី ១ លានរៀល ទៅ ៤ លានរៀល បទហិង្សាដោយចេតនាមានស្ថានទម្ងន់ទោស តាមមាត្រា ២១៨ ដែលអាចប្រឈមមុខនឹងការជាប់ពន្ធនាគារពី ២ ឆ្នាំ ទៅ ៥ ឆ្នាំ និងពិន័យជាប្រាក់ពី ៤ លានរៀល ទៅ ១០ លានរៀល និងមាត្រា ២៨ ចែងពីអ្នកផ្តើមគំនិត។ ហើយពេលនេះ សំណុំរឿងក្តីប្រឆាំងជនទាំងនោះ កំពុងស្ថិតក្នុងដំណើរការរបស់តុលាការ ដោយមិនជាប់ពាក់ពន្ធនឹងរឿងនយោបាយអ្វីទាំងអស់។ ចុះហេតុអ្វី បានជាគណបក្សសង្គ្រោះជាតិទាញបញ្ហាទាំងនេះឲ្យទៅជារឿងនយោបាយ ហើយទម្លាក់ការទទួលខុសត្រូវមកលើរាជរដ្ឋាភិបាលទៅវិញ? តើនេះជាយុទ្ធសាស្រ្តស្វាស៊ីបាយលាបមាត់ពពែរបស់បក្សប្រឆាំង ឬយ៉ាងណា?
ទោះយ៉ាងណា រាជរដ្ឋាភិបាលកម្ពុជាដែលប្រសូតចេញពីការបោះឆ្នោតតាមលទ្ធិប្រជាធិបតេយ្យ សេរី ពហុបក្ស ប្រាកដជាមានកាតព្វកិច្ចការពារជាតិ ហើយនឹងប្រកាន់យកគ្រប់វិធាន ការច្បាប់ទាំងអស់ ដើម្បីការពាររដ្ឋធម្មនុញ្ញ ការពារបាវចនាជាតិ សាសនា ព្រះមហាក្សត្រ និងជាពិសេសការពារលទ្ធិប្រជាធិបតេយ្យ សេរី ពហុបក្ស ក៏ដូចជាធានានូវប្រក្រតីភាពនៃដំណើរការសង្គម និងសេដ្ឋកិច្ច ជាពិសេសជីវភាពរស់នៅរបស់ប្រជាពលរដ្ឋ ហើយនឹងមិនបណ្តោយឲ្យក្រុមបក្សប្រឆាំងបង្កចលាចលសង្គម បំផ្លាញផលប្រយោជន៍រួមរបស់ជាតិនោះទេ។
ដូច្នេះ ល្មមដល់ពេលដែលមេដឹកនាំគណបក្សប្រឆាំងបញ្ឈប់សកម្មភាពបង្កគ្រោះថ្នាក់ ដល់សង្គមជាតិ ហ៊ានទទួលយកការពិត នូវភាពបរាជយ័របស់ខ្លួន ងាកមកគោរពច្បាប់ ហើយ
តម្កល់ផលប្រយោជន៍ជាតិជាធំ
ល្បែងប្រជាធិបតេយ្យត្រូវលេងនៅក្នុងប្រព័ន្ធច្បាប់ដ៏រឹងមាំមួយ
ដែលមានការជឿទុកចិត្តគ្នារវាងអ្នកនយោបាយទាំងអស់។
វិធានការច្បាប់ទៅលើក្រុមប្រឆាំង គឺជាការពង្រឹងនីតិរដ្ឋ ដែលជាមូលដ្ឋានគ្រឹះដ៏រឹងមាំនៃលទ្ធិប្រជាធបតេយ្យនៅកម្ពុជា ដែលចាំបាច់ត្រូវតែចាប់បង្ខំមនុស្សគ្រប់រូបឲ្យស្ថិតនៅក្រោមច្បាប់ គោរពរដ្ឋធម្មនុញ្ញរបស់ជាតិ៕
Friday, August 1, 2014
ទស្សនៈ Brad Adams មិនយល់ទាល់តែសោះអំពី «កិច្ចព្រមព្រៀងថ្ងៃទី២២ កក្កដា ២០១៤» ជាពិសេសគឺ គណៈកម្មាធិការជាតិរៀបចំការបោះឆ្នោតដែលអាចបង្កើតឡើងថ្មីមួយ និង សមាជិកទី៩ របស់គណៈកម្មាធិការនេះ
នៅក្នុងបទសម្ភាសន៍ជាមួយនឹង Chi Vita ដែលបានបង្ហោះលើគេហទំព័រវិទ្យុអាស៊ីសេរីនៅថ្ងៃទី២៨ ខែកក្កដា ឆ្នាំ២០១៤ លោក Brad Adams បានបើកការវាយប្រហារបង្កាទុកជាមុន ដើម្បីរារាំងឱកាសដ៏ល្អមួយសម្រាប់ឱ្យ ប្រជាជនកម្ពុជាមាននូវគណៈកម្មាធិការជាតិរៀបចំការបោះឆ្នោត (គ.ជ.ប) មួយ ដែលល្អជាងគណៈកម្មាធិការដែលមាន ស្រាប់នេះរាប់រយរាប់ពាន់ដង។
ប្រការ២នៃកិច្ចព្រមព្រៀងថ្ងៃទី២២
ខែកក្កដា ឆ្នាំ២០១៤ រវាងCPP និងCNRP
បានចែងអំពីការបង្កើត គ.ជ.ប ដែលមានសមាជិកចំនួនប្រាំបួនរូប
ដែលបួនរូបតែងតាំងដោយគណបក្សកាន់អំណាច (គឺគណបក្សប្រជាជនកម្ពុជា)
បួនរូបតែងតាំងដោយគណបក្សដែលមិនមែននៅក្នុងរដ្ឋាភិបាល (គឺគណបក្សសង្គ្រោះជាតិ) ហើយសមាជិកទី៩ តែង តាំងដោយការយល់ព្រមជាឯកច្ឆន្ទរវាងគណបក្សនយោបាយដែលមានអាសនៈនៅក្នុង
រដ្ឋសភាជាតិ។
ការររៀបចំសមាសភាពនៃគ.ជ.ប បែបនេះ មិនបានផ្តល់ប្រៀបទៅឱ្យ CPP ឬCNRP នោះទេ។ សមាជិកទី៩ ប្រសិនបើត្រូវបានរកឃើញ
ហើយត្រូវបានតែងតាំងដោយកុងសង់ស៊ីសពីគណបក្សទាំងអស់ និងត្រូវបានទទួលយក ដោយអ្នកដែលត្រូវបានតែងតាំងនោះ នឹងនាំមកនូវតុល្យភាព
និងអព្យាក្រឹតភាពនៅក្នុងដំណើរការនៃ គ.ជ.ប។ អាស្រ័យ ដោយមានមហិច្ឆតាសងសឹងដោយងងឹតងងល់របស់ខ្លួនមកលើមេដឹកនាំ
និងប្រជាជនកម្ពុជា Brad Adams បាន បង្ហាញនូវប្រភេទទស្សនៈអួតអាងលើកតំកើងខ្លួនឯងដ៏អាក្រក់របស់លោកដោយខកខានមិនព្រមទទួលយកការពិត
និងភាពត្រឹមត្រូវនៃអ្វីៗដែលមិនមែនជាគំនិត និងដំបូន្មានរបស់លោក។
នៅថ្ងៃទី២៨
ខែកក្កដា សេចក្តីរាយការណ៍ព័ត៌មានក្នុងប្រទេសកម្ពុជា បានផ្តល់ព័ត៌មានថា CPP និង CNRP បានយល់ព្រមតែងតាំងសមាជិកទី៩នៃគ.ជ.បហើយ
ដែលនេះ គឺជាវិញ្ញាសារធំបំផុតដំបូងសម្រាប់សាកល្បង
សមត្ថភាពរបស់គណបក្សទាំងពីរនេះនៅក្នុងការសម្របសម្រួល។
ប្រសិនបើអ្នកដែលត្រូវបានតែងតាំងនេះ ទទួល យកការតែងតាំងជាសមាជិកទី៩នេះ
នោះវានឹងកាន់តែធ្វើឱ្យមានតុល្យភាព និងអព្យាក្រឹតភាពនៅក្នុងដំណើរការ គ.ជ.ប ថែមទៀត។
ត្រឹមម៉ោង៧យប់ថ្ងៃដដែលនោះ ស្ថាប័នព័ត៌មានមួយចំនួនក្នុងកម្ពុជា
បានធ្វើសេចក្តីរាយការណ៍ ថាក្រោយពេលដែលមានការឆ្លើយឆ្លងលិខិតទៅវិញទៅមករវាងអ្នកដែលត្រូវបានតែងតាំងនោះ
ជាមួយនិង CPP និង CNRP លោកស្រី ពុង ឈីវកេក ប្រធានអង្គការ LICADHO កម្ពុជា
ត្រូវបានបង្ហាញថាជាអ្នកដែលត្រូវបានតែងតាំងនោះ ហើយ ហើយលោកស្រីក៏បានយល់ព្រមធ្វើជាសមាជិកទី៩នៃ គ.ជ.ប
ក្រោយពេលទទួលបានកិច្ចព្រមព្រៀងជាមូលដ្ឋាន មួយពីគណបក្សនយោបាយទាំងពីរ
ដើម្បីអាចឱ្យលោកស្រីអនុវត្តកាតព្វកិច្ចរបស់ខ្លួនដោយឯករាជ្យពេញលេញ និង ស្មារតីសេ្នហាជាតិ
និងគ្មានសម្ពាធនយោបាយ។
ការប្រញាប់ប្រញាល់របស់Brad Adams ដោយគ្មានការគិតពិចារណាក្នុងការបង្ខូចតម្លៃ «កិច្ចព្រមព្រៀងថ្ងៃទី ២២
ខែកក្កដា ឆ្នាំ២០១៤ រវាងCPP និងCNRPនោះ»
និងជាពិសេសគ.ជ.ប ថ្មីដែលនឹងត្រូវបង្កើតឡើងនោះ និងក្នុង ការបញ្ចេញភាពខ្វះជំនឿរបស់លោកនៅក្នុងដំណើរការជ្រើសរើសសមាជិកទី៩
គឺជាភ័ស្តុតាងគ្រប់គ្រាន់សម្រាប់ប្រាប់ ទៅកាន់ពិភពលោកទាំងមូលថា «លោកធ្វើការងារទៅតាមតែរបៀបវារៈរបស់ខ្លួន
ទោះជាវាជាអ្វីក៏ដោយ ហើយមិនមែន សម្រាប់បុព្វហេតុនៃប្រជាជនកម្ពុជា
ដូចដែលលោកធ្លាប់ប្រកាសថាបានខ្វល់ខ្វាយជាច្រើនដងមកពីមុនហើយនោះ ទេ។»
ប្រជាជនកម្ពុជា នឹងតាមមើលថាតើរដ្ឋសភាជាតិនឹងបោះឆ្នោតដូចម្ត៉េច
នៅក្រោមនីតិវិធីសម្លេងភាគច្រើន ៥០% បូក១ ដើម្បីផ្តល់តំណែងដល់សមាជិកទាំង៩រូបនៅគ.ជ.ប។
នេះគឺជាវិញ្ញាសារដ៏ធំមួយទៀតអំពីឥរិយាបទនយោបាយ ថ្មីនៃរដ្ឋសភាជាតិក្នុងចំនួនសមាជិកពេញលេញ។
បន្ទុកសម្រាប់ការទទួលខុសត្រូវរបស់សមាជិកសភា CPP នឹងធ្ងន់ ជាងបន្ទុករបស់សមាជិកសភា
CNRP។
Brad Adams នឹងជាអ្នកឈ្នះចុងក្រោយគេ ប្រសិនបើលទ្ធផលនៃវិញ្ញាសារដ៏ធំនេះបញ្ជាក់ថាវាស្របទៅនឹង
គំនិតរបស់លោក។
សាស្ត្រាចារ្យ
ប៉ែន ងឿន
ទីប្រឹក្សាសកលវិទ្យាល័យពុទ្ធិសាស្ត្រ
ភ្នំពេញ កម្ពុជា
ទស្សនៈ៖ បន្ទាប់ពីពហិការមិនព្រមចូលសភាយ៉ាងយូររបស់គណបក្សសង្គ្រោះជាតិ ឥរិយាបទនយោបាយថ្មីមួយបានចាប់បដិសន្ធិឡើង
សករាជថ្មីមួយនៅក្នុងនយោបាយកម្ពុជា ត្រូវបានចារទុកសម្រាប់ប្រជាជនខ្មែរជំនាន់ក្រោយ។ ក្រោយ រយៈពេលមួយឆ្នាំដែលគណបក្សសង្រ្គោះជាតិធ្វើពហិការមិនចូលសភាតាំងពីការបោះឆ្នោតសភា ថ្ងៃទី២៨ ខែកក្កដា ឆ្នាំ២០១៣ គណបក្សប្រជាជនកម្ពុជា (CPP) និងគណបក្សសង្គ្រោះជាតិ (CNRP) បានឈាន ដល់កិច្ចព្រមព្រៀងមួយដើម្បីបញ្ចប់វិបត្តិនយោបាយនេះ។ «កិច្ចព្រមព្រៀងថ្ងៃទី២២ ខែកក្កដា ឆ្នាំ២០១៤ រវាង CPP និង CNRP គឺជាកិច្ចព្រមព្រៀងប្រវត្តិសាស្ត្រ មួយដោយសារហេតុផលមួយចំនួន។
ទីមួយ និងសំខាន់បំផុត កិច្ចព្រមព្រៀងនេះផ្តល់នូវមូលដ្ឋានគ្រឹះសម្រាប់ជម្រុញប្រជាធិបតេយ្យក្នុង ប្រទេសកម្ពុជា តាមរយៈកំណែទម្រង់ស្ថាប័ន និងច្បាប់នៃអំណាចនីតិបញ្ញត្តិក្នុងការឆ្លើយតបទៅនឹងតម្រូវការ នៃអ្នកបោះឆ្នោត ដ៏សកម្មនិងរស់រវើក ដែលកំពុងកាន់តែមិនសប្បាយចិត្តជាមួយនឹង «របៀបធ្វើការចាស់ៗ» ដោយអាជ្ញាធរនានាដែលគ្រប់គ្រងទាំងស្រុងដោយ CPP។ អ្នកបោះឆ្នោតបានបោះឱ្យ CPP ៦៨ អាសនៈ និង CNRP ៥៥អាសនៈ ក្នុងការបោះឆ្នោតទូទៅ ខែកក្កដា ឆ្នាំ២០១៣ ដែលជាលទ្ធផលមួយដែលចាប់ផ្ដើមពង្រឹង អំណាចតថ្លៃរបស់ CNRP និងមិនអនុញ្ញាតឱ្យ CPP គ្របសង្កត់បានដូចមុនទៀតឡើយ។ ការធ្វើពហិការមិន ចូលសភាដោយតំណាងរាស្ត្រជាប់ឆ្នោតរបស់ CNRP ចាប់តាំងពីសម័យប្រជុំដំបូងរបស់សភា ក្រោមការ ចោទប្រកាន់ផ្សេងៗនោះ នឹងត្រូវបញ្ចប់នៅក្រោម «កិច្ចព្រមព្រៀងនេះ»។
ទីពីរ ហើយសំខាន់ដូចទីមួយដែរនោះគឺ ឆន្ទៈនយោបាយរបស់ សម្តេចតេជោ ហ៊ុន សែន អនុប្រធាននៃគណបក្សប្រជាជនកម្ពុជា និងជានាយករដ្ឋមន្ត្រីនៃរាជរដ្ឋាភិបាលកម្ពុជា ដែលនៅទីបំផុតបាន ហុចប្រជាធិបតេយ្យទៅអោយសភា និងតាមរយៈសភានេះទៅអោយប្រជាពលរដ្ឋកម្ពុជានៅពេលដ៏ត្រឹមត្រូវ មួយ គឺនៅពេលដែលសម្តេចគិតថាជាពេលវេលាដ៍សក្តិសមមួយ ដែលនេះបង្ហាញថាសម្តេច គឺជាអ្នកការពារ សន្តិសុខ ឯកភាព និងសុខុមាលភាពនៃប្រជាជនកម្ពុជា។ គឺជាការច្បាស់លាស់ណាស់ថា គេមិនអាចរាំចង្វាក់ តង់ហ្គោ (Tango) ដោយមិនមានដៃគូរនោះទេ ដែលមានន័យថាត្រូវតែមាន សម្តេចតេជោ ហ៊ុន សែន និងឯកឧត្តម សម រង្ស៊ី ឬក្នុងន័យទូលាយជាងនេះត្រូវតែមាន CPP និង CNRP ដើម្បីចុះកិច្ចព្រមព្រៀងមួយ ឬបង្កើតកិច្ចព្រមព្រៀងនេះ។ ក៍ប៉ុន្តែការពិតនៅតែបង្ហាញថា ប្រសិនបើគ្មានគតិបណ្ឌិត និងឆន្ទៈនយោបាយ របស់ សម្តេចតេជោ ហ៊ុន សែន នោះទេ ប្រជាធិបតេយ្យពិតប្រាកដមួយ នឹងត្រូវឆ្លងកាត់អំឡុងពេល អស្ថេរភាព ធ្វើដំណើរទៅជាមួយក្តីសង្ឃឹមផង និងក្តីអស់សង្ឃឹមផង ដកដង្ហើមរស់តាមរយៈការប្រឈមមុខ ដាក់គ្នា និងភាពស្ងប់ស្ងាត់ដោយគ្មានភាពប្រាកដប្រជា និងការធានាបាននូវជោគជ័យដោយសារតែគ្មានការ ដឹកនាំ និងទស្សនៈវិស័យនោះទេ។ ប៉ុន្តែ ប្រជាធិបតេយ្យបែបបំផ្លិចបំផ្លាញ និងប្រជានិយមអាចត្រូវបានផ្តល់ យ៉ាងងាយស្រួលទៅឱ្យហ្វូងមនុស្សនៅតាមដងផ្លូវដោយមនុស្សដែលមិនទទួលខុសត្រូវ។
ទីបី គឺកំណែទម្រង់មូលដ្ឋានដែលមិនបានប្រកាសនៃអំណាចនីតិបញ្ញាត្តិដែលកើតចេញពី «កិច្ចព្រម ព្រៀង» នយោបាយនេះ។ កំណែទម្រង់មួយនេះគឺខុសគ្នាទាំងស្រុងពីកញ្ចប់ដ៏ធំមួយនៃកំណែទម្រង់ស៊ីជម្រៅ ដែលបានប្រកាសដោយរាជរដ្ឋាភិបាលកម្ពុជាក្នុងខែកញ្ញា ឆ្នាំ២០១៣។ ពេលនេះ ការកោតសរសើរត្រូវតែ ផ្តល់ទៅឱ្យអ្នកនយោបាយកម្ពុជា ទាំង CPP និង CRNP ។ អ្នកនយោបាយកម្ពុជា «ប្រឈមមុខនឹងបញ្ហា ដោយក្លាហាន និងដោះស្រាយវាដោយបើកចំហរ»។ ពួកគេនឹងធ្វើការជាមួយគ្នានៅក្នុងសភា ដើម្បីដោះស្រាយ បញ្ហាជាតិក្រោមគោលគារណ៍ប្រជាធិបតេយ្យ និងនីតិរដ្ឋ។ ពួកគេ នឹងរួមគ្នាកែទម្រង់គណៈកម្មាធិការជាតិ រៀបចំការបោះឆ្នោត (គជប) និងនីតិវិធីបោះឆ្នោត។ ពួកគេនឹងរួមគ្នាធ្វើការកែទម្រង់រដ្ឋសភាជាតិ ដើម្បីឱ្យ ស្ថាប័នជាតិដ៏សំខាន់មួយនេះ ក្លាយទៅជាឯករាជ្យ និងដាច់ចេញពីអំណាចនីតិប្រតិបត្តិ។ អ្នកបោះឆ្នោតនឹង មានឱកាសមើលអង្គនីតិបញ្ញត្តិធ្វើការងារ។ អ្នកបោះឆ្នោតនឹងទាមទារឱ្យមានតម្លាភាព និងការបើកចំហរនៃ ការពិភាក្សាដេញដោល។ ពួកគេនឹងមើលឃើញរបៀបដែលតំណាងរាស្ត្រជាប់ឆ្នោតនៃគណបក្សពួកគេប្រតិបត្តិ ខ្លួនដូចម្តេចនៅពេលបំពេញការងារតាមរយៈការផ្សាយបន្តផ្ទាល់តាមទូរទស្សន៍ និងវិទ្យុ។
ថ្ងៃទី២២ ខែកក្កដា គឺជាថ្ងៃមួយដែលត្រូវចងចាំ។ តើការដឹកនាំដ៏ប៉ិនប្រសប់របស់ សម្តេចតេជោ ហ៊ុន សែន អនុប្រធាននៃ CPP នឹងបន្សល់ទុកនូវកេរ្ត៍តំណែលមួយដល់ប្រជាជនជំនាន់ក្រោយដែលសម្តេច បានដើរតួនាទីដ៏សំខាន់ក្នុងការជម្រុញប្រជាធិបតេយ្យក្នុងប្រទេសកម្ពុជា ដែលផ្ទុយទៅនឹងការចោទប្រកាន់ ដែលមានចេតនាអាក្រក់ថាសម្តេច ជាជនផ្តាច់ការនោះដែរឬទេ? ចម្លើយគឺត្រូវហើយវានឹងដូច្នេះ។ លើសពី នេះទៀត មេដឹកនាំ CPP និង CNRP សមទទួលបានការសរសើរដ៏ពេញលេញ និងការគោរពដ៏ជ្រាលជ្រៅ ពីព្រោះពួកគេបានសន្យាថានឹងបំពេញកិច្ចការរបស់ពួកគេប្រកបដោយមនសិការសម្រាប់ ពង្រឹងប្រជាធិប តេយ្យ នៅរដ្ឋសភាជាតិក្រោមមាត្រានៃ «កិច្ចព្រមព្រៀងនេះ» ហើយបន្ទាប់មកពួកគេនឹងរុញទម្លាក់ប្រជាធិប តេយ្យ ទៅឱ្យប្រជាពលរដ្ឌកម្ពុជានៅក្រោមដំណើរការនៃការធ្វើប្រជាធិបតេយ្យរូបនីយកម្មរចនាសម្ព័ន្ធ និង ស្ថាប័ន។ ជាចុងក្រោយ បុគ្គលិកលក្ខណៈនយោបាយមួយដោយផ្អែកលើការពិភាក្សា ការជជែកវែកញែក និង ការសម្របសម្រួលបានចាប់ផ្តើមលេច ជារូបរាងរវាងអ្នកកាន់តំណែងនៃអំណាចនីតិបញ្ញត្តិពីគណបក្ស នយោបាយប្រឆាំង ដែលគួរតែទទួលបានសិទ្ធិស្មើគ្នា កិត្តិយសដូចគ្នាក្នុងនាមជាតំណាងរាស្ត្រ និងទទួលបាន ចំណាប់អារម្មណ៍ដូចគ្នាពីសាធារណៈជន។
ថ្ងៃទី៣០ ខែកក្កដា ឆ្នាំ២០១៤
សាស្ត្រាចារ្យ ប៉ែន ងឿន
ទីប្រឹក្សាសកលវិទ្យាល័យពុទ្ធិសាស្ត្រ ភ្នំពេញ កម្ពុជា
Thursday, July 31, 2014
ក្រុមហ៊ុនបោះពុម្ដជប៉ុន សុំទោស កម្ពុជា ទាក់ទងនឹងការប្រើប្រាស់ រូបអង្គរវត្ដនៅលើគម្របសៀវភៅបង្រៀនភាសាវៀតណាម
ភ្នំពេញៈ តាមរយៈ គេហទំព័រស្ថានទូតជប៉ុន បានអោយដឹងថា កាលពីថ្ងៃទី២៧ ខែកក្កដា ឆ្នាំ២០១៤ កន្លងទៅ ក្រុមហ៊ុនបោះពុម្ដអាស៊ូការរបស់ ប្រទេសជប៉ុនបានចេញលិខិត សុំទោសមួយតាមរយៈគេហទំព័ររបស់ស្ថានទូត ប្រទេសជប៉ុន ប្រចាំប្រទេសកម្ពុជា លើបញ្ហា ដែលទាក់ទងនឹងការប្រើប្រាស់រូបអង្គរវត្ដ នៅលើគម្របសៀវភៅបង្រៀនភាសាវៀតណាម។ ខាងក្រោមនេះគឺជា ខ្លឹមសារលិខិតសុំទោសរបស់ ក្រុមហ៊ុនបោះពុម្ដនោះ។
លិខិតជាភាសាអង់គ្លេសៈ
លិខិតជាភាសាជប៉ុនៈ
គំរបសៀវភៅចាស់ៈ
គំរបសៀវភៅ ពេលដែលបោះពុម្ដជាថ្មីៈ
Wednesday, July 30, 2014
ជើងហោះហើរត្រង់ពីកូរ៉េបានមកដល់ខេត្តព្រះសីហនុជាលើកដំបូង
AKP ខេត្តព្រះសីហនុ ថ្ងៃទី២៩ ខែកក្កដា ឆ្នាំ២០១៤
ជើងហោះហើរត្រង់ លើកដំបូងពី សាធារណរដ្ឋកូរ៉េ មកកាន់ខេត្តព្រះសីហនុ នៃព្រះរាជាណាចក្រកម្ពុជា បានចាប់ផ្តើមកាលពីថ្ងៃទី២៩ ខែកក្កដា ឆ្នាំ២០១៤នៅពេល ដែលយន្តហោះស្កាយវីងអេស៊ាអ៊ែឡាញ៣២០មួយគ្រឿងបាននាំអ្នក ដំណើរចម្រុះជាតិសាសន៍ ប្រមាណ១៤២នាក់ មកចុះចតនៅព្រលានយន្តហោះ អន្តរជាតិកងកេង កាលពីម៉ោង២រសៀលនោះ។
យន្តហោះស្កាយវីងអេស៊ាអ៊ែឡាញ ៣២០ បានប្រើរយៈពេលជាង៦ម៉ោង ចេញដំណើរពីទីក្រុងសេអ៊ូល មកកាន់ខេត្តព្រះសីហនុ ដោយបាននាំភ្ញៀវទេសចរចូលទស្សនានៅទីក្រុងព្រះសីហនុ រាជធានីភ្នំពេញ និងខេត្តសៀមរាប ដែល បានធ្វើដំណើរបន្តតាមរថយន្តទេសចរណ៍។
នៅឯព្រលានយន្តហោះកងកេងឯកឧត្តម ឈិត សុខុន អភិបាលខេត្តនិងថ្នាក់ដឹកនាំខេត្តជាច្រើនរូបទៀត បានទទួលស្វាគមន៍ចំពោះការមកដល់ ប្រកបដោយសុវត្ថិភាពរបស់ភ្ញៀវទេសចរ ដែលធ្វើដំណើរតាមយន្ត ហោះស្កាយវីងអេស៊ាអ៊ែឡាញ៣២០នេះ៕
ដោយ ជ័យ ភូមិពល
ឯកឧត្តម សុខ អាន ៖ សមត្ថភាពរបស់មេធាវីត្រូវពង្រឹង ទាំងក្នុងការអប់រំដំបូងនិងការអប់រំបន្ត
AKP ភ្នំពេញ ថ្ងៃទី២៩ ខែកក្កដា ឆ្នាំ២០១៤
នៅក្នុងពិធីប្រគល់វិញ្ញាបនបត្រសម្បទាខាងវិជ្ជាជីវៈមេធាវី ដល់សិស្សមេធាវីជំនាន់ទី១០ ទី១១និង ទី១២ និងបើកវគ្គសិក្សា វិជ្ជាជីវៈមេធាវីដល់សិស្សមេធាវី ជំនាន់ទី១៣ នៃមជ្ឈមណ្ឌលបណ្តុះបណ្តាលវិជ្ជាជីវៈមេធាវីនាព្រឹកថ្ងៃទី២៩ កក្កដា ឆ្នាំ២០១៤ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រី ទទួលបន្ទុកទីស្តីការគណៈរដ្ឋមន្ត្រីថ្លែងថា សមត្ថភាពរបស់មេធាវីត្រូវពង្រឹងទាំង ក្នុងការអប់រំដំបូង និងការអប់រំបន្ត សំដៅផលិតធនធានមនុស្សក្នុងវិស័យយុត្តិធម៌ ដើម្បីចូលរួមចំណែកក្នុងការពង្រឹងនីតិរដ្ឋ ការការពារសិទ្ធិ និងសេរីភាពរបស់ប្រ ជាពលរដ្ឋតាមច្បាប់ជាធរមាន។
ឯកឧត្តម សុខ អាន បានរម្លឹកអំពីដំណើរការនៃការពង្រឹងនីតិរដ្ឋ និងបង្ហាញ បទពិសោធន៍ ដែលទទួលបានពីអង្គជំនុំជម្រះវិសាមញ្ញក្នុងតុលាការកម្ពុជា ឬ សាលាក្ដីខ្មែរក្រហម ដែលបទពិសោធន៍ពីសាលាក្ដីខ្មែរក្រហមនោះសម្រាប់ការ ពង្រឹងនីតិរដ្ឋនៅកម្ពុជា។ ឯកឧត្តមឧបនាយករដ្ឋមន្ត្រីបានថ្លែងឲ្យដឹងអំពីតម្រូវការ ក្នុងការបើកឲ្យមានការបណ្ដុះបណ្ដាលវិជ្ជាជីវៈសំខាន់មួយទៀត គឺ«រដ្ឋបាលតុលា ការ»។
ឯកឧត្តមបានពន្យល់ថា «រដ្ឋបាលតុលាការ» មានតួនាទីគ្រប់គ្រងបុគ្គលិក គ្រប់គ្រងសំណុំរឿងក្ដី ដោយប្រើបច្ចេកវិទ្យា (IT) គ្រប់គ្រងហិរញ្ញវត្ថុ ជាអ្នកបកប្រែ ភាសា និងជាអ្នកនាំពាក្យរបស់តុលាការជាដើម។
ឯកឧត្តមឧបនាយករដ្ឋមន្ត្រីបានរម្លឹកថា ប្រមាណ១០ឆ្នាំមុន ដោយមិនមាន មន្ត្រីចេះចាត់ចែងរដ្ឋបាលក្នុងតុលាការ សំណុំរឿងបាននៅសល់រាប់ម៉ឺន មិនបាន កាត់ក្ដី ហើយសំណុំរឿងខ្លះចូលមុន កាត់ក្ដីក្រោយ អ្នកខ្លះទោសត្រូវជាប់ពន្ធនាគារ ៦ខែ តែជាប់ដល់៣ឆ្នាំ ហើយចៅក្រមភ្លេចហៅមកកាត់ក្ដីក៏មាន។ ដូច្នេះយើងត្រូវ បង្កើតឲ្យមានសាលាបណ្ដុះបណ្ដាលវិជ្ជាជីវៈមួយទៀត គឺ«រដ្ឋបាលតុលាការ» នៅ ក្រោមបណ្ឌិតសភាវិជ្ជាជីវៈតុលាការ ដែលបច្ចុប្បន្នមានសាលាបណ្ដុះបណ្ដាល វិជ្ជាជីវៈចំនួន០៤រួចហើយ គឺសាលាចៅក្រម សាលាក្រឡាបញ្ជី សាលាសាការី និង សាលាអាជ្ញាសាលា។
ទាក់ទិននឹងដំណើរការនីតិរដ្ឋ ឯកឧត្តមឧបនាយករដ្ឋមន្ត្រីថ្លែងថា ប្រជាធិប តេយ្យត្រូវតែដើរទន្ទឹមនឹងនីតិរដ្ឋ ហើយបើនិយាយពីដំណើរការ នៃការពង្រឹងនីតិ រដ្ឋ គឺត្រូវនិយាយអំពីការកសាងច្បាប់ល្អ ច្បាប់ត្រឹមត្រូវ និយាយអំពីការពង្រីកការ យល់ដឹងអំពីច្បាប់ទាំងនោះដល់ប្រជាជនទូទៅ និងដល់មន្ត្រីរាជការ និងការអនុវត្ត ច្បាប់ឲ្យត្រឹមត្រូវ។ ជាអ្នកនៅចំរណសិរ្សជួរមុខ នៃការអនុវត្តច្បាប់មេធាវីត្រូវតែ យល់ដឹងអំពីច្បាប់ឲ្យបានស៊ីជម្រៅ ហើយវិជ្ជាជីវៈមេធាវី ត្រូវខិតខំតស៊ូការពារកូន ក្ដី ដើម្បីឲ្យតុលាការអនុវត្តច្បាប់បានត្រឹមត្រូវ ដែលនោះហើយជាដំណើរការ នៃ ការពង្រឹងនីតិរដ្ឋ ។
ឯកឧត្តម សុខ អាន បានផ្តល់អនុសាសន៍ចំពោះសិស្សមេធាវីថា មេធាវីមិន ត្រឹមតែមានតួនាទីការពារក្តីជូនកូនក្ដីនៅគ្រប់កាលៈទេសៈប៉ុណ្ណោះទេ ប៉ុន្តែមេធាវីគឺ ជាធនធានបញ្ញា ដែលបានចូលរួមចំណែកយ៉ាងសកម្ម ក្នុងការអភិវឌ្ឍសេដ្ឋកិច្ច ជាតិ ហើយបានក្លាយជាកត្តា ដែលមិនអាចខ្វះបានក្នុងការចូលរួមអនុវត្តន៍គោល នយោបាយកំណែទម្រង់ច្បាប់ និងប្រព័ន្ធយុត្តិធម៌ និងទទួលបានការទុកចិត្តពីប្រ ជាពលរដ្ឋទូទៅក៏ដូចជាពាណិជ្ជករផងដែរ។ ដើម្បីអភិវឌ្ឍន៍ប្រទេសឲ្យស្របទៅ តាមគោលការណ៍ទីផ្សារសេរី និងគោលការណ៍លទ្ធិប្រជាធិបតេយ្យ ច្បាប់ និង សេដ្ឋកិច្ចត្រូវដើរទន្ទឹមគ្នា និងមានទំនាក់ទំនងដោយរលូនជាមួយគ្នា។ ជាក់ស្តែង ការទាក់ទាញវិនិយោគិនក្នុងស្រុក និងបរទេស ដែលជាកត្តាចម្បងក្នុងការជំរុញ កំណើនសេដ្ឋកិច្ចជាតិនោះអាចទទួលបានជោគជ័យ ត្រូវពឹងផ្អែកទៅលើកត្តាជា ច្រើន ដែលក្នុងនោះទំនុកចិត្តទៅលើប្រព័ន្ធច្បាប់ និងប្រព័ន្ធយុត្តិធម៌ ជាកត្តា អាទិភាពមួយ ដើម្បីធានាការពារផលប្រយោជន៍ ស្របច្បាប់របស់អ្នកវិនិយោគ។
ឯកឧត្តម សុខ អាន បានស្នើឲ្យគណៈមេធាវី និងមជ្ឈមណ្ឌលបណ្តុះ បណ្តាលវិជ្ជាជីវៈមេធាវីបន្តបេសកកម្មដ៏ប្រពៃរបស់ខ្លួន ដើម្បីបន្តចូលរួមចំណែក ក្នុងការអនុវត្តគោលនយោបាយកំណែទម្រង់ប្រព័ន្ធច្បាប់ និងយុត្តិធម៌របស់រាជ រដ្ឋាភិបាល។ ក្នុងន័យនេះ មជ្ឈមណ្ឌលបណ្តុះបណ្តាលវិជ្ជាជីវៈមេធាវី គួរផ្តោតការ យកចិត្តទុកដាក់ក្នុងការពង្រឹងសមត្ថភាពស្ថាប័ន តាមរយៈការធ្វើទំនើបកម្ម នៃកម្ម វិធីសិក្សារបស់ខ្លួនឲ្យមានកម្រិតកាន់តែខ្ពស់ ការបង្កើនសមត្ថភាពសាស្រ្តាចារ្យ ទាំងទ្រឹស្ដី និងការអនុវត្តការងារជាក់ស្ដែង។ ជាមួយគ្នានេះដែរ គណៈមេធាវីក៏ដូច ជាមជ្ឈមណ្ឌលបណ្តុះបណ្តាលវិជ្ជាជីវៈមេធាវី គួរពង្រឹង និងពង្រីកទំនាក់ទំនងល្អ ជាមួយស្ថាប័នច្បាប់ជាតិ និងអន្តរជាតិទាំងស្ថាប័នសាធារណៈ និងឯកជនបន្ថែម ទៀត ជាពិសេសគណៈមេធាវី និងក្រុមហ៊ុន មេធាវីល្បីៗក្នុងសកលលោក ដើម្បីធ្វើ ការផ្លាស់ប្តូរបទពិសោធន៍ទៅវិញទៅមក។
របាយការណ៍បណ្ដុះបណ្ដាលវិជ្ជាជីវៈមេធាវីបានឲ្យដឹងថា ចាប់តាំងពី ឆ្នាំ ១៩៩៥ មកដល់បច្ចុប្បន្ន មជ្ឈមណ្ឌលបានបណ្តុះបណ្តាលមេធាវីបានចំនួន១២វគ្គ ដោយបណ្តុះបណ្តាលមេធាវីបានចំនួន៦០៨នាក់ និងបើកវគ្គសិក្សាវិជ្ជាជីវៈមេធាវី ជំនាន់ទី១៣ចំនួន៥៤នាក់។ បច្ចុប្បន្ននេះ មេធាវីពេញសិទ្ធិដែលកំពុងប្រកបវិជ្ជា ជីវៈមេធាវីមានចំនួន៧២៥រូប ដោយបានបើកការិយាល័យរបស់ខ្លួននៅទូទាំង ប្រទេសចំនួន៣០០ការិយាល័យ៕
ដោយ ពេជ្រ ណារិទ្ធ
ឥណ្ឌារីករាយក្នុងការបន្តផ្តល់ហិរញ្ញប្បទានសហប្រតិបត្តិការដល់កម្ពុជា លើគម្រោងអភិវឌ្ឍន៍វិស័យធារាសាស្រ្ត និងថាមពលអគ្គិសនី
AKP ភ្នំពេញ ថ្ងៃទី២៩ ខែកក្កដា ឆ្នាំ២០១៤
ឯកឧត្តម Dinesh K. Patnaik ឯកអគ្គរដ្ឋទូតឥណ្ឌាប្រចាំកម្ពុជា បានជម្រាប នៅក្នុងជំនួបពិភាក្សាជាមួយឯកឧត្តម អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ នារសៀលថ្ងៃទី២៨ ខែកក្កដា ឆ្នាំ២០១៤ នៅទីស្តីការក្រសួងថា រដ្ឋា ភិបាលឥណ្ឌាមាន សេចក្តី សោមនស្ស រីករាយ ក្នុងការបន្តផ្តល់ហិរញ្ញប្បទាន សហប្រតិបត្តិការដល់កម្ពុជា សម្រាប់គម្រោង អភិវឌ្ឍន៍ក្នុង វិស័យ ធារាសាស្រ្ត និងថាមពលអគ្គិសនី។
ឯកឧត្តមឯកអគ្គរដ្ឋទូតក៏បានវាយតម្លៃខ្ពស់ ចំពោះកិច្ចខិតខំប្រឹងប្រែងប្រ កបដោយភាព ឈ្លាសវៃ របស់រាជរដ្ឋា ភិបាលកម្ពុជា ក្នុងការរក្សាបាននូវសន្តិភាព ស្ថិរភាពនយោបាយ និងការបង្រួបបង្រួមជាតិ ក្នុងរយៈពេលជាច្រើនឆ្នាំចុង ក្រោយនេះ។
ឯកឧត្តមរដ្ឋមន្រ្តី អូន ព័ន្ធមុនីរ័ត្ន បានសម្តែងស្វាគមន៍ចំពោះឯកអគ្គរដ្ឋទូត ឥណ្ឌា ដែលបានឆ្លៀត ពេល ដ៏មមាញឹកមកជួបពិភាក្សាការងារស្តីពីកិច្ចសហ ប្រតិបត្តិការទ្វេភាគីរវាងប្រទេសទាំងពីរកម្ពុជា-ឥណ្ឌា ហើយចំណងមិត្តភាព និង កិច្ចសហប្រតិបត្តិការរវាងប្រទេស ទាំងពីរត្រូវបានពង្រឹងឥតឈប់ឈរពីមួយថ្ងៃ ទៅមួយថ្ងៃ។ លទ្ធផលដ៏ល្អប្រសើរទាំងនេះ មិនអាចកាត់ផ្តាច់ចេញបានពីកិច្ច ខិតខំប្រឹងប្រែង និងការ ចូលរួមចំណែកយ៉ាងសកម្មរបស់ឯកឧត្តមឯកអគ្គរដ្ឋទូត ឥណ្ឌា និងសមានចិត្តរបស់រដ្ឋាភិបាល និង ប្រជាជនឥណ្ឌាផងដែរ ។
ភាគីទាំងពីរ បានសន្យាបន្តជំរុញកិច្ចសហប្រតិបត្តិការឲ្យកាន់តែខ្លាំងក្លា ថែមទៀត ដើម្បីបង្កើនល្បឿន នៃការអភិវឌ្ឍប្រទេសកម្ពុជា ជាពិសេសកិច្ចសហ ប្រតិបត្តិការក្នុងការអនុវត្តគម្រោងនានា ដែលកំពុង ដំណើរការ និងការពិនិត្យ លទ្ធភាពអនុវត្តន៍គម្រោងថ្មីៗទៀត។
ក្នុងនាមជាមិត្តដ៏ល្អមួយរបស់កម្ពុជា ប្រទេសឥណ្ឌាបានផ្តល់ឥណទាន សម្បទាន ដើម្បីរួមចំណែកដល់ ការអភិវឌ្ឍសេដ្ឋកិច្ច និងសង្គមកម្ពុជា ដែលរហូត មកដល់បច្ចុប្បន្នមានទឹកប្រាក់សរុបចំនួន ៧៥លាន ដុល្លារអាម៉េរិក សម្រាប់អនុ វត្តន៍គម្រោងអភិវឌ្ឍន៍នានាក្នុងវិស័យធារាសាស្រ្តកសិម្ម និងថាមពលអគ្គិសនី នោះ៕
ដោយ ហ៊ុន យុទ្ធគុណ
ទូរទស្សន៍ខេត្តយូណាននិងទូរទស្សន៍ជាតិកម្ពុជានឹងរៀបចំមហោស្រព និទាឃៈរដូវកម្ពុជា-ចិន២០១៥នៅខែកុម្ភៈ
AKP ភ្នំពេញ ថ្ងៃទី២៩ ខែកក្កដា ឆ្នាំ២០១៤
នៅក្នុងជំនួបពិភាក្សាការងារជាមួយឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន កាលពីថ្ងៃទី២៨ ខែកក្កដា ឆ្នាំ២០១៤ នៅទីស្តីការក្រសួង លោក Li Jiansheng អគ្គនាយកវិទ្យុ និងទូរទស្សន៍ខេត្តយូណាន នៃសាធារណរដ្ឋប្រជា មានិតចិន បានជម្រាបថា ទូរទស្សន៍ខេត្តយូណាន សហការជាមួយទូរទស្សន៍ ជាតិកម្ពុជានឹងរៀបចំមហោស្រពនិទាឃៈរដូវកម្ពុជា-ចិន ២០១៥ នៅក្នុងខែកុម្ភៈ ឆ្នាំ២០១៥ សម្រាប់ជាឱកាសបង្ហាញឲ្យប្រជាជនកម្ពុជា និងប្រជាជនចិនបាន យល់ និងស្គាល់ពីវប្បធម៌ និងប្រពៃណីពីគ្នាទៅវិញទៅមកកាន់តែច្បាស់ថែម ទៀត ។
នៅក្នុងជំនួបនោះ លោកអគ្គនាយបានជម្រាបឯកឧត្តមរដ្ឋមន្រ្តីពីសកម្ម ភាព នៃកិច្ចសហប្រតិបត្តិការរវាងទូរទស្សន៍ខេត្តយូណាន ជាមួយទូរទស្សន៍ក្នុង ប្រទេសថៃ កាលពីឆ្នាំ២០១៣ និងជាមួយទូរទស្សន៍ឡាវនៅ ឆ្នាំ២០១៤ ក្នុងការ បង្ហាញពីវប្បធម៌ និងប្រពៃណីរបស់ប្រទេសនីមួយៗទៅវិញទៅមក។ ដូច្នេះការ រៀបចំជាមហោស្រពនៅ ឆ្នាំ២០១៥ខាងមុខនេះក្នុងប្រទេសកម្ពុជា ទូរទស្សន៍ ខេត្តយូណាន បានជួបពិភាក្សាជាមួយមន្ត្រី នៃក្រសួងពាក់ព័ន្ធជាច្រើន ដើម្បី ពិនិត្យសម្ភារបច្ចេកទេស និងទីកន្លែងដែលត្រូវប្រារព្ធពិធី ហើយទូរទស្សន៍ខេត្ត យូណាននឹងធ្វើការផ្សាយបន្តផ្ទាល់ពីព្រឹត្តិការណ៍នេះទៅប្រទេសចិនផងដែរ។
នៅក្នុងព្រឹត្តិការណ៍មហោស្រពនិទាឃៈរដូវនេះ ក៏នឹងមានគម្រោងគោរព អញ្ជើញសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជា ណាចក្រកម្ពុជាចូលរួមជាអធិបតីដ៏ខ្ពង់ខ្ពស់ផងដែរ ។
នៅក្នុងព្រឹត្តិការណ៍មហោស្រពនិទាឃៈរដូវនេះ ក៏នឹងមានគម្រោងគោរព អញ្ជើញសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជា ណាចក្រកម្ពុជាចូលរួមជាអធិបតីដ៏ខ្ពង់ខ្ពស់ផងដែរ ។
ឯកឧត្តម ខៀវ កាញារីទ្ធ បានសម្តែងការគាំទ្រចំពោះគម្រោងសហ ប្រតិបត្តិការរវាងទូរទស្សន៍ជាតិកម្ពុជា ជាមួយទូរទស្សន៍ខេត្តយូណាននៃប្រទេស ចិន ក្នុងការរៀបចំជាមហោស្រពនិទាឃៈរដូវកម្ពុជា-ចិន២០១៥នេះឡើង។ ឯក ឧត្តមរដ្ឋមន្រ្តីក៏បានជំរុញឲ្យមន្រ្តីពាក់ព័ន្ធទាំងអស់ ធ្វើយ៉ាងណាសហការគ្នាឲ្យ បានល្អ ដើម្បីឲ្យដំណើរការកម្មវិធីនេះប្រព្រឹត្តទៅដោយជោគជ័យ សម្រាប់ជា ផលប្រយោជន៍រួមនៃប្រទេសទាំងពីរកម្ពុជា-ចិននោះ៕
ដោយ ហ៊ុន យុទ្ធគុណ
ក្រសួងពាណិជ្ជកម្មជំរុញឲ្យការរៀបចំច្បាប់ និងលិខិតបទដ្ឋានគតិយុត្ដ នៅតាមក្រសួង ស្ថាប័នឲ្យបានត្រឹមត្រូវ
AKP ភ្នំពេញ ថ្ងៃទី២៩ ខែកក្កដា ឆ្នាំ២០១៤
ក្នុងសិក្ខាសាលាស្ដីពីការយល់ដឹង លើការវាយ តម្លៃផល ប៉ះ ពាល់ នៃលិខិត បទដ្ឋានគតិយុត្ត ព្រឹកថ្ងៃទី២៩ ខែកក្កដា ឆ្នាំ២០១៤ នៅរាជធានីភ្នំពេញឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្មបានមានប្រសាសន៍ថា ក្រសួង ពាណិជ្ជកម្ម គឺជាក្រសួង ដែលមានការពាក់ ព័ន្ធច្រើនដល់វិស័យឯកជន ហើយ ច្បាប់ពាក់ព័ន្ធនឹងវិស័យពាណិជ្ជកម្ម បានផ្ដល់នូវសារសំខាន់ និងផ្ដល់ការទុកចិត្ដ សម្រាប់អ្នកវិនិយោគបរទេស និងអាជីវករក្នុងស្រុក ព្រោះថា វិស័យឯកជនគឺ ស្នូល យ៉ាងសំខាន់ សម្រាប់ការអភិវឌ្ឍវិស័យសេដ្ឋកិច្ចជាតិឲ្យមានការរីក ចម្រើន។ ឯកឧត្តមបានបញ្ជាក់ថា គម្រោងវាយតម្លៃលើផលប៉ះពាល់នៃលិខិត បទដ្ឋានគតិយុត្ត ត្រូវរៀបចំច្បាប់ និងលិខិតបទដ្ឋានឲ្យ បានល្អប្រសើរ នៅតាម ក្រសួង ស្ថាប័នរបស់រដ្ឋាភិបាល ដើម្បីធ្វើយ៉ាងណាឲ្យការរៀបចំតាក់តែងច្បាប់ នៅតាមក្រសួងនីមួយៗមានលក្ខណៈស៊ីគ្នា ប្រកបដោយស្ដង់ដារត្រឹមត្រូវ ចៀស វាងការជាន់មុខងារគ្នា ព្រមទាំងបង្កើតជាបញ្ហាទំនាស់ ដែលបង្កឲ្យប៉ះពាល់ ដល់អ្នកវិនិយោគទុនបរទេស និងអាជីវករ ក្នុងស្រុក នោះ។
ឯកឧត្តមរដ្ឋលេខាធិការលើកឡើងថា ក្នុងចំណោមក្រសួង ស្ថាប័នទាំង អស់ក្រសួងពាណិជ្ជកម្ម គឺជា ក្រសួង ដែលមានច្បាប់ច្រើនជាងបណ្ដាក្រសួង ផ្សេងៗទៀត ពិសេសពាក់ព័ន្ធនឹងវិស័យឯកជន ការវិនិយោគ ក្នុងស្រុក និងបរ ទេស ហើយនៅចុង ឆ្នាំ២០១៤នេះ ក្រសួងនឹងរៀបចំច្បាប់ចំនួន ៣បន្ថែមទៀត ទាក់ទងនឹងការការពារអ្នកប្រើប្រាស់ច្បាប់អ៊ីខុមឹស និងច្បាប់ប្រកួតប្រជែង ដើម្បី ផ្ដល់នូវទំនុកចិត្ដដល់អ្នកវិនិយោគ ពិសេសស្របតាមច្បាប់ស្ដង់ដារអាស៊ាន និង អន្ដរជាតិ។
ឯកឧត្តម យឹម ណុលសន អនុប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ និងជានាយក គម្រោង វាយតម្លៃលើផលប៉ះពាល់នៃលិខិតបទដ្ឋាន គតិយុត្តមានប្រសាសន៍ថា ការវាយតម្លៃ លើផល ប៉ះពាល់នៃ លិខិតបទដ្ឋានគតិ យុត្ត គឺជាការវិភាគមានលក្ខណៈជាប្រព័ន្ធលើសំណើប្បញ្ញត្ដិកម្ម ដែលជាឧប ករណ៍ និងវិធីសាស្រ្ដត្រូវបានប្រើប្រាស់សម្រាប់ការព្រាងសំណើប្បញ្ញត្ដិកម្ម ឲ្យប្រសើរឡើង ដោយផ្ដល់ ព័ត៌មាន អំពីបន្ទុកចំណាយ និងផលចំណេញឲ្យបាន ច្បាស់លាស់ ដើម្បីលើកកម្ពស់គោល នយោបាយ ប្រកួតប្រជែង ព្រមទាំងអភិ បាលកិច្ចល្អ។
ឯកឧត្តមបញ្ជាក់ថា បន្ទាប់ពីការវាយតម្លៃឃើញថា ការអនុវត្ដគម្រោងវាយ តម្លៃលើផលប៉ះពាល់ នៃលិខិត បទដ្ឋានគតិយុត្តក្នុងដំណាក់កាលសាកល្បងនេះ ទទួលជោគជ័យ រាជរដ្ឋាភិបាលគ្រោងនឹង រៀបចំសេចក្ដី ព្រាងអនុក្រឹត្យស្ដីពីការ ដាក់ឲ្យអនុវត្ដន៍នូវវិធីសាស្រ្ដ សម្រាប់វាយតម្លៃផលប៉ះពាល់នៃសំណើព្រាង ច្បាប់ និងលិខិតបទដ្ឋានគតិយុត្ត ដែលមានផលប៉ះពាល់ដល់ផ្នែកធុរកិច្ច និងវិនិ យោគនៅកម្ពុជា៕
ដោយ អ៊ុន រិទ្ធី
អគារចំនួន០២ខ្នងជាជំនួយឥតសំណងរបស់ជប៉ុនបានសាងសង់ ក្នុងមន្ទីរពេទ្យក្រុងព្រះសីហនុ
AKP ខេត្តព្រះសីហនុ ថ្ងៃទី២៩ ខែកក្កដា ឆ្នាំ២០១៤
អគារចំនួន០២ខ្នង ក្នុងបរិវេណ មន្ទីរពេទ្យ ក្រុងព្រះ សីហនុ ដែលជាជំ នួយឥតសំណងរបស់រដ្ឋាភិបាល និងប្រជាជនជប៉ុន បានបើកការដ្ឋានសាង សង់កាល ពីថ្ងៃទី២៩ ខែកក្កដា ឆ្នាំ២០១៤ ក្រោមអធិបតីភាពឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល និង ឯកឧត្តម គូម៉ាម៉ារូ យូជិ អគ្គរាជទូត វិសាមញ្ញ និងពេញសមត្ថភាព នៃប្រទេសជប៉ុន ប្រចាំនៅ ព្រះរាជា ណាចក្រ កម្ពុជា។
ឯកឧត្តម ម៉ម ប៊ុនហេង បានថ្លែងអំណរគុណចំពោះការផ្តល់ជំនួយនេះ ដោយមានប្រសាសន៍ថា សមិទ្ធផល នៃវិស័យសុខាភិបាលខេត្តព្រះសីហនុ ដែលទទួលការឧបត្ថម្ភគាំទ្រពីរដ្ឋាភិបាលជប៉ុន និងប្រជាជន ជប៉ុន នេះគឺជា សមិទ្ធផលថ្មីមួយទៀតរបស់ខេត្តនិយាយដោយឡែក និងនិយាយជារួមជា សមិទ្ធផលរបស់កម្ពុជា ដែលជានិច្ចកាលជប៉ុនតែងតែជួយឧបត្ថម្ភគាំទ្រដល់ ការអភិវឌ្ឍលើគ្រប់វិស័យតាំងពីដើមរៀងមក។
គម្រោងសាងសង់អគារ០២ខ្នង ស្ថិតក្នុងបរិវេណមន្ទីរពេទ្យបង្អែកខេត្ត ព្រះសីហនុនោះ រួមមានអគារ សម្រាប់អ្នកជំងឺសម្រាកព្យាបាលកម្ពស់០១ជាន់ និងអគាររដ្ឋបាលកម្ពស់០២ជាន់ ព្រមទាំងបំពាក់ សម្ភារ ឧបករណ៍ពេទ្យទំនើប ៗបន្ថែមទៀត។ ការសាងសង់អគារនៅលើផ្ទៃដីទំហំ៥ ១៨៥ ម៉ែត្រក្រឡានេះ ត្រូវចំណាយទឹកប្រាក់អស់ចំនួន១.៥៥៤.០០០.០០០យ៉េន ប្រហាក់ប្រហែល ស្មើនឹង១៥.៥៤០.០០០ដុល្លារ សហរដ្ឋអាមេរិក ដែលគម្រោងននឹងត្រូវបញ្ចប់ ក្នុងអំឡុងខែធ្នូ ឆ្នាំ២០១៥ ខាងមុខ។
ឯកឧត្តមរដ្ឋមន្រ្តីមានប្រសាសន៍ថា អគារមន្ទីរពេទ្យថ្មីនេះនឹងឆ្លើយតប យ៉ាងសំខាន់ទៅនឹងតម្រូវការចាំបាច់របស់ប្រជាជន និងស្របតាមយុទ្ធសាស្រ្តចតុកោណរបស់រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃប្រកប ដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្រ្តីនៃព្រះរាជាណាចក្រកម្ពុជា ។
ឯកឧត្តម គូម៉ាម៉ារូ យូជិ បានមានប្រសាសន៍ថា រដ្ឋាភិបាលជប៉ុនគាំទ្រ ដល់ការអភិវឌ្ឍសង្គមនៅកម្ពុជា ហើយការកែលម្អវិស័យសុខាភិបាលត្រូវ បានចាត់ទុកថា ជាវិស័យអាទិភាពខ្ពស់បំផុតមួយ។ សមិទ្ធផល ដែលជប៉ុន បានជួយក្នុងវិស័យសុខាភិបាល រួមមានជំនួយឥតសំណងសម្រាប់ការសាង សង់មជ្ឈមណ្ឌលជាតិគាំពារមាតា និងទារកនៅភ្នំពេញ ការសាងសង់ធ្វើឲ្យថ្មី ឡើងវិញសាលាបច្ចេកទេសថែទាំវេជ្ជសាស្រ្ត និងការសាងសង់មជ្ឈមណ្ឌល ជាតិកម្ចាត់ រោគរបេង និងហង់សិន។
ឯកឧត្តមទូតមានប្រសាសន៍ រាជរដ្ឋាភិបាលជប៉ុនក៏បានផ្តល់ផងដែរនូវ ជំនួយបច្ចេកទេស ដើម្បីអភិវឌ្ឍន៍ធនធានមនុស្សនៅក្នុងវិស័យសុខាភិបាល ដោយការបញ្ជូនអ្នកជំនាញការជប៉ុនមកកម្ពុជា និងការទទួលយកកម្មសិក្សាការី កម្ពុជាទៅបណ្តុះបណ្តាលនៅប្រទេសជប៉ុនជាដើម។ ឯកឧត្តមបានបន្ត ទៀតថា គម្រោងធ្វើឲ្យប្រសើរឡើងមន្ទីរពេទ្យបង្អែកខេត្តព្រះសីហនុផ្តល់ ហិរញ្ញប្បទានដោយជំនួយឥតសំណងរបស់រដ្ឋាភិបាលជប៉ុន គឺមានគោលបំ ណងកែលម្អធ្វើឲ្យប្រសើរឡើងនូវគុណភាពកម្រិតខ្ពស់ នៃសេវាកម្មសុខា ភិបាល និងប្រព័ន្ធបង្អែកនានានៅក្នុងតំបន់នេះ និងដើម្បីពង្រឹងសមត្ថភាព នៃ ការពិនិត្យ ការវិភាគជំងឺ និងការព្យាបាល គម្រោងសាងសង់អគារសម្ភព និងព្យាបាលរោគស្រ្តី អគារព្យាបាលជំងឺកុមារ អគារវះកាត់ និងជំងឺទូទៅបន្ទប់វះ កាត់ និងអគារសង្គ្រោះបន្ទាន់ និងថតឆ្លុះរូបភាព ដែលគម្រោងទាំងនេះក៏ផ្តល់ ជូនផងដែរនូវសម្ភារវេជ្ជសាស្ត្រ ដែលចាំបាច់ដើម្បីឲ្យមន្ទីរពេទ្យបង្អែកខេត្ត ព្រះសីហនុអាចផ្តល់សេវាកម្មវេជ្ជសាស្ត្របានល្អប្រសើរ ៕
ដោយ ងូ សុមុនី
អំណោយសង្រ្គោះបន្ទាន់បានចែកជូនគ្រួសាររងគ្រោះដោយអគ្គីភ័យ
AKP ភ្នំពេញ ថ្ងៃទី២៩ ខែកក្កដា ឆ្នាំ២០១៤
កាលពីល្ងាចថ្ងៃទី២៨ ខែកក្កដា ឆ្នាំ២០១៤ ឯកឧត្តម ប៉ា សុជាតិវង្ស អភិ បាលរាជធានីភ្នំពេញបានអញ្ជើញចុះទៅសួរសុខទុក្ខ និងនាំយកអំណោយ សង្គ្រោះ បន្ទាន់ ទៅចែកជូនដល់ប្រជាពលរដ្ឋ ដែលរងគ្រោះ ដោយអគ្គីភ័យនៅភូមិទ្រា២ សង្កាត់ស្ទឹងមានជ័យ ខណ្ឌមានជ័យ ចំនួន៦០ខ្នងផ្ទះស្មើនឹង១១៩គ្រួ សារ ដើម្បីជាការជួយ សម្រួលដល់ ការលំបាក របស់ប្រជាពលរដ្ឋទាំងនោះ។
ឯកឧត្តម ប៉ា សុជាតិវង្ស ក៏បានធ្វើការផ្ដាំផ្ញើឲ្យប្រជាពលរដ្ឋរងគ្រោះទាំង អស់ត្រូវចេះរួមសាមគ្គី និងជួយគ្នា ទៅវិញទៅមកក្នុងគ្រាលំបាកនេះ និងបានបញ្ជាក់ថា អំណោយទាំងនេះថ្វីត្បិតមានចំនួនតិចតួចពិតមែន ប៉ុន្តែនេះជា សន្តានចិត្ត ជាវប្បធម៌ចែករំលែករបស់អាជ្ញាធរដែនដីគ្រប់លំដាប់ថ្នាក់ ជា ពិសេសគឺ សាខាកាក បាទក្រហមរាជធានីភ្នំពេញ ដែលតែងតែចុះជួយដល់បងប្អូនជនរងគ្រោះ ដោយមិនប្រកាន់ និន្នាការ នយោបាយ និងអនុវត្តន៍តាម ទិសស្លោក ទីណាមានការលំបាក ទីនោះមានមុខកាកបាទក្រហមកម្ពុជា ចុះមកសួរសុខទុក្ខ និងនាំអំណោយសង្គ្រោះបន្ទាន់ចែកជូនដល់បងប្អូនប្រជា ពលរដ្ឋមិនដែលខានឡើយ។
ឯកឧត្តមអភិបាល ក៏បានអំពាវនាវដល់បងប្អូនប្រជាពលរដ្ឋឲ្យមានការ ប្រុងប្រយ័ត្នចំពោះភ្លើងចង្ក្រាន ទាន ធូប និងចរន្តភ្លើងអគ្គិសនីជាដើម ព្រោះវាងាយកើតឡើងនូវគ្រោះអគ្គីភ័យ ដែលបំផ្លិចបំផ្លាញផ្ទះ សម្បែង ទ្រព្យសម្បត្តិ ឯកជន និងសាធារណៈនោះ។
អំណោយដែលបានចែកជូនក្នុងឱកាសនោះ ក្នុងមួយគ្រួសារទទួលបានអង្ករ៣០គីឡូក្រាម តង់ចំនួន០១ និងថវិកា២២ម៉ឺនរៀល មី០១កេស ទឹកត្រី០១យួរ ទឹកស៊ីអ៊ីវ០១យួរ ត្រីខ ក្រមា មុង ភួយ ទឹកសុទ្ធ ឱរ៉ាល់០១កេស អំបិល ស្ករស ព្រមទាំងសម្ភារប្រើប្រាស់ជាច្រើនទៀត៕
ដោយ សួស សំរិត
សម្រេចតែងតាំងសមាសភាពគណៈកម្មាធិការជាតិសន្តិសុខអាកាសចរស៊ីវិល និងតម្រួតអាកាសយានដ្ឋានអន្តរជាតិ
AKP ភ្នំពេញថ្ងៃទី២៩ ខែកក្កដា ឆ្នាំ២០១៤
រាជរដ្ឋាភិបាលកម្ពុជា បាន សម្រេចតែងតាំងសមាសភាពគណៈកម្មាធិការ ជាតិសន្តិសុខអាកាសចរស៊ីវិល និងតែងតាំងសមាសភាពតម្រួតអាកាសយាន ដ្ឋានអន្តរជាតិ ដើម្បីគ្រប់គ្រងសន្តិសុខអាកាសចរស៊ីវិល នៃព្រះរាជាណាចក្រ កម្ពុជាឲ្យបានកាន់តែល្អប្រសើរនោះ។
យោងតាមសេចក្តីសម្រេច ដែលមាន៣ប្រការ ចុះថ្ងៃទី១៥ ខែកក្កដា ឆ្នាំ ២០១៤ ដែលបានចុះហត្ថលេខាដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចតែងតាំងឯកឧត្តម សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី ជា ប្រធានគណៈកម្មាធិការជាតិសន្តិសុខអាកាសចរស៊ីវិល ដែលមានអនុប្រធាន ចំនួន០៨រូប និងសមាជិកចំនួន១៦ រូបផងដែរ។
ចំណែកឯកឧត្តម សយ សុខាន់ អនុលេខាធិការដ្ឋានអាកាសចរស៊ីវិល ត្រូវបានតែងតាំងជាប្រធានតម្រួតអាកាសយានដ្ឋានអន្តរជាតិ ដែលមានអនុប្រ ធានចំនួន០២រូប និងសមាជិក និងសមាជិកប្រចាំការចំនួន០៥រូប។
ការតែងតំាំងតួនាទី និងភារកិច្ចនៃសមាសភាពគណៈកម្មាធិការជាតិនេះ គឺដើម្បីសម្រួលដល់ការគ្រប់គ្រង និងពង្រឹងនូវការអនុវត្តតាមសេចក្តីសម្រេច កាន់តែមានតម្លាភាព ក៏ដូចជាការរៀបរចនាសម្ព័ន្ធគ្រប់គ្រងឲ្យកាន់តែមានភាព ប្រសើរឡើងផងដែរ។
សេចក្តីសម្រេចនោះបានបញ្ជាក់ថា រដ្ឋមន្រ្តីទទួលបន្ទុកទីស្តីការគណៈរដ្ឋ មន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ រដ្ឋមន្រ្តីក្រសួងមហាផ្ទៃ រដ្ឋមន្រ្តីក្រ សួងការពារជាតិ រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ រដ្ឋ មន្រ្តីក្រសួងពាណិជ្ជកម្ម រដ្ឋមន្រ្តីក្រសួងទេសចរណ៍ រដ្ឋមន្រ្តីក្រសួងកសិកម្ម រុក្ខា ប្រមាញ់ និងនេសាទ រដ្ឋមន្រ្តីក្រសួងសាធារណការ និងដឹកជញ្ជូន រដ្ឋមន្រ្តីក្រសួង សុខាភិបាល រដ្ឋលេខាធិការ នៃរដ្ឋលេខាធិការដ្ឋានអាកាសចរស៊ីវិល រដ្ឋមន្រ្តីគ្រប់ក្រសួងនិងប្រធានគ្រប់ស្ថាប័ន ដែលពាក់ព័ន្ធ អភិបាល នៃគណៈអភិបាលរាជ ធានី ខេត្ត ក្រុមហ៊ុនសម្បទានអាកាសយានដ្ឋាន ក្រុមហ៊ុនគ្រប់គ្រងសេវាកម្មចរា ចរដែនអាកាស ព្រមទាំងសាមីខ្លួន ដូចមានចែងក្នុងប្រការ១ ត្រូវទទួលបន្ទុកអនុ វត្តន៍សេចក្តី សម្រេចនេះតាមភារកិច្ចរៀងៗខ្លួនចាប់ពីថ្ងៃចុះហត្ថលេខានេះតទៅ ៕
ដោយ សុខ វិចិត្រ
បង្កើតក្រុមការងារសម្របសម្រួលការវាយតម្លៃហេតុប៉ះពាល់បរិស្ថាន
AKP ភ្នំពេញថ្ងៃ២៩ ខែកក្កដា ឆ្នាំ២០១៤
ក្រសួងបរិស្ថាន បានសម្រេចបង្កើតក្រុមការងារសម្របសម្រួលការវាយ តម្លៃហេតុប៉ះពាល់បរិស្ថាន (ស.វ.ហ.ស្ថ) សំដៅបង្កើនប្រសិទ្ធភាពការងាររបស់ ក្រសួងបរិស្ថាននោះ។
យោងតាមសេចក្តីសម្រេចមាន៧ប្រការ ចុះថ្ងៃ១០ ខែកក្កដា ឆ្នាំ២០១៤ ដែលបានចុះហត្ថលេខាដោយឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានឲ្យដឹងថា ក្រុមការងារសម្របសម្រួលការវាយតម្លៃហេតុប៉ះពាល់បរិស្ថាន មានភារកិច្ច ពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិ ស្ថាន និងសង្គមរបស់គម្រោងដែលស្នើឡើង និងសកម្មភាពអភិវឌ្ឍន៍នានារបស់ ឯកជន ឬ សាធារណៈដែលមានស្រាប់ និងកំពុងដំណើរការបន្ទាប់ពីនាយកដ្ឋាន អង្កេត ពិនិត្យការវាយតម្លៃហេតុប៉ះពាល់បរិស្ថានបានពនិត្យនិងផ្តល់យោបល់ រួច។ ផ្តល់យោបល់ជាលាយលក្ខណ៍អក្សរជូនម្ចាស់គម្រោង ដើម្បីកែសម្រួលលើ របាយការណ៍វាយតម្លៃហេតុប៉ះពាល់បរិស្ថាន និងសង្គម។ ផ្តល់ការយល់ព្រម ឬការបដិសេធលើរបាយការណ៍វាយតម្លៃហេតុប៉ះពាល់បរិស្ថាន និងសង្គម។ រាយការណ៍ជូនរដ្ឋមន្ត្រីក្រសួងបរិស្ថានផ្ទាល់ អំពីលទ្ធផលនៃកិច្ចប្រជុំអន្តរនាយក ដ្ឋាន និងអន្តរក្រសួង ដើម្បីមានមូលដ្ឋានសម្រេចឯកភាពលើរបាយការណ៍វាយ តម្លៃហេតុប៉ះពាល់បរិស្ថាន និងសង្គម។ ត្រួតពិនិត្យលើការអនុវត្តគម្រោង ដែល បានអនុម័តលើរបាយកាណ៍វាយតម្លៃហេតុប៉ះពាល់បរិស្ថាន និងសង្គម។ អនុ វត្តន៍ការងារផ្សេងៗទៀតដែលរដ្ឋមន្ត្រីប្រគល់ជូន ។
នាយកដ្ឋានអង្កេត ពិនិត្យការវាយតម្លៃហេតុប៉ះពាល់បរិស្ថាន ជាសេនាធិ ការដ្ឋានរបស់ (ស.វ.ហ.ស្ថ) ដែលមានតួនាទីសម្របសម្រួល និងផ្តល់នូវកិច្ច គំាពារខាងរដ្ឋបាល និងបចេ្ចកទេសនានា អនុលោមតាមលិខិតបទដ្ឋានគតិយុត្ត ជាធរមាន។ នាយដ្ឋានអង្កេត ពិនិត្យការវាយតម្លៃហេតុប៉ះពាល់បរិស្ថានត្រូវ ទទួលអនុវត្តន៍ភារកិច្ចខ្លួនទៅតាមគោលការណ៍បច្ចេកទេស រួមមានការចំណាត់ ថ្នាក់គម្រោង ការកំណត់វិសាលភាពគម្រោង ការកំណត់លក្ខខណ្ឌការងារ គម្រោងការពិនិត្យរបាយការណ៍វាយតម្លៃហេតុប៉ះពាល់បរិស្ថាន និងសង្គម ការ អង្កេតការគម្រោង និងចូលរួមជាសាធារណៈជាដើម៕
ដោយ សុខ វិចិត្រ
ឯកឧត្តម ជា សុផារ៉ា កត់សម្គាល់ពីលទ្ធផលនៃគម្រោងស្តារ ការខូចខាតដោយព្យុះកេតសាណា
AKP ខេត្តសៀមរាប ថ្ងៃទី២៩ ខែកក្កដា ឆ្នាំ២០១៤
នៅក្នុងសិក្ខាសាលាបូកសរុប និងផ្សព្វផ្សាយ លទ្ធផល ការងារគម្រោង ស្តារឡើងវិញនូវហេដ្ឋារចនាសម័្ពន្ធ ដែលខូចខាត ដោយព្យុះ កេតសាណា នៅសណ្ឋាគារ សុខាអង្គរខេត្តសៀមរាប កាលពីរសៀលថ្ងៃទី២៨ ខែកក្កដាឆ្នាំ២០១៤ ឯកឧត្តម ជា សុផារ៉ា រដ្ឋមន្ត្រី ក្រសួង អភិវឌ្ឍន៍ជនបទ បានថ្លែងថា ការអភិវឌ្ឍហេដ្ឋារចនាសម្ព័ន្ធផ្សារភ្ជាប់រវាងជនបទ និងទីប្រជុំជន គឺសំដៅ ធ្វើយ៉ាងណាឲ្យជនបទទទួលបានផលចំណេញពីសក្តានុពលសេដ្ឋកិច្ច សង្គមពេញបរិបូណ៌។
ឯកឧត្តមរដ្ឋមន្រ្តីមានប្រសាសន៍ថា តាមរយៈការចុះត្រួតពិនិត្យជាមួយក្រុមបេសកកម្មធនាគារ ពិភពលោក ក្រុមទីប្រឹក្សា អាជ្ញាធរមូលដ្ឋានទៅលើសមិទ្ធ ផលគម្រោង នៃបណ្តាខេត្តទាំង៧បានធ្វើ ឲ្យប្រជាពលរដ្ឋ មានការអបអរសាទរ និងពេញចិត្តចំពោះគុណភាពសំណង់ ដែលសាងសង់ឡើងតាមបទដ្ឋានបច្ចេក ទេសត្រឹមត្រូវ ជាការចូលរួមចំណែកកាត់បន្ថយភាពក្រីក្រ តាមរយៈការតភ្ជាប់ពីតំបន់មួយទៅតំបន់មួយ ពីទីក្រុងទៅទីជនបទ ដែលបង្កលក្ខណៈងាយស្រួលដល់ប្រជាពលរដ្ឋបង្កើននូវមុខរបរថ្មី សំខាន់គឺស្ត្រីមេផ្ទះ និងការធ្វើចំណាក ស្រុក។ ឯកឧត្តម ជា សុផារ៉ា បានថ្លែងឡើងថា ក្រសួងអភិវឌ្ឍន៍ជនបទកំពុងដើរ តួនាទីនៅក្នុងបេសកកម្មរបស់រាជរដ្ឋាភិបាល ដើម្បីចូលរួមចំណែកក្នុងសកម្ម ភាពអភិវឌ្ឍជាតិ និងកាត់ បន្ថយភាពក្រីក្ររបស់ប្រជាជន ស្របតាមយុទ្ធសាស្ត្រចតុកោណ ដំណាក់កាល ទី៣របស់ រាជរដ្ឋា ភិបាល កម្ពុជា។
ឯកឧត្តម ជា សុផារ៉ា ក៏បានគូសបញ្ជាក់ថា ផ្លូវលំជនបទ ផ្លូវក្រួសក្រហមមួយ ចំនួនត្រូវបានប្រែក្លាយ ទៅជាផ្លូវចាក់ក្រាលកៅស៊ូ និងបេតុង ដើម្បីកាត់ បន្ថយផលប៉ះពាល់ដល់បរិស្ថានរស់នៅរបស់ប្រជាពលរដ្ឋ ទាំងអនាម័យសុខ ភាព និងចំណេញការចំណាយថវិកាព្យាបាលជំងឺ និងកាត់បន្ថយពេលវេលាធ្វើ ដំណើរ ព្រមទាំងសម្រួលដល់ការដឹកជញ្ជូនកសិផលរបស់បងប្អូនទៅកាន់ទី ផ្សារ និងកាត់បន្ថយអត្រាបោះ បង់ចោលការសិក្សារបស់សិស្ស ចូលរួមលើក ស្ទួយវិស័យទេសចរណ៍ និងមានទឹកស្អាតប្រើប្រាស់ ធ្វើឲ្យសុខភាពរឹងមាំទៀត ផង។ ឯកឧត្តមរដ្ឋមន្រ្តីបានបន្តទៀតថា សមិទ្ធផល ដែលលេចចេញជារូបរាង ទាំងនេះ ជាចក្ខុវិស័យយូរអង្វែងរបស់រាជរដ្ឋាភិបាលផ្តល់ជូនប្រជាពលរដ្ឋនៅទី ជនបទនូវឱកាសស្មើៗគ្នា។ ឯកឧត្តម ក៏បានធ្វើការផ្តាំផ្ញើដល់សិក្ខាកាមទាំងអស់ត្រូវយកបទពិសោធន៍ អនុសាសន៍ល្អៗ ដែលកើតឡើង ពីអង្គសិក្ខាសាលានេះទៅអនុវត្តន៍ ហើយក្រសួងក៏មានសង្ឃឹមថានឹងទទួលបាន នូវហិរញ្ញប្បទាន ពីដៃគូ អភិវឌ្ឍន៍ ដើម្បីអនុវត្តន៍គម្រោងថ្មីៗនៅពេលអនាគតបន្តទៀត។
ឯកឧត្តម សួស គង់ រដ្ឋលេខាធិការក្រសួងអភិវឌ្ឍន៍ជនបទបានគូសបញ្ជាក់ថា ក្រោមកិច្ចសហប្រតិបត្តិការ រវាងធនាគារពិភពលោក និងរាជរដ្ឋាភិ បាលកម្ពុជានៅក្នុងខេត្តគោលដៅចំនួន០៧គឺខេត្តកំពង់ធំ សៀមរាប បន្ទាយ មានជ័យ បាត់ដំបង កំពង់ឆ្នាំង កំពង់ចាម និងខេត្តត្បូងឃ្មុំ សម្រាប់រយៈពេល៤ឆ្នាំចាប់ពីខែវិច្ឆិកា ឆ្នាំ២០១០ ដល់ថ្ងៃទី៣១ ខែកក្កដា ឆ្នាំ២០១៤ ដើម្បីស្តារឡើង វិញនូវហេដ្ឋារចនា សម្ព័ន្ធខូចខាត ដោយព្យុះ កេតសាណា ដែលកើតឡើងឆ្នាំ២០០៩ លទ្ធផលសម្រេចបានជូនប្រជាពលរដ្ឋនៅ តាមជនបទរួម មានផ្លូវប្រវែង ៦១៥ គីឡូម៉ែត្រ ក្នុងនោះផ្លូវក្រាលកៅស៊ូប្រភេទ SBST ប្រវែង២៩២,១៧ គីឡូ ម៉ែត្រ ផ្លូវបេតុងប្រវែង៣.១០០ គីឡូម៉ែត្រ និងសំណង់សិល្បការ មានស្ពាន លូប្រអប់ លូមូល ព្រមទាំងបាន ផ្តល់អណ្តូងទឹកស្អាត១.៣២៩ អណ្តូង និងបង្គន់អនាម័យចំនួន១៨.៤៦៥បង្គន់ ។
ឯកឧត្តម ហែម វណ្ណឌី អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានគូសបញ្ជាក់ថា កិច្ចព្រមព្រៀងហិរញ្ញប្បទានសហប្រតិបត្តិការសម្រាប់គម្រោងស្តារឡើងវិញនូវហេដ្ឋារចនាសម្ព័ន្ធ ដែលខូចខាតដោយព្យុះកេតសាណា មានទឹកប្រាក់សរុបប្រមាណ៤០លានដុល្លារ ក្នុងនោះ ២០លានដុល្លារជាឥណ- ទានសម្បទាន និង២០លានដុល្លារទៀតជាហិរញ្ញប្បទានឥតសំណង៕
ដោយ ជ័យ ភូមិពល
.jpg)
រដ្ឋមន្រ្តីក្រសួងព័ត៌មានប្រគល់រង្វាន់ជ័យលាភីដល់បេក្ខជន បេក្ខនារី ជាប់ចំណាត់ថ្នាក់ក្នុងកម្មវិធីស្តាប់ចម្រៀងខ្ញុំ
AKP ភ្នំពេញ ថ្ងៃទី២៨ ខែកក្កដា ឆ្នាំ២០១៤
កម្មវិធីស្តាប់ចម្រៀងខ្ញុំ «Hear My Song» រៀបចំឡើងដោយក្រុមហ៊ុន សប្បាយ ដែលជាកម្មវិធីស្វែងរកយុវវ័យ ដែលមានទេពកោសល្យក្នុងការតែង និពន្ធបទភ្លេង និងចម្រៀងថ្មីៗដោយខ្លួនឯងបានបញ្ចប់ក្រោយពីដំណើរការអស់ រយៈពេល៥ខែកន្លងមកនិងរៀបចំពិធីប្រគល់រង្វាន់ជ័យលាភីជាប់ចំណាត់ថ្នាក់ នាយប់ថ្ងៃទី២៧ ខែកក្កដា ឆ្នាំ២០១៤ នៅមជ្ឈមណ្ឌលកោះពេជ្រ ក្រោមអធិបតី ភាពឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន និងលោកជំទាវ ភឿង សក្ខណា រដ្ឋមន្រ្តីក្រសួងវប្បធម៌ និងវិចិត្រសិល្បៈ ។
លោក ជី សិលា ប្រធានក្រុមហ៊ុនសប្បាយបានឲ្យដឹងថា កម្មវិធីស្តាប់ ចម្រៀងខ្ញុំ មានបេក្ខជន បេក្ខនារី ដាក់ពាក្យសុំចូលប្រកួតប្រជែងចំនួន៥០រូប ហើយរហូតដល់វគ្គចុងក្រោយនេះ ជម្រុះសល់តែ១០រូបប៉ុណ្ណោះ ដើម្បីប្រកួតបន្ត ជ្រើសរើសយកលេខ១ដល់លេខ៣ ហើយកម្មវិធីនេះរៀបចំឡើងក្នុងគោលបំ ណងជ្រើសរើសយុវវ័យមានទេពកោសល្យ ក្នុងការតាក់តែងនិពន្ធបទភ្លេង និង ចម្រៀងថ្មី ដោយមិនយកតាមលំនាំបទចាស់ ក៏ដូចជាការលើកទឹកចិត្តចំពោះ អ្នកនិពន្ធវ័យក្មេងជាយុវជនខ្មែរ ចេះនិពន្ធបទភ្លេង និងចម្រៀងដោយខ្លួនឯងឲ្យ បានកាន់តែច្រើន ដើម្បីកាត់បន្ថយការចម្លងបទភ្លេងពីបរទេស និងលើកកម្ពស់ វិស័យសិល្បៈ និងវប្បធម៌ខ្មែរឲ្យកាន់តែរឹងមាំ។
ឯកឧត្តម ខៀវ កាញារីទ្ធ បានកោតសរសើរចំពោះការរៀបចំកម្មវិធីនេះ ឡើង ដើម្បីផ្តល់ឱកាសដល់យុវជនខ្មែរ ដែលមានទេពកោសល្យបញ្ចេញស្នាដៃ ក្នុងការតាក់តែងនិពន្ធបទភ្លេង និងចម្រៀងដោយខ្លួនឯង មិនចម្លងស្នាដៃរបស់ គេ។ ឯកឧត្តមរដ្ឋមន្រ្តីបានរំលឹកថា កន្លងមកក្រសួងព័ត៌មានបានរៀបចំមហោ ស្រពតន្រ្តីចម្រៀងសម័យថ្នាក់ជាតិពីរលើករួចមកហើយ ប៉ុន្តែការតែងនិពន្ធបទ ភ្លេង និងចម្រៀងនោះគឺពួកគាត់នៅតែចេញមិនផុតពីលំនាំរបស់ម្ចាស់សំឡេង មាស លោក ស៊ីន ស៊ីសាមុត លោក សុះ ម៉ាត់ អ្នកស្រី រស់ សេរីសុទ្ធា និងបណ្តា អ្នកនិពន្ធជើងចាស់ជាច្រើនទៀត ក្នុងសម័យទសវត្សរ៍ទី៦០ ដែលជាបទចម្រៀង មួយសម្រាប់តែវ័យចំណាស់ ខុសពីការរៀបចំរបស់កម្មវិធីស្តាប់ចម្រៀងខ្ញុំ ដែល ការនិពន្ធបទភ្លេង និងចម្រៀងសម្រាប់យុវវ័យ។ ឯកឧត្តមរដ្ឋមន្រ្តីបានបញ្ជាក់ថា ក្រសួងព័ត៌មាន និងទូរទស្សន៍ជាតិនឹងធ្វើការពិនិត្យ និងជ្រើសរើសបេក្ខជន បេក្ខ នារីជាប់ចំណាត់ថ្នាក់ និងបេក្ខជន បេក្ខនារីណា ដែលមានស្នាដៃល្អយកមកថត ជាចម្រៀងចាក់ផ្សាយនៅទូរទស្សន៍ជាតិកម្ពុជា ឬក៏មានក្រុមហ៊ុនថតចម្រៀង ណាចង់ទិញស្នាដៃបទចម្រៀងទាំងនោះយកទៅថតក្នុងផលិតកម្មរបស់ខ្លួន ក៏ បាន ដើម្បីឆ្លើយតបទៅនឹងទីផ្សារចម្រៀងដែលកំពុងរីកចម្រើន។
បេក្ខជន បេក្ខនារីទាំង១០រូប ដែលបានជ្រើសរើសមកប្រកួតប្រជែងនៅវគ្គ ចុងក្រោយនេះត្រូវបញ្ចេញសមត្ថភាពរបស់ខ្លួន តាមរយៈការច្រៀងផ្ទាល់នៅលើ ឆាក ហើយផ្តល់ពិន្ទុតាមរយៈការបោះឆ្នោតមាន៣លក្ខខណ្ឌ គឺទី១ការបោះ ឆ្នោតពីមហាជន៤០% ទី២តាមរយៈការផ្តល់ពិន្ទុពីគណៈកម្មការចំនួន៤រូប ៣០% និងទី៣ ការផ្តល់ពិន្ទុរវាងបេក្ខជន បេក្ខនារីទាំង១០រូបទៅវិញទៅមក៣០%៕
ដោយ ហ៊ុន យុទ្ធគុណ
Subscribe to:
Posts (Atom)